رواية ولدك يا بلادي الحلقة السابعة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة السابعة .. روايات صفاء روايات ليبيه

رواية ولدك يا بلادي الحلقة السابعة .. روايات صفاء روايات ليبيه

#ولدك_يابلادي

الحلقــــــــــ(7)ـــــــة

اعتدال ……. تعاله معاي برا شوية نبيك في موضوع
صديق ….. ان شاء الله خير
اعتدال ……. خير خير ومشينا نتمشوا ، بلعت ريقي كنت متوتره لين خلاص ، وقلتها في مره وحده ، استاذ سالم يلي معاي معجب بيا وكلمني 💔
صديق ……😳 سالم !!!
اعتدال ……. 🙄 ايه وانى نشوف لوجهه نحاول نلقا اي تفصيل فيه مش طبيعي ونفسره انه غيره 🥺 هزيتله رأسي بمعنى شن
صديق ….. الراجل نعرفه لكن انتِ عارفه انه مش من المنطقة يعنى معرفتنا بيها مش قوية ، وانتِ معاه في نفس المدرسة من سنين تعرفيه اكثر مني لو عنده حركات مش كويس اكيد سمعتي عليه !!!
اعتدال …… 🥺 مش عارفه 💔 مكنتش مركزه عليه
صديق …. عموما حركته ماعجبتنيش 🤷🏻‍♂️ انه كلمك انتِ هو يعرفني حتى كان مايبيش يكلم عمي طول لكن مع هذا لو حابه نسألك عليه عادي
اعتدال …… بنبكي خلاص صوتي مخنوق 💔 خاطري ننسحب ونمشي بدون مانقول شيء ، قعدت ساكته وانى نحاول نهدي داخلي باش نجمع شوية كلمات نقولها ونمشي ونخليه
اياد …… كنت نشوف فيهم من الباب 💔 الغبية واضح مايحبهاش ماسمعتش شن يحكوا لكن من ارتباكها وحركاتها واضح انه ردات فعله مش زي ماتبي قربت منهم 😒 شن فيه
اعتدال …… اوووف الحمدلله يلي جي
صديق …… 😒 شيء شن فيه ؟
اعتدال …… نهدرزو بعدين ومشيت بسرعة
صديق ……. غر تعالي شن ندير ؟؟؟؟
اياد ……. اسف شكلي خريت عليكم الجو
صديق ….. جو شن انت الثاني
اياد ……. هههه قريب نصدقك ! يلي مفروض اختك بتتزوجها يلي مفروض بنات عمامك وقفات وحركات زايط وانت داير روحك ولد العيلة
صديق …… كلنا يرى الناس بعين طبعة وخشيت وخليته

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

حمزة …… كان ماتبيش بوك ينوض في يوم مايلقا شيء في المحل يلقاه مخنوب
كان ماتبيش ولد عمك صديق يتهم بانه تبع داعش
كان ماتبيش راجل بنت عمك ، اسم عادل وله ؟ يخصر خدمته يلي من سنين يجري وراها وفرح انه حصلها
افنان ….. 😳 شن شن قصدك انت؟
حمزة …… تسيبيه وتوافقي عليا انى ونتزوجوا 😡 والا فوق يلي قلته هذا كله يختفي السيد ايوب ومعادش تعرفي مكانه
افنان ……😢💔 مستحيل انت شيطان مش بشر
حمزة…… تبي وقت تفكري ؟؟؟
افنان…… نفكر في شن في شن 😠 اعلا مافي خيلك اركبه ، انى نحب ايوووووب اول مره نرطبة في حياتي بس حبيته 🤷🏻‍♀️نحبه 💔😠 هو قاعد ماسمعهاش مني بس حبيته بكل مافيه شفته فيه الشخص يلي نتمنى نكون …
حمزة …..😡 اسكتي افنان اسكتتتتتتي وحدفت التلفون بقوة جهدي عالحيط
افنان …..😨 الو !!!!! صكر حطيت تلفوني وقعدت نفكر هل حق ممكن ينفذ تهديده او لا 💔

~~~~~~~~~~~~~~~~~~~~~~~~~~~~~

أوس …… خش 😳 شن صاير وقمت التلفون
حمزة…… شيء وشديت شعري بقوة شحيته وضربت بقبضة يدي الطاولة
أوس …… واضح انه مش شيء تي تكلم ياراجل ، العميد شن فيه ؟؟؟
حمزة ….. افنان ، نبها 🔥 نبها ياأوس
أوس …… حمزة بجد تحبها والا ادير هكي لانه ايوب وعائشة والماضي طلع قدامك عن طريقها 💔
حمزة…… انى مش ح نخصر ثاني انى مش ح نولي 10 سنين للخلف انى من يومها معادش رضيت نخصر شيء شن ماكان الثمن تصرف احبس بوها وعمها ولد عمها مانعرفش شن ادير المهم خلها توافق خلها توافق ياأوس
أوس ……🙄 شن رأيك نخطفهالك مره وحده ؟؟؟؟ خيرك ياراجل امس خاش علها بالحنية ومطلع بوها وعمها شن صار
حمزة …… ايه طلعت بوها وعمها واعتدرت منها على قصة خشوش الجامع وعلى قصة محاولة خطف البنت وانى حمزة يلي مش هايب حد في البلاد كلها قعدت نساير فيها ونغير في ارقامي ونحاول معها لكن هذا قبل مانعرف انها انخطبت قبل ماتقولي انها تحبه 💔😡
أوس …… 🤷🏻‍♂️ فوتها خلينا نركزوا في خدمتنا جماعة الصقر بيهجموا على منطقة …..، وفي الحال هذا بيكسبوا ارض اكثر في حاله انهم سيطروا يعنى في المفاوضات الجاية ماتستبعدش انه توصلهم دعوة من الامم المتحدة انهم من اصحاب القوة عالارض وحنى نطلعوا من الحسابات
حمزة….. انى في شن والا في شن توا
أوس ….. هذا يلي نقول فيه البنت هذه مش ح تفيدك البنت هذه بتخسرنا فوتها تمشي على حالها وخلينا لهين في خدمتنا
حمزة …… فوتها خدمتنا توا الصقر من. بكري يتصل بيا اكيد يبى من يحمي ظهره من الجيهة هذه وهو يحارب لو عرض اتفاق كويس نتم معاه توا المهم شوفلي موضوعها
أوس ……. باهي 😒 وطلع

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

اعتدال ….. مقدرتش نرقد بعد يلي صار نبكي طول الليل ونشوف في تلفوني يضوي اياد يتصل بيا لين انطفي الشحن 😭😭 معقولة عايشة في وهم من سنين معقولة كل يلي عشته لليوم خيال 💔

~~~~~~~~~~~~~~~~~~~~~~~~~~~~

افنان ……. قعدات نصلي وندعي في ربي ❤️ ياربي لو هذا اختبار ليا خليني قده لو هذا عقاب على شيء درته خليني نتحمله ونحمدك 🥺 ياربي اجعلني من الصابرين ووريني الصح وين اختار لي ولا تخيرني نضت لوحت تلفوني في الحوض وفتحت عليه الميه 💔 شويه وانطفي قمته لوحته في الدرج وخشيت رقدت بعد الفجر

~~~~~~~~~~~~~~~~~~~~~~~~~~~~~~

#ثاني_يوم

حور …… ندير في الفطور خش عليا اياد
اياد …… ما شفتيش اعتدال اليوم
حور …… اعتدال شن يلي بنشوفها الساعة 9 الصبح
اياد …… مااتصلتش بيك ؟
حور ….. اعتدال تنوض الساعة 11/12 يعنى توا عندها فجر ، خيرها فيه حاجه
اياد ….. لالا غر واخده منى فلاش نبيه
حور ……فلاش ؟. اياد انى سمعت يومها كلامك معها راهو
اياد …… شن تخرفي انتِ اي كلام
حور ….. انها فتحتلك قلبها وحكتلك واعتبراتك صديق ؟؟؟
اياد …… 😏 وشن المشكلة ؟؟؟ والا خايفة من حبيب القلب يضيع من يدك
حور …… 😠رقم واحد احترم نفسك ، رقم اثنين حنى نحبوا اعتدال ونعرفوا مصلحتها اكثر منك لو فيه شيء يندار كنا درناه
اياد …….😒 انتِ بدات اسكتي زعميتك صاحبتها ولا عمرك قلتيلها انه يلي دار روحه خوك حاط عينه عليك 😉
حور ….. قمت يدي بنضربه كف 👋🏻
اياد ….. شديتها يدها قبل ماتوصل 🤨 ديما الحق يوجع هكي
صديق …….😳 شن فيه شن صاير هنى ؟
حور ….. سحبت يدي مافيه شيء
صديق ……😠 شفت انى ، شن درتلها لين بتضربك
اياد …… قلتلها نتزوجك 😉
صديق …….😠 قربت منه خنقته احترم نفسك احسن لليوم ساكتلك لكن توصل فيها نقتلك
حور ……. صديق بالله عليك والله ماقال حاجه يستفز فيك بس مدوراش
اياد …… دفيته ومشيت للدار
صديق …….تكلمي شن صاير شن قالك
حور …… شيء شيء 😭 خيرك وليت هكي انت عصبي وتكشخ طول الوقت خلوني في حالي مليت كل حد منكم لقيني ساكته يجي يفش غله فيه
صديق ….. مديت يدي بنشدها من كثفها بعدين سحبتها 💔 بديت نحسب في حركاتي معها ولمساتي ليها بعد يلي قرارناه
حور ……. مشيت لداري وصكرت على روحي ، حتى الحاجه الوحيدة يلي كانت عندي خوي الحنين خدوه مني بدي مش قادر يمسح على شعري والا يطبطب على كثفي 💔 😭

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

اعتدال ….. نضت حطيت تلفوني في الشحن وجهزت روحي للمدرسة
نعيمة …… خيره عيونك هكي
اعتدال …… سهرت على فلم البارح
نعيمة …… منظرك يخوف ديري خافي عيوب والا شن تقلوله
اعتدال ….. فوتي عادي
نعيمة …… تي بتمشي هكي قدام الناس تقول امك ميته امشي سلم بنتي امشي
اعتدال ….. باهي 😒 وخشيت حطيت مكياج ولبست نظرات وطلعت

~~~~~~~~~~~~~~~~~~~~~~~~~~~~~

افنان ……. نضت متاخر
جميلة….. افنان خيرك مريضة عطلتي في النومة اليوم
دانية….. ايه وانى ضميت الحوش كله الكوجينة عليك مادخلنيش فيك
افنان ….. باهي
دانية…… شن بيصير في الدنيا وافقت طول
افنان …… اي حقا نضت نشرب البارح تلفوني طاح مني في الحوض وهو فيه اميه فسد
جميلة…… قولي هكي وهذا علاش منكده من الصبح
دانية…… علاش منكده توا خطيبك ياحنة يجيبلك احسن تلفون
افنان …… لالا مافيش داعي ماما عطيني نقوله من تلفونك واحسن اصلا انى منحبش الكلام والتلفونات والجو هذا خلينا هكي للعرس
جميلة…… اللطف هذا خطبك خلاص
دانية…… ايواه ناضت الشيخة عاد ، ديري هكي لين الولد يطفش
افنان ….. هزيت رأسي بملل ونضت خديت تلفون ماما واتصلت باايوب
ايوب ….. الو السلام عليكم
افنان ….. وعليكم السلام ايوب انى افنان
ايوب …… افنان وينك وينك من الصبح نتصل مصكر
افنان ….. تلفوني طاح في المية فسد
ايوب …… سلامتك انتِ توا نجيبلك تل….،
افنان …… ايوب ، وتنهدت بصراحة مانبيش ندير تلفون تاني لين نتزوجوا خلينا نطمنوا على بعض كل فترة من تلفون ماما وخلاص
ايوب …….😒 افنان تلفونك فسد والا معادش تبي تكلمينى ؟؟؟
افنان …… لا والله الا فسد ؟ بس مانبيش ندير غيره مايجيب الا المشاكل
ايوب …… اي مشاكل ؟؟؟ افنان حمزة رجع كلمك 😡
افنان ……😔 لا
ايوب …… افنان احلفي ، عارف مش ح تحلفي كذب احلفي انه معادش اتصل
افنان ……💔 اتصل ، ايوب اوعدني انك لاتكلمه لاتشوفه بالله عليك انى صكرت تلفوني وماعنده كيف يوصل فيه توا بالله عليك ماادير معاه مشكله
ايوب ……😤 باهي باهي
افنان ……. ايوب 🥺 لو تحبني لو عندي خاطر عندك بالله عليك
ايوب …… باهي خلاص متخافيش ، لكن فوتيه جو معادش بنكلمك انى كان مانسمعش صوتك نهبل
افنان …… حتى انى ☺️
ايوب …… شن ؟؟
افنان …… ههههه نبي نسمع صوتك
ايوب …… افنان تحبينى ؟؟؟
افنان …… ايه ☺️
ايوب ……. قولها
افنان ……. عارفني نتحشم خلاص
ايوب …… ههههه بنمشها توا بعد نتزوجو بتقولها 2000 مره في اليوم
افنان ……هههههه 2000
ايوب …… شن خساره فيه ؟؟؟ انى مستعد نقولها مليون مره
افنان ……. هههه خل نعطي لماما تلفونها توا نكلمك وقت ثاني
ايوب ……. تمام

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~

اعتدال …… وانى مروحه عشية شفت اياد قدام الباب 😒 جيت بنخش
اياد …… احترمي حتى هالكلب يلي ديرلك قدر ويصل بيك الف مره وردي عليه
اعتدال ….. شن تبي مني ؟؟؟
اياد …… ولا حاجه 😒
اعتدال ….. بتاخد موقف خود مش ح نرضي حد
اياد …… عندك الحق من اياد اصلا وخشيت وخليتها
اعتدال ….. ناقصني مفرخ 😒 وخشيت للحوش وكان مزاجي احرف من اليوم يلي قبلة حاسة انى خسرت صديق خلاص خسرت حب عمري 💔

~~~~~~~~~~~~~~~~~~~~~~~~~~~~~~

حمزة… نتصل بيها تلفونها مصكر كنت معصب طول الوقت ، والتلفون في يدي كل شويه نحاول
أوس ….. خيرك ؟
حمزة …… تلفونها مصكر
أوس ….. بالك حاضراتك
حمزة ….. مصكر مش حظر ، هات ترا تلفونك نجرب بيه
أوس ….. 🙄 لازم تحضرني حتى انى يعني ؟؟؟
حمزة …… 😒 وانت شن بدير بيها واتصلت 💔 مقفل
أوس ….. بالك متعاركه مع خطيبها مصكراته ههه
حمزة….. 😒
أوس ….. تي نبصر ياراجل خيرك ؟
حمزة….. ضاقت بيك معادش لقيت شن تبصر 😒 نوض نوض نمشوا للصقر نفهموا شن بيصير هالبلاد يلي معادش شادها حد كل يوم طالع واحد
أوس ….. فش غلك فيهم توا عاد

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#بعد_يومين

افنان ….. كان يوم جمعة عشية مشينا كلنا لحور لانه مازال 3 ايام بس ويقروا الفاتحة متعهم
صابرين …. ضربت بنتها قلت قعمزي انى 😤
اعتدال …… مقعمزه وانى محروقة والكل عارف وضعي 💔
دانية …… معقولة تصكير رأسك يعنى مش شارية حتى حاجه بتقابليه ببيجامتك القطنية هذه 🤦🏻‍♀️
حور …… 😳 دانية تحشمي
صابرين ….. عندها الحق اسمعي مني صديق مش ح يتزوج بنية الطلاق ، وانتِ كان توا مقدرتيش كلام الناس ماتحسابي كان تزوجتيه لين تميتي قرايتك بتطلقي بعدها وتقلي واحد يقبل بيك وتتزوجي ، توا موقفك احسن راهو بعدين لاقدر الله الناس بتقول اشبح شن صاير بينهم لما كانوا على اساس خوات وتزوجوا فترة غطوا على عملتهم وتوا سيبها
افنان ….. كلام صابرين صح 💔
حور …..😢
صابرين …… وصديق راجل دار يلي عليه بزوجه منك ولو بتقولي انى بنقعد اختك ومش متقبلاتك
بعد فترة يمشي يتزوج وحده ثانية ويعيش حياته وانتِ يلي تاكلها
لهدا انشطي روحك ومدام جابه النصيب انسي قصة خوات هذه واهتمي بالراجل احسن
اعتدال …… انى بندير قهوة 💔😢 ونضت خشيت للمطبخ
صابرين …… 💔
افنان ….. صابرين خيرك جوك ابصر كيف من حين جيتي وتعاركي في الصغار
صابرين ……😢 عادل بعد عامين وهو يجري وراء هالخدمة ووين حصلها سيب عمله الاول يلي في الصبح ويلي في العشية توا بعد 6 شهور بس قالوله بنحولوا الناس يلي زايده خطة اقتصادية والا شن طلعوه امس من الخدمة وقالوله كان استحقينا بيك توا نتصلوا
افنان ……🥺💔 عرفته حمزة دارها
دانية….. حيييي
حور …… ربي يعوضكم خير
صابرين….. ان شاءالله والله قريب يهبل
افنان …… دانية اعطيني تلفونك نركب فيه شفرتي ؟؟
دانية….. فكينا من جو خطيبي توا وقعمزي
افنان …… غر هاتي بلا جو
دانية …… هاكي حولي الشفرة الاولي مش الثانية 🌚
افنان …. خديته وركبت شفرتي في التلفون وخشيت لدار حور 💔 اي رقم هو رقمه شفت رقم جاي منه هلبا مكالمات جربت اتصلت بيه مقفل اوووف هذا وين رقمه
قعدت نجرب في الارقام يلي في الحضر لين واحد منهم رن
حمزة….. كنت مقعمز في اجتماع مع مجموعة رن التلفون شفت رقمها 😳 وقفت ااا مكالمة مهمة عن اذنكم شوية
أوس …….. هز برأسه بمعنى شو ؟
واحد من يلي مقعمزين // وقفته شكله حد قوي يلي اتصل
أوس ….. خل نكملوا مابين جي

حمزة…… احمم صكرت المكتب ورديت الو
افنان …… السلام عليكم
حمزة…..❤️ وعليكم السلام افنان
افنان …… حمزة وله 😒؟
حمزة …… ايه انى ، تلفونك مقفل من يومها ؟؟
افنان ……. اسمع انى اتصلت بيك لانك خربت شغل عادل 💔
حمزة…… وانى قلتلك قبل 🤷🏻‍♂️
افنان …… خاني صوتي وخانوني دموعي ونزلوا 😢 حرام عليك هو شن دنبا
حمزة….. افنان تبكي 😳 ؟
افنان ….. نبكي 😢 ارتاح نبكي كل انسان عنده طاقة حرام عليك من يوم عرفتك وانى من قصة لقصة 💔 احقد عليا انى لانى رفضتك احقد عليا انتقم منى انى خرب خدمتي حياتي 💔 لكن شن دخل الناس حرام عليك
حمزة …… انى مستحيل نأديك انتِ لكن راح نادي كل شخص قريب منك وتحبيه 🤷🏻‍♂️ وحل هذا كله في يدك
افنان ……😠 شن المنطق الغبي هذا مستحيل نأديك لكن نأدي اي حد تحبيه والانسان لما يصير شيء لحبابه مايتوجعش معاهم
حمزة….. الحل في يدك افنان سيبي. ايوب واعطيني فرصة
افنان ….. انى كل يوم نكرهك اكثر ، واحد زيك حياته واضحة كيف ماشية شن بنتقبل فيك ؟؟؟
حمزة….. لو عطتيني فرصة راح تحبينى اعطي لروحك فرصة تعرفي عليا ، يعنى ايوب هو يلي كويس !!!! ليك 25 سنة ماارتبطيش وين شفتك وحبيتك خطرلك ارتبطي في يومين 💔
افنان ….. اي فرصة تبها ،، انت تعرف ايوب وين شفته اول مره ؟ ايوب شفته في الجامع زيك هو سألني على المكان يلي يتوضاء فيه باش يصلي وانت خشيت على بساط الجامع بكندرتك وسلاحك وتوا جاي تقولي توا تحبيني وين تتعرفي عليا ومن قال هو كويس الفرق بينكم واضح 🤷🏻‍♀️!!! لو سمحت لو سمحت خلي الناس في حالها وصكرت في وجهه وحولت شفرتي طول 😔
حمزة….. الو ااا عاودت مقفل 😠
طلعت 😡 نكملوا في وقت ثاني انى عندي شغل
الكل ……😒😠
أوس …… حمزة !!!!
حمزة …… خديت مفاتيح السيارة وطلعت 😠

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#بعد_3ايام

حور …… من يومها روحت مع بنات عمي امحمد 💔 على اساس قرب العرس ومفروض مانقعدوش مع بعض في نفس الحوش. ، فاتوا الثلاثة ايام وانى منكده نبكي وخايفة متردده مش عارفه شن ندير وصل يوم الفاتحة طبعا مش دايرين شيء لانه الكل عارف سبب الزواج وعارف انه بابا وجدي ملهمش هلبا متوفين
من الصبح وانى نبكي وزايده وجعتنى اعتدال يلي معادش شفت وجهه وتججت انها مريضة حتى اليوم ماجتش 💔
افنان ….. خشيت للدار ياسرك ياحور من البكاء نوضي اغسلي وجهك صديق يبيك برا قال بابا
حور ……😳 علاش !!!! ان شاءالله يقول ماصارش
افنان …… مصح وجهك نوضي شوفيه
حور ….. نضت طلعت للصالة كان هو وعمي مقعمزين
صديق ……💔من عيونها واضح انها مفوته ايامها في البكاء 😔 ياربي شن هالاختبار يلي حنى فيه
امحمد ….. تعالي قعمزي هنى
حور …… نعم
صديق …… عطيت الظرف لعمي
امحمد ….. مده لحور هذه مهرك
حور ……😳 شن هذا لا مانبي شيء انى
امحمد …… هذا حقك يابنتي وصديق راجل حقاني انى بنكون وكيلك ان شاءالله واهو شهدت انه عطاك مهرك وربي يباركلكم ان شاءالله
حور …… طول الوقت رأسي لوطة قمته فوق 🥺 صديق انى مانبي شيء
صديق ….. هذا حقك ونضت طلعت
حور …… خديته وخشيت للدار 😭😭
دانية ….. شن هذا ؟؟؟
حور …… المهر
دانية…… ترا نشوف كم 😳 اشيه مهرك بالدولار يافرخة ماشاءالله 3 الف دولار
حور ……😭😭😭

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

اعتدال …… بنموت بنهبل خلاص مش عارفه شن صاير فيه ليا يومين طريحة الفراش 😭😭 مش بس الجسد يمرض الروح تمرض انى حاسه انه روحي مريضة 😭😭 مش قادره نتخيل انه خلاص بيكون معها ندكر في كلام البنات يومها حور ح تنفده حور بسيطة وخوافه اي حد يقوللها شيء اديره 💔 وقفت فتحت الدرج ندور في حبوب صداع قابلوني هلبا انواع 💔😭 للحظه فقدت السيطرة على نفسي وبديت ناخد في حبوب الصداع وراء بعض واحده اثنين. ثلاثة اربعة خمسة بعدها كمشة مع بعض 💔🥺 وقتها كنت نبي الالم يوقف ونرتاح بس مش مهم الطريقة

~~~~~~~~~~~~~~~~~~~~~~~~~~~~

صديق …… لبسة زبوني ومشينا للجامع نزلت ونزلوا عمامي والجيران وقفنا نستنوا في الشيخ
شوية والدنيا كلها تعبت سيارة شكلها دولة 💔 شن فيه
الشرطي ….. رافع سلاحة وين صديق ؟
صديق …… انى
الشرطي …… وجهه سلاحة عليه قعمز عالارض ويديك فوق
امحمد …… شن شن 😳خيركم شن داير
الشرطي ……هذا منظم لتنظيم الدولة ياحاج انزل انبطح

#يتبع

بيما انى كملتها قلت انزلها بكري باش يلي عندها ضي تلحق تقرها ، ❤️ تفاعلوا #ولدك_يابلادي

الحلقــــــــــ(7)ـــــــة

اعتدال ……. تعاله معاي برا شوية نبيك في موضوع
صديق ….. ان شاء الله خير
اعتدال ……. خير خير ومشينا نتمشوا ، بلعت ريقي كنت متوتره لين خلاص ، وقلتها في مره وحده ، استاذ سالم يلي معاي معجب بيا وكلمني 💔
صديق ……😳 سالم !!!
اعتدال ……. 🙄 ايه وانى نشوف لوجهه نحاول نلقا اي تفصيل فيه مش طبيعي ونفسره انه غيره 🥺 هزيتله رأسي بمعنى شن
صديق ….. الراجل نعرفه لكن انتِ عارفه انه مش من المنطقة يعنى معرفتنا بيها مش قوية ، وانتِ معاه في نفس المدرسة من سنين تعرفيه اكثر مني لو عنده حركات مش كويس اكيد سمعتي عليه !!!
اعتدال …… 🥺 مش عارفه 💔 مكنتش مركزه عليه
صديق …. عموما حركته ماعجبتنيش 🤷🏻‍♂️ انه كلمك انتِ هو يعرفني حتى كان مايبيش يكلم عمي طول لكن مع هذا لو حابه نسألك عليه عادي
اعتدال …… بنبكي خلاص صوتي مخنوق 💔 خاطري ننسحب ونمشي بدون مانقول شيء ، قعدت ساكته وانى نحاول نهدي داخلي باش نجمع شوية كلمات نقولها ونمشي ونخليه
اياد …… كنت نشوف فيهم من الباب 💔 الغبية واضح مايحبهاش ماسمعتش شن يحكوا لكن من ارتباكها وحركاتها واضح انه ردات فعله مش زي ماتبي قربت منهم 😒 شن فيه
اعتدال …… اوووف الحمدلله يلي جي
صديق …… 😒 شيء شن فيه ؟
اعتدال …… نهدرزو بعدين ومشيت بسرعة
صديق ……. غر تعالي شن ندير ؟؟؟؟
اياد ……. اسف شكلي خريت عليكم الجو
صديق ….. جو شن انت الثاني
اياد ……. هههه قريب نصدقك ! يلي مفروض اختك بتتزوجها يلي مفروض بنات عمامك وقفات وحركات زايط وانت داير روحك ولد العيلة
صديق …… كلنا يرى الناس بعين طبعة وخشيت وخليته

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

حمزة …… كان ماتبيش بوك ينوض في يوم مايلقا شيء في المحل يلقاه مخنوب
كان ماتبيش ولد عمك صديق يتهم بانه تبع داعش
كان ماتبيش راجل بنت عمك ، اسم عادل وله ؟ يخصر خدمته يلي من سنين يجري وراها وفرح انه حصلها
افنان ….. 😳 شن شن قصدك انت؟
حمزة …… تسيبيه وتوافقي عليا انى ونتزوجوا 😡 والا فوق يلي قلته هذا كله يختفي السيد ايوب ومعادش تعرفي مكانه
افنان ……😢💔 مستحيل انت شيطان مش بشر
حمزة…… تبي وقت تفكري ؟؟؟
افنان…… نفكر في شن في شن 😠 اعلا مافي خيلك اركبه ، انى نحب ايوووووب اول مره نرطبة في حياتي بس حبيته 🤷🏻‍♀️نحبه 💔😠 هو قاعد ماسمعهاش مني بس حبيته بكل مافيه شفته فيه الشخص يلي نتمنى نكون …
حمزة …..😡 اسكتي افنان اسكتتتتتتي وحدفت التلفون بقوة جهدي عالحيط
افنان …..😨 الو !!!!! صكر حطيت تلفوني وقعدت نفكر هل حق ممكن ينفذ تهديده او لا 💔

~~~~~~~~~~~~~~~~~~~~~~~~~~~~~

أوس …… خش 😳 شن صاير وقمت التلفون
حمزة…… شيء وشديت شعري بقوة شحيته وضربت بقبضة يدي الطاولة
أوس …… واضح انه مش شيء تي تكلم ياراجل ، العميد شن فيه ؟؟؟
حمزة ….. افنان ، نبها 🔥 نبها ياأوس
أوس …… حمزة بجد تحبها والا ادير هكي لانه ايوب وعائشة والماضي طلع قدامك عن طريقها 💔
حمزة…… انى مش ح نخصر ثاني انى مش ح نولي 10 سنين للخلف انى من يومها معادش رضيت نخصر شيء شن ماكان الثمن تصرف احبس بوها وعمها ولد عمها مانعرفش شن ادير المهم خلها توافق خلها توافق ياأوس
أوس ……🙄 شن رأيك نخطفهالك مره وحده ؟؟؟؟ خيرك ياراجل امس خاش علها بالحنية ومطلع بوها وعمها شن صار
حمزة …… ايه طلعت بوها وعمها واعتدرت منها على قصة خشوش الجامع وعلى قصة محاولة خطف البنت وانى حمزة يلي مش هايب حد في البلاد كلها قعدت نساير فيها ونغير في ارقامي ونحاول معها لكن هذا قبل مانعرف انها انخطبت قبل ماتقولي انها تحبه 💔😡
أوس …… 🤷🏻‍♂️ فوتها خلينا نركزوا في خدمتنا جماعة الصقر بيهجموا على منطقة …..، وفي الحال هذا بيكسبوا ارض اكثر في حاله انهم سيطروا يعنى في المفاوضات الجاية ماتستبعدش انه توصلهم دعوة من الامم المتحدة انهم من اصحاب القوة عالارض وحنى نطلعوا من الحسابات
حمزة….. انى في شن والا في شن توا
أوس ….. هذا يلي نقول فيه البنت هذه مش ح تفيدك البنت هذه بتخسرنا فوتها تمشي على حالها وخلينا لهين في خدمتنا
حمزة …… فوتها خدمتنا توا الصقر من. بكري يتصل بيا اكيد يبى من يحمي ظهره من الجيهة هذه وهو يحارب لو عرض اتفاق كويس نتم معاه توا المهم شوفلي موضوعها
أوس ……. باهي 😒 وطلع

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

اعتدال ….. مقدرتش نرقد بعد يلي صار نبكي طول الليل ونشوف في تلفوني يضوي اياد يتصل بيا لين انطفي الشحن 😭😭 معقولة عايشة في وهم من سنين معقولة كل يلي عشته لليوم خيال 💔

~~~~~~~~~~~~~~~~~~~~~~~~~~~~

افنان ……. قعدات نصلي وندعي في ربي ❤️ ياربي لو هذا اختبار ليا خليني قده لو هذا عقاب على شيء درته خليني نتحمله ونحمدك 🥺 ياربي اجعلني من الصابرين ووريني الصح وين اختار لي ولا تخيرني نضت لوحت تلفوني في الحوض وفتحت عليه الميه 💔 شويه وانطفي قمته لوحته في الدرج وخشيت رقدت بعد الفجر

~~~~~~~~~~~~~~~~~~~~~~~~~~~~~~

#ثاني_يوم

حور …… ندير في الفطور خش عليا اياد
اياد …… ما شفتيش اعتدال اليوم
حور …… اعتدال شن يلي بنشوفها الساعة 9 الصبح
اياد …… مااتصلتش بيك ؟
حور ….. اعتدال تنوض الساعة 11/12 يعنى توا عندها فجر ، خيرها فيه حاجه
اياد ….. لالا غر واخده منى فلاش نبيه
حور ……فلاش ؟. اياد انى سمعت يومها كلامك معها راهو
اياد …… شن تخرفي انتِ اي كلام
حور ….. انها فتحتلك قلبها وحكتلك واعتبراتك صديق ؟؟؟
اياد …… 😏 وشن المشكلة ؟؟؟ والا خايفة من حبيب القلب يضيع من يدك
حور …… 😠رقم واحد احترم نفسك ، رقم اثنين حنى نحبوا اعتدال ونعرفوا مصلحتها اكثر منك لو فيه شيء يندار كنا درناه
اياد …….😒 انتِ بدات اسكتي زعميتك صاحبتها ولا عمرك قلتيلها انه يلي دار روحه خوك حاط عينه عليك 😉
حور ….. قمت يدي بنضربه كف 👋🏻
اياد ….. شديتها يدها قبل ماتوصل 🤨 ديما الحق يوجع هكي
صديق …….😳 شن فيه شن صاير هنى ؟
حور ….. سحبت يدي مافيه شيء
صديق ……😠 شفت انى ، شن درتلها لين بتضربك
اياد …… قلتلها نتزوجك 😉
صديق …….😠 قربت منه خنقته احترم نفسك احسن لليوم ساكتلك لكن توصل فيها نقتلك
حور ……. صديق بالله عليك والله ماقال حاجه يستفز فيك بس مدوراش
اياد …… دفيته ومشيت للدار
صديق …….تكلمي شن صاير شن قالك
حور …… شيء شيء 😭 خيرك وليت هكي انت عصبي وتكشخ طول الوقت خلوني في حالي مليت كل حد منكم لقيني ساكته يجي يفش غله فيه
صديق ….. مديت يدي بنشدها من كثفها بعدين سحبتها 💔 بديت نحسب في حركاتي معها ولمساتي ليها بعد يلي قرارناه
حور ……. مشيت لداري وصكرت على روحي ، حتى الحاجه الوحيدة يلي كانت عندي خوي الحنين خدوه مني بدي مش قادر يمسح على شعري والا يطبطب على كثفي 💔 😭

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

اعتدال ….. نضت حطيت تلفوني في الشحن وجهزت روحي للمدرسة
نعيمة …… خيره عيونك هكي
اعتدال …… سهرت على فلم البارح
نعيمة …… منظرك يخوف ديري خافي عيوب والا شن تقلوله
اعتدال ….. فوتي عادي
نعيمة …… تي بتمشي هكي قدام الناس تقول امك ميته امشي سلم بنتي امشي
اعتدال ….. باهي 😒 وخشيت حطيت مكياج ولبست نظرات وطلعت

~~~~~~~~~~~~~~~~~~~~~~~~~~~~~

افنان ……. نضت متاخر
جميلة….. افنان خيرك مريضة عطلتي في النومة اليوم
دانية….. ايه وانى ضميت الحوش كله الكوجينة عليك مادخلنيش فيك
افنان ….. باهي
دانية…… شن بيصير في الدنيا وافقت طول
افنان …… اي حقا نضت نشرب البارح تلفوني طاح مني في الحوض وهو فيه اميه فسد
جميلة…… قولي هكي وهذا علاش منكده من الصبح
دانية…… علاش منكده توا خطيبك ياحنة يجيبلك احسن تلفون
افنان …… لالا مافيش داعي ماما عطيني نقوله من تلفونك واحسن اصلا انى منحبش الكلام والتلفونات والجو هذا خلينا هكي للعرس
جميلة…… اللطف هذا خطبك خلاص
دانية…… ايواه ناضت الشيخة عاد ، ديري هكي لين الولد يطفش
افنان ….. هزيت رأسي بملل ونضت خديت تلفون ماما واتصلت باايوب
ايوب ….. الو السلام عليكم
افنان ….. وعليكم السلام ايوب انى افنان
ايوب …… افنان وينك وينك من الصبح نتصل مصكر
افنان ….. تلفوني طاح في المية فسد
ايوب …… سلامتك انتِ توا نجيبلك تل….،
افنان …… ايوب ، وتنهدت بصراحة مانبيش ندير تلفون تاني لين نتزوجوا خلينا نطمنوا على بعض كل فترة من تلفون ماما وخلاص
ايوب …….😒 افنان تلفونك فسد والا معادش تبي تكلمينى ؟؟؟
افنان …… لا والله الا فسد ؟ بس مانبيش ندير غيره مايجيب الا المشاكل
ايوب …… اي مشاكل ؟؟؟ افنان حمزة رجع كلمك 😡
افنان ……😔 لا
ايوب …… افنان احلفي ، عارف مش ح تحلفي كذب احلفي انه معادش اتصل
افنان ……💔 اتصل ، ايوب اوعدني انك لاتكلمه لاتشوفه بالله عليك انى صكرت تلفوني وماعنده كيف يوصل فيه توا بالله عليك ماادير معاه مشكله
ايوب ……😤 باهي باهي
افنان ……. ايوب 🥺 لو تحبني لو عندي خاطر عندك بالله عليك
ايوب …… باهي خلاص متخافيش ، لكن فوتيه جو معادش بنكلمك انى كان مانسمعش صوتك نهبل
افنان …… حتى انى ☺️
ايوب …… شن ؟؟
افنان …… ههههه نبي نسمع صوتك
ايوب …… افنان تحبينى ؟؟؟
افنان …… ايه ☺️
ايوب ……. قولها
افنان ……. عارفني نتحشم خلاص
ايوب …… ههههه بنمشها توا بعد نتزوجو بتقولها 2000 مره في اليوم
افنان ……هههههه 2000
ايوب …… شن خساره فيه ؟؟؟ انى مستعد نقولها مليون مره
افنان ……. هههه خل نعطي لماما تلفونها توا نكلمك وقت ثاني
ايوب ……. تمام

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~

اعتدال …… وانى مروحه عشية شفت اياد قدام الباب 😒 جيت بنخش
اياد …… احترمي حتى هالكلب يلي ديرلك قدر ويصل بيك الف مره وردي عليه
اعتدال ….. شن تبي مني ؟؟؟
اياد …… ولا حاجه 😒
اعتدال ….. بتاخد موقف خود مش ح نرضي حد
اياد …… عندك الحق من اياد اصلا وخشيت وخليتها
اعتدال ….. ناقصني مفرخ 😒 وخشيت للحوش وكان مزاجي احرف من اليوم يلي قبلة حاسة انى خسرت صديق خلاص خسرت حب عمري 💔

~~~~~~~~~~~~~~~~~~~~~~~~~~~~~~

حمزة… نتصل بيها تلفونها مصكر كنت معصب طول الوقت ، والتلفون في يدي كل شويه نحاول
أوس ….. خيرك ؟
حمزة …… تلفونها مصكر
أوس ….. بالك حاضراتك
حمزة ….. مصكر مش حظر ، هات ترا تلفونك نجرب بيه
أوس ….. 🙄 لازم تحضرني حتى انى يعني ؟؟؟
حمزة …… 😒 وانت شن بدير بيها واتصلت 💔 مقفل
أوس ….. بالك متعاركه مع خطيبها مصكراته ههه
حمزة….. 😒
أوس ….. تي نبصر ياراجل خيرك ؟
حمزة….. ضاقت بيك معادش لقيت شن تبصر 😒 نوض نوض نمشوا للصقر نفهموا شن بيصير هالبلاد يلي معادش شادها حد كل يوم طالع واحد
أوس ….. فش غلك فيهم توا عاد

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#بعد_يومين

افنان ….. كان يوم جمعة عشية مشينا كلنا لحور لانه مازال 3 ايام بس ويقروا الفاتحة متعهم
صابرين …. ضربت بنتها قلت قعمزي انى 😤
اعتدال …… مقعمزه وانى محروقة والكل عارف وضعي 💔
دانية …… معقولة تصكير رأسك يعنى مش شارية حتى حاجه بتقابليه ببيجامتك القطنية هذه 🤦🏻‍♀️
حور …… 😳 دانية تحشمي
صابرين ….. عندها الحق اسمعي مني صديق مش ح يتزوج بنية الطلاق ، وانتِ كان توا مقدرتيش كلام الناس ماتحسابي كان تزوجتيه لين تميتي قرايتك بتطلقي بعدها وتقلي واحد يقبل بيك وتتزوجي ، توا موقفك احسن راهو بعدين لاقدر الله الناس بتقول اشبح شن صاير بينهم لما كانوا على اساس خوات وتزوجوا فترة غطوا على عملتهم وتوا سيبها
افنان ….. كلام صابرين صح 💔
حور …..😢
صابرين …… وصديق راجل دار يلي عليه بزوجه منك ولو بتقولي انى بنقعد اختك ومش متقبلاتك
بعد فترة يمشي يتزوج وحده ثانية ويعيش حياته وانتِ يلي تاكلها
لهدا انشطي روحك ومدام جابه النصيب انسي قصة خوات هذه واهتمي بالراجل احسن
اعتدال …… انى بندير قهوة 💔😢 ونضت خشيت للمطبخ
صابرين …… 💔
افنان ….. صابرين خيرك جوك ابصر كيف من حين جيتي وتعاركي في الصغار
صابرين ……😢 عادل بعد عامين وهو يجري وراء هالخدمة ووين حصلها سيب عمله الاول يلي في الصبح ويلي في العشية توا بعد 6 شهور بس قالوله بنحولوا الناس يلي زايده خطة اقتصادية والا شن طلعوه امس من الخدمة وقالوله كان استحقينا بيك توا نتصلوا
افنان ……🥺💔 عرفته حمزة دارها
دانية….. حيييي
حور …… ربي يعوضكم خير
صابرين….. ان شاءالله والله قريب يهبل
افنان …… دانية اعطيني تلفونك نركب فيه شفرتي ؟؟
دانية….. فكينا من جو خطيبي توا وقعمزي
افنان …… غر هاتي بلا جو
دانية …… هاكي حولي الشفرة الاولي مش الثانية 🌚
افنان …. خديته وركبت شفرتي في التلفون وخشيت لدار حور 💔 اي رقم هو رقمه شفت رقم جاي منه هلبا مكالمات جربت اتصلت بيه مقفل اوووف هذا وين رقمه
قعدت نجرب في الارقام يلي في الحضر لين واحد منهم رن
حمزة….. كنت مقعمز في اجتماع مع مجموعة رن التلفون شفت رقمها 😳 وقفت ااا مكالمة مهمة عن اذنكم شوية
أوس …….. هز برأسه بمعنى شو ؟
واحد من يلي مقعمزين // وقفته شكله حد قوي يلي اتصل
أوس ….. خل نكملوا مابين جي

حمزة…… احمم صكرت المكتب ورديت الو
افنان …… السلام عليكم
حمزة…..❤️ وعليكم السلام افنان
افنان …… حمزة وله 😒؟
حمزة …… ايه انى ، تلفونك مقفل من يومها ؟؟
افنان ……. اسمع انى اتصلت بيك لانك خربت شغل عادل 💔
حمزة…… وانى قلتلك قبل 🤷🏻‍♂️
افنان …… خاني صوتي وخانوني دموعي ونزلوا 😢 حرام عليك هو شن دنبا
حمزة….. افنان تبكي 😳 ؟
افنان ….. نبكي 😢 ارتاح نبكي كل انسان عنده طاقة حرام عليك من يوم عرفتك وانى من قصة لقصة 💔 احقد عليا انى لانى رفضتك احقد عليا انتقم منى انى خرب خدمتي حياتي 💔 لكن شن دخل الناس حرام عليك
حمزة …… انى مستحيل نأديك انتِ لكن راح نادي كل شخص قريب منك وتحبيه 🤷🏻‍♂️ وحل هذا كله في يدك
افنان ……😠 شن المنطق الغبي هذا مستحيل نأديك لكن نأدي اي حد تحبيه والانسان لما يصير شيء لحبابه مايتوجعش معاهم
حمزة….. الحل في يدك افنان سيبي. ايوب واعطيني فرصة
افنان ….. انى كل يوم نكرهك اكثر ، واحد زيك حياته واضحة كيف ماشية شن بنتقبل فيك ؟؟؟
حمزة….. لو عطتيني فرصة راح تحبينى اعطي لروحك فرصة تعرفي عليا ، يعنى ايوب هو يلي كويس !!!! ليك 25 سنة ماارتبطيش وين شفتك وحبيتك خطرلك ارتبطي في يومين 💔
افنان ….. اي فرصة تبها ،، انت تعرف ايوب وين شفته اول مره ؟ ايوب شفته في الجامع زيك هو سألني على المكان يلي يتوضاء فيه باش يصلي وانت خشيت على بساط الجامع بكندرتك وسلاحك وتوا جاي تقولي توا تحبيني وين تتعرفي عليا ومن قال هو كويس الفرق بينكم واضح 🤷🏻‍♀️!!! لو سمحت لو سمحت خلي الناس في حالها وصكرت في وجهه وحولت شفرتي طول 😔
حمزة….. الو ااا عاودت مقفل 😠
طلعت 😡 نكملوا في وقت ثاني انى عندي شغل
الكل ……😒😠
أوس …… حمزة !!!!
حمزة …… خديت مفاتيح السيارة وطلعت 😠

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

#بعد_3ايام

حور …… من يومها روحت مع بنات عمي امحمد 💔 على اساس قرب العرس ومفروض مانقعدوش مع بعض في نفس الحوش. ، فاتوا الثلاثة ايام وانى منكده نبكي وخايفة متردده مش عارفه شن ندير وصل يوم الفاتحة طبعا مش دايرين شيء لانه الكل عارف سبب الزواج وعارف انه بابا وجدي ملهمش هلبا متوفين
من الصبح وانى نبكي وزايده وجعتنى اعتدال يلي معادش شفت وجهه وتججت انها مريضة حتى اليوم ماجتش 💔
افنان ….. خشيت للدار ياسرك ياحور من البكاء نوضي اغسلي وجهك صديق يبيك برا قال بابا
حور ……😳 علاش !!!! ان شاءالله يقول ماصارش
افنان …… مصح وجهك نوضي شوفيه
حور ….. نضت طلعت للصالة كان هو وعمي مقعمزين
صديق ……💔من عيونها واضح انها مفوته ايامها في البكاء 😔 ياربي شن هالاختبار يلي حنى فيه
امحمد ….. تعالي قعمزي هنى
حور …… نعم
صديق …… عطيت الظرف لعمي
امحمد ….. مده لحور هذه مهرك
حور ……😳 شن هذا لا مانبي شيء انى
امحمد …… هذا حقك يابنتي وصديق راجل حقاني انى بنكون وكيلك ان شاءالله واهو شهدت انه عطاك مهرك وربي يباركلكم ان شاءالله
حور …… طول الوقت رأسي لوطة قمته فوق 🥺 صديق انى مانبي شيء
صديق ….. هذا حقك ونضت طلعت
حور …… خديته وخشيت للدار 😭😭
دانية ….. شن هذا ؟؟؟
حور …… المهر
دانية…… ترا نشوف كم 😳 اشيه مهرك بالدولار يافرخة ماشاءالله 3 الف دولار
حور ……😭😭😭

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

اعتدال …… بنموت بنهبل خلاص مش عارفه شن صاير فيه ليا يومين طريحة الفراش 😭😭 مش بس الجسد يمرض الروح تمرض انى حاسه انه روحي مريضة 😭😭 مش قادره نتخيل انه خلاص بيكون معها ندكر في كلام البنات يومها حور ح تنفده حور بسيطة وخوافه اي حد يقوللها شيء اديره 💔 وقفت فتحت الدرج ندور في حبوب صداع قابلوني هلبا انواع 💔😭 للحظه فقدت السيطرة على نفسي وبديت ناخد في حبوب الصداع وراء بعض واحده اثنين. ثلاثة اربعة خمسة بعدها كمشة مع بعض 💔🥺 وقتها كنت نبي الالم يوقف ونرتاح بس مش مهم الطريقة

~~~~~~~~~~~~~~~~~~~~~~~~~~~~

صديق …… لبسة زبوني ومشينا للجامع نزلت ونزلوا عمامي والجيران وقفنا نستنوا في الشيخ
شوية والدنيا كلها تعبت سيارة شكلها دولة 💔 شن فيه
الشرطي ….. رافع سلاحة وين صديق ؟
صديق …… انى
الشرطي …… وجهه سلاحة عليه قعمز عالارض ويديك فوق
امحمد …… شن شن 😳خيركم شن داير
الشرطي ……هذا منظم لتنظيم الدولة ياحاج انزل انبطح

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى