رواية ولدك يا بلادي الحلقة الخامسة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة الخامسة .. روايات صفاء روايات ليبيه

رواية ولدك يا بلادي الحلقة الخامسة .. روايات صفاء روايات ليبيه

#ولدك_يابلادي

الحلقــــــــــ(5)ـــــــة

افنان ….. يرن تلفوني رقم غريب رديت الو ؟
هو // افنان ؟؟
افنان ….. ايوب ؟
هو // من ايوب هذا ؟؟
افنان …. من انت 😳
حمزة…. انى حمزة العميد ياافنان
افنان ….😳 صكرت في وجهه
حمزة …..😳 عاودت اتصلت ثاني
افنان ….. رديت وانى نرعش 😨 شن تبي منى انت
حمزة…..🙄 في خاطري وكان نعرف حتى انى شن نبي وعلاش متصل بيك 🤦🏻‍♂️، بنسألك كيف حالك بعد الموقف يلي صار
افنان ….. والله !! كيف راح يكون حالي يعنى !! خسرت الحاجه الوحيدة يلي نحبها وندير فيها بسببك معادش نقري في الجامع
حمزة…..💔 لو تحبي نساعدك ..
افنان …… انت انت. بتساعدني ؟؟؟؟، 😡 انت نهايتك تخرب حياتي بس ، بعدين من وين جبت رقمي!!!
حمزة …. رقمك مش موضوع بالنسبة ليا
افنان ….. طبعا انت تجيب في ناس جت على رقم
حمزة…..🤦🏻‍♂️ خيرك هكي واخده موقف
افنان ….. شن تبينى نقولك يعنى ، شوف توا بنصكر ونتمنى نتمنى انى معادش نسمع صوتك ولا نشوف وجهك مره ثانية وصكرت في وجهه
حمزة …..🤤 المشكلة انه بحركاتها هذه تزيد تعشش في رأسي اكثر 🤔 من ايوب يلي تحستبه اتصل بيها !! أوس أوس
أوس …… نعم !!!
حمزة….. الورقة يلي جبتها مافيهاش حد اسمه ايوب !!!
اوس … ورقه شن ؟؟؟
حمزة ……😒 عارفك فاهم تكلم بلا جو
أوس …. ههههه مش عارف ماعندهاش قريب بالاسم هذا قصدي لا ولد عمها ولا حتى الولد يلي مربيه
حمزة …..😡 معنها دور ثاني وجيب معلومة كاملة المره هذه نبي من هو ايوب شن علاقتهم 💔
أوس ….. حاضر وطلع

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الخامسة~~~~~~~~~

صديق ….. انى حاولت بكل الطرق بس مالقيتش حل ، متحشم حتى نقولها بس مافيش الا انه نتزوجوا
حور ….. من ومن 😳؟
صديق … انى وانتِ💔
حور …. كيف كيف😳 شن تقول انت صديييييق 😭
صديق …. يعنى انى يلي عاجبني الوضع حاولت بكل الطرق مافيش حاجه مادرتهاش كلمت عمامك فكرت ناخدلك الشقة بروحك ، 😠وصلت كلمت ولد صاحبي نعرفه كويس واخلاق كان بيتزوج بس مافيش ، معادش لقيت حل غير هذا
حور …😭😭 مستحيل مستحيل لو نموت مش ح نوافق على حل زي هذا انت خوي وطل عمرك تقعد هكي
صديق ….. حور 💔 جديات انى تعبت من الوضع هذا لهذا فكري براحتك انى معادش عندي حلول وطلعت
حور ……😭😭😭😭😭

رواية ولدك يا بلادي الحلقة الخامسة~~~~~~~~

#ثاني_يوم

صديق …. نضت الصبح مشيت لعمي امحمد في المحل لقيت عنده حتى عمي فرج ،، انى كلمت حور قلتلها نقروا فاتحه
امحمد …… كيف كيف ؟
صديق ….. يلي سمعته معادش لقيت حل انى
فرج ….. مش عارف شن نقولك
صديق …. خلي البنات يكلموها يقنعوها هي انصدمت البارح وماقالت شيء
فرج ….. طبعا بتنصدم
صديق ….. يعنى انى يلي ميت باش نتزوج البنت يلي نشوف فيها انها اختي من عمر ؟ درت كل الحلول يلي نعرفها شن بندير معادش لقيت شيء انتم قلتوا لا مشيت لصاحبي كلمته علها قلت مرات نزوجها لواحد كويس ونعرفه بس شيء مافيش حل كل باب ندق عليه يصكر في وجهي وانى مانقدرش نلوحها هذه امانة امي وبوي قبل ماتكون اختى يلي عشت معها عمر وطلعت 💔

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

حور ….. رأسي بيتفجر توا الليل وانى نبكي اخييه عالوقت يلي خلاني نسمع كلام زي هذا من الولد يلي نعتبر فيه خوي ، 💔 ليش جيت بنت بس 😭 استغفر الله ياربي اللهم لا اعتراض بس بجد قلبي موجوع متحشمه مش قادره نطلع من داري ونفكر شن بنقول اصلا نضت دوشة وصليت وقعدت ندعي لربي شفت للساعة لقيتها 1 طلعت من الدار الحوش هدوء شكله مافيه حد طالعين خشيت للكوجينة حطيت قهوة عالنار سمعت صوت الباب 😨 اوووف نبي نمشي نخش داري كان صديق مانبيش نشوفه 💔
صديق ….. السلام عليكم
حور ….. بلعت ريقي بدون مانتلفت وعليكم السلام
صديق …. جبت خضره الثلاجه فاضيه شكله اياد مداير حاله فيها ههههه زعميته ياكل صحي
حور ……. تلفتت نشوفله وهو يحط في الحاجات يلي جيبها في الثلاجة ،، صديق !!
صديق …. بدون مانلتفت اممهه
حور ….. قلت بسرعة وفي نفس واحد ، صديق انى مستحيل نخرب حياتك باش انى نعيش مرتاحة لهذا انى مش موافقة
صديق ….. صكرة الثلاجة وشفتلها 😒 حور انى ماجيتش قتلك نحبك باش تدللي عليا 😠 انى بروحي عالم الله بيلي صاير فيه من الوضع لهذا انتِ مش طفله وعارفه مصلحتك وانتِ حره 🤷🏻‍♂️ ديري شن تبي بترجعي لاهل امك يلي لوحوك من لما طفلة ومعادش دوروك حره بتعيشي بروحك وتخلي القاصي والداني يشوفلك بحقاره حره بتقعدي معاي معززه مكره زي ماعشتي طول عمرك حره هذه حياتك وانت ورايك وطلعت وخليتها
حور ……💔😭😭😭

⭐️روايــــــــــــات صفـــــــــــــــاء⭐️

رواية ولدك يا بلادي الحلقة الخامسة~~~~~~~~

افنان …. درت الغدي مع ماما وخشيت صليت الظهر ، رن تلفوني ايوب 😍 الو
ايوب ….. مساء الورد مساء الحب
افنان ….☺️ مساء الخيرات
ايوب ….. هيا ردوا علينا عاد
افنان …… هههههه
ايوب …… شن قالوا اهلك ؟
افنان ….. بابا بيسأل وان شاء الله بعدها يرد عليكم
ايوب ….. يتفضل الحمدلله ماعندي شيء ندسه
افنان ….. اممم كويس
ايوب …… ح ندير فضانية وبيان في نفس اليوم
افنان ….. لا ايوب انى البيان والجو هذا مش مقتنعه بيه ومانبيشي
ايوب ….. تمام كيف تبي ؟؟
افنان ….. عادي قصدي فضانية والباقي بلا دوشة
ايوب ….. تمام تلبيسه بسيطة ياستي كأنها هدرزه عادية
افنان …. ان شاء الله ، سمعت صوت الباب ، ايوب بابا جي
ايوب ….. اوكي سلام

رواية ولدك يا بلادي الحلقة الخامسة~~~~~~~~~

اعتدال ….. كنت نغسل في الماعين نسمع في بابا يحكي لماما 💔😳 صديق كلم حور 🔥 ناااااار في قلبي نحس فيها 😢 مستحيل مستحيل حور توافق مستحيل
نعيمة ……🤭 سمعتي يااارب اللطف
اعتدال ……😢
نعيمة ….. علاش تبكي اشربي اميه انى والله وين سمعت لين رعشت ربي يسترنا
اعتدال ….. ساكته ونشوفلها
نعيمة ….. بوك قال البنات. صاحباتها خل يكلموها مدام ماعندكش مدرسه اليوم امشوا شفوها
اعتدال ….. خديت وشاحي وطلعت

~~~~~~~~~~~~~~~~~~~~~~~~~~~~~~

افنان ….. من وقت سمعت وانى نفكر في اعتدال صح هي تعرف وقاللها لكن مش عارفه توا شن بتكون ردت فعلها طلعت انى ودانية لقنها جاية
اعتدال ….. سمعتوا ؟؟؟
افنان ….. ايه
اعتدال ….. هيا نمشوا نشفوا حور
دانية …… هيا
حور ….. بعد كلامه امبكري زدت نبكي ومش عارفه شن ندير لين خشوا عليا البنات
افنان ….. حظنتها ياااااروحي علاش دايره في روحك هكي
حور …..كيف بندير سمعتوا وله ؟؟؟
اعتدال ….. شن كيف بديري 😳 قصدك تفكري توافقي ،؟؟؟؟
حور …… تعرفوا شن قالي الظهر قالي حياتك وحره فيها امشي لاهل امك والا عيشي بروحك والا نتز…😭😭
دانية …… وعنده الحق هو مش ح يغصبك على شيء وانتِ مش صغيره
اعتدال ….. وانتِ شن رايك 😒
حور …… مش عارفه بنموت حايره 😭
اعتدال …..😡قصدك تفكري توافقي ؟ رغم انك عارفه شن نحس اتجاه صديق وكيف نحبه ونحكيلك ونشكيلك من صغرنا تفكري توافقي ؟؟؟
حور ……💔😢
دانية….. توا هذا يلي همك ؟؟
افنان ….. اهدوا يابنات
اعتدال …. 😡 بتتزوجي الولد يلي تقوليله خوي عمرك كله !!!!
حور …. قوليلي حل تاني وانى نديره طول
اعتدال …… قوليله تزوج اعتدال يبدا متزوج وتسكني معانه
حور …..😳😳
افنان …. وقفت شديت يدها كانت ترعش من الاعصاب ، اعتدال راح تندمي على كلامك هذا بعدين توا تتكلمي لانك منفعله 💔 كيف حتى لو تزوجك انتٍ والا غيرك هذا مايخليش حور تحرم عليه ويقعد معها في نفس الحوش وبالعكس بتبدا قصص الغيره والشك ويخش في موضوع ثاني والموضوع مش ساهل عليهم حتى هم باش تزيدي انتٍ تصاعبيه
اعتدال …… 💔 شديت رأسي بيديه 😢 تعرفي احيانا تجي في رأسي الفكره هذه انه ممكن يرتبط بغيري كيف بنشوفلها وكيف بنخالطها ، تمشي تجي انتِ تي اخته اخته الزفت كيف حتى عندك وجه تفكري
حور …..😭 انى مقدره وضعك وعارفه مشاعرك لكن ….
دانية ….. 😒 تحشمي على وجهك عاد هو كان يبيك راهو جاك تلومي فيها هي علاش
اعتدال ……. 😠 طبعا انتِ جت لعندك تشمتي توا ، وطلعت
حور. ……😭😭😭 الحقها ياافنان
افنان ……😢💔 خلها تقعد بروحها شوية

رواية ولدك يا بلادي الحلقة الخامسة~~~~~~~~~~

اياد …… كنت مقعمز في الصالة نسمع في كلامهم طلعت وقفت لحقتها اصبري
اعتدال …..😢😢💔 تشمت حتى انت تشمت تفضل طبعا توا كلكم تفهموا وعارفين انه ولاعمره فكر فيه انى الحمارة الوحيدة يلي مش قادره نفكر ؟؟؟
اياد ….. قصدي مازال عندك امل انه يطلع يحبك ؟؟
اعتدال …… اخته شن بيلوحها ؟؟؟
اياد ……. هههههه كلامك ماكانش هكي في الدار
اعتدال ….. شن تبي منى
اياد …… شيء ، بنساعدك
اعتدال ….. انت 😏 انت بتساعدني
اياد …… اختبار بسيط يخليك تعرفي يحبك والا لا
اعتدال ….. مسحت دموعي يلي هو ؟؟
اياد ….. الغيرة الحاجه الوحيده يلي مايتحملهاش الراجل انه يشوف البنت يلي يحبها مع غيره
اعتدال ….. 😒 فاضية حتى انى نسمعلك ، واحد في حياته كلها ماعرفش بنت ناس في حياته كلها راهو تهيج برا مع المعريه واختها وتوا جاي يقولي الغيرة وكلام الافلام
اياد ….. مش عاجبينك المعريات !!! ماهو احسن منك عالاقل ابسط ماتحس روحها معجبه بواحد تمشيله تقوله طول مش تعيش عمر على اوهام وتكبر في الموضوع في رأسها وهو ماليشي اساس اصلا
اعتدال …… 😒 مدام عاجبينك امشيلهم ، وانى معادش تتكلم معاي مره ثانيه ومشيت

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~~

افنان ….. قعدنا مع حور للمغرب ومافيش فايده تبكي وخلاص ،روحنا للحوش ، رن تلفوني هذا نفس رقم امس 🙄 شن يبى منى !!!
خليته رن مره واثنين وثلاثه في الرابعه رديت ؟ الو
حمزة….. افنان !
افنان ….. نعم
حمزة…. كيف حالك
افنان ….. شن تبي علاش مصر عالاتصال هكي
حمزة…. نبي نتعرف عليك ؟
افنان …. والله !! ماناقص عليا غر انت
حمزة….. خيرني انى ؟؟
افنان ….. شوف انى بنصكر توا و…..
حمزة….. يمكن الطريقة يلي تلقينا بيها مش حلوه بس انى عجبتينى وحابب نتعرف عليك
افنان ….. انى مخطوبة
حمزة……😳
افنان …… توا بنصكر ورقمك بنحطه في الحظر علمتي اختى كيف نديره 😌 مش ح تقدر تتصل بيه مره ثانية وصكرت
حمزة …… هههه أوس. أوووووس
أوس ….. ايوه
حمزة ….. البنت قالت انى مخطوبة شن القصة هذه مش قلت خديت كل معلوماتها
أوس ….. كذبه تجري بيك انى سألت علها اقاربها وجيرانها بالعكس الكل يمدح فيها يحسابوني بنخطبها
حمزة ……🤔 امممم ، شفت لاوس فيه حد مايعرفش يدير حظر في 2020
اوس ….. ههههههه شن خطر عليك
حمزه …… تمام خلاص ،، شفت من الروشن هههه وانى ندكر كيف قالت بعفوية علمتنى اختي براءتها وعفويتها هذه تهبل فيا ❤️🔥

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

#بعد_اسبوع

افنان ….. بابا سأل على ايوب وكل اموره تمام وافق عليه واتفقوا بعد اسبوع ايديروا فضانية مع انه ماما مش عاجبها الموضوع هلبا بدات موضوع الحوش بس لما انى قلت موافقة بابا قال هذا المهم مدرتش حتى نظره شرعية لانى نعرفه واهم شيء صار معاي هو انه اهالي المنطقة شدوا في بابا خلاني نرجع للجامع ثاني ❤️

اعتدال ….. مافيش حاجه تغيرت في حياتي من يومها 💔😢 قاعده نستنى في معجزه وعارفه انها مش ح تصير 💔 معادش نمشي لحياش عمامي الزوز من المدرسه للحوش وخلاص

حور ….. من هضاكه اليوم صديق معادش فتح معاي الموضوع وفي نفس الوقت يجهز في الشقة وواضح انه بينتقل وانى معادش كلمنى ومعادش عارفه شن ندير 💔

افنان ….. طلعت بعد الغدي للجامع شفت سيارة سودا مرشها مظلم في طرف الشارع 💔 خفت سرعة في مشتي ومعادش تلفتت وانى مروحه نفس السيارة موجودة قدام الجامع بمسافة 💔
اول ماوصلت للحوش وغيرت رن تلفوني رقم غريب 🙄 رديت الو
حمزة….. افنان انى حمزة
افنان …. شن تبى انت 😡 قداش عندك رقم
حمزة…… ههههه قد ما تقدري تحطي في الحضر
افنان …… باهي وشن تبي منى ؟
حمزة ….. بصراحة من اول مره شفتك فيها وانتِ شاغله عقلي ❤️ شاغله قلبي ❤️ مش عارف اذا هذا حب من اول نظره والا اعجاب يلي نعرفه انى نبي نعرف كل شيء يخصك ونبي نقرب منك ونتكلم معاك
افنان …..شن شن تقول انت ؟؟؟؟؟ احترم نفسك ومعادش تتصل بيا ورقمي لو استمريت هكي بنغيره
حمزة ……. مش صعب نجيبه زي ماجبت الاول
افنان ……😡 نقعد بلا تلفون بكل باهي ارتاح وصكرت في وجهه ياعليك علقه

رواية ولدك يا بلادي الحلقة الخامسة~~~~~~~~~~

حور…… نطيب في العشي ونفكر 💔 شن ندير ونقول ؟؟؟
صديق ….. خشيت للمطبخ انى طالع تبي شيء من برا
حور ….. تمام
صديق ….. تمام شن ؟ ماتبي شيء ؟
حور …… تمام ، قصدي💔 موافقة على … وقعدت ساكته
صديق …… موضوع الزواج ؟؟؟؟؟؟
حور ….. هزيت رأسي بمعنى ايه 💔
صديق …..💔 تمام نشوف عمامك والشيخ
حور ….. لكن … نبي نقول ….. يعنى بعدين 💔
صديق…. بالله عليك حور ماتتكلمي في الموضيع هذه توا كيف ماتبي يصير بعدين وطلعت 💔 كنت مخنوق وخايف كاره روحي وحتى كارهها
مشيت لعمي فرج قلتله وطلعت

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

اعتدال …… اول ماسمعت 💔 انه حور وافقت 😭😭😭 طلعت طول لحوش عمي دقيت على روشن دار عمي
اياد ….. فتحت الروشن اعتدال ؟؟؟
اعتدال….. اطلع نبيك 😒
اياد ….. اوامر ثانيه ؟؟؟؟ بعدين الحوش عنده باب علاش جايه من الروشن
اعتدال ….. هيااااااااا
اياد …..باهي وانتِ تصيحي ونضت وقفت قدام المراية رتبت شعري وطلعت
اعتدال ….. واقفه نهز في رجلي بقوة
اياد …. شن فيه ؟؟
اعتدال …… تمام ساعدني
اياد ……. كيف ؟
اعتدال ……. مش قلت نساعدك باش تعرفي صديق يحينى والا لا 🙄
اياد …… 😏 حلو جتينى في الاخير ؟
اعتدال ……. بتساعدني والا لا ؟؟
اياد …… تمام
اعتدال ……. كيف شن نديروا
اياد …… خليني نفكر ونتكتكها كويس في رأسي ونقولك 😉
اعتدال …… غر راك تقعد تكتك لين يتزوج 💔
اياد …… ههههه ماتخافيش

رواية ولدك يا بلادي الحلقة الخامسة~~~~~~~~

افنان …. قعدت نهدرز مع ايوب ويوصلوا فيا رسائل من رقم جديد 💔 ياربي هذا حطني في رأسه 😔 مش قادره نقول لا لبابا ولا لايوب وخايفة يتمادى اكثر من هكي 💔 حدفتهم بدون مانقراهم ومر الاسبوع بسرعه ، وجي يوم الفضانية والتلبيسة بس رسائل ومكالمات حمزة مخلين فرحتي ناقصة 💔 بس جيت حور واعتدال اليوم وحتى صابرين نستنى في كل شيء

~~~~~~~~~~~~~~~~~~~~~~~~~~~~~

حمزة ….. شن صار معاك ؟
أوس …… مافيه شيء
حمزة….. البنت لو تتغلا بس وهي مش مخطوبة مش معقوله ماتعطنيش وجه للدرجة هذه
أوس ……. لانها شيخة 🤷🏻‍♂️
حمزة…… مع هذا زيد تاكد نبي نعرف كل شيء
أوس ……. تمام توا نشوف الولد يلي نعرفه غادي وطلع اتصل بيه
عمر ….. تفضل يابرنس
أوس …. قتلك البنت يلي سألتك علها الشيخة 🙄
عمر …… خيرها ؟؟؟ عمرها طويل الحاج ماشي لفضانيتها قبل شوية
أوس ……😳 فضانيتها ؟؟؟؟
عمر …… ايه
أوس …. على من ؟؟ امته صار مش قبل قلت مش مخطوبة ؟
عمر …… نصيب
أوس …… تعرف اسمه او من هو ؟؟؟
عمر ….. والله سمعت ونسيت شفته الاسبوع يلي فات كان مع ولد عمها شكله جاي بيتفق معاهم ، لكن والله الاسم مانجيبه توا
أوس ….. ايوب ؟؟؟؟
عمر ….. ايواااااااه بالزبط ايوب ال&&&
أوس …… تمام تمام وصكرت وخشيت لحمزه 💔
حمزة….. شن صار ؟
أوس …… حمزة اسم مني المره هذه وفوتها البنت
حمزة…… 😳 وعلاش ان شاء الله ؟؟ شن عرفت ؟ شن قالك الولد
أوس …… فوتها و…..
حمزة …… بصوت عالي ، أوووووووس تكلم 😡😡
أوس …… الليلة خطبتها وأيوب هو خطيبها
حمزة……

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى