رواية ولدك يا بلادي الحلقة السادسة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة السادسة .. روايات صفاء روايات ليبيه

رواية ولدك يا بلادي الحلقة السادسة .. روايات صفاء روايات ليبيه

#ولدك_يابلادي

الحلقــــــــــ(6)ـــــــة

أوس …… حمزة اسمع مني المره هذه ، فوتها البنت
حمزة…… 😳 وعلاش ان شاء الله ؟؟ شن عرفت ؟ شن قالك الولد
أوس…… فوتها و…..
حمزة …… بصوت عالي ، أوووووووس تكلم 😡😡
أوس …… الليلة خطوبتها وأيوب هو خطيبها
حمزة…… 😳 خطوبتها؟؟؟
أوس …… ايه 💔 وأيوب ال &&&& هو يلي خطبها
حمزة ……😡🔥 شن تقول انت ؟؟؟؟؟ ايوب ايوب خو عائشة ؟؟؟؟
أوس ……😔 ايه هو
حمزة…… قعمزت على الكرسي 💔 عندك لغدوا الصبح 💔 تجيبلي معلومات عليه كاملة شن صاير فيه شن داير كل كل. شيء يخصه
أوس …… لكن ؟؟؟؟
حمزة …… أوس خليني بروحي توا
أوس …… طلع وخلاه
حمزة ….. تكيت رأسي عالمسند وغمضت عيوني 💔 ممكن لو عرفت انها انخطبت لواحد ثاني مش ح نحس نفس المشاعر هذه

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

حور ……. ماشاءالله تبارك الله طالعة عليك بدلتهم تهبل ❤️
اعتدال ….. ربي يهنيك شكلهم عيلة كويسة وفرحانين بيك
افنان …… عقبالكم يارب ❤️
اعتدال …… شفت لحور وسكتت فيه شيء انكسر بينا 💔
افنان …… طبعا ماكنا دايرين شيء امه وعمته واخته بس جونا لانه جدي وعمي ملهمش هلبا متوفين ، لبستنى امه الدبلة ☺️ وكملوا الرجالة وطلعوا روحوا قعدوا البنات خشيت بنغير رن تلفوني اكيد ايوب ❤️ بيباركلي ، شفت رقم غريب 🙄 اوووووف شن يبى هذا اكيد هو فتحت الو
حمزة ….. بجد انخطبتي ؟؟؟
افنان …..😳 ك كيف عرفت !!!
حمزة …… مش هذا المهم المهم توا تردي عليا
افنان …….😠 ايه انخطبت خيرك محسسني انك حبيبي وخنتك ؟؟؟؟
حمزة….. 😡 لانك غبية وقاعدة ماتعرفيش شن ممكن ندير
افنان ….. علاش تهدد فيه شن بدير يعني
حمزة …… لانى قتلك حبيتك انخطبتي لاول شخص جاك 😡 شن العناد وتصكير الرأس هذا ؟
افنان …… من تحساب روحك انتِ لين نغير حياتي على شانك ؟؟؟؟؟؟؟؟؟
حمزة…… املاه شن من وين طلع توا
افنان …… بصراحة خفت على ايوب منه مابيتش نقول شيء ،، توا هذا يلي صار 🌚 الحاجات هذه نصيب وان شاء الله تحصل يلي خير مني
حمزة….. انى نبيك انتٍ انتِ مانبيش يلي خير منك
افنان ……💔 خشلي ايوب انتظار ، وانى ارتعبت من صوت حمزة وهو يهدد قعدت ساكته
حمزة…… شوفي افنان الخطبة هذه بتنفسخ منك ، منه ، بطريقتي انى ، الخطبة هذه مش ح تكمل اوكي ؟
افنان ……. انت واحد مريض تحساب الدنيا على حسابك وصكرت في وجهه ، وانى ندير في حظر لرقمه اتصل ايوب اوووف كيف بنكلمه توا 💔😔 ياربي شن. درت انى باش يطلع هالمخلوق في حياتي

~~~~~~~~~~~~~~~~~~~~~~~~~~~~

حور …….. خشينا قعمزنا مع نسوين عمامي بعد مارتبنا المطبخ
جميلة….. حور مفروض تطلعي ادبشي توا
اعتدال ……😒💔
صابرين …… ايه حق صح مش ح اديروا عرس لكن خودي اللزم
حور …..🥺 شفت لاعتدال ،، كلكم عارفين انه صديق خوي وبس وبالنسبة ليه انى اخته مش ح نكذب ونمثل على حد لاانتم لا الناس صديق ح يقرى فاتحتي بس باش نقعد معاه ويقدر يهتم بيا مش اكثر من هكي 💔
نعيمة …… غر ماتقوليش هكي سلم بنتي بالشوية بالشوية هذا كله يتبدل
حور ……. انى مانبيشي يتبدل ،، وقفت تصبحوا على خير سلمولي على افنان وطلعت 💔

~~~~~~~~~~~~~~~~~~~~~~~~~~~~

افنان …… نضت غيرت وغسلت وجهي وجيت عاودتله
ايوب ….. حبيبتى
افنان ….. 💔 ايوب
ايوب ….. قولي حبيبي عاد توا خطبنا وفضينا ووليتي ليا ماحد يقدر يفرق بينا
افنان ….. تذكرت كلام حمزة 💔😔 ان شاء الله
ايوب ….. خيرك ؟ توقعت نكلمك تكوني طايره. من الفرحة
افنان ….. اكيد فرحانه وكل شوية نشوف ليدي مش مصدقه ❤️ بس لانى تعبت شوية شكلي نعسانه
ايوب …… ياعمري كنت حابه نسهر معاك بس مش مشكلة ارتاحي توا وغدوا نهدرزو
افنان ……. تمام ❤️ ،، صكرت منه وانى قلبي مقبوض مش قادره نحكيله على حمزة خايفة عليه
خرب عليا فرحتي بدل مانرقد فرحانه قعدت ساهره ومهمومه

~~~~~~~~~~~~~~~~~~~~~~~~~~~

اعتدال …… انى بنروح افنان شكلها لهت مع خطيبها
صابرين ….. انى بنستنى عادل (راجلها ) يكمل هذرزه وبنروح الصغار عند عمتي
نعيمة …… معنها توا تروح صابرين ونروح انى
اعتدال …… براحتكم وطلعت
اياد ….. مقعمز برا وداير الارقيلة لامشيت لا لفضانية ولا دخلني فيهم
اعتدال ……. شفته من الباب يلي بين سورنا وسورهم مقعمز برا مشيتله 🙄 جوك مليح !!!!
اياد ……. بسم الله
اعتدال …..😠 يعنى انى نستنى في خطتك الجهنمية وانت فايت ولا على بالك
اياد …… كانك غايره من بنت عمك يلي انخطبت ماتفشيش غلك فيه ، انى فكرت ولقيت خطة
اعتدال ……😒 وعلاش ماقتليش
اياد …… انتِ معادش جيتي ورقمك ماعنديش
اعتدال ….. اها تمام هات نكتبلك رقمي
اياد …… مدتلها تلفوني وقعدت نزيد في نار للارقيلة
اعتدال ……. جبدتها منه مسحت الفم بالتب متعي وشفطت منها شفطة 🤦🏻‍♀️ ومعادش عرفت نطلعها 😷عيوني دموع وبديت نكح وشرقت
اياد ……😂😂😂😂😭 اهاااااا لين قعمزت لوطه من الضحك على منظرها
اعتدال …… قعدت مش قادره نتنفس
اياد ….. وقفت وانى نضحك مدتلها اميه وقعدت نخبط على ظهرها
اعتدال ……😭 مصح وجهك علاش تضحك عليا !!!!
اياد ….. لما خديتها نحسابك تعرفي ههههههه شن جابك لها مدام مش عارفه شن اديري هههههه وياريت شفطي شفطه بسيطه
اعتدال ……😒 بنجرب شن عاجبكم فيها بس 🙄 المهم شن ندير توا
اياد …… نفدي بدون ماتتسهوكي
اعتدال ….. شن
اياد …… زي ماهو حرك مشاعرك بموضوع الخطبة راح اديري نفس الشيء
اعتدال ….. ننخطب 😳
اياد ….. طبعا لا بس تحكيله على انه فيه حد كويس ويبى يرتبط بيك وانتِ حايره ، يعنى زي ماهو حكالك على حور
اعتدال …. ساهلة هذا
اياد …… لا مش ساهلة هو من نفس المحيط متعك يعنى طول ح يقولك من هو وانتِ هنى بتتورطي وهو يفضل انه يكون شخص يعرفه صح باش يحس بالتهديد الحقيقي
اعتدال ……🙄 تهديد شن
اياد …… انك بضيعي من يده لو فعلا يحس بحاجه اتجاهك 😒
اعتدال …… عادي نقوله اي حد
اياد ……. وكان مشيت وتكلم معاه ؟؟؟؟ بعتبار انكم نفس المكان نفس الجيران نفس الاقارب !
اعتدال …… وانى نجيب شخص حقيقي
اياد …….😏 شفتلها من فوق للوطه هذه تبيلها تخطيط سنه باش تجيبي حد وينعمى على قلبه ويقرر يخطبك
اعتدال ….. زِيد زِيد تسهوك انى نحب صديق ، لولا هكي راهو صغاري في عمرك 😌
اياد …… ههههههههه ، باهي توا نشفوا
اعتدال …… فيه استاذ معاي ليه سنتين يسبلي في عيونه وانى مش عاطياته وجه توا نجيبه للطريق اعطيني يومين بس
اياد ……🤷🏻‍♂️ توا نشوفوا
اعتدال……. توا تشوف ، اول مانحل الموضوع نكلمك نقولك وبعدها قولي شن ندير ومشيت
اياد ……. قعدت نذكر في منضرها. وهي تاخد من الارقيلة ونضحك ههههه

~~~~~~~~~~~~~~~~~~~~~~~~~~~

#ثاني_يوم

ايوب …….. مشيت للعمل زي كل يوم مع الساعة 10 دق الباب
حمزة ….. فتحت وخشيت ايوب ؟؟
ايوب ……😠 شن ادير هنى ؟
حمزة …… عرفتني ؟؟؟
ايوب ……. انت يلي يومها مع الولد يلي وقف البنية الصغيره. والشيخة وهم مروحين من الجامع وله ؟؟؟؟
حمزة …… حولت النظارات. وشفتله بجد ياايوب معادش تعرف حمزة ال &&&&
ايوب …….😳 انت انت نفسه ؟؟؟
حمزة……. 10 سنين عمر حتى انى معرفتكش يومها في وسطة الدوشة وزحمة الناس
ايوب …… العشرة سنين عمر وحتى 😏 …. مغيرينك الفلوس هلبا
حمزة……. هههههه 😒
ايوب ….. صار صح الجبال ماتتلاقاش والتريس تتلاقة
حمزة…….😒 تريس من انى مانشوفش في راجل في المكان هذا غيري
ايوب …..😠 حمزة احترم نفسك ، ساكت على خاطر العشرة يلي بينا
حمزة ….. على خاطر البيعة يلي بينا مش العشرة ، شوف هم كلمتين افنان تسيبها والا والله مايصير بينا طيب وانى نقول ونفعل
ايوب ….. وقفت وقدمت ليه وانى الدم يغلي في رأسي 😡 احترم نفسك البنت هذه خطيبتى وقمت يدي يلي فيها الدبلة في وجهه وبعد شوية بتولي مرتي
حمزة ….. وانى نبها قبلك نبها من اول يوم شفتها فيه ونتصل بيها وهي تعرف مش بعناد فيه توافق عليك انت ، نقتلك وماتخدهاش واهو جيت بروحي باش ماتقولش يتفلح بجماعته وطلعت وخليته
ايوب ….😡 شن نعرفها ونتصل بيها هذه طلعت تلفوني واتصلت بيها
افنان …… نضم في الحوش سمعت تلفوني رديت الو !
ايوب …. من وين تعرفي يلي اسمه حمزة وعلاش يتصل بيك 😠 ؟
افنان …. ايوب 😳شن فيه شن صاير !!!
ايوب …… حمزة يلي جي للجامع بياخد البنت ، توا كان في مكتبي وقالي انه يبيك ؟؟ من وين جايب الشجاعة هذه ؟
افنان ….. ايوب شن قصدك انى عطيته الشجاعة باش يقول هكي ؟؟؟،😠 ايوب شاك فيه
ايوب ….. مش شاك في شيء نبي نفهم بس
افنان …… شن بتفهم بس ، الراجل هذا شفته مرتين في حياتي بس 🥺 وهم المرتين يلي تعرفهم 💔 وصمت يتصل بيا الفتره يلي فاتت وانى نحط فيه في الحضر
ايوب ……😡 افنان علاش انى هذا وين نعرف ؟؟؟؟
افنان ….. 💔 لانى. خفت عليك منه 😢 واضح هو شن ، مستعد يأدي اي حد عادي هو مارحم طفلة لا بال 💔
ايوب ….. كان تشوفي فيه مش راجل لدرجة نحميك علاش بتتزوجيني ؟
افنان …..🤷🏻‍♀️ الحاجات هذه مافيهاش رجله انك تقابل سلاحة بصدرك بس هذه مش شجاعة 💔 هذه غلطة بتدفع ثمنها عمرك ، مع انى وقفت قدامه لما الرجاله انسحبوا بس كان ممكن انه يقتلني ويفوت عادي وحتى انت توا نفس الشيء ومافيش حتى من ياخد حقك
ايوب …… حقي ناخده بيدي ونموت بكرامة ولا نعيش وانى مذلول شوفي من توا مدام قاعدين في بداية الطريق يا تحكيلي وانى نتصرف يا كل واحد يمشي في حاله كان مش حاسبتينى راجل
افنان …..😢 تمام واسفه خفت عليك بس
ايوب ….. تمام انى في العمل توا بنصكر
افنان …… صكرت منه وقعدت. نبكي 😢 شن يلي يصير معاي هذا امته طلع في حياتي وعلاش يدير معاي هكي 💔

~~~~~~~~~~~~~~~~~~~~~~~~~~~~~

حور …… جهزت الغدي بكري وكملت ترتيب الحوش اياد كانه مش عايش معانه محبوس في داره 24 ساعة
صديق ….. انى بنطلع نصلي الظهر في الجامع ، مشيت خطوات بعدين رجعت الأسبوع الجاي تكون الشقة واتية شن رايك نقروا …. سكتت ال .. الفاتحة ونحولوا مره وحده معادش نبي نقعد في حوشه
حور …..💔 كيف ماتبي صديق توا نكمل ضمان حاجاتنا
صديق …… تمام

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

اعتدال …. كنت نجهز في روحي للمدرسة دق الباب ، مشيت فتحت
عاطف ….. ( ولد جيرانهم صغير ) ابلة اعتدال 😳 راهو بوك وعمي امحمد جت الشرطة رفعتهم
اعتدال …. شن شن 😳
عاطف ….. والله كنت في المحل نشري جتهم الشرطة خدتهم
اعتدال…… علاش ؟؟؟؟
عاطف ……. مش عارفه قعدوا يقولوا في هلبا كلام وفيها ورث ماورث
اعتدال ….. تمام تمام وخيت وشاحي وطلعت نجري لحوش عمي
افنان …… فتحت خيرك داهشة
اعتدال …. اياد بلغ فيهم على خاطر موضوع. الورث
افنان …..😳 بابا وعمي ؟؟؟؟؟
اعتدال ….. ايه ورفعتهم الشرطة من المحل
افنان …… توا نتصل بصديق
اعتدال ….. تمام 😠 وانى نمشي نشوف هضاكه الكلب شن يبي
افنان ….. خشيت اتصلت
بصديق مره واثنين ماردش اكيد يصلي

~~~~~~~~~~~~~~~~~~~~~~~~~~~~

اعتدال …… دقيت عالباب فتحت حور
حور ……😳 اعتدال
اعتدال …… وينه وينه هالحيوان
حور …..💔 في الجامع
اعتدال ….. قصدي. اياد
حور. ……. اها قاعد في داره
اعتدال ……😡 فتحت. باب الدار بقوى لقيته راقد من الخلعه لين جي مقعمز
اياد …….🤬🤬 شن تبي
اعتدال ……. مصح وجهك. وراقد حابس عمامك ولا كأنه فيه حاجه
اياد …… من الاول انتِ وهم عارفين شن بندير علاش متفاجئين
اعتدال …… خزيه وانى اعتبرتك صديق وفتحتلك قلبي وحكيتلك وناخد في رأيك ، تمشي انت تحبس بابا
اياد …… يلي بينى وبينك شيءٍ ويلي بينى وبينهم شيء ثاني
اعتدال … مافيه بيني وبينك شيء ولا عاد تكلمني وطلعت
حور ….. وقفت عالباب نسمع 😳 عمامي في الحبس
اعتدال ….. تخيلي هالحقير دارها
حور ….. حيييي
اعتدال ….. انى. بنشوف افنان شن دارت
حور ….. جايه معاك وطلعنا

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~

افنان …… رن تلفوني رديت بدون مانشوف ، بابا وعمي فرج رفعوهم للتحقيق بلغ فيهم اياد 💔
حمزة…… اتصلت بيها كنت متوقع تهزب لانه السيد شكالها😳 بس لما قالت هكي ،، افنان اهدي واحكيلي شن صار
افنان ……..🙄 حولت التلفون من على وذني شفت الرقم ورديت هذا انت مش وقتك توا
حمزة …… افنان انى نقدر نساعدك وانتِ عارفه احكيلي شن صار هياااا
افنان …… 😠 تساعدني ؟؟؟ بعد مامشيت لايوب ودرت مشكله بينا وتحاول تتبلا عليا انى نكلم فيك وتخرب في حياتي توا بتساعدني ؟؟؟؟
حمزة ….. هضاكه شيء وهذا شيء 😡 طبيعي بندافع عالبنت يلي حبيتها ومانخلهاش اضيع من يدي انى هكي دماغي في الحب والحرب كل الاسلحة مباحة كلهااااااا
افنان …. انى مش فاضية نتناقش معاك في صحتك العقلية توا لكن ننصحك تشوف دكتور وصكرت في وجهها
اعتدال …… شن صار
افنان ….. ماحصلتاش
حور …… اكيد قاعد في الصلاة
دانية ….. او سمع ومشي منه غادي
افنان …… ايه ،، وقعمزنا نستنوا عشية روحوا
صديق ….. هو تحقيق بس غر طولوا توا بيديروا خبير يكشف على توقيعة الدكتور على شهادة الوفاء
افنان ….. حضنت بابا 🥺 ربي يخليك لينا
صديق …… وكان مش جاهم اتصال وسرعوا القصه راهو قعدنا غادي للصبح وانى شحنى تم والمعاملة زي الزفت فجاء الامور مشت داروا تحقيق سريع وطلعنا 🤔 لكن من اتصل مش عارفه
فرج …… حسهم يقولوا العميد العميد
امحمد …… هههههه اكيد يقولوا العقيد غر انت الخوف خلاك معادش حتى تسمع العميد في الجامعات والكليات والعقيد في الشرطة والجيش
فرج …… مش عارف ممكن سمعت غلط
افنان …… عرفته حمزة اووووف هذا وين مانمشي نلقاه شن هالحاله

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

#ثاني_يوم

اياد ….. نتصل بااعتدال من البارح ماتردش
اعتدال …. وين كثر اتصالات. رديت الو ؟؟؟
اياد …….. شوفي انى منحبش نخلي شيء ناقص انى مدام اتفقت معاك تعالي نكملوا الموضوع
اعتدال …… مانبي منك شيء😒 نحله بروحي اليوم
اياد …… انتِ حره
اعتدال ….. سلامة ، صكرت وجهزت روحي وطلعت ، دقيت على بابهم
صديق ….. فتحت اووو اعتدال كيف حالك شن الاخبار
اعتدال ……. تمام ، تعاله معاي برا شوية نبيك في موضوع
صديق ….. ان شاء الله خير
اعتدال ……. خير خير ومشينا نتمشوا ، بلعت ريقي كنت متوتره لين خلاص ، وقلتها مع بعض استاذ سالم يلي معاي معجب بيا وكلمني 💔

افنان…….. رن. رقم درتله حظر طول ، رن واحد ثاني وقبل مانحطه في الحضر وصلتنى رسالة
(( لو ماترديش عليا توا نجي للجامع وندير فضيحة اكثر من يومها مش نخليك انتِ بس معادش تمشي
عيلتك كلها ماعاد تخشه )
افنان …… رديت الو
حمزة ….. علاش ماترديش طول باش نهدرزو ونتفاهموا
افنان …. البارح قلتلك يلي عندي باش تفهم انت يا …..
حمرة ….. 😠 شوفي توا قدامك شيء واحد تسيبي هالمخلوق وتوا ياافنان لانى مش ح نسمح بالزوج هذا يتم
افنان …… ومن طلب رايك 😏
حمزة …… كان ماتبيش بوك ينوض في يوم مايلقا شيء في المحل يلقاه مخنوب
كان ماتبيش ولد عمك صديق يتهم بانه تبع داعش
كان ماتبيش راجل بنت عمك ، اسم عادل وله ؟ يخصر خدمته يلي من سنين يجري وراها وفرح انه حصلها
افنان ….. 😳 شن شن قصدك انت
حمزة …… تسيبيه وتوافقي عليا انى ونتزوجوا 😡 والا فوق يلي قلته هذا كله يختفي السيد ايوب ومعادش تعرفي مكانه
افنان ……😢💔

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى