رواية ولدك يا بلادي الحلقة الثانية .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة الثانية .. روايات صفاء روايات ليبيه

رواية ولدك يا بلادي الحلقة الثانية .. روايات صفاء

#ولدك_يابلادي

الحلقــــــــــ(2)ـــــــة

اعتدال … والله ! حوش بوك ماهو
اياد … 😌 بالزبط حوش بوي انى اياد جمال ال&&
اعتدال … 😳 انت اياد ؟؟؟
اياد … كان عاجبك ؟؟؟ انتِ البنت يلي …
اعتدال … فهمت انه يحسابنى حور ،😒 مش انى انى بنت عمك فرج وخشيت وخليه
اياد …🤨 خديت شنطي وخشيت ورها
اعتدال … ندق عالباب صديق صديق ؟؟
صديق… فتحت 😳 خيرك اعتدال ؟
اعتدال … روح 💔
صديق … شفت ورها عرفته من صور الفيس يلي يحط فيهم ، مديت يدي عظم الله اجركم انى صديق
اياد … شفت ليده ومابيتش نسلم 😒 انت يلي متبنيه بوي !!
اعتدال … نشوف لحركته البايخة وكيف يد صديق ممدوده 💔
صديق … عرفته ناوي عالشر سحبت يدي وانى نحاول مانبينش غضبي هيا تفضل
اياد … ناقص غر تعزمني في حوشي 😒 وخشيت
اعتدال … جيت بنخش
صديق … اعتدال وين ؟؟؟ كلمي بوك وعمك يجوا
اعتدال …☺️ حاضر هي ، وطلعت نجري ياحليلي يغار عليا ❤️

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

افنان … نشوف للبنت وسرحانه ياسلام ياافنان حظك يدرس في مدارس 🤦🏻‍♀️ يعنى اول مره نعجب بشخص في حياتي يطلع متزوج 💔 ولا وجايب بنته حاطها عندي ، توا مش قال انه مش من المنطقة علاش جايب بنته هنى
البنت … كملت ياشيخة
افنان … اها 💔 امته قرتيها كلها 😳
البنت … انتِ سرحانه قريتها كلها
افنان … 😒 عاودها ثاني عادي القرآن فيه اجر
البنت … 🙄 شقلبت عيونها تعبانه انى 🤷🏻‍♀️
افنان … صدقت فيكم الشيخة حفصه لما تضرب فيكم
البنت … لالا خلاص توا نقرا 😒

~~~~~~~~~~~~~~~~~~~~~~~~~~~~~~

اعتدال … كلمت بابا وعمي ومشيت للمدرسة باهي يلي عندي الحصة الاخيرة

اياد … خشيت قعمزت في الصالة
صديق … وقفت نشوفله
اياد … وين البنت ؟؟
صديق … 🤨 اعتدال ؟؟ مشت بتنادي عمامك
اياد … 😒 نسأل على البنت يلي زيك حتى هي ؟
صديق …😠 حور في الجامع تقرا ، ودق الباب مشيت وخليته
امحمد … جي ؟؟
صديق … ايه في الصالة
فرج … خش طول
اياد … مابيتش نوقف
فرج …😠 اوقف عزي عمامك وسلم !!!! صابغلي شعره زي البنت
اياد … وقفت مديت يدي 😒 كيف حالكم
امحمد … الحمدلله كيف حالك انت شن صاير فيك
اياد … شن بيصيرلي اموري تمام
فرج … 😒 صديق ارفعه للجبانة يشوف قبر بوه ويقراله الفاتحه
اياد …😒 مافيش داعي انى بندوش ونرقد تعبان بعدين نهدرزو
صديق … دار المرحوم بحمامها على يدك اليمين
اياد … خديت شنطي وخشيت 💔 دار بسيطة فيها ريحة الناس الكبار على حيطها معلقة صوره ليا وليه لما كنت صغير 💔خديت شنطي حطيتها عالسرير طلعت منها حوايجي وخشيت ندوش

فرج … شكله مش ناوي خير
صديق … ربي يهديه
امحمد … بلاد اول مره يجها وناس اول مره يشوفهم عادي توا غر خل نكلموا العويلة يجوا نديروا عشي مع بعضنا وبعدها نهدرزو معاه ونفهموا شن يبى
فرج … هو هذا
صديق … تمام انى توا نشوف شن ناقص ونمشي ناخده ونخطم عالبنات نروح بيهم من الجامع
امحمد … ايوه

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~

افنان … الو
اعتدال … روحتوا والا مازال
افنان … مازال شن صاير ؟؟؟
اعتدال … اياد روح ياحنه
افنان …🙄 من اياد
اعتدال …🤦🏻‍♀️ ولد عمك جمال ياهمي
افنان …😳 الله !!!
اعتدال … والله تلقيت معاه وانى جايه
افنان … قاعدين ماطلعناش حنى
اعتدال … معنها حور ماتندريش ؟؟؟؟
افنان … اي اكيد ،، خلاص انى شويه ونكمل ونطلعوا نروحوا
اعتدال … حتى انى مانعطلش ان شاءالله ، فاتنى الجو الزفت
افنان … 🙄 هههه وكان نفهم شن فيها من جو
حور … افنان صديق برا يستنى فينا
افنان … علاش !
حور … مش عارفه هيا بس اطلعي
افنان … والصغار
حور … خليهم عند حفصة
افنان … تمام 💔😔 وطلعت معها ماشفتاش كان خاطري نتلاقه معاه ثاني اووووف ياافنان خيرك بديتي هكي
صديق … حركت السيارة وشفت لحور اياد روح راهو
حور …😳 بجد !!
صديق … ايه خليته في الحوش
حور … شن وضعه ؟ شن قال ؟ شن حسيته ؟؟
صديق … بالشويه بس مانندري عليه قاعدين ماهدرزناش توا نديروا عشي وعمامي يهدرزو بعدين
افنان … ان شاء الله خير
حور … توترت وخفت انى البنت 💔 يلي ماعندي وين نمشي ، صديق يدير حل لروحه وانى يلي تجي على رأسي

~~~~~~~~~~~~~~~~~~~~~~~~~~~

اياد … نضت نسمع في دوشة والباب يخبط
صديق …🤨 اياد اياد !!
اياد … شن فيه ؟؟؟؟
صديق … عمامكم هنى هم وعيلاتهم قالولك نوض تعاله تعشي معانه وخل يشفوك
اياد … عارفه موضوع انى 😒 توا نجي
صديق … طلعت وانى متحمله بالسيف
حور … كنت مرتبكة طول الوقت وخايفة اول ماطلع من داره مشيتله بجد بجد حاساته خوي ❤️ كيف حالك انى حور
اياد …😒 اهلا وسهلا
حور… عظم الله اجركم
اياد … شكرا
جميلة ونعيمة … كيف حالك حنى نسوان عمامك
اياد … اهلا وسهلا 🤨
دانية … وانى بنت عمك امحمد الصغيره وهذه افنان اختي الكبيرة
افنان … 🙋🏻‍♀️ اشرت بيدي من مكاني ، عظم الله اجرك
اعتدال …😒 نشوفله وساكته
اياد … طلعت وخليتهم ، كان الجو قاعد مش صقع لقيتهم مقعمزين برا قعمزت معاهم

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

حور … شكله مش طايقنا 💔
اعتدال … وعمره مايطيق واخد في روحه مقلب
دانية … يهبل يابنات طرف ❤️
اعتدال … لزم تشدي السلوم بالعرض انتٍ وله ؟ كلنا مش طايقينا وانتِ قولي طرف 😒
دانية … اووووف وانتِ خيره كلمتي ماتنزلكش من زور
اعتدال … 😏 أسالي روحك
افنان … باهي ياسر انتٍ ويها واشرت على حور الوضع مش ناقص
جميلة … فتحت الروشن صديق تعاله خود العشي
صديق … حطينا العشي تعشينا وكان كل الكلام في موضيع عامة
جبت الشاهي والفواكة وقعمزنا
امحمد … شن ناوي توا ؟؟؟
اياد … نبيع كل شيء وناخد فلوسي ونرجع
فرج … علاش ماتفكرش تستقر هنى ؟؟
اياد … حاجه تخصني 😒
امحمد … باهي وخوتك صديق وحور ؟؟؟
اياد … من وين لوين خوتي
صديق …😠 عمي ….
فرج … اسكت انت ياصديق ،، ايه خوتك وكانوا صغار لبوك اكثر منك صديق هذا يرفع ويجيب ويعاند ويقضي وشن يبى المرحوم بس وحور تخدم في الحوش وردا بالها من دواه وماكلته ولبسه انت شن درت لبوك
اياد … 😏 هههه خشوا حتى في شرع ربي توا هذا حقي مانبيش كثر كلام وشفت لصديق الحوش تفضوه في اقرب وقت
امحمد … شرع ربي !! طلعت تعرف شرع ربي وبر الوالدين وين من شرع ربي !!! لما بوك دار قصطره وقعد يتجده فيك السنه يلي فاتت باش تروح وانت مش معدل وين الشرع
اياد … مسحت وجهي بيدي ، شن تبوا توا
فرج … بوك مات قبل بوي 🤨 لهذا جدك ورث في بوك وحنى نورثوا جدك
صديق …😳
امحمد … ايه
اياد … ههههههه مصحكم شيابين وتنصبوا على خاطر فرخين لمهم بوي من الشارع
صديق …😡 وقفت شديته مع رقبة التشرت متعا ولصقته عالحيط يلي وراه وصكرت يدي كأني بنضربه بوكس بس ماضربتش ،، محترم معاك لتوا على خاطر بوي الله يرحمة وعمامي والا والله ولد الشوارع يوريك وطلقته وطلعت وخليتهم
فرج … شهادة الوفاة مكتوب فيها وقت الوفاء بالساعة والدقيقة تقدر تتأكد من كلامنا بين وفاة بوك وجدك 40 دقيقة
اياد … تي وربي العزه ما واخدين في امها قرش باهي وح نرفع قضية انكم زورتوا وهذا واخته يطلعوا من الحوش بنجيب ورقة من المحكمة بحصر الميراث ونطلعهم منه ونضت خشيت للدار

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

حور …😭😭😭
افنان … اهدي بالله عليك كل شيء ليه حل
اعتدال … نتصل بصديق مقفل 💔 خايفة عليه ، الكلب الحيوان هذا من وين طلعلنا

~~~~~~~~~~~~~~~~~~~~~~~~~~~~~~

#ثاني_يوم

كان جو الكل مكهرب بسبب القصة 💔 الكل متوتر ويستنى في شن بيصير
اعتدال … تعرفي شفت سيارته روح بعد الفجر 💔
افنان … اي نسمع في بابا وهو مروح من الفجر يعارك قال كيف يخلي اخته تبات مع هضاكه بروحها في الحوش
اعتدال … قصدك مع اياد ؟؟
افنان … ايه ماتنسيش هو مش خوها ولا محرم علها
اعتدال … ولا حتى صديق 💔 بس خدينا على الوضع
افنان … ربي يستر الحق معادش فهمت شيء
اعتدال … غر قوليلي شن صار معاك انتِ جابلك بنته
افنان … هههههه بالله ماتفكرنيش مقلب كليته اسمعي انى خل انوض نساعد امي في الغدي ونمشي للجامع
اعتدال … كنا مقعمزين على حاشية الغرسه يلي في السور وقفت نفضت حوايجي وانى خل نشوف حور ،، ونضت مشيتلها
حور … مقعمزه في داري نبكي 😭😭 شن بيصير فيه توا 💔💔
اعتدال … دقيت عالباب
اياد … فتحت وانى لابس شورت بس واتكيت عالباب
اعتدال … 😒 شفتله بقرف من فوق للوطه ، خش استر روحك سلم ولدي راك في ليبيا
اياد … ماقالك حد تعالي لحوشي
صديق … درت قهوة وجيت طالع 😳 شن ادير فاتح الباب بمنظرك هذا
اياد … كان مش عاجبك ماتقعدش في الحوش
صديق …😒 اعتدال امشي لحور ، وكان مش اختي فيه الحوش والله مانخشه بعد البارح بس ارتاح بندور حوش ونطلعوا منه ومشيت وخليته

~~~~~~~~~~~~~~~~~~~~~~~~~~~~~

اعتدال …😳 نهااااارك علاش تبكي توا
حور … انى كيف بيصير فيه اعتدال 😭 كيف صديق ولد وبمعاشه انى ماعندي حد ولا شيء بنقعد في الشارع 💔
صديق .… خشيت عليهم اييييه عاد حور والدموع قصة عشق لا تنتهي ههههه
اعتدال …🤤 هههه😍 قعدت نضح على ضحكته زي الهبلة 🤦🏻‍♀️
صديق … قعمزت جنبها عالسرير ، تعرفي اول يوم جيتي فيه امي قالتلي العب معها وعطها من العابك ، جيت بنلعب معاك لقيتك تبكي قتلك خيرك قلتي انى ماعندي حد ومانعرف حد هنى 💔
مديتلك يدي زي توا 🤝 وقلتلك انى صديق من اليوم تعرفي صديق وعندك صديق ماعاد تحتاجي تعرفي حد بعده 💪🏻ههه
حور … ههههههه ربي يخليك ليا
صديق .… شديت رأسها حطيته على كثفي حتى نفس الضحكة هذه ضحكتها ، ماتفكري في شيء مانخليكش بروحك
اعتدال … قعدت نشوفلهم وساكته شن اعتدال بتغاري حتى من اخته 🙄 تذكرت كلامي انى وافنان لكن هي مش اخته 💔 اييييه فكينى من هالافكار
صديق … وقفت اعتدال خيرك سرحانه
اعتدال … شيء ☺️ بس محلاك 😳 قصدي محلاه لما يكون عندك اخ
صديق … وانى خوكم كلكم ، خوك حتى انتِ امته ماتبي وطلعت
اعتدال …💔😳 شن قصده بخوك
حور … عادي خيرك قصده يوقف معاك لو احتجتي
اعتدال … لا بجد حاسبنى اخته 💔💔
حور … صديق ديما هكي يقول اعتقد لانه العيله مافيهاش ولد غيره يقصد بمعنى يوقف معانه
اعتدال …🥺 انى بنروح نوتي روحي عندي مدرسه وطلعت وانى في قلبي نااااار 🔥 من كلمته
اياد … كنت خاش من باب الحوش خبطت فيها عيونها خضره على عسليه فيهم لمعة دموع ❤️
اعتدال … حول من قدامي ياخرا رايح زي قفة الهم وين مانمشي نلقاك 😒
اياد … خيرها هذه 🤔

~~~~~~~~~~~~~~~~~~~~~~~~~~~~

افنان … جهزت روحي وطلعت حور قالت مش ماشية اليوم ، اول ماوصلت شفته في سيارته خشيت نزل البنية وجي نشوف فيه حطها في الباب وابتسم ومشي ، اوووف هذا خيره يبتسم زعما من الناس يلي يتزوجوا 2 و3 والا ناوي يتسله شوية والا ممكن هذا طبعا هكي يبتسم للكل 🤷🏻‍♀️ عليك قصة ياافنان كل مابتشوفيه بيقعد عقلك يرفع ويجيب هكي 💔 فات باقي يومي عادي

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#بعد_ايام

اياد … زي ماسمعتوا بنجيب امر من المحكمه باخلاء البيت ، وبنطعن في قصة وفاة بوي هو الاول
فرج … خزيه والله ماتتحشم
صديق … انتم حرين انى حصلت شقة من ولد صاحبي خوه جهزها وبعدين قرار يسافر وخلها بناخد اختى ونحوللها
امحمد … اصبر بس ياصديق
صديق … ديروا رايكم انى هذا الموضوع بالنسبه ليا لهنى انتم عمامي زي قبل زي تالي والشقة في نهاية الشارع يعنى قاعد حداكم
امحمد … سكت وطلع

افنان … عطل علها البنت قعدت معها شوية وشفته جاي
ايوب … سامحينى خليتك تستنى ؟
افنان … اليوم الشيخ مش قاعد ماقدرتش نخليهم
ايوب … شكرا 😍
افنان … ياريت تقول لزوجتك تشوف الملاحظات يلي نكتبلها فيهم في الكراسة ، من يومين حاطتهم وماتغير شيء
ايوب … زوجتي 😳؟؟؟؟؟ اهاااا قصدك تحسابي الاء بنتي ؟؟؟ هههه. في خاطري وانى نقول خيرها مش عاطيتني وجه
افنان …😳 اها من هي ؟؟
ايوب … بنت اختي اوووف عالغباء وانى نقول توا بتزبط لما تقرا اسمها بالكامل هو مااعتقدش انتِ تعرفي اسمي
افنان … ❤️ ابتسمت لا
ايوب … انى ايوب
افنان … اهلين بيك ، لكن هي وين نقوللها توا يجيك بابا تقول ايه
ايوب … بوها متوفي اختى ارملة توفه وهي حامل بيها تقولي يابابا
افنان …🥺 محلاه كيف مهتم ببنت اخته ومحسسه بالابوة ❤️ ، ربي يخليك لها
ايوب … شوفي انى مانبيش نطول معاك في الوقفه عارف عيون الناس وهكي ياريت لو تعطيني رقم تلفونك و….
افنان …😳 لالا شن رقم تلفوني
حور … افنان !!!!!
ايوب … شوفي والله نيتي طيبة بس نبي نتكلم معاك ونحكيلك شوية حاجات وبعدها كيف تبي باهي توا خل نمشي وغدوا اكتبيلي رقمك في كراسة الاء ، هيا السلام عليكم ومشيت
افنان … وقفت نشوفله وهو ماشي وساكته فيه الف فكره في رأسي
حور … افناااااان وين رحتي ، هذا هو
افنان …😍 طلعت بنت اخته
حور … الله كويس شن قالك
افنان … هيا خل نطلعوا نحكيلك في الطريق

~~~~~~~~~~~~~~~~~~~~~~~~~~~~~

حور … باهي 😔
صديق … ماتزعليش روحك الشقة في رأس الشارع والبنات يجوك زي قبل مافيه شيء
حور … ان شاء الله توا نبدا نلم في حاجاتنا
صديق … غير حوايجك ماتاخدي شيء
حور … حاضر

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#ثاني_يوم

افنان … شاده الكراسة وانى نفكر نكتب الرقم والا لا ،، اكيد لو كتبته بيقول خفيفة وماصدقت بجد افنان شن صايرلك معقوله يلي انى فيه وين مقومتي ، كيف ننصح في دانية 24 ساعة كيف صار توا لالا مستحيل ننجر للطريق هذه هي هكي تبدا اصلا ، مكالمة رساله مقابلة هدايا ومعادش تخلص صكرت الكراسه وعطيتها للبنت

الشيخ جابر … صديق بعد الصلاة نبيك ياريت تقعد
صديق … ان شاء الله خير
الشيخ … خير خير
صديق … فتحت مصحف وقعدت نقرأ في قران قبل ما يأذن العصر

افنان … كملت بعتت الصغار يروحوا وجيت طالعة
ايوب … لقيت الاء قمتها وشفت لافنان 😍 اعطي الورقة هذه للشيخة وتعالي بسرعه
الاء … مشت تجري لافنان هذه عطهالك بابا
افنان …😳 باهي وخديتها ويدي ترعش
ايوب … ابتسمتلها من بعيد وطلعت
افنان … فتحت الورقة مكتوب فيها ( عارف مش ح تكتبي رقمك هذا رقمي اتصلي بيا )
حطيت الورقة في جيبي وابتسمت 😊 كيف فهم طريقة تفكيري ❤️ ركبت لمصلى النساء فوق شويه ورفع الآذان وصلينا وطلعت انى وحور روحنا

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~

صديق … قعدت نقرا في قرآن لين الشيخ كمل هدرزه وجاني
جابر … قعمز مقابل صديق ، شوف ياولدي شن قال الله في كتابه ؟ (مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ ۚ وَمَا جَعَلَ أَزْوَاجَكُمُ اللَّائِي تُظَاهِرُونَ مِنْهُنَّ أُمَّهَاتِكُمْ ۚ وَمَا جَعَلَ أَدْعِيَاءَكُمْ أَبْنَاءَكُمْ ۚ ذَٰلِكُمْ قَوْلُكُم بِأَفْوَاهِكُمْ ۖ وَاللَّهُ يَقُولُ الْحَقَّ وَهُوَ يَهْدِي السَّبِيلَ )
صديق … 😔صدق الله العظيم
جابر … تعرف الاية هذه في من نزلت وله ؟ نزل في خير خلق الله سيدنا محمد عليه افضل الصلاة والسلام
صديق … عليه الصلاة والسلام
جابر … سيدنا محمد قبل الاسلام تبنى زيد بن الحارثة وحتى انه وقف على صخرا قدام الكعبة وقال يااهل قريش اشهدوا هذا زيد ابنى يرثني وارثه وكانوا ينادوا فيه زيد بن محمد لين جي الاسلام ونزلت فيه اية ( و ماجعل أدعياءكم أبناءكم ) وهنى حرم التبنى ورد لاسمه زيد بن الحارثة ، معنى الاية حتى لو قلت هذا ولدي او بنتي هذا ما يخليشي ولدك الحقيقي
صديق … عارف
جابر … شوف زمان هدرزنا مع بوك وقلنا فيه فرق بين كفالة اليتيم والتبنى شد في قصة انه ماغيرش اسمائكم وووو لكن توا انت تفهم في الدين وتعرف الحرام والحلال اختك المستوره قعادها معاكم غلط سوء انت سوء عمامك سوء ولد جمال الله يرحمة محدش منكم محرم علها قعادها بينكم غلط
صديق … نلوحها ؟؟؟ شن ندرلها نخلها بروحها تتبهدل شن ندير انى حتى انى نعرف ربي لكن مش عارف شن ندير ماكانش ليا الخيار في شيء من الاول وتوا وين خشت بعضها مفروض انى نتصرف
جابر … ربي يفتح بصيرتك وطبطب على كثفه وناض
صديق … قعدت نمسح في وجهي ونستغفر 💔

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~

اعتدال … لبست وشاحي ومشيت لعيلة عمي
اياد … اووو شن اديري عندنا
اعتدال … 😒 غر يطلعوا حور وصديق من الحوش هذا صدقني مافيش حد ح يشوف لخليقتك 😒 وخشيت
اياد … 😏

~~~~~~~~~~~~~~~~~~~~~~~~~~

افنان … ليا ساعة شاده التلفون ونفكر نتصل لا وكان يطلع لصقه ونحصل فيه اوووف خل نسمع شن يبى ، من امته ياافنان مرات نيته كويسه وكان مش كويسه 💔🤔 دانية
دانية … نعم !
افنان … لو فيه حد يتصل بيا مانبيشي كيف نقدر نخليه مايتصلش
دانية … هزبيه 🤷🏻‍♀️
افنان …🤦🏻‍♀️ ماشاءالله عالذكاء ، قصدي طريقة في الهاتف
دانية … اها دريله بلوك
افنان … كيف
دانية … من يضايق فيك انتِ
افنان. … حد غر نبي نتعلم 🙄
دانية … تعالي نعلمك
افنان … بعد ساعة وانى مش فاهمه شيء هي الاجهزة تعقدات والا انى الغبية 😪 واخيرا فهمت ترا اتصلي حطيت رقمك في الحضر خل نجرب
دانية … واااااك جربي بهاتف ماما درهتي كبدي ونضت طلعت
افنان … توا تمام كان دره الكبد توا نحطه في الحضر حطيت رقمه واتصلت 💔
ايوب … السلام عليكم
افنان … وعليكم السلام ☺️
ايوب … افنان !!!!!!😍
افنان … اي
ايوب … من بكري نستنى في اتصالك قلت شورها رقدت وفاتتنى
افنان … لالا مش رقدت بس بصراحة كنت متردده 💔 اول مره نتصل بولد
ايوب … شوفي افنان انى مش ولد حرام وكان بنضحك على بنت مش ح تكوني انتِ لانه واضح قداش محترمه وبرائه ، ناوي كل خير ان شاء الله بس حبيت نتكلم معاك شويه ولو ماتبيش قلت جيب اهلك طول كيف ماتحبي
افنان …😍 ….. كيف مانحب في شن 🤭
ايوب … شوفي يابنت الناس من اول مره شفتك فيها وانت معششه في رأسي حتى بنت اختى نجيب فيها من حد الدنيا كل يوم باش نشوفك والا والله الجامع خطوا جنبنا هههههه
افنان .… ههههه
ايوب … تعرفي يومها عندي موعد مع واحد ماقدرتش نمشيله قعدت زي المهبول نبي نعرف من انتِ وخلاص …..
افنان … كان ايوب جوه حلو وكلامه هلبا هههه بسيط وصريح كلامه مريح ❤️، انى كلامي كان قليل جدا استمرينا في الهدرزه ممكن ساعه وبعدها استاذنت وصكرت

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

#ثاني_يوم

صديق … شديت عمامي الزوز نبيكم في موضوع
فرج … ان شاءالله خير
صديق … حور مفروض تقعد مع البنات قعدتها معانا غلط 💔
فرج …. شاف ل امحمد 😳

افنان … وانى في الجامع في نص الحصه نسمع في دوشة وسبان 😣 والاصوات تقرب وتعلا فتحت الروشن يلي يطل عالساحه 😳 شفت واحد لابس سروال اسود دجاكة جلد سوده قصيره بوت ضخم نظرات سوده لحية مش طويلة هلبا مسدس في يده 💔 وواقف معاه الشيخ جابر كانه يترجى فيه 😳😳

حمزه … جاني خبر ليا فتره نستنى فيه ركبت سيارتي وطلعت انى والشباب كان فيه حوالي 7 او 8 اشخاص برا قدام الجامع نزلت قلتلهم وين الصغار يلي يقروا هنى خافوا وبدوا كل واحد يقول في كلام سحبوا الشباب السلاح عليهم وصارت شويه دوشة خشيت انى وخليتهم لحقني الشيخ
جابر … ياولدي عيب صغار ونسوين يقروا فيهم وين خاش عليهم هكي بسلاحك
حمزه … 😒 حول من قدامي احسن من تجي فيك
جابر … غر نهدرزو بالعقل
حمزه …🤔 عقل عقل فتحت التأمينه متع المسدس في السبته متع السروال ، هذا عقلي انى وضربت رصاصه
افنان … عيطت 😱 وحطيت يدي على فمي

#يتبع


لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى