روايه الثأر والإنتقام الحلقة الثانية .. الكاتبة ساجدة المسلاتي | القلم الناجح
روايات ليبيه كاملة

روايه الثأر والإنتقام الحلقة الثانية .. الكاتبة ساجدة المسلاتي

روايه الثأر والإنتقام الحلقة الثانية .. الكاتبة ساجدة المسلاتي

#روايه الثأر _والأنتقام ح2
حقيقه مع خيال
من طلق رصاصه ؟ تجمد دم في العروق ..
علي عياط المسواين ولولوله .. يزن حول إيده من يد خوه يلي كانت شده فيه بقوه ناض وقف وعيط
يزن /منو يلي يقتل خوي منوو ؟شبح لي الحراس لقاهم شادين بين يديهم شيخ قرب منه يزن لقاه مغطي بذمه مقتول مسح يزن دموعه علي خده وشبح لي الحراس من قتله؟
الحارس قادر :أني ضربته حاول بيهرب فا ضربته رصاصه برأسه
يزن / تعرفت علي هويته ؟
الحارس قادر /إي هذا رجل عاصي حديد واضح إنه إستفاد من المناسبه بيش يدخل فينا ويدخل بصفته شيخ بيش يعمل عملته الحقيره …
حط يزن يده علي رأسه وشد شعره وعيط بأعلي صوته حرمني بوي ولد 🔞وتوه خوي
أقسم بالله منحرم نوم من عيونه طلع سلاحه يلي كان محطوط علي خصره ومشي وشياط راقيله حاول الحارس قادر يهديه فوجه يزن سلاح علي قادر ..
يزن :بعد عليا ما تخلينيش نقتلك
مشي قادر جري لي عائشه وخبرها إن يزن بيمشي لي عاصي حديد وهذا يعتبر إنتحار
مشت عائشه تجري لقيت يزن كيف بيطلع من فم الحوش شدته من ذراعه ولفتته …
عائشه : برحمه خوك محمد ما تخطيش خطوه أخراء براء الحووش ..
يزن ؛طبس رأسه لوطه وعيونه نار وغضب ودموع مسح دموعه وشبح ليها
يزن :بنأخد بثأره وعدته إني ننتقم خليني نمشي نقاتل هذاك النذال …….
مسكته عائشه من كتفه :أني نبي هذا أكثر منك لما قتل بوك ناض محمد وقتل ولده إسماعيل وتواء هوا خدي ثأر ولده وقتلي ولدي قدام عيوني لكن معاش عندي غيرك في هاذي الدنيا كان مشيت إنته بنموت تفهم عليا بنمووت وطاحت عائشه علي لوطاء علي ركبتيها تبكي 😭😭
يزن :ما تخافيش توه يجي وقته هو يلي بيخاف مننا أقسم بالله بنقلعله عيونه بيدي هذوماا لأتنين نوعدك أمي إنحني واخدها ب
في حضنه ووقف بيها ..
عائشه بهمس ؛مش حايكون هذا اليوم .
مشي بيها يزن لي جهه محمد بيش يقرروا مراسم الذفن ويودعوا
محمد للمره الأخيره ..
********************************
عند عاصي حديد 🔥
علا صوت رصاص والفرح والأبتهاج وأخيراً عاصي خدي بثأر ولده إسماعيل بعد 3 سنين علي موت ولده :ثأر قديم بين عائلتين يتغلل فيه الحقد من عهد جدداهم
وزي مايقولوا الدم بي الدم
هما خذوا بي ثأرهم وهوا خذي بثأره
كان العرس قايم في حوش عاصي حديد
لكن زوجته فاطمه ما كنتش بنفس حماس راجلها كانت تفكر في هذا ثأر لا أمتي بيستمر؟
لي وين بيقعد هالثأر ودم ؟ خش عاصي علي تريس منطقته …….
عاصي /تو ه أحني صبحنا متعادلين هما خدوا ولدي الكبير أيهم والتاني إسماعيل وأني خديت روح بوهم ولدهم الكبير محمد
ناض واحد من رجال المنطقه ؛إيه وبعدين؟
معاش عندك رجال في عيلتك غيرك زعما ولدهم صغير بيخليك عايش ؟؟
عاصي بضحك 😂ومن يقدر يوصلي ؟ ما تخافش عليا بكل ..هيا ياتريس افرحوا وكولوا أضرب رصاص ياولد فوق أضرب
***********************
سيب عاصي تريس ومشي لي مرته سعادد
عاصي : وين بنتك ؟ مالقيتهاش في دراها ؟
سعاد ؛ عند صاحبتها ملاك ..عيط عاصي عيطه هزت كل جسمها ..ملاك ..إتصلي بيها تواه هذا وقت ملاك ولا رناد ..هياقديشك ما وحده مريضه يسي ……
أسدلت سعاد رأسها مسكينه اعتادت علي إهانه راجلها ليها ..خدت تيلفون وتصلت
سعاد: بتول وينك ..قاعده عند صاحبتك ملاك ؟
بتول ؛إيه خيرا إمي فيه حاجه ؟ خيرا صوتك يرجف هكي وهمست بوي ضربك مره تانيه؟
سعاد :لا لا لكن تعالي لأنا في مصيبه حلت علي رؤوسنا……..؟؟؟
سكرت بتول المكالمه وركبت سيارتها ومشت لي الحوش تفجأت بي سيارات زحمه وصوت زغاريض
بتول :ياربي شن فيه إنشاء الله خير!!!!!
مشت لي الحوش وتفجأت مره تانيه بي الناس ……
شدتها سعاد من ذراعها ورفعتها لي دار …..
بتول :شن صايرر؟
قعمزت سعاد علي سرير وهي تبكي بوك خدي بثأر خوك اليوم وقتل ولدهم محمد في يوم عرسه ………
شهقت بتول : وحطت يدها علي فمها ياربي ياربي لي امتي لي أمتي منقعدوا في القتل لي أمتي هما بيقتلوا وهني من قتلوا منهم كرهت دم كرهت حياة رعب ؟؟
قعمزت بتول علي الوطاء حطة رأسها علي ركبت سعاد …….
بتول /نفرح ولا نحزن يا إمي ؟هذا جهل لا أمتي لا أمتي بينتهي ؟؟قاطع كلامها دخول عاصي /مكانش الأب الحنون قاسي كل ما تشبحه بتول تخاف منه شبح ليها بعصبيه 😠
معاش في طلووووع من الحووش فهمتي
للأسف معاش عندي غيرك ..اه بس ياريتك إنتي موتي بدل واحد من خوتك كان أحسن لكن شن بندير ربي بعتلي بنت مافيهاش منفعه ..
طبعا عاصي يكره البنات زي بعض البشر لما تجيهم بنت تلقي واجه أسود ويعاير في عئلته علاش جبتلي بنت علاش بش ولد
كأنه البنت عار علي مجتمع ولما يطيح مايلقي كان البنت سنده في الحياة
رفقا بي القوارير 😍
*****************
عيطت سعاد /عاصي حرام عليك
عاصي /شبح فيها بتعجرف سكري فمك
كلامه ذمر بتول هيا من لما إنخلقت ما لقتش منه الحنان حست بي بوها إنها ما يحبهاش ويكهرها لأنها بنت طاحت علي السرير تبكي وتشهق يارتني أني يلي مؤتت يا إمي
قعمزت سعاد جنبها وتحاول تخفف عليها شويه /هذا بوك وتعرفيه زين طبعه هكي ما تحزنيش بالله عليك بتول …رقدت بتول بعد بكي طويل …………..
****************************
عند يزن 💪
أما يزن يلي إنزوي شويه في داره معاش عرف نوم ولا طعمه قلبه معبي بالغضب والحقد والحزن شد علي قبضة يده بقوه لين نزفت من دون ما يشعر ..جمله خوه ما فارقتش رأسه وجملته ما فارقتش شفايفه
يزن /منتقم وعد يا خوي……
****************************
في الصباح الباكر 🌄
جي الصبح وبدي العزي وقامو بدفن محمد
عائشه يلي تعوددت علي فراق غوليها تحلت بصبر من ألمها وظهرت بي القوه قدام الناس وتبثتلهوم إنها ما تنكسرش بسهوله
ديما كوني قويه ودمعتك ماتنزلش بي ساهل
الحياه هذي تبي واحده قويه بش جابنه
……………………………………………..
أما يزن خفي حزنه خلف قناع القوه فالراجل
مستحيل يظهر ضعفه وذموعه في قاموس العادات وإلا ما يكونش زعيم كويس
تقبلوا التعازي وروحوا الناس وقعد يزن مع قادر يفكروا بطريقه للوصول لي عاصي
*******************************
كان يزن يهدرز مع قادر في مكتب بوه يلي

 

تواه صأبح ليه …
يزن /زح ما فيش كيف نوصلوا لي عاصي
قادر /لا أكيده فيه طريقه……
حط يزن يده علي خصره والتانيه علي فمه وشبح لي قادر بنظرات حاده
أني نعرف
قادر /كيف …..؟؟؟
يزن /إسمع في شحنه ممنوعات جايه من الخارج قالي عليها محمد من يومين وبتجي في الأسبوع الجاي هاذي شحنه لي قادر حديد …………
قادر /أه
يزن /وإحني بنقعطوا طريق قدمها وبنخدوها منه وفي نفس ليله بنهجموا علي محاصيله أرضيه ونحروقها كلها ..
لما بيشبحوا أهل منطقته أن الشحنه معاي بتسلمه ليا وبعدها منقطعه طرووف
قادر /يا سلام عليك يا معلم
تحضروا يزن وجماعته إسبوع كامل و نتضروا الحراس إشاره وحده من يزن بيش يستولوا علي الشحنه الجايه..معركه دارت بين الحراس الطرفين وإنتهت بي ستيلاء جماعه يزن علي الممنوعات ….جن جنوون عاصي حديد وشياط راقله أكثر لما علم أن المحاصيل إنحرقوا………….
توترت الأجواء هلبه في القريه وصبح جو مشحون بي القيال والقال فتره مرت بخوف ورعب ساد الوسط رجع قادر ومعاه الشحنه يلي أمر يزن بي ضمها في مستودع متاعه
كانت فرحه يزن كبيره لا توصف حقق ما يبيه لكن ما تبقي فقط رأس عاصي حديد
بيش يشفي غليله منه …….
جي الصبح طلع يزن يستني أن تتحرك المنطقه علي عاصي حديد وصلت أخبار لي يزن تقوول أن المنطقه مقلوبه فوقي لوطي
عليه ويبوا يسلموه ……..
رسئل قادر رساله علي لسان يزن ..تقول معاكم مهله لي العصر كان ما سلمتوشي بنحرق البضاعه ونحرق حياشكم أعذر ما أنذار…….
رساله هزت كيان المنطقه يبوا يتحركوا ويسلمو عاصي قبل ما يزن ينفد تهديده
خوف بتول وسعاد خلاهم يتمسمروا في مكانهم مش عارفين ..شن بيصير فيهم لا هما ولا هذيك العيله ..
********************
قعمز يزن ساعات في مكتب يستني في اذان العصر وقف تفكيره سماع صوت دق الباب
يززن /تفضل
خشت شغاله أمينه /أستاذ يزن تبي تاكل توه ولا بتستني إمك لين تجيي…..
جملة إمي وتستانها لين تجي خلت يزن ينوض زي مجنون من مكانه
يزن /إمي مهناش ؟؟مش في دارها وين أمي ؟
شغله /مانعلمش بيها…..
يزن /كيف ماتعلميش…..
رتجف جسم يزن ومشي يجري لي قادر
يزن :قادر وين إمي ؟؟ريتها ؟؟
قادر حط عيونه لوطه :سيد يزن إمك طلعت وما خلتنيش نمشيي معاها
يزن بتكشيخ ؛كيف تخليها تطلع بروحها في هذا الجو المغبر ……..
جري واحد من الحراس من بعيد وهو يعيط
مهناش بضاعة عاصي حديد في المستودع
تلفت يزن علي صوته / ياربي كيف
شن صار؟ كيف من خداهم ؟؟
كيف ..كيف لكن صووت من الوراء قاطع عياطه وجميع تساؤلته أني يلي خديتهم ؛
روايه تشوويق وتهبل تفاعلوووووو 💓
من يلي خدي البضاعه ؟؟وكيف بيوقف الثأر بين العائلتين؟

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى