رواية ولدك يا بلادي الحلقة العاشرة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة العاشرة .. روايات صفاء روايات ليبيه

رواية ولدك يا بلادي الحلقة العاشرة .. روايات صفاء روايات ليبيه
#ولدك_يابلادي

الحلقــــــــــ(10)ـــــــة

افنان …… عائشة خوفتينى
عائشة …… انى بروحي خا… لحظه افنان امي هذه مش سيارته
ام ايوب …..😭😭 لقوها بمفاتيحها في بداية الشارع وهو مش فها
افنان …….😳😳 عائشة !!!!
عائشة ……😭😭 افنان لقوا سيارته وهو مش فيها
توا نكلمك انى وصكرت
افنان ……😳😭 حمزة حمزة 😭😭
دانية….. فتحت عيوني خير امك تصيحي ؟؟؟؟
افنان ….. 😭 حمزة خطف ايوب 💔
دانية…… قعمزت بجد!!
افنان …… قعدت ندور في رقم حمزة واتصلت بيه بس يعطي مقفل قعدت نبكي 😭😭 حيوان هذا يقتله يدير اي شيء صكر تلفونه بالقصد باش يعصبني عارف انى بنتصل بيه
دانية…… غر اهدي بس درتي قصه من لا شيء
افنان …… قالتلك اخته ماروحش من البارح وتوا لقوا سيارته بمفاتيحها وهو مش فيها شن متوقعة
دانية…… وقفت غر اششش يسمع بابا يقولك شن قصة حمزة هذه ، خل نقولوا لماما على قصة انه مختفي تقول لبابا ونفهموا شن قصتهم
افنان …… تمام

~~~~~~~~~~~~~~~~~~~~~~~~~~~

اعتدال …… نضت مؤخر جهزت روحي ودرت دوره عالحوش وطلعت للمدرسة نسيت انى عطيت وجه لاستاذ سالم 🤦🏻‍♀️باش نعرف صديق يغار عليا والا لا لقاني او ماخشيت وهو يلوم ويسأل خيره معادش رديت عليه ومعادش دورت ، حاولت نقوله انى مشغولة وننسحب من الحديث مشيت للحجرة متع الابلات واتصل باياد
اياد ….. ايوه 😒
اعتدال …… تعرف تجيبلي المصايب لكن ماتعرفش تخلصني منها وله ؟
اياد …… صبح مصايب شن ؟؟؟
اعتدال ….. خليت استاذ يكلمني وانى عطيته وجه باش يغار صديق ، صديق ماغارش 💔 وهذا لصق
اياد …… يلي يحضر العفريت يصرفه 🤷🏻‍♂️
اعتدال ….. والله !!! هذه مش افكارك من الاول 😠
اياد ……. افكاري !!!! مش كملتي بروحك. وقلتي معادش نبي منك شيء حلها توا وخلينى نكمل نومي وصكرت 😒
اعتدال ….. حقير 😠
اياد …… قعدت نحاول نرقد ومانفكرش بس معادش جاني النوم ، اووووف انى شن يلي صايرلي اساسا شن مقعدني هنى مسيب حوشي وخدمتي غادي وقاعد ماندير في شيء 🤨حتى القضية اجلتها نضت دوشت وطلعت للمحامي

رواية ولدك يا بلادي الحلقة العاشرة

افنان ….. قلت لماما وماما قالت لبابا مشي هو وصديق لاهله يسألوا وانى مقمزه مافي يدي شيء غير نحاول نتصل بحمزة يلي اختفي كل ارقامه مصكره 💔
حور ….. بالك مش هو لو هو كان اتصل هددك علاش بيصكر تلفونه
افنان ….. باش يحرق دمي 😡
حور …… ان شاء الله خير ، حمزة كان هنى البارح راهو
افنان ….. كيف 😳
حور ….. صديق قال الصبح سألته عطلتوا في السهره قال قعدت مع حمزة يلي طلعني
افنان ….. شن خايفه ماعنده حد يديرها هو اكيد مش ح يديرها بيده
دانية….. اووووف اصبري بس اهو صديق جاي
افنان …. وقفت 🥺
صديق ….. ماحد عارف شيء بلغوا للشرطة والسيارة راجل قال وانى طالع للفجر لقيتها ☹️ معنها القصة صارت بعد ماروح من عندنا ، لكن لاحد اتصل ولا طلب حاجه
افنان ….. حمزة يلي خطفه
صديق …..😳 كيف ؟؟؟
حور …… قعدت نفنص فيها
افنان …… حمزة شن توا ؟ مش مصدق فيه مش نفسه يلي هجم على الجامع وضرب واحد برصاصه قدامه توا وله لاقبله لابعده ؟؟
صديق …… علاش شن بينهم ؟؟؟ ايوب حاكيلك حاجه ؟ البارح كانوا مع بعض في المربوعه ماصار شيء عادي امورهم تمام حتى انه ايوب روح بكري وحمزة قعد معاي قريب للساعة 2 اتصالنا بناس يعرفهم وحاول يسكر قضيتي
افنان ….. يقتل القتيل ويمشي في جنازته
صديق ….. تعصبت 😠 افنان معادش تمضغي الدوه وقولي طول شن تعرفي شن فيه بينهم ؟؟ بوك قبل شوية اتصل بحمزة يبيه يدخل ويلقا ايوب لو تعرفي شيء تكلمي
دانية….. 😳 شيء شيء بس علقت في قصة انه خش الجامع وانه مجرم مانعرفوش غيره لبستهاله وله وفنصت فيها
افنان ….. خشيت وسيبتهم
صديق ….. شفت لحور متع تكلمي ؟؟؟
حور ….. خطيبها زعلانه عليه مش عارفه شن تقول مادورهاش ونضت لحقتها
صديق …. طلعت وانى معصب وقفت قدام الحوش شفت 😳

اعتدال ….. حاسه بسيارة اتبع فيه من وقت طلعت من المدرسة.تلفتت لقيته سالم 😑 سالم شن ادير هنى
سالم …… حبيت نطمن عليك لين توصلي الحوش
اعتدال ….. والله !!! ليا سبعين سنه نروح بروحي توا بتطمن عليا والا بتوصلني 🤦🏻‍♀️
صديق ….. شفتها واقفه عليه في السيارة مشيت جيهتهم
اعتدال …. اسمع سالم مش ناقصني داره كبد شن تبي الجيران يقولوا عليا 😡
سالم … نزل اعتدال خيرك !! انى معادش فهمت شيء يوم تعطيني وجه ويوم …
صديق …. ويوم شن 😡 خيرك تكلم فيها هكي وشن جابك هنى
اعتدال ….. ص صديق ..
سالم …… صديق خيرك !!!
صديق …… شديته من رقبة السورية شن لحق البنت لاهنى البنت هذه عندها بو وام وولد عم عندها حوش تجي من بابه كان تبي
سالم ….. شن قصدك انى يلي مانفهمش في الاصوال بعدين شن الشدة هذه
اعتدال …… 😨 صديق 💔
صديق ….. ايه ماتفهمش وضربته على وجهه
سالم …… رد الضربة لصديق
صديق …… شديته نضرب فيه
اياد ….. كنت مروح شفتهم نزلت 🤨 شفتلها شن فيه
اعتدال …..😒 كله منك
اياد ….. خشي الحوش
سالم ….. ركب سيارته وطلع وهو يسب
صديق …… مسحت فمي وخشيت
اعتدال ……😍 كنت فرحانه بنموت اخيرا صديق تحرك ودار شيء
صديق …… قلت من الاول الولد هذا حركته ماعجبتنيش شوفي لما ماتسمعيش الكلام
اياد ….. 😒 وانت شن دخلك تجيب في الدوه للبنت عمركم ماتتعلموا تتعاملوا بمدانية وتحضر تقدر تهدرز زي الخلق مش تضربه
صديق …. 😡 ونقتله حتى القتل مش بس نضربه لو يقرب من اعتدال خشيت وسيبتهم
اعتدال ….. قلبي بيطيح من الفرحة كنت ساكته نشوفله وبس يهبل وهو معصب
اياد …… عاجبك يلي صار
اعتدال …… طبعا 😍😍 شكرا بجد هذه فكرتك شفته كيف غار ؟؟ صديق يحبنى توا تاكدات انه يحبنى ❤️
اياد ….. هذا مش حب هذا عقله المصكر والمرجله يلي ملهاش داعي
اعتدال ….. اليوم كان شن ادير مستحيل تعصبتي 😘 حدفتله بوسه في الهواء ومشيت نجري

رواية ولدك يا بلادي الحلقة العاشرة

أوس …… تلفونك المصكر درت عليه تشك فيه اكثر من100 مكالمة
حمزة …. وطبعا منها هي
أوس …… اكيد
حمزة ……. خليه مصكر
أوس ……. علاش تزيد تحرق في دمها
حمزة …… لانه كان رديت وتسخفت على خاطره وترجتنى على شانه انى يلي بينحرق دمي

⭐️روايــــــــــــات صفـــــــــــــــاء⭐️

رواية ولدك يا بلادي الحلقة العاشرة

افنان …… 😭😭😭 نبكي طول الوقت جت اعتدال وحور قعدوا معاي لليل
اعتدال…. باهي سيبيه مش يبيك تسيبيه !!!
افنان …… توا هذا كلام هو مخطوف ومتبهدل بسببي نمشي انى نسيبه
اعتدال…… لا خليه يقتله عادي 💔 افهمي يابنتي الحب تضحيه لا قدر الله لو انى صديق نسيبه في نفس اللحظه
حور ….. كلامها صح انى لما حبسوا صديق مثلا قلت ان شاءالله مايصيرش من الزواج وان شاء الله نقعد في الشارع ولا هو يصيرله شيء
اعتدال ….. شفت لحور 😒
حور …… ماتفهميش غلط مش قصدي نحب صديق قصدي انسان غالي عليك
افنان ….. اعتدال انتِ ذكية فكريلي شن ندير في صديق قعدتي تقولي مش ح نسكت ديريلي حل
اعتدال ….. مش عارفه في صديق فكرت نحط صورته في الفيس ونخلي الناس تتفاعل معاي باعتبار اننا اهله ونحكوا قصته
افنان …… تمام نديروا هكي حتى توا
اعتدال ….. طبعا انتِ ماعندكش فيس من وين بتعرفي 💔 اهل وصاحب ايوب دايرين هكي من بكري وصوره في كل القروبات والناس تشارك في المنشورات
افنان ……😭😭😭 اعطيني ترا
دانية ….. فتحت فيسي وكتبت اسمه في البحت وعطتهولها
افنان …..😭😭 نتفرج ونبكي
حور …… اهدي بالله عليك افنان مديريش في روحك هكي
افنان ….. رن تلفوني 😳 حمزة حمزة يتصل
اعتدال ….. ردي
افنان …… خلوني بروحي
دانية….. افتحي بلا جو
افنان ….. بالله عليكم بنات
اعتدال ….. تعالوا وطلعنا
افنان …… فتحت في اخر رنه 😭 نكرهك نكرهك انت اول شخص نتمنى انه يموت ويختفي من الدنيا 💔😭
حمزة…… تنهدت باهي اشربي اميه واهدي توا نتصل بيك بعدين
افنان ….. لالا تعاله هنى ماتصكرش
حمزة….. ماهو انى مانقدرش نكلمك وانتِ تبكي هكي
افنان …… ناخد في نفس ونمسح في دموعي خلاص هادية تكلم
حمزة….. شوفي افنان انى ماقربتاش بكل ولا خشيت عليه ولا حاب اصلا نشوف وجهه الموضوع عندك توا خلي الخبر يلي نستنى فيه يوصلني وانى نطلعه
افنان ….. يلي هو ؟؟؟؟؟
حمزة….. انك انفصلتي عليه وانك موافقة عليا
افنان ….. كيف كييبييف كيف تبينى نسيب خطيبي توا وهو مخطوف وفي نفس الوقت ننخطب لواحد ثاني شن تحساب عايشة في الدنيا بروحي من بيوافق عالهبال هذا
حمزة…… ماورنا شيء يقعد عندي حتى سنة مش كايد في ماكلته وشرابه انى انتِ ادره هيا تصبحي على خير
افنان ……😭 الحيوان الواطي الكلب ،،، فاتوا يومين وثلاثة واسبوع وحنى قاعدين على نفس الحالة ماحد سمع شيء على ايوب وحمزة من ليلتها صكر تلفونه معادش قدرت نوصله ومش عارفين شن صاير نكلم في ام ايوب واخته كل يوم اليوم قرارنا نمشولهم وماما وافقت انى نمشي معها لبست وطلعنا طبعا كان عندهم ناس وزحما امه سلمت عليا بجفاف بس اخته لا قعدت تحضن فيا وتبكي
قمزت مافيه شيء جديد ولا معلومة ولا خبر
عائشة …. افنان تعالي شوية
افنان …… نضت معها
عائشة …… دخلتها لدار ايوب 💔 هذه دار ايوب طبعا فيها حيط مكسر والارضيه كلها مواد بناء ايوب زاد حمام للدار وغير الزواق ويبى يزيد زي الصالة صغيرة
افنان …… نشوفلها ونبكي 😭 زي ما يحكيلي علها بالزبط
عائشة ….. يارب يرجع ونفرحوا بيكم
ام ايوب ….. خشت عائشة شوفي النسوين توا نجي انى
عائشة……. حاضر
افنان …… خالتي حالك باهي ؟؟؟
ام ايوب ….. صكرت الباب ورجعت لافنان شوفي يابنتي مانبيش نكتر دوه انتِ عارفه وانى عارفه ولدي وين
افنان …..😳 كيف ؟؟؟
ام ايوب …..قعمزت عالسرير ايوب كلمني امس
افنان …….😍🥺 قعمزت تحت رجلها بجد خالتي حاله كويس شن قال وين هو ؟؟؟
ام ايوب ….. ولدي عند حمزة 💔 وهو طالب منه يسيبك باش يطلقه مانعرفش من وين تعرفي حمزة انتِ ولا كيف وشن فيه بينكم 😒 لكن يلي نعرفه ولدي مش ح يسيبك لو ضربه لو قتله مش ح يسيبك خصوصا لحمزة
افنان ……😭 وانى مستحيل نسيبه مستعده نستناه عمر مش ح نغدر بيه و…..
ام ايوب ……😡 انى عندي رأس هالولد. هو بيسكر رأسه مش ح يسيبك لكن انتِ سيبيه ماتحرمينى من ولدي على خاطر دوه فارغة هكي تشوفي فينا ماعندنا حد غيره فكري فيه في. اخته في البنت اليتيمة يلي تقوله بابا
افنان ……😳😭 انى انى انى نحبه
ام ايوب ….. معنها ديري حل وطلعيه 😒 وناضت طلعت من الدار
افنان …… قعدت نبكي مش مصدقة الكل ضد تمسكي بيه بس حتى هو متمسك بيا معقولة انى نغدر بيه 💔 نضت طلعت روحنا ومن حين وصلت وانى في عالم ثاني داخيه لا عارفه روحي لا راقده لا نايضة 😭 محتاره مش عارفه شن ندير معقولة يموت بسببي

رواية ولدك يا بلادي الحلقة العاشرة

صديق ….. اتصلت بحور وين انتِ ليا يومين معادش تلقيت معاك
حور …… عند عيلة عمي امحمد وانت
صديق ….. انى خلاص فرشة الشقة ليا يومين محول فيها معادش طايق الفرخ اياد
حور ….. اها كويس
صديق ….. ناقصك فلوس والاحاجه
حور ….. لالا هو اصلا لا نطلع لا نخش
صديق …. قتلك
حور ….. نعم
صديق …. اول ماتنحل قصة خطيب افنان نتموا الفاتحة تمام
حور …… 💔 كيف ماتبي
صديق ….. توا نكلم عمي فرج على بداية الشهر لانه قرايتك خلاص شهر ونص وتبدا نبيك تستقري وتشدي مكان قبل ماتبدا
حور …… ان شاء الله
صديق ….. هيا تصبحي على خير
حورر…… وانت بخير

~~~~~~~~~~~~~~~~~~~~~~~~~~~~~

اياد …… الاسبوع الجاي المحكمة ؟؟؟
المحامي ….. ايه
اياد …… ميه ميه ح يطلع التزوير اكيد كل شيء يبان وناخد فلوسي ونسافر
المحامي …. ان شاءالله

~~~~~~~~~~~~~~~~~~~~~~~~~~~

#ثاني_يوم

افنان ….. اعتدال
اعتدال …… نعم
افنان ….. نبي عنوان حوش حمزة
اعتدال …..😳 الواطي طلب منك حاجات سخيفة وله
افنان ….. بلا هبال انى متع الجو هذا؟؟؟ انى يلي نبي العنوان
اعتدال ….. علاش تمشي لواحد زي هذا فكينا من المشاكل ماتندري عليه شن ممكن يدير فيك
افنان …. مش حوشه هو حوش بوه وامه
اعتدال …..🤭 نهارك احرف شن عيل هو بتحرشي فيه
افنان ….. لزم.نمشي اكيد فيه حد يقدر يسيطر عليه ويوقفه عند حده
اعتدال ….. مش عارفه
افنان ……. توا غر فكري كيف تجيبي العنوان
اعتدال ….. ساهله هذه توا انزل صورته ونقول خاني وضحك عليا ونبي نفضحه توا يخشولي خاص يعطوني العنون
افنان ….. وين بتلقي صورته
دانية …… حبي هذا مشهور راهو ديما الصفحات تنزل عليه
افنان ….. مشهور بالاجرام متعه 😒
دانية …… اجرام ايه اجرام لكن طرف 🤤
اعتدال ….. انتِ في شن وحنى في شن ،،، وفعلا درت ايميل وهمي وسألت وفعلا فاعلين الخير هلبا اعطوني اكثر من عنوان بس فيه عنوان متكرر خديتهم كلهم هذه العنوين توا شن
افنان …… توا نبيك غدوا تمشي معاي
اعتدال …… باهي

⭐️روايــــــــــــات صفـــــــــــــــاء⭐️

رواية ولدك يا بلادي الحلقة العاشرة

#ثاني_يوم

افنان ….. نضت الصبح لبسنا وكذبت اعتدال انها تبي تشري لبس وتغيرلي جوي مره وحده وافقت ماما وطلعنا وصلنا قدام العنوان
اعتدال …. 😨 بجد بتخشي لمكان زي هذا افنان المكان يخوف
افنان ….. مستعده ندير كل شيء باش نتخلص منه ويطلع من حياتي
اعتدال …. انى نهايتي معاك لهنى مستحيل نخش لمكن زي هذا مستحيل
افنان …… استنيني هنى
اعتدال ….. لو تاخرتي نتصل بالشرطة
افنان ….. الشرطة كان يقدروه راهو كلمتهم قداش ليا
اعتدال….🥺 شوفي انى نحب صديق صح لكن زي نفسي لا ، لهدا نقترح عليك ماتتهوريش وتخشي على خاطر ايوب
افنان …… مع انى كنت مرعوبة زيها بس مشيت المكان كان واضح انه بني حديث فيلا 3 ادوا. وسور كبير قدامه ناس بسلاحهم مصكر ،،، قربت منهم السلام عليكم
الحارس ….. وعليكم السلام
افنان …… نحاول مانبينش خوفي نبي نشوف ا
أوس …. طلع اووو الشيخة !!!!
افنان …. في خاطري مدام هذا موجود معنها حتى هو موجودة
أوس ….. تفضلي ؟
افنان …… نبي نشوف بو وام حمزة
أوس ……🤨 بوه وامه ؟؟؟
افنان …… ايه نقدر ،؟
اوس …… لحظه بس وخدي تلفونه وتبعد شوية
افنان …… طبعا اتصل خود الاذن منه 🤦🏻‍♀️
اوس ….. تفضلي
افنان …….😳 موجودين هم صح ؟ انى سألت الجيران وقالوا صح ساكنين هنى
اوس ……. موجودين خشي
افنان ….. خشيت فيه مسبح حديقة كبيرة فيها هلبا ورد وشجر ، باب الفيلا ضخم وكبير عرفنا فلوس الليبين وين 😒 تلفتت لقيت اوس يرن عالباب
الشغالة ….. اهلا مستر اوس
اوس ….. دخلي الضيفة ونادي المدام تشوفها
الشغالة …… تفضلي
افنان …….. خشيت بروحي واوس مشي خفت بصراحة خشيت معها للصالة قعمزت وهي مشت اووووف انى شن جابني هنى اصلا
حمزة….. نزلت من فوق قمزت في الدروج كانت دوب ما باينه عليه 😍
ام حمزة…. اهلين تفضلي
افنان …… 😪 اهلين قداش ارتحت ، اب حمزة مش موجود ؟
ام حمزة….. موجود موجود ان شاءالله خير
افنان …… خير خير بس نبيه يكون حاضر معانه
ام حمزة…… بعتت نادت عليه
أب حمزة….. تفضلي
افنان …… شوفوا انى معادش لقيت حل مع ولدكم هذا حطني في رأسه ودمر حياتي لهذا قلت نجي لبوه وامه وهم يتفاهموا معاه
اب حمزة….. خيره شن دار
افنان …… قبل 4 شهور تقريبا خش على الجامع بيخطف بنت صغيره وانى كنت يلي نقري فيهم
حمزة……🤦🏻‍♂️ قصة هالجامع هذه معادش تمت
افنان …… وبعدها شافني وعلق فيه يتصل كل شوية يقول نبي نتزوج ابصر شن ووين صديته وعرف انى مخطوبة بدي يهدد فيه تخيلوا حبيني بالسيف تزوجينى بالغصب في الاول حبس ولد عمي خرب شغل راجل بنت عمي وتوا خطف خطيبي 🥺 ديروا لولدكم حل لانه كل مره يتماده اكثر
اب وام حمزة….. شافوا لبعض وساكتين
افنان ….. صراحة ردات فعلهم مش واضح انهم متفاجئين او مستغربين انه يدير هكي
اب حمزة….. مرات حبك صح
افنان ….. والله نقولك انى مخطوبة مخطوووووووبة وقمت يدي يلي فيها الدبلة ونحب خطيبي ومانبيش نسيبه
ام حمزة….. توا انتِ قلتلي نعرف ربي ونقري في الجامع بالك ربي حطك في طريقة لهذا السبب
افنان …… (ولا يخطب المسلم على خطبة اخيه ) شن تقولي انتِ يلي يدير فيه ولدك غلط وحرام
ام حمزة…… انى مانقدراش وحمزة كان حط حاجه في رأسه بيديرها سوء كلمته والا لا
افنان …..💔😠 شفت لبوه
اب حمزة…… هذا ولدي شن متوقعة منى نقول حتى خير خلق الله الانبياء مافرطوش في صغارهم ، سيدنا نوح مع انه يعرف انه ولده كافر ومش كويس لكن لما طلب منه ربي انه يركب هو واهله للسفينة.وانا ربي ح ينقدهم ، لما غرق ولده سأل الله علاش مانجاش ولده معاه مع انه وعده انه ينجي اهله ((ونادى نوح ربه فقال رب إن ابنى من أهلى وإن وعدك الحق وأنت احكم الحاكمين))
افنان ….. اكيد والله ما لامش على سيدنا نوح انه سأل الله لكن شن قاله ((قال يا نوح إنه ليس من أهلك إنه عمل عملا غير صالح فلا تسألن ما ليس لك به علم إنى أعظك أن تكون من الجاهلين)) يعنى مش مببر انه ولدكم تدعموه في الغلط انتِ ام وايوب خطيبي عنده ام علاش تحرقوا في قلبها عادي ماهو الناس زيكم لو عندك بنت ترضي تزوجها لواحد بالسيف وتحت قوة السلاح
ام واب حمزة….. ساكتين
افنان ….. وقفت 😡 انتم يلي مخربين الدنيا اطبلوا للولادكم شن مايديروا وعندكم عادي المهم انتم عايشين ومرتحين خل يعدبوا الناس شن دخلكم بيهم ومشيت اتجاه الباب
حمزة ….. كل يوم تعجب فيه اكثر قوة شخصيتها هذه وجيتها لعند حوشي وكلامها معاهم خلاني نزيد نحبها اكثر ❤️
ام حمزة ……. ناضت ورها ، 🥺 بنتي وافقي بالك ربي يهديه على يدك
افنان ……😑 شفتلها بغضب من انى باش ربي يهديه على يدي ، ادعي لولدك والا دبري راسك وطلعت. روحنا مافيش اي فايدة كان عندي امل كبير في اهله بس للاسف مااستفدت شيء 💔

#بعد_اسبوع

اياد …….. كان فيه محكمة اليوم نضت جهزت روحي ومشيت للمحامي مشينى مع بعض
فرج وامحمد ….. ناضوا مشوا حتى هم
اعتدال …… من جده هذا متوقع انه بابا بيزور ورقه
افنان ….. كان ناقصنا هو وورثه
حور. …… افنان كولي عالاقل وجهك اصفر راهو
افنان ……. شفتلهم بنات
الكل ……. نعم
افنان ……🥺 انى بنوافق على طلب حمزة
دانية …….🤭 جديات
افنان ……. معادش عندي حل ثاني توا ليه اسبوعين مانعرفش عليه حتى حاجه امه تعيط من غادي سيبي ولدي سيبي ولدي ، حمزة مصكر رأسه ونعرف انه عادي يخليه عنده حتى سنة
حور …… 💔 بضيعي روحك في جرة ايوب
افنان …… يلي عندها حل ثاني تقوله
الكل سكتوا
افنان ….. هه سكتوا !!!!
امحمد …… خش السلام عليكم
البنات …… شن صار شن نتيجة الطعن
امحمد….. شاكين فينا والا كيف طبعا طلع التقرير سليم
البنات …. الحمدلله الحمدلله

رواية ولدك يا بلادي الحلقة العاشرة

اياد …. مقعمز برا يغلي 😤 خلاص اقسم امه المهم نبي فلوسي خل ندرق وجهي
اعتدال ……. جيت وقفت جنبه 😎 طلع حق ربي وله
اياد …… حق ربي ؟؟؟؟؟
اعتدال …… ايه انى طز فيهم الفلوس لكن تطعن في بابا وعمي وتقول انهم زورو تي فوت التزوير معقوله خوهم وبوهم متوفين وهم يفكروا في الورثه وقتها
اياد ……. يديروا احرف من هكي الفلوس عمت الناس ولا يوم ح نصدق انه مش تزوير
اعتدال ….. الفلوس عماتك انت مش هم ، طبعا ماتعرفهمش تقول اكثر من هكي
اياد …… انتِ يلي ماتعرفهمش
اعتدال …… احترق بهدوء 😏 ومشيت وخليته

⭐️روايــــــــــــات صفـــــــــــــــاء⭐️

رواية ولدك يا بلادي الحلقة العاشرة

افنان ….. خشيت اتصلت بام ايوب 💔 قلتلها ادير حل كيف بنسيبه ونوافق على حمزة وهو مخطوف اهلي مش ح يوافقوا ، لقتنى بفكرة جاهزة طول 😨 عشية لبست وجتنى وقالت انه ولدها كلمها وطلع مسافر مع صاحبه ومقرر يهاجر اعتدرت مننا وقالت فكوا الخطبة لانه قال مش مولي وانى مستغربه في كلامها كيف طلعت ولدها واطي هكي بس قلت قلب الام اهم شيء عندها سلامة ولدها ، خلاص كل شيء انتهى 💔ماما عصبت عطتها كل شيء وطلعت روحت
جميلة…. ماتعدليش عليهم هضم مايتحشموش بنتي محروقة ليها اسبوعين تحسابه مخطوف في الاخير هو مسافر يدهور
افنان ……😭😭😭 خلوني بروحي وخشيت للدار بعتت رسالة لحمزة انى انفصلت على ايوب شوية واتصل
افنان …… فتحت الخط وانى نبكي آن شاء الله تموت باهي نكرهك
حمزة …… معادش تبكي او معادش تكلمينى وانتِ. تبكي مانقدرش نتحمل
افنان ….. حساس ماشاءالله
حمزة ….. نفوت يومين ثلاثة وبنكلم ولد عمك تمام ؟؟
افنان …… دير شن تبي وصكرت في وجهه 💔
وفعلا بعد اسبوع كلم صديق ، بابا كان مش عاجبه الموضوع وقالي مش على خاطر الناس بتقول خطيبها هرب وسيبها معنها تتزوجي اول واحد يجيك وحمزة مش من ثوبنا وسلاح ومشاكل بس انى اصريت انى ارتحتله وانه كويس وساعدنا وانه وانه بعد طول زن مني ومن دانية قدرنا نخلوه يوافق ، ولانه صديق وحور كانوا محددين عرسهم بعد شهر قالوا نديروا مع بعض مدام حتى هذا جاهز حمزة ماجاش لا مقابلة لا شيء جت امه واخته مره وحده خطبوا وبعدها قعد كلام رجاله بس

رواية ولدك يا بلادي الحلقة العاشرة

#اسبوع_العرس

اعتدال ….. مش عارفه احساسي كيف بس مع يلي صار مع افنان اعذرت حور شوية + انى تاكدات انه صديق يحس بمشاعر اتجاهي من لما ضرب سالم لهذا العرس المره هذه اخف عليا وانى نقول توا يتزوجني علها والا يطلقها بعدين المهم هم خوت ومش ح يصير بينهم شيء
جيت طالعه من حوشنا لحوش عيلة عمي لقيت سفرة في بلكونة المربوع مشيت بنجيبها سمعت
امحمد ….. توا قصة التزوير وفاتت على خير لكن شن بنديروا توا
فرج …… مش تزوير خيرك شن تقول انت
امحمد ….. مش تزوير لكن بوي مات قبل جمال الله يرحمهم صح خدعنا الدكتور لكن الحق حق
اعتدال ……😨

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى