روايه الثأر والإنتقام الحلقة السادسة .. الكاتبة ساجدة المسلاتي | القلم الناجح
روايات ليبيه كاملة

روايه الثأر والإنتقام الحلقة السادسة .. الكاتبة ساجدة المسلاتي

روايه الثأر والإنتقام الحلقة السادسة .. الكاتبة ساجدة المسلاتي

#روايه الثأر _والإنتقام 🌺الحلقه 6
تفجأت بتول من كلامها وشبحتلها بعيون مفتوحات كملت زهره كلامها وحطت يدها علي يد يزن /إي حياتي خوي ماشاء الله عليه جمال وخدمه وعلم وبتول حتي هي ما شاء الله عليها بنت قنينه وتهبل يعني ممكن يتزوجوا كان عرفنهم علي بعض ..🤗
طيح يزن تشيق في صنيه وتكلم بصوت حاد :لا وشبح لي بتول كملت زهره ليش حبيبي خلينا نسألوا بتول ……..؟؟؟؟
بتول بي إبتسامه خبيثه :أني نقبل عادي وقف يزن من مكانه بسرعه شاد علي قبضه يده بقوه :أني قلت لا يعني لا قاطعته زهره لكن بتول موافقه إنته ليش معارض ؟؟
يزن بغضب ؛لأنها..لأنها…ببساطه هي بنت قريه وهو ولد مدينه لا مستحيل يناسبوا بعض قاطعته زهره لكن يزن أحني شنو ؟أحني نفس الوضع سكت يزن ما لقاش كلام يقوله ..كيف بيقوللها إنها متزوجه سكت وما ردش عليها شبحت فيه بتول وقالت :ولد خالتي هذي المره تدخلت في حياتي لكن المره جايه لا ضرب يزن يده بقوه علي طاوله وطلع بسرعه متوجه لي الإصطبل فاتبعته زهره أما بتول بتسمت وكملت إكلها ورقت لي دارها كان يزن معصب وراقيله فاشد بعاشق وحرره من مكانه مشت زهره وطلبت منه تمشي معاه فاشد بيدها ورفعها حتي صبحت وراه وشبكت يدها بي خصر يزن ..
خشت بتول لي دارها خدت دوش حامي ولبست ملابس نوم قعمزت علي السرير لكن مجهاش نوم كأن في شيء يخنق فيها أو حاجه خايفه منها مشت وفتحت روشن كانت محتاجه لي هواء نظيف لكن ياريتها ما فتحت جت عينها علي الإسطبل وأول ماشبحتهم كان شيء حرق قلبها وعصره شيء ماتوقعتش أنه بيكسر كرامتها لي هذي الدرجه كان يزن حاضن زهره حضن عميق
غمضت بتول عيونها وعاودت فتحتهم كانت تحساب روحها تتخيل لكن لقتهم حاضنين بعد سمعت بتول زهره تقول لي يزن إستحشتك سكرت بتول روشن وطاحت علي السرير وبدت تتكلم معا روحها /يا شينك عار معرر يديروا فيه ما شاء الله يحساب روحه في تركيا قالك بنت عمتي يا شينك عار أني صغار عمتي ما نعرفهمش كان نتلاقي معهم مانعرفهوم هو وبنت عمته قائمين بي الواجب حظوظ ياكبدي…………
إووف بتول هوو قالك حبيبتي حطت بتول يدها علي قلبها وحست بدموع طاحت منها من غير ما تشعر مسحت دموعها علي خدودها /شنو بتول ما تقوليش إنك تحبيه لا خدت وساده ورمتها علي الباب وتمددت علي السرير شاده رجليها شهقت بقوه وبددت تبكي زي طفله أسكتي بتول خيرك معقوله تبكي علي واحد تفه 😭غبي مغرور نكهرك يزن
بتول ولي لي وعيك مستحيل يحبك هو يكهرك لكن عيونها رفضوا بكت لين خدها نوم ورقدت ..جي الصبح 🌄 واجتمعو كلهم علي طاوله فطور معهم بتول كانت حزينه ومعصبه ما كانت تشبح لي حد حتي كان كلموها ساكته وخلاص مشت معاهم لي الأراضي وتعرفت علي حوشه الخشبي لكن كانت في عالم تاني ساكته طول الوقت تشبح في يزن وزهره يلي شادها تقولي بتهرب منه شعرت بي تعب فاطلبت منهم يرجعوا لي الحوش لما رجعت رقت لي دارها بسرعه قالت زهره /نحس في بتول مش علي بعضها ؟؟هز رأسه يزن /ما نندريش
زهره /هيا تعاله نرتاحوا أه يزن نسيت بنقولك طائرتي غذوه راجعه لي تونس
يزن /باالله مشبعتاش منك……..
زهره /بي مياعه ومن قالك ما تشبعج مني وشدت يده متوجه لي دار يزن لكن عيون يزن كانت متسلطه علي دار بتول فعلا كانت تصرفاتها اليوم غريبه ………..
*******************************
شدت زهره بيد يزن ودخلته لي داره سكرت الباب بسرعه وتعلقت يديها بي فانيلا يزن وهي تتمايع /ذكر لما كنت نخش في دارك قاطعها يزن إي وتقعدي طلعي في دبشي وتشمي فيهم وضروري كل ما ططلعي تأخدي معاك في فانليا ..
زهره /ههههه إي هذاك الوقت ما كنتش تحبني لكن بعد 3 سنين حبيتني جي بيتكلم يزن لكن دق الباب بعد يزن من عليها
أمينه وعلي وجها علامات الخوف/يزن يزن أمك مريضه تاعبه هلبه
يزن/شن تقولي أمي مريضه
مشي يجري لي دار أمه لقي أمه راقده علي سرير قرب منها وبس إيدها أمي خيرك ردي عليا
يزن/عائشه إتصلي بي دكتور فورا
عائشه /مفيش داعي أني بخير غير شوية تعب وإرهق موت خوك كسر ظهري إنت الوحيد يلي قاعدلي في هالدنيا إنت سندي في هالدنيا
يزن شد إيد أمه ربي خليك ليا يارب منمشي نكلم زهره ونجيك
طلع يزن من دار ناضت عائشه تنقز وتضحك
عائشه/اليوم خربت عليك ياملعونه والله ماني مخليتك تتهنئ بي ولدي بعدها ولت وتكئت علي سرير
ملاحظه: عائشه متحبش بنت حمتها زهره تكرها في دم ومن الأول متبيهاش لي ولدها
………………………………………..
خش يزن لي زهره في دار
يزن شد يد زهره أعذرني أمي مريضه ضروري نقعد بحدها
زهره/عادي ولايهمك حبيبي الأيام بينا أهم حاجه أمك إقترب منها قبل خذها وطلع
#يتبع توه نزال حلقه في الفجر

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى