روايه أنا جثة الحلقة الثامنه 8 والاخيرة للكاتبة اروى الطاهر بنوتة الشيخ | القلم الناجح
روايات ليبيه كاملة

روايه أنا جثة الحلقة الثامنه 8 والاخيرة للكاتبة اروى الطاهر بنوتة الشيخ

روايه أنا جثة الحلقة الثامنه 8 للكاتبة اروى الطاهر بنوتة الشيخ

#أنا_جثه 8 والاخيره

ريناد:نفجرت فيه وهيا تبكى….لااااااا
لااااا مفيش اخ يبوس اخته زي ما بستني !!!
مفيش اخ يشوفلى بي تضرات زي يلي تشوفلي بيها
معتز:واقف ساكت
ريناد:مسكت وجها بيديها وقربت عليه ودموعها يطيحو….معتز شنو تحس داخلك ؟!!….
معتز:مسك يديها ونزلهم بهدوء وهوا يشوف لي عيونها…مهما كان يلي نحس بيه مش رح يفيد بي شي
ريناد:زادت قربت وتحكى بهستيريا…تحبني صح؟!
تحبني معتز !!
معتز:نزل عيونه وخذي الاوراق…انا ماشي
جيت بناخد منك يلي خليته عندك ونشكرك على كل شي درتيه معاي
في اي وقت تحتاجيني فيه حتلقيني جنبك
ريناد:تبكي بلعبره….معتز متهربش خليك قدها وجاوبني ….بتخليني مع حد انا مش طايقاته؟؟
يتخليني نتزوجه؟؟؟
معتز:عطاها بضهر وجي بيطلع
ريناد:قاعده نطلب فيك توقف معاي تنقدني منه وعطيتني بضهر بتطلع 💔هكي اول مره نطلبك فيها؟
مش ع اساس نلقاك جنبي؟
معتز:تلفت ويحكي بعصبيه لاكن بصوت واطي…لانى حبيتك
ريناد:سكتت ودموعها بس ينزلو بدون اي تعبير وجه
معتز:لاني حبيتك مش رح نخليك معااااي نخاف عليك من كل شي نموت في اي لحضه يشدوني يصير اي شي
نبيك تعيشي مرتاحه نبيك تتزوجى واديري صغار زي ما كنتي تحلمى تتخرجي وتبدي دكتوره رسمي …منبيكش تاخذي واحد سمعته زيني
ريناد:عيونها دموع….بس انت كويس 💔
معتز:في نضرك بس….مفيش حد مصدقني !!
ريناد:مش هامني حد انا ….معتز خليك معاي
معتز:نزل راسه لي ثواني قرب عليها باسها بين عيونها…اكتبي عليا في الدفتر متعك يلي في كل ليله كان معاك ….اكتبي اني حبيتك اكتر شي في حياتي اكتبي انى شفتك حاجه ملونه وزاهيه في دنيتي يلي كان لونها كلها سوداء
اكتبي انى مشيت وخليتك باش تحصلي مستقبل يرفع الراس قدام اهلك
ريناد:تبكي بلعبره حضناته ….معتز بالله عليك لا خليك معاي 💔
معتز:بعد تردد كبيررر قام يديه وبادلها الحضن دفن راسه في رقبتها وخذي شهيق عمميق بي ريحتها وبعد عليها ماسك يدها
ريناد:تشوفله
معتز:مش ملاحضه انك غبيه؟..كيف تحبي جثه خفتي منها في غرفة التشريح
ريناد:طلعت منها ضحكه وسط دموعها
معتز:ابتسم..ايوا خليك هكى اضحكى❤️…باس يدها وطلع وسيبها
ريناد:قعمزت على الدروج تبكى وكان صوتها واااضح في العماره كلها لدرجة الجيران طلعو بس هيا مكانتش شايفه حد غير صورة معتز وهوا ماشي ومسيبها💔

____________________

شروق:وانا ؟؟نكلم فيك هيثم !
هيثم:عارف انها لعبه وزواجنا كان زي الحلم !
بس رح تاخذي حريتك ومعاها حوش وفلوس يسدوك العمر كله !
شروق:بس انا منبيش فلوس 💔
هيثم:شنو ؟
شروق:نبيك …نقصد نبيك راجل تحميني معاي !
هيثم:ضحك…وين مشي خوفك مني!
شروق:سكتت وهيا مصدومه من نفسها …وين خوفها منه اختفى اللحضات هادي؟
هيثم:ابتسم…
شروق:نقصد ان يعني مش مش نخاف منك انا
هيثم:حاط يده على هده ويتفرج عليها…لا متخافيش مني تبدي ترعشي بس
شروق:خذت نفس عميق وقلبها بيطلع..تبي الحق
اي نخاف منك
هيثم:شاد ضحكته ويده على خده..نقدر نفهم السبب؟
شروق:بلعت ريقها….اءء انا انا من قبل خوافه تمام؟
وانت يعنى شوف وصعك كيف شبحتك ترعش وخدمتك ابصر كيف ….فهمني كيف تبيني منخافش تخيل مثلا نتعاركو يوم تقتلني وتدفن الجثه متعي في الجنان وتبيه الحوش
هيثم:طلقها ضحكه من القلب
شروق:لسبب مش مفهوم لما شافت ضحكته ارتاحت❤️
هيثم:جو اقسم بالله …به خلاص باش ترتاحي بنسافر انا
شروق:شوي وترجع؟😰
هيثم:لالا ياسر من القعاد في ليبيا نضلمنا هلبا وتعبنا …بنستقرو برا
شروق:انا مرتك توا كيف تخليني
هيثم:وقف ينحي في طاقيته…ع الورق بس
لاكن زي ماقلتلك مستقبل تام نوفره قبل مانمشي متخافيش مش رح تحتاجي حد من اهلك
شروق:ساكته وتشوفله
هيثم:نحى الجاكيت وبدي يستعد لي النوم
اما شروق ساكته لاكن داخلها تحكي …معش بنطيح روحي اكتر من هكي

___________________

ريناد:اول مره نعيش الحب !…شعور حلو بس يقتل لما يكون فيه شي يجبرك تبعد عليه 💔
منعرفش شنو نهايتي بس يلي متأكده منه لو نموت وربي ماياخدني صهيب مستحيل نتزوج واحد منحباش ونخلى زواجي بدون اي مشاعر ..اما معتز
رح يقعد احلا شي نكتب عليه في حياتي او كان ليا او مش ليا💔
نحبه نحبه لدرجة مش قادره دقيقه وحده نطلعه من راسي وشفت الحب في عيونه حتى هوا …انهت كلام الورق بي كلمات بسيطه…حتى لو كنت ميته جثه من داخل انا نحبك❤️

____________________

معتز:مقعمز في الصاله الدنيا ضلام ياذوب في ضي مخفي فوقه …يشرب في اميه ويدخن عقاه رايح
مش عارف يفكر في شي غيرها !
مش قادر يركز في شي وهوا قاعد يسمع في صوت بكاها وكيف تترجى فيه يقعد جنبها💔
ادهم:طالع من المطبخ وماسك السفره…اقسم بالله ياراجل القعده في الشرق ما ينمل منها
حجات قنينه مثروده ومش عارف شنو لكن زي العسل و…
معتز:يبرم كوب الميه قدام….شن صار معاك؟
ادهم:تنهد…مسكرين راسهم يبوك تكمل شغل معاهم
فهمتهم انك حطيت يدك في يدهم باش يساعدوك وتمسك حاجه على الضباط بس
لكن الشغل عجبهم ويبو يكملو معاك
معتز:الثلاث مسافرين
ادهم:وهما؟!شنو بنقولولهم
معتز:طلعهم من راسك
ادهم:تمام…اءء في شي تاني
معتز:قام راسه …
ادهم:بوك يسأل عليك
معتز:خذي نفس عميق…بطل تقول بوك بالله عليك ريحني
ادهم:معتز فيك شي؟!حاس انك مضايق
معتز:ولا شي
ادهم:الدكتوره؟!
معتز:يتكلم بهدوء وعيونه تاعبه…معش تجبد سيرتها منحبش حد يحكي عليها
ادهم:ساكت ويشوفله
معتز:تصبح ع خير…وناض
ادهم:تعاله تعشى ع الاقل
معتز:صحتين…خش للغرفه

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ثاني يوم:-🌥🌥🌥

ريناد:حضنت امها….الحمد الله ع السلامه
ريمه:الله يسلمك …شنو طالعه؟
ريناد:اي وقت عليا شروق شويه وتوصل
ريمه:ربي معاك …تو سلمى تعاوني اليوم بننقلو البضاعه لي الحوش الجديد
ريناد:اليوم بنسكنو؟
ريمه:اي ان شاء الله
ريناد :به ربي يسهل
محمد:بنتى الدكتوره
ريناد:ابتسمت
محمد:وتي روحك عاد اكيد قالك صهيب اول ما نستقرو نديرلك عرس مداره حد قبل
ريمه:خير عيونك هكي؟؟
ريناد:ولا شي تاعبه من القرايه …هي سلام امي شروق وصلت
ريمه:ربي معاك

__________________

ريناد:السلام عليكم
شروق:وعليكم السلام
ريناد:شافت لي شروق من المرايا متع السياره وكان واضح حتى على شروق انها تاعبه 💔
ريناد:فتحت الدفتر متاعها وكتبت…الواضح ان مش انا بس يلي نمر بي ضروف صعبه الايام هاذي !!

_____________________

اشرف:وقف على الباب يتفرج على سلمى تلم في حوايجهم …شنو خلاص راحلين؟
سلمى:اي😅….خلاص ياسر ضايقناك هلبا كأن
اشرف:لا بلعكس …انتي تاعبتك معاي
غدي وعشي وتغسلي في حوايجي حتى كان متزوجك مش هكي
سلمى:ادلل ولا يهمك😌..وكملت شغلها
اشرف:بتردد…سلمى
سلمى:قامت راسها…نعم
اشرف:اطلقتي؟
سلمى:اختفت الابتسامه من على وجها…لا مزال
اشرف:معن……
ريمه:هيا بنتي نشطي روحك وقت
اشرف:ربي يعاونكم مرت عمي
ريمه:الله يسلمك…
اشرف:طلع من الشقه وسلمى راسها موقفش تفكير
علاش اشرف سألها ؟؟؟

__________________

الصفحه16:-
ريناد:فات عليا اسوء اسبوع في حياتي 💔
معش شفت معتز ولا سمعت صوته !…كنت نمشي لي شروق نخترع في اي كذبه ممكن نتلاقه معاه غادي بس مكانش يجي 💔
شروق فاهمتني كويس !!

بس في المقابل كان معتز جنبي وحاسه بيه 💔
في كل صبح يكون قدام مكتبي فطور مجهول من منو!!
لما تصير مشكله في شغلي ينحل كل شي وانا مش فاهمه
وصلنى لاب توب جديد عشان ندير بيه مشروع تخرجي
نقلوني للقطاع يلي كنت متريحه فيه بدون منحكيلهم
كنت عارفه ان معتز السبب في هاذا كله 💔يساعد فيا بدون ما يطلع في الصوره لكن محتاجه نكون معاه 💔

اختي سلمى وماما وخلاتي يحضرو لي عرسي وانا نطلع الصبح للمشفى ونروح في الليل …كنت متعمده ناخد دوام كامل كأني نهرب من الواقع يلي يراجي فيا 💔

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

الصفحه17:-

ريناد:فتحت عيوني حاسه راسي بينفجر
شروق:الحمد الله ع السلامه
ريناد:قعمزت وحاسه الارض تلف بيها…شنو صار
شروق:الله يهديك بس…الف مره نقولك ياريناد معش تخشي لمخزن الادويه بروحك …طاح عليك سطل حديد راسك 7بونتو
ريناد:تمس في راسها…..ااااخخخ
شروق:نزفتي هلبا ومفيش حد يعلم بيك كان مشافاتكش النضافه راهو مشيتي فيها
ريناد:نحت البالطو متاعها
شروق:بتردد…معتز
ريناد:توسعو عيونه…خيره😨
شروق:تبرع بي3اكياس دم لانك نزفتي هلبا
ريناد:كيف 3كياس
شروق:قالوله منقدروش ناخذو اكتر من 2خطر عليك بذات هوا تاعب …بس رفض ودار دوشه لين خذو كلامه
ريناد:عيونها لمعو…تاعب ؟خيره!!!
شروق:زي تعبك 💔…امس حكالي هيثم
ريناد:شنو حكي
شروق:تنهدت…هيا ريناد شويه ويوصل بوك بدلي حوايجك من الدم هاذا
ريناد:شروق احككككيلي
شروق:تاعب لانك بتتزوجي ..وفي نفس الوقت لمصلحتك لان معتز مطلوب يا ريناد حاطينه في راسهم لانه بوه مسؤل في الدوله وهارب لي تركيا
ريناد:ساكته ودموعها ينزلو …حبيته💔
شروق:حطت يديها على عيونها…معش توجعيلي قلبي وراس امك مش قادره نديرلكم شي💔
معتز عنده حق ويحبك وفي نفس الوقت حرام تاخذي غيره وغلط تاخديه

طق طق طق
شروق؛ادخل
هيثم:السلام عليكم..الحمد الله ع السلامه
ريناد:مردتش عليه..هيثم تالفونك
هيثم:شاف لي شروق مش فاهم ؟
ريناد:بالله عليك لحضه بس
هيثم:طلع تالفونه نحى الرمز وعطاهولها

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

معتز:ايوا هيثم..كيف حالها؟..تاعبه؟
امتى قالولك تطلع من المصحه؟كلمتهم يديرولها صوره ع الراس؟!
ريناد:استاحشتك💔
معتز:تجمد في مكانه وساكت
ريناد:طلب واحد بس💔…اليوم نبي نشوفك لاخر مره
معتز:ريناد …عرسك قريب غلط يلي يصير
ريناد:نوعدك معش نجي في طريقك بعد مانشوفك
معتز:ساكت
ريناد:وعد معتز💔
معتز:وين؟
ريناد:نبي مكان عام بدون سلاح بدون شي انا وانت بس ارجوك
معتز:اعطي التالفون لي هيثم
ريناد:مدت التالفون لي هيثم وناضت
شروق:ريناد…اهدي كيف طالعه من خياطه ره!!
ريناد:تلبس في الجاكيت يلي جنبها…لازم نشوفه

__________________

هاديه:نعممممممم؟؟؟؟؟
اشرف:زي ما سمعتي…اليوم حصلت ورقة طلاقها رسمي بنراجيها تكمل العده وبناخدها
هاديه:والله ماك وا….
اشرف:متحلفيش امي متحلفيش ….انا استقريت هنايا .
وبناخدها وبنكمل حياتي معاها معش حد فيكم يدورني لاني قرفت وزهقت من الكذب وسوء الضن بي الناس يلي انتم عايشين فيه
هاديه:سحراتك الله لا تربحها 💔
اشرف:حشاها

__________________

الصفحه18:-

ريناد:طلبت من هيثم يخليني ويمشي وبعد جهد جهيد مشي هوا وشروق وخلاني
حاليا مقعمزه في المنتزه نراجي فيه ونكتب ❤️
الناس يلي ماشيين وجايين جنبي حايرين فيا لان منضري واضح كيف طالعه من مستشفى والفاشه ع راسي وعيوني متورمات من البكي …قلبي❤️
اهو جاي نشوف فيه من بعيد ….

سهيله:وين الباقي 😨😨😨لالا لا لازم نشوف الباقي علاش ريناد مش مكمله قصتها
رجاء:خيرك بنتي؟
سهيله:ماضت تحري تلبس في عبايتها….ماما لازم نمشي لشغل
رجاء:مش حاسه نفسك تاعبه ؟
سهيله:فيه بنت ناسيه دفترها عندي لازم نعطيهولها بتجي اليوم واصلا الحمد الله حاسه اني كويسه
رجاء:به بسرعه قبل ما يطلع خوك
سهيله:لبست حوايجها وطلعت مع خوها وهيا ماسكه دفتر ريناد تقرا وتعاود في اخر ورقه ليش مكملتش قصتها رغم ان مزال في 3صفحات فاضيه !!

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

نزلت سهيله تجري وهيا متمنيه تلحق على ريناد لان الدكتور قال اليوم بتجي تاخد حجاتها

سهيله:اهلين دكتور …عارفه جيت متأخر كنت تاعبه بس جيت نسلم دفتر ريناد قلت اليوم بتجي تاخد بضاعتها
الدكتور:عيونه في الورق…داخل في المكتب تلقيها
سهيله:شكرا….ومشت بسرعه
وقفت وكان قلبها يدق …لاول مره رح تشوف ريناد صاحبة القصه يلي خلتها تسهر ليالي
سهيله:السلام عليكم
كانت تلم في حجاتها …تلفتت وجت عينها على الدفتر
سهيله:اسفه قعد عندي الدفتر …خديته لان كلهم قروها القصه وجي دوري بجد حسيتها كأنها روايه
ابتسمت وخدت الدفتر فتحاته تقلب فيه
سهيله:بس لو ممكن نعرف ليش مكملتيش قصتك؟!
اسفه بجد ممكن تكون وقاحه مني بس قصتك حلوه وخاطري نعرف شنو صار
_تبي تعرفي؟
سهيله:اي ياريت
_هاذا دفتر تاني …كملي القصه مابين لميت باقي الحجات
سهيله:ابتسمتلها…شكرا بجد محلاك❤️
_ابتسمت وكملت شغلها

______________

ريناد:قرب مني وكان نفس العيون يلي حبوني ونفس الصوت يلى متت فيه❤️
قعمز جنبي وبدينا نحكو

شروق وهيثم كانو مدرسين في السياره مش بعيد عليهم هلبا لدرجة يسمعو فيهم مرضاش هيثم يخلي ريناد تراجي بروحها

معتز:الحمد الله ع السلامه
ريناد:مردتش وكملت تشبحله
معتز:ارتبك…تعبتي هلبا!
ريناد:معتز دمك يجري داخلي ❤️
معتز:نزل راسه …المهم انتي بخير
ريناد:عرسي بعد شهر
معتز:قام عيونه كانو حمر ودموع💔…معاك انا
لين نطمن عليك
ريناد:تعرف علاش جيتك اليوم
معتز:يحكى بغصه…لا
ريناد:سيبت كل شي وراي
معتز:كيف!
ريناد:معش نبي نرجع …معش نبي عرس ولا شي
نبيك ومش رح نرجع لي ولا مكان
معتز:ريناد م…..
ريناد:عارفه اي …انا منبيش مستقبل ومنبيش قرايه ومنبيش سمعه ولا شي
نبيك ..نبي معتز يلي حبني من قلبه وكان معاي في كل شي
معتز:من قال كنت معاك ؟
ريناد:زادت قربت منه…بطل تنكر!!!بطل انت تحبنى وساعدتني في كل شي معتز
معتز:مسك يديها….ريناد
ريناد:منبيش نسمع شي ….انا هنايا مش حنروح دبرلي
معتز:خذي نفس عميق بعد ماشاف راجل واقف بعيد ورا ريناد ….ريناد اسمعيني كويس
ريناد:ساكته وتشوفله
معتز:توا بكل هدرء رح تنوضي وترجعي لي سيارة هيثم غادي
ريناد:شافت لي سيارة هيثم
معتز:وحطي في بالك اني حبيتك والوحيده يلي ساكنه هنايا…واشر على قلبه
ريناد:شافت وراها ورجعت شافت لي معتز….شنو يلي بيصير
معتز:بري لي السياره وعيشي زي مانبيك ❤️فرحانه مرتاحه تزوجي حققى كل احلامك وخليك مذكره اني نحبك لأخر عمرى
ريناد:معتز!!
معتز:ريناد بري امشي زي ماقلتلك
ريناد:تراجعت خطوتين وهيا تشوف لي معتز …فجآه رجعت في كلامها
وقربت عليه تجري حضناته❤️❤️❤️❤️
ومعش فيه شي غير صوت طلق ناري 💔اكتر من مره
الناس تهرب يمين يسار وصوت عياط
هيثم نزل من السياره بس في لمح البصر اختفو يلي ضربو

معتز:طايح ع الارض وجنبه ريناد…
ريناد:تحكى بصعوبه…كنت عارفه بيصير شي زي هكي 💔اخترت نموت معاك
معتز:ماسك في يدها والدم ينزف منهم الزوز وعبى المكان ….مقدرتش نحميك💔
ريناد:عطيتني كل شي حلمت بيه وحميتني هلبا
معتز:دموعه ينزلو ويديه دم …يمسح عليها ومش قادر يحكى
ريناد:حطت يدها فوق يده…حتى لو مكانش في نصيب لينا هنايا نصيبنا فوق ❤️
معتز:تبتت حركة عيونه ونفسه انقطع 💔وريناد لحضات ولحقاته…انصدمتو صح!!
اي انا ريناد انا جثه وهاذي قصتي
كنت نتمنى تقروها بي نهايه سعيده اكتر من هكي بس هاذا يلي صار

_________________

سهيله:حاطه يدها ع فمها….شنووو لا لا مستحيل
دموعها ينزلو …ريناد!!!ماتت؟؟معتز ؟؟!
كذب صح …انتي ريناد
انا شروق …جيت اليوم ناخد حجاتها لان بلغوني في وحده جديده بتجي مكانها
سهيله:تبكي….قالي الدكتور بتجي تاخد حجاتها
شروق:مسحت دموعها…اي مقالكش اسم ريناد هوا يقصد عليا
سهيله :تذكر

طلع الدكتور وطلعت سهيله وراه وهيا ماسكه الدفتر بين يديها متشوقه لي الصفحه 5..
الدكتور:سهيله
سهيله:نعم
الدكتور:حاولي تجيبيه بكري لان مرات تجي تاخد الدفتر وباقي حجاتها
سهيله:اوكي حاضر …وطلعت

سهيله:نهارت بي البكي وهيا مش مصدقه يلي تسمع فيه!!
شروق:تلم في حجات ريناد…كملت عليها قصتها انا لانها كانت تحب تكتب …كتبت يلي شفته بعيوني ويلي سمعته منهم كتبت كيف ماتو الزوز قدام عيني 💔
مفيش حد يعرف باقي القصه …حتى موتتتهم انتشرت في المدينه ان ناس مجهولين قتلو معتز وريناد جتها رصاصه طايشه بس!
بس ….بس خلاص استمر كل شي تصدقي!!
صهيب تزوج ….وبردو سلمى انقرت فاتحتها على اشرف
وانا علاقتي تحسنت بي هيثم وحامل ….كنت نتمنى لو ريناد تمت قصتها بفرح بس هاذا يلي صار
سهيله:منو قتلهم!
شروق:المقصود كان معتز…عشان بوه عليه تار قتلو ولده يلي هوا معتز بس ريناد لحضتها حضناته ومرضتش تخليه وكانت عارفه رح تموت معاه ومش حيرحموها …معتز حاول يباعدها ع الموت بس هيا رفضت وماتت وهيا جنبه
سهيله:قعمزت ع الكرسي تبكي وشروق خذت حجاتها وطلعت 💔

النهايه_

وين اعذارك ؟وين الناس يلي تخلو عليكم بحجة ضروفهم؟وين الناس يلي فضلت تتزوج وتسيب يلي يحبوهم بحجة انهم مغصوبين؟وين الناس يلي قالو ميفرقنا شي الا الموت؟؟؟
خليهم يقرو قصة ريناد ومعتز ممكن يشوفو الحب كيف!!…ممكن يحسو ان الحب الصافي مش اي حد يقدره مش اي حد يفدى روحه عشان يلي يحبه!!

مش حنزيد هلبا كلام زي كل مره!!
لاكن معش حد يتكلم بي اسم الحب وهوا من اول ضرف يسيبك ويستسلم لي الضروف حتى لو كانت تافها
معش حد يتكلم بي اسم الحب وهيا لو حصلت عريس تمشيله بسرعه ومتفكرش في شي غير العرس والڤيلو
معش حد يتكلم بي اسم الحب وهوا مختارش الموت مقابل انه يعيش مع شخص تاني ..الحب افعال ره افعاااال مش كلا ينقال !!

وزي منقول ديمه انا (اروى)بنووتة الشيخ الحب في كل مكان بس انتي دوري واختاري صح !

 

لمشاهدة جميع اعمال الكاتبة : روايات اروى الطاهر المسلاتي

اترك رد

زر الذهاب إلى الأعلى