روايه الثأر والإنتقام الحلقة الخامسة .. الكاتبة ساجدة المسلاتي | القلم الناجح
روايات ليبيه كاملة

روايه الثأر والإنتقام الحلقة الخامسة .. الكاتبة ساجدة المسلاتي

روايه الثأر والإنتقام الحلقة الخامسة .. الكاتبة ساجدة المسلاتي

#الثأر _والإنتقام 5💕💕
خش يزن لي دار لقي بتول مقعمزه حزينه علي السرير …………..
يزن / وجعك الجرح
بتول /إيه
يزن /مليح
بتول بنظرات حاده /شن درت إنته ؟؟
يزن /شن تحسابيني غبي بيش نعاشر بنت زيك …أني نكهرهك
بتول /وحتي أني زيك ولا أكثر منك نكهرك
يزن /يزن به علي الأقل متفقين علي نفس شيء وهوا الكره …….
بتول /إيه الكره …
يزن /إسمعي ما حد يعلم بي تصرف أمس فا متخافيش أما عن دار فا بتكون داري بروحي
بتول / بهمس بالك بهمك جدري يرفعك ..
يزن / قلتي حاجه …
بتول /ما قلت شيء ..
جي يزن بيطلع لكن ذكر حاجه وله وشد ذراع بتول وجابها لي روشن إشبحي الأراضي الكبيره والواسعه من حاوزتي ؟؟هاذي حدودك يعني تتخطيها رجلك نكسرهلك هذا الحوش حبسك فاهمه حبسك
بتول بصوت عالي : حتي أني عندي حياتي عندي صحباتي وعملي ……
يزن : ومن سألك بكل ومشي لي دارها بدي يدور في حاجاتها بتول ما فهمتش شن كان يدور لكن لما شد هاتفها فهمت ..
يزن : معاش في نقال ومعاش في إتصال بي حد حتي أهلك كان يبوك يجوك كنهذا لا
بتول ببكي 😭أعطيني تيلفوني هيا معندكش الحق تعاملني هكي 😭😭😭
يزن /خلاص خديت قراري وتم
رفعت بتول إيديها بتأخد تيلفون فاشبح يزن لي إيدها يلي كانت زرقه زي نيله من الضرب
شبحلها وسألها بدهشه /شن هذا قوولي؟؟
بتول / مش إنته الوحيد يلي دفعت ثمن زواجك المنحوس مني أني دفعت قبلك ..
طلع يزن وهو شاد علي قبضت يده ونزل لوطه ينادي علي عاصي لكن أمه واقفته
عائشه ؛خيرك يزن معصب ؟
يزن :وين عاصي الكلب 🐕
عائشه :روحوامن بكري …….
يزن بغضب :أمي كنتي تندري إن عاصي نذل ضارب بنته بيش تقبل بي الأتفاق ؟؟هذاك الحقير نذل كيف يضرب بنته هكي ؟؟
عائشه :هذي روحك يزن أحني شن دخلنا إنشاء الله هيا وبوها ينحرقوا ……..
هز رأسه وركب لي غرفته ورقد أما بتول ما غمضتش ليها عين من كثر البكي …..
*********************************

تجمعو العيله كاالعاده علي الطاوله العائله يلي كانت كبيره قبل معهم ولدهم وبوهم لاكن تواه صبحت عائشه ويزن بس نزل يزن من الدرج الصباح الخير إمي……..!!!!
عائشه غمرته :صباح الخير يا روح إمك
قعمز وشبح قدامه وين خالي ؟؟
عائشه :روح لي حوشه هز رأسه وقال عادته يقعد نص نهار ويروح به وين يلي ما تتسماش ؟؟قاعده ما ننضتش من النوم ؟ولا تحساب روحها في حوش بوها ؟
يزن بصوت عالي/أمينه أمينه
أمينه /نعم
يزن /وين بتول ؟؟
أمينه /ما نعلمش بيها……..
يزن /أرقيلها وقوليلها الفطور وأتي
رقيت أمينه جري لي بتول وخشت
بتول /خيرا ما دقيتيش علي الباب قبل ما تخشي ؟؟
أمينه /أسفه لكن الزعيم قالك إنزلي لوطه إفطري …..
بتول /قولي لي زعيمك ما نبيش نفطر نزلت أمينه وقالت لي يزن وقف يزن وشياط راقله كيف بنت تتمرد عليا أني مسكت عائشه يده وقالت :هدي يزن جعنها ما فطرت
ما جاوبهاش وسحب يده ومشي لي دارها خش بدون مايدق الباب لقاها مقعمزه علي السرير ولما راته رتجفت وخافت ودقات قلبها بدوا يتسارعوا……………..
بتول عضت شفايفها وهمست /الله يرحمك يا بتول شكله ما يوحي بي الخير تشجعت بتول وقالت /شنو ما تعلمتش دق علي الباب قبل ما تخش …..؟؟
عقد يزن حواجبه وشد علي قبضت يده وقال بحده /كيف تكسري كلمتي قدام الخدم ؟؟
بتول بصوت عالي /ما نبيش نتسمسم أني حره ومش حا تجبرني هز رأسه وإبتسم 😁 علي راحتك بتول لكن إعلمي مش حاتاكلي لمدة يومين فتحت بتول عيونها علي وسعيتهم شدت علي البطانيه وضغظت عليها
طلع يزن وصكر الباب عليها ……
بتول /لا لا ما تقدرتش دير فيا هكي مشت جنب الباب دق عليه وتعيط أفتتتتتتتح الباب يا حقيررررررر أما يزن ما عدلش عليها نزل وكمل فطوره وأمر إمه وكل الخدم إن ما يدخلها حد ولا يعطوها أكل ولا شرب بيش تتعلم كيف تحترم كلمته وطيعه قدام الكل طاحت بتول علي الوطاء علي محاولتها الفاشله وأسندت جسمها علي الباب وبصوت خافت تقول أفتح الباب ..😭😭
****************************★
فاتوا يومين ومافتحش الباب بتول زي ماقال فعل ..عرفت إن ما فيش مجال تتمرد عليه زي ما يقول ينفد سمعت بتول صوت الباب
يفتح فا شبحت لقت أمينه خاشه :صباح الخير الزعيم وإمه لوطه يستنوا فيك علي طاوله الفطور ما صدقتش بتول وأخيرا بتحررمن الحبس دارها جديده هزت راسها وقال بفرح جايه قفزت من السرير ها وجهزت روحها لبست فستان طويل زهري فضفاض وشدت شعرها ديل حصان ودارت ميك أب خفيف وتعطرت ونزلت كانت بتموت من الجوع نزلت لقتهم مقعمزين يستنوا فيها
بتول /صباح الخير تلفت يزن علي صوتها فا لقاها في منتهي الجمال شبحلها من فوق لا لوطه حاول يخفي إعجابه بيها هيا تعالي أفطري ……..
عائشه / أكيده إنتي جعانه معاش تردي دوه علي يزن وإسمعي كلامه زي مايقولك دري….
تغيرت ملامح بتول هي تعرف إن عزوزتها ما تحبهاش إنتهي الفطور وخش يزن لي مكتبه
كان عنده عمل لا فوق رأسه أما بتول طلعت تتمشي في الحوازه شويه لما طلعت لقت أسطبل فيه أحصنه هلبه فرحت وضحكت ومشت تجري ليهم لفت نظرها حصان أسود زي ظلام ليل شكله أصيل وقوي قربت منه ومست رأسه وهي تبتسم وتكلم فيه
بتول /كيف حالك يا بطل ؟إنته محبوس زيني ؟أه قديشك ما تهبل وبدت داعب فيه أما الحصان كان يحرك في رأسه فرحان قربت منه وباست رأسه حاطه يدها علي عنقه وقالت :هيا نتعرفوا أني بتول وإنته ؟
جاوبها صوت من خلفها تعرفه زين صوت يلي يخوف فيها من أول للقاء الأول عاشق ”
************************
إهتز جسمها لما سمعت صوته وتلفتت لقاته واقف وراها ..توترت خافت رعشت مزيج بي الإ حسايس شعرت بيها ..بدت تخاف حتي ظله نزلت إيديها من علي الحصان وقالت شنو ؟؟؟………
يزن :عاشق إسمه عاشق ..إستغربت بتول منه ما شبحتاش من قبل بهذا الهدوء قرب من الحصان ومسه علي رأسه هذا حصاني الخاص …..
بتول :أه ما كنتش نعلم أسفه ……
ضحك يزن وبانوا سنونه البيض يلي زي لؤلؤ قدمها غريب ……
بتول /شن الغريب ؟
يزن /عاشق غريب معاك ..
بتول /ما فهمتش ؟؟
يزن /عاشق ما يسمح لي حد يمسه غيري فكيف خالك تمسيه مش عارف ..ضحكت عجبها هدوئه ف

 

بتول /شكلك متأثر بيه هلبه به علاش إسمه عاشق ؟
يزن / إسمه كان برق كان سريع زي البرق وقوي لكن بعدين غيرتله إسمه من برق لي عاشق ……
إستغربت بتول /وسألته من جديد وعلاش غيرتله إسمه ؟؟
يزن /من 3سنين راحت حبيبته برق في الغابه…….
ومعاش لقيناها دورنا عليها لكن الأسف تقولي نشقت الأرض و وبلعتها فقدنا الأمل إن تولي لما شعر برق بي غيابها معاش بي لا يأكل ولا يشرب فامرض حتي لي درجه نحسابه إن بيموت لكن بعد7 ايام لما رآها رفع
جسمه فوق وقفز فوق سور الحوش وكأنه ما كانش مريض وجري ليها طول مظهر شوقه وحبه ليها ..ومن هذيكا لحظه بديت نديله عاشق ..إبتسمت بتول وتأثرت من كلامه …….
بتول /فريد من نوعه الحصان ما حلاه يسي 🙈نقدر نركب عليه ؟؟
يزن بصوت عالي /لا هو ما يمشيش إلا معاي
ما تقربيش من حاجه تخصني فاهمه
تفجأت بتول من نبره صوته لكن عرفت أن عاشق هو جزء من حياه يزن كان لما يتكلم عليه عيونه الخضر يلمعوا تبعته لي داخل بينما كان بيرقه الدرج ..
بتول / يزن
تلفت يزن / قولي الزعيم يزن
بتول /بهمس يا شينك مغرور ومريض ….
يزن /شن قلتي
بتول /شيء ممكن تعطيني نقالي ؟نبي نكلم إمي …..
يزن /بحده لا لكن نسمحلك تكلمي أمك من نقال أمينه ..تأففت بتول من ردت فعله
رد عليها يزن /ما تأففيش إستنته لين خش لي داره وقالت بتول /مغرور حقير تافه شيطان عزرائيل ……..
يزن من فوق /نسمع فيك شن تقولي……
شهقت بتول /وخشت لي دراها طول خشت أمينه لي بتول وعطتها تيلفونها كلمت بتول أمها وطمنتها علي حالتها معلنه إن تيلفونها تكسر وما تقدرتش تكلمها ديمه رمت روحها علي سرير وغمضت عيونها وأول صوره جت براسها ضحكه يزن وقفت علي السرير وحطت إيديها علي جبينها ؟شنوابتول شنوا هزت راسها رمت كل الأفكار من رأسها وخشت لي الحمام وخدت دووش …مضي شهر علي زواجهم وكأنه دهر بالنسبه لي بتول لا نقال لا خروج لا طلوع لا شيء إعتادت تملئ فراغها في الكتب وروايات وركوب الخيل عاشق مستحيل تركب عليه لكن مره مره داعب فيه……
كانت تتجنب في يزن ما ططلعش بكل من دارها كانت تفرح لما تفتح روشنها وتشوف في يزن كيف يمطي في عاشق ويركب عليه
كانت تستني في طلوعه في وقت العصر وتراقب فيه كأنها تعلقت بيه أما يزن فكان مشغول بي البضعات الجايه من مصر طول الوقت وهوا يخطط مع رجاله كيف بيأمنوا وصول الشحنه بهوودء لي أراضي وبعد ما وصلت وإطمئن باله خش يزن لي أمه عائشه
يزن /أمي جايه لي حوشنا ضيفه …….
عائشه /تقصد ……..
يزن /إيه بنت عمتي الله يرحمها
عائشه /ما قلتلهاش إنك تزوجت
يزن /لا ومش حا نخبرها تي كنا بنتزوجوا قبل ما نتزوج المصيبه يلي داخل
عائشه /ولدي يزن أنسه زهره وكمل حياتك مع بتول …….
يزن /كيف نقدر نمحي حب 3سنين
بسبب من ..؟بسبب بنت المجرم هاذي عدوتي مش زوجتي مشي وسيبها لعند الباب وتلفت علي فكره بنت عمتي بتجي ساعه 8صبح
عائشه /شن بنقولها علي بتول ..؟
يزن /قوليلها بنت أختك جايه معطله عندنا
عائشه /ماله خلاص قوللها بتول ..
يزن /تمام أهوا راقيلها…..
#يتبع
شن بتكون ردة فعل بتول لما تعرف إنا زهره
يبيها يزن وكيف بتنقلب حياتها من أول وجديد

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى