رواية ولدك يا بلادي الحلقة الثامنه .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة الثامنه .. روايات صفاء روايات ليبيه

رواية ولدك يا بلادي الحلقة الثامنه .. روايات صفاء روايات ليبيه

#ولدك_يابلادي

الحلقــــــــــ(8)ـــــــة


الشرطي …… وجهه سلاحة عليه قعمز عالارض ويديك فوق
امحمد …… شن شن 😳خيركم شن داير
الشرطي ……هذا منظم لتنظيم الدولة ياحاج انزل انبطح
صديق ….. 😳 حطيت يديه فوق دولة شن وتنظيم شن
فرج …. شن تقول هذا ولد خوي واليوم فاتحته ماعنده علاقة بحد وراجل في حاله
الكل ….. ايه ايه صديق ولدنا ومايدير شيء غلط
الشرطة …. ضربوا رصاص في الهواء كل واحد يوقف في مكانه وشدوا صديق خدوه وطلعوا 💔

~~~~~~~~~~~~~~~~~~~~~~~~~~~~

اعتدال …. فتحت الدرج ندور في حبوب صداع قابلوني هلبا انواع 💔😭 للحظه فقدت السيطرة على نفسي وبديت ناخد في حبوب الصداع وراء بعض وحده اثنين. ثلاثة اربعة خمسة بعدها كمشة مع بعض 💔🥺 وقتها كنت نبي الالم يوقف ونرتاح بس مش مهم الطريقة ، مشيت للمطبخ بندير قهوة ولعت الغاز قربت يدي صهدتها النار شوية 😳 في اللحظة هذه بس فقت بيلي درته انى واكله حبوب 💔 بعد شوية بنموت !!! وكان متت توا معنها بنخش النار اعتدال انتِ مقدرتيش تتحملي حرقة غاز بسيطة بتخشي النار 😭 خشيت للحمام قعدت نحاول نستفرغ نحط في صبعي في فمي 😷 بلا فايدة طلعت بسرعة دورت تلفوني بمن بنتصل توا ، اياد اكيد قاعد مش معاهم اتصلت بيه
اياد ……😒 الو
اعتدال ….. وين انت 🥺
اياد ….. في الحوش خيرك !
اعتدال ….. انى قاعده بروحي في الحوش وحسيت بصداع خديت حبوب 💔
اياد ….. 🙄 باهي وكان هذا 🤷🏻‍♂️ شن تبينى نجيبلك اميه !!! …..😳 حبوب !!! كم حبه خديتي
اعتدال …..😭 نضت نبكي مش عارفه هلبا يااياد هلبا
اياد ….. وقفت وجيت طالع ، كم ليك واختيهم ؟؟
اعتدال ….. 10 دقائق ممكن
اياد ….. انى جاي اجري لباب الحوش افتحيه حتى لو صارلك شيء نلقاه مفتوح وطلعت نجري

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

صابرين …… حطي شوية مكياج عالاقل معقولة هكي وعيونك منفخات بالبكاء
افنان …… ربي يهديك ياحور
امحمد ….. روح وجهه اسود
جميلة….. شن فيه مسرع قرتوها
البنات …… طلعوا
امحمد …… صديق خداته الشرطة قبل مانخشوا
حور …… 😳 علاش خيره شن داير
امحمد ….. موضوع كبير يستر الله توا خل نغير ونمشوا نشفوا شن صاير
افنان ……😳 لا ياربي لا 😭😭 قعمزت على حاشية الجلسة وبديت نبكي بشكل هستيري
دانية……😳 خيرك ! اكيد ملخبطين في الموضوع صديق مايدير شيء
افنان …….😭😭😭😭💔
حور ……😭
صابرين….. يابنات مش هكي خيركم

~~~~~~~~~~~~~~~~~~~~~~~~~~~~

اياد …… وصلت دفيت الباب وخشيت اعتدال !!!!
اعتدال …… طلعت من الحمام مقدرتش نستفرغ 💔😭
اياد …… وين المطبخ ؟؟؟؟
اعتدال ….. اشرتله بيدي
اياد ….. نفتح في الدوليب بسرعة لين لقيت الزيت خديته ومشيتلها خشيت معها للحمام اشربي
اعتدال ….. الزيت !!!!!!!
اياد …… ايه بسرررررررعه اشربي كمية كبيرة باش تستفرغي طول
اعتدال …… اعععععع😷 فعلا اول ماشربت منه مقدرتش نتحمل واستفرغت طول
اياد ……😷 اععع شن القرف هذا حوايجي الزفت
اعتدال ….. قعدت مطبسة ونكح
اياد ….. قربت منها شديت شعرها بيدي من الخلف هضم هم الحبوب والا مازال
اعتدال ….. اضني هضم هم
اياد …… شديتها من خصوها قربتها للحوض بليت يدي بالمية وقعدت نمسحلها في وجهه تعالي معاي طلعتها
اعتدال …… شكلي شربت هلبا زيت 💔 وليا ايام مش واكله استفرغت لين روحي بتطلع دخت واقفه بالسيف خشيت للدار قعمزت على السرير
اياد ….. غيري حوايجك حتى تصيرلك حاجه نرفعك نظيفة ههههه
اعتدال ….. ابتسمت ، باهي
اياد ….. مدتلها طاسة امية توا اشربي هلبا امية حتى لو قاعد الدواء مايعطيش مفعول قوي
اعتدال ….. خديت منه الطاسة
اياد ….. توا نجي وطلعت للمطبخ دورت لين لقيت اكياس للكناسة وفوط تنشيف خديتهم ومشيت للحمام اوووف 😷 طلعت خديت وشاح محطوط في الصالة ربطة على فمي وغشمي زي الكمامة 🙄😂 ولبست كيسات في يديه باش مانمس شيء وقعدت نقيم في فراشات الحمام بالمكنسة ونحط في الكيس وبعدها نمسح بالفوط بالمكنسة ونحط في الكيس لين حولت كل شيء بعدها حطيت كلور وزيقته ولوحت حتى الوشاح 🤦🏻‍♂️ والاكياس في الكيس الكبير وربطة ورجعتلها
اعتدال ….. بديت نرعش معرفتش هبوط والا خوف والا حبوب قاعدين في جسمي
اياد ….. قاعده في مكانك ؟؟؟ وفتحت الدولاب وين حوايجك طلعت سروال جينز وتشرت ابيض كم البسي
اعتدال …… ننهض في يدي بالسيف
اياد ….. هاتي نساعدك فتحت توب التوته يلي لابساته 🤦🏻‍♂️ ياربي شن الاختبار يلي انى فيه ، مش اول مره نشوف بنت لابسه هكي بالاصح هذا الوضع العادي يلى عشت فيه شن صارلي توا ، قعدت نشوف فوق على اساس مانشوفلهاش وعيوني ينزلوا علها بروحهم
اعتدال ….. جبدت منه التشرت لبسته ،. اطلع توا نكمل
اياد …. تمام

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

حمزة….. شن صار
أوس ….. شيء 💔 خدوه زي ماطلبت بس فيه حاجه
حمزة…. شن ؟ زي ماتفهمنا وله حجز بس ماحد يمسه وماحد يحقق معاه
أوس ….. من الناحية هذه تمام هم يبوا يخدموك بس ، كله قالوا اوكي ، لكن اليوم كانت فاتحته خدوه قبل مايقرها
حمزة……😳 ومدام عارف انه اليوم فاتحته علاش مااجلتش
أوس ….. هم ماقالوش امته ماشين كلموني بعد ماخدوه
حمزة …… مش مشكلة يختبرها من توا بتوقف معاه في الظروف الصعبة والا بتفوته
أوس ……. ههههه هو هذا

~~~~~~~~~~~~~~~~~~~~~~~~~~~~

ايوب ….. كنت معزوم عالفاتحة وصلت متأخر لقيت الناس تحكي في القصة ، ركبت ومشيت للحوش
جميلة….. فتحت الباب نعم ؟؟
ايوب …… السلام عليكم انى ايوب
جميلة….. اهلين وليدي والله ماعرفتك ، الحاج طلع
ايوب …… شن صاير انى وصلت مافهمت شيء من الناس قلت نجي هنى نشوفكم
جميلة…… عين وصابتهم 😢 رفعوا صديق
ايوب …… لاحول ولاقوة الا بالله ، توا يلي ماخاطراش في حد يتهمه بتهمة زي هذه
جميلة….. خش للمربوعة انت مش براني توا
ايوب ……. بنمشي نشوفهم بالك يبوا حاجه في المركز بس لو فيه امكانية ناديلي افنان شوية
جميلة…… حاضر هي وخشت
افنان ……. حاضنه حور ونبكي 😭
جميلة…… افنان ايوب برا
افنان ……😳 ايوب
جميلة…… البسي عبايتك واطلعي
افنان …… خفت وفكرت انه ممكن يكون عارفه حاجه على حمزة خشيت خديت عباية ووشاح لبستهم وطلعت

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

اعتدال …… لبست وطلعت شكرا اياد بجد
اياد ….. حالك باهي ؟؟؟
اعتدال…. ايه كويس لحظه بس نغسل وجهي نصحصح وخشيت للحمام 😳 تفأجات بصراحة كيف نظيف وريحته تهبل غسلت وجهي وطلعت بجد شكرا وسامحني اياد نظفت الحمام ؟؟
اياد ….. قلت يجي حد
اعتدال ….. الفراشات وين درتهم
اياد …… في القاربج
اعتدال …..😳 نهااااارك لوحتهم؟؟؟
اياد …… املاه شن تبينى نغسلهم على يدي ؟؟؟ طبعا لوحتهم احمدي ربك حتى على هكي
اعتدال ….. امي ح تقتلني شن نقوللها لما تسأل 🤦🏻‍♀️
اياد ….. اشرتلها عالكيسة هونا قدامك طلعيهم 😒 ودق الباب
اعتدال ……😳 حيييي حد جي يشوفك هنى
اياد …… وكان هذا ؟
اعتدال ….. يفهم غلط القصة مش ناقصة خش خش انت لداري شوية بس نشوف من ونطلعك
اياد …… اوووف وخشيت
اعتدال ….. فتحت
ولد صابرين ……😳 ماتعرفيش شن صار خالي صديق جت الشرطة خداته قبل مايتزوج وكلهم يبكوا عليه
اعتدال …….😳 صديق 💔 خديت بدلة الصلاة لبستها وطلعت معاه طول نجري
اياد ….. سمعت كلامهم وخبطت الباب 🤷🏻‍♂️💔 نستنى بكل لدرجة ماخشتش حتى قالت اطلع بعد مانطلع ، طلعت خديت الكيسة في يدي ومشيت

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

افنان …… طلعت ايوب 🥺
ايوب …… افنان شن صاير خيره ولد عمك
افنان …… خيره اتهام باطل صديق مادخله في شيء
ايوب …… مرات عنده صحاب هم ورطوه
افنان …… مستحيل حمزة اكيد حمزة هو يلي دارها
ايوب …… لالا ، صح هو يدير في يلي يبيه لكن مش للدرجة هذه
افنان …… انى متاكده 😢
ايوب ….. شن دخل صديق في الموضع يلي بينا يقدر يأديني انى طول
افنان …… سكتت 💔
ايوب ……. ماتخافيش وماتزعليش روحك نلقوه حل
افنان …. ان شاء الله
ايوب …… خل نمشي نشوفهم توا وطلعت

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

اعتدال….. خشيت 💔😢 صديق علاش رفعوه خيره
صابرين …… متهمينه انه خاش لداعش والا تنظيم الدولة والا شن
اعتدال ……😳 صديق ؟؟؟؟؟
حور ……😭😭😭😭😭
دانية…… اشبح من تبله عليه
اعتدال ….. 🤷🏻‍♀️ تفضلي شن صار قبل الفاتحة بساعة ان شاءالله تكون اشارة باش تبعدي عليه
صابرين ….. اعتدااااااال 😳
حور ……. 😭😭 ياريته قعد بس حتى لوحني عادي مش نخصره هكي
افنان …… خشيت جنبهم وانى مقهوره من حمزة يلي ينفذ في تهديده ليه ،، فاتوا ساعات نكد بعدها خشوا بابا وعمي فرج
حور ….. وقفت نمسح في دموعي شن صار وين صديق 🥺؟
امحمد ….. ربي يفرج يابنتي القصة كبيرة 💔
افنان ….. شن معنها
فرج …… من الاخير الشرطي قال حتى سؤلكم عليه يورطكم اصحاب الاتهامات يلي زي هذه حتى سؤال معادش يسألوا عليهم
اعتدال ……😳😳 كيف كيف صديق مادار شيء حنى كلنا عارفين
فرج ……. عارف لكن هذا موضوع كبير يستر الله وخلاص لا خلو محامي يخش لا نعرفوا وين رفعوه لا وين محبوس لا حي ولا ميت 🤷🏻‍♂️ شيء مايعطوش حتى معلومه
حور …… دخت وطحت وين سمعت كلمة لاحي لا ميت 💔
دانية ……😳
جميلة…… جت تجري قامتها هي ونعيمة وقعدوا يفيقوا فيها
افنان …… حطيت يديه على وجهي وقعدت نبكي بقوة
صابرين …… افنااااان هذه انتِ العاقلة فيهم خيرك اللطف
دانية …… افنان افنااااان تعالي
افنان …… نضت خشيت للدار شن ؟؟
دانية ……. مدتلها التلفون فيه واحد اسمه حمزة متصل يبيك ؟؟؟؟؟ 😒 لمن عاطية رقمي
افنان ….. حمزة!!!!!
دانية……. ايه عالخط شدي
افنان …… تمام اطلعي 💔
دانية ….. شن تلبزي انتِ من هذا ؟
افنان …… دفيتها غر اطلعي توا وصكرت الباب 💔 وخديت التلفون ورديت ، حمزة
حمزة….. نبرة صوتها وهي تقول في اسمي اجمل من اي سيمفونية ممكن تسمعه ❤️
افنان ……. الو معاي ؟؟؟
حمزة …… (( في صوتهِ ذابَ الجمالُ عذوبةً
لله درُّ الصــوتِ مــــا أحـــلاهُ
لولا مخافـــة أن يُقـــال بأنني
بالغتُ في وصفِ الذي أهواهُ
لحلفتُ قد خُلقَ الكلامُ لأجلـهِ
والصمتُ حكـمٌ واجبٌ لسواهُ ))
افنان ….. 😒 رايق يعنى وتقول حتى في قصائد ؟؟؟؟
حمزة ….. الكلام يطلع بروحه لما نسمع صوتك
افنان …… صديق شن دنبا 💔🥺 حور شن دنبها حمزة بجد بجد انى تعبت والله وضع العيلة كلهم مأساوي
حمزة …… شن نقدر ندير على شانك
افنان ……. طلعه زي مادخلته !!!!! ارجوك 🥺
حمزة…….💔 تنهدت افنان الحل في يدك
افنان ……. 😠 يامخلوق يابنى ادم افهم وكان تجتمع الشمس والقمر في نفس الوقت انى وانت لا لا لاااااااا
حمزة…… ماتقوليش كلام كبير زي هذا ماتندريش شن يصير
افنان …… نكرهك نكرهك وحسبي الله ونعم الوكيل فيك ، تلفون اختى معادش تتصل بيه 😡
حمزة…… المره الجاية بنتصل بتلفون امك لهذا افتحي تلفونك
افنان …… مبردك الزفت وصكرت في وجهه ، نضت مسحت دموعي وفتحت الباب مشيت للصالة لقيت البنات بس وين العيلة ؟؟؟
دانية…… في المربوعة يفكروا في حل
افنان ….. حور شن حالك توا ؟
حور ……😢
اعتدال …… من كان يكلم فيك ؟؟؟
افنان ……😭😭 حمزة حمزة هو يلي حبس صديق وهو نفسه يلي خش في الجامع يومها وحاول يخطف البنت
حور ……😳 حطك في رأسه والا شن
افنان …… يقولي نحبك ولو ماسيبتيش ايوب بنخرب حياة العيلة كلها بدي براجل صابرين وتوا صديق ومازال يهدد😢💔
اعتدال ….. من جدك من المريض هذا 😨 نوضي نقلولهم يبلغوا الشرطة
افنان ….. نقولك هو يلي بعت الشرطة باش شدوه شرطة من يلي بنبلغوها فيه هو كل شيء تحته
حور ….. شوفي افنان انى نعرف شعور انك تتزوجي شخص ماتبيشي لهذا مش ح نلومك لكن …
اعتدال ……😒 انتِ شن قلتيله ؟؟
افنان …… لا طبعا شن بنقول
دانية…… لانك حماره سايرتيه شوية وقلتيلة يحل موضوع صديق قبل
افنان …. شن الفايده يطلعه توا واول مانحددوا عرس انى وايوب يرد يحبسه 💔
اعتدال ……😳 وانتِ من جدك فضلتي ايوب على صديق ؟؟؟؟؟
افنان ….. هم مش في مقارنه اصلا هو خرب حتى شغل عادل راجل صابرين هو يأدي اي حد ويضغط عليا بيه
حور …… وانتِ فضلتي ايوب على عيلتك ؟؟؟؟
افنان …..😳 كيف تفكروا انتم
اعتدال …… نفكروا انك ماتعرفيش ايوب الا من ثلاثة شهور وله اهم من عيلتك كلها وحياتهم 😡
افنان …… اعتدال انتِ اكثر وحده مفروض تفهمينى نحبه زي ماتحبي انتِ صديق ؟
اعتدال …… ههههه نضحك من التعصيب راهو 🙄 امته وله ايوب يلي عرفتيه من يومين زي صديق يلي ليا عمر نحبه
دانية ….. انى اختك لكن بجد صدمتينى معقولة سلامة الكل في يديك وانتِ هكي تفكري ماحد قالك تزوجيه لكن سيبي ايوب خل يهدا شوية واطلبي منه وقت بالكذب حركي روحك مش معقوله الكل يضيع بسببك
اعتدال ……. طلعت وخليتهم
حور ……😭 انى بنروح وطلعت
افنان ……💔😭
دانية ……. قابليه في مكان
افنان ……. والله ؟؟
دانية …… ايه على شان العيلة والكل
افنان …… نضت وخليتها عندهم حق خافوا على روحهم واحبابهم وشافوا انه انى المتهمه 💔 مانقدرش نلومهم

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

اعتدال …… اول ماوصلت الحوش تذكرت اياد 🤦🏻‍♀️ عليك عمله نسيته بكل وليت طلعت مشيت لحوشهم
حور …… خشيت نبكي 😭
اياد ……🙄 للاسف الزواج ماصارش منه ابكي ابكي
حور ….. 😒 انت واحد ماعنداش مشاعر وخشيت لداري 💔
اعتدال …… لقيت الباب مفتوح خشيت
اياد …… ضرتك كيف خشت 😒
اعتدال …… اياد 🥺 اسفة نسيتك بكل امبكري تعرف شن صار و ….
اياد …… واخيرا طلع على حقيقته
اعتدال …… من هو ؟ شن تقول انت ؟
اياد …… صديق حبيب القلب شوفي طلع منظم لتنظيم والا شن
اعتدال ….. طبعا انت ماتعرفاش بتصدق 😒 بس صديق لو نشوفه بعينى مستحيل يدير شيء زي هذا ، لانه محترم ويخاف ربي ويصلي في الجامع تبلوا عليه
اياد …… طبعا صدق من قال مراية الحب عمياء
اعتدال ….. لما تحب شخص زي صديق ماتحتاجش مراية عيونه توريك كل شيء ❤️
اياد ……😒 مشيت وخليتها
اعتدال ….. خشيت لدار صديق قعمزت على سريره شفت شنطة كيف مفتوحة واضح واخد منها حاجات وهو طالع زبونه الاخضر مش موجود 💚 شكله لابسه 😭 يارب يرجع خل يتزوج حور ويتزوج حتى 3 معها المهم نطمن انه بخير المهم ماننحرمش من شوفته
اياد …… خديت اميه وجيت مولي للدار شفتها من الباب مقعمزه تبكي على سريره وحاضنه مخدته 💔 علاش يحبوه للدرجة هذه 😤 من هو باش بوي يفضله عليا وتوا هذه ، عمامي ! كيف يجروا بيطلعوه شن الميزة يلي فيه

~~~~~~~~~~~~~~~~~~~~~~~~~~~~~

افنان …… فتحت شفرتي واتصلت باايوب قرارت نحكيله هو ونخليه يتصرف 💔 معادش عندي حل
ايوب ……. هلا كيف كنت نفكر كيف بنطمن عليك
افنان ……. ايوب انى مش كويسة بكل
ايوب ……💔 عارف وقصة ولد عمك صعبة صراحة وتخوف وح تجر كل العيلة للتحقيق
افنان …… صديق بريء
ايوب …… مرات اصدقاء السوء او …
افنان …… ايوب كل هذا من تحت رأس حمزة صدقني هو يلي دار هكي
ايوب …… حمزة !!!! افنان علقتي على موضوع حمزة هلبا راهو 😒 الولد نص ليبيا تحته فاضي باش يلعب مع صديق وغيره ، قصدي كان تقولي هكي باش تخليني نغار اختاري واحد ثاني 😉 ، حمزة مااهتمش بيك وجي بيدير قصة الا بعد ماعرف انى خاطبك مشكلته معاي ، ولو بيدير حاجه ح يديرلي انى طلعيه من راسك لانه الكلام في موضوعه بدي يزعج فيا
افنان ….😳 انصدمت من كلامة وقعدت ساكته 💔 خيره مش لقيا حد يوقف معاي ايوب كانه مصدق انه صديق يدير هكي 🥺 نهيت معاه المكالمة وقعدت نفكر شن ندير

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الثامنه

حور ……. خشيت لدار صديق لقيت اعتدال 😳 قربت منها 😢 حضنتها وقعدت نبكي ربي يرده لينا ياااارب
اعتدال …… 😭😭 ان شاء الله ، حنى لازم نلقوا حل ونخلوا يلي اسمه حمزة يطلعه
حور ……. ياريت
اعتدال …… تعالي روحي معاي ماتقعديش بروحك
حور ….. هيا وطلعت معها

~~~~~~~~~~~~~~~~~~~~~~~~~~~~~

#بعد_يومين

حمزة….. مشيت للمركز بنشوف واحد صاحبي غادي ونسأله عالوضع

افنان …… البنات كلهم متغيرات معاي ولو مالمونيش بالكلام نشوف في اللوم في عيونهم وبصراحة عندهم حق 💔 قرارت ندير زي ماقالوا ونتلاقه مع حمزة في مكان عام نحاول نستعطفه ونوصل معاه لحل وسط 💔 خديت التلفون واتصلت بيه

حمزة….. وانى ماشي في المركز نسمع في صوت ينادي فيه ، وفي نفس اللحظه رن تلفوني 😳 افنان تتصل ، تلفتت لقيت بوها هو يلي ينادي احترت شن ندير رديت التلفون في جيبي وقتله تفضل 🤨
امحمد ….. شوف ياولدي انت نفسه متع الجامع يلي في ال…. وله
حمزة….. 😒 عليك حاله هالقصة معادش بت تنتسى
امحمد ….. انت باين عليك واصل وعندك معارف ويومها اعتدرت من بنتي ، لو فيه كيف نبي نطلب منك طلب
حمزة….. 😍اكيد تفضل وتلفوني يرن تاني يعنى اول مره تتصل بالاصرار هذا خيرهم عليا اليوم ❤️
امحمد ……. شوف تلفونك قبل
حمزة….. مش مشكلة توا نعاود بعدين تفضل شن قتلي نبي
امحمد ….. عندي ولد خوي هو في حاله والله وماهو متع مشاكل ولد حرام متبلي عليه في موضوع كبير لو تقدر تدخل
حمزة…… ولد حرام 🙄 ، رن تلفوني ثاني ، سامحني لحظه وفتحت الخط ، مش فاضي خمسه ونعاودلك ؟؟
افنان…… نبي نتلاقة معاك في مكان نبي نهدرز معاك في موضوع صديق
حمزة……. 😳 قعدت نشوف لبوها وساكت

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى