روايه الثأر والإنتقام الحلقة العاشرة .. الكاتبة ساجدة المسلاتي | القلم الناجح
روايات ليبيه كاملة

روايه الثأر والإنتقام الحلقة العاشرة .. الكاتبة ساجدة المسلاتي

روايه الثأر والإنتقام الحلقة العاشرة .. الكاتبة ساجدة المسلاتي

#روايه الثأر _والانتقام 💕💕الحلقه 10
نزل يزن بسرعه بيش يقابل علي يلي جي علي غفله لا خبر لا علم ..لقاه واقف مع عائشه يلي رحبت بيه ترحيب كويس فهي خالته وقف يزن بوجه وبكل نشاف قال ليش جاي ؟؟ضحك علي وقال : بطريقه هاذي يا زعيم تستقبل ولد خالك ؟ابتسم يزن ابتسامه مهزئه وقال :ما تحولش دير عليا ولد الخال الحنون والكويس نعرف زين طينتك منين هيا قولي شن تبي ؟؟ضحك علي وقال :لأسف يا ولد عمتي جاي بي موضوع كبير وإنته تعرفه زين واه بنقولك جاي بنقعد معاكم في الحوش يعني حا تتقبل وجودي زيك زي راجل طيب ..شد يزن علي يده وقال بعصبيه /قول شن تبي ولا ولي من مكان يلي جايه “شدت عائشه يد يزن وقالت يزن عيب عليك …
يزن :ما يتحشمش بكل وين كان لما رسمنا خيمه عزي عزي لي خوي وبوي خوي مات عريس يا إمي حتي الناس يلي منعرفهاش جت وعزتني أما هذا نذل لاجي ولا عدل ما يجيج غير في وقت المصلحه ..اقترب عليمن يزن لين وصل لا صدره وقال إنته تعلم إن ليا حق أهنئ وبنأخده ونعتقد حان الوقت بيش نأخد حقي هجم يزن على علي فوقفتهم عائشه وهي تحز بينهم
يزن حق شنوو يا حقيرر أطلع ما عندكش حق إهني أطلع حاولت عائشه تبعدهم علي بعض توقفووو عيب عليكم انتم أقارب وشبحت في يزن وتكلمت معاه كل شيء ينحل بي هدوء خلينا نقعمزو ونتفهموو هيا لي مكتب خشو يزن وعلي وعائشه لي مكتبه
قعمز علي وبدي يتكلم : علمت إنكم بتجهزو ارض بتزرعو فيها حشيش قاطع كلامه يزن وهو يضحك ياربي ولله عرفت إن خالي بيقولك وبتجي تلهد بتأخد حصتك ”
علي ‘إي خبرني وأني جيت لي هذا سبب وهذي المره مش حا تسكتني بي شويه فلوس ترميهم ليا ..لا نبي نكون شريك في هاذي لأرض وقف يزن ولي وعيط عليه عليييي كان خوي يعطي فيك في مبالغ هائله وتوا بنعطيك حصتك ودرك عليا وجك “هز علي رأسه باستفزاز وقال ؛هاذي المره لا نبي نكون شريك في لأرض علم يزن إن مفيش حل ومنين جاته مصيبه هاذي هز برأسه وقال به “تمام “موافق “مجبر إني نوافق لكن بتنفد كل ما نطلبه ..
علي /لا بنفدو أني وياك …هز يزن رأسه وحواجبه معقدات من الحده والغضب ..
عائشه /به اتفقتم علي شيء لازم تبدو من مكان..هز رأسه يزن وقال ؛في بدايه نبو مهندس زراعي قاطعه علي سهله أني عندي معارف من طرابلس قاطعه يزن لا نبو من القريه إهني ولد البلاد يفهم علينا ومن عادتنا
علي بضحك 😂 مهندس زراعي ومن أهنئ ؟جنيت يزن كيف بيصير هذا ؟؟ومن بيكون ؟وفجأه سمعو صووت جاي من الخلف أني ”
💕💕💕💕💕💕💕💕💕💕💕💕
صوت حنون عذب جاي من الخلف أجبر علي
إن يتلفت بسرعه خشت بثقه عاليه لابسه قفطان طويل موفي معا وشاح هادي بسيط مع ميك اب هادي وكحل اسود برز جمال عيونها وكندره بي كعب عالي تفجأ يزن من لبسها وجمالها وسحرها هاذي المره لأولي من زوجهم يشبحها متألقه هكي أما علي ابتسم اول ما شبحها ري جمال جسمها وعيونها الكبار قعد يشبح فيها من فوق لا لووطه تلاته مرات بعدين ناض وقف ياربي شن ها سحر يلي نشبح فيه بعدين شبح لي يزن يلي عصب علي طول وقال لا ماتقوليش هاذي مرتك جاوبه يزن بحده لا مرتي شهق علي وحط يده علي فمه وقال /قذيشك يا راجل محظووظ اقترب من بتول ربي يحفظك
بتول بي إبتسامه /ويحفظك يارب سمعت عليك هلبه ..
علي بخبت /تو تسمعي عليا هلبه حاجات وغمزلها شد يزن علي قبضت يده وهجم على علي من ذراعه وقال الزم حدودك معاها تمام
ضحك علي وقال إوووووبا الزعيم يغار علي زوجته من غمزه ؟عيط عليه يزن خلاص ما تخلينيش نكسر راس دين إمك ولي وضحك علي مستفزا وقال /معا إني نعرف تكرهو بعضكم ومن زواج لاجباري زي ماقالي بوي اللا أني لو مكان يزن رهو نسيت الثأر وهم وذبت في هذا جمال كان يتكلم وهو يشبح لي بتول عصب يزن وشده من فانليته إسكت وخلي تمنياتك وتحليلك وافكارك لي روحك فأني مش إنته ومستحيل ننسي حاجه هز رأسه علي وقال /به خلاص وشبح لي بتول سمعتك قلتي أني ؟؟انتي مهندسه زراعيه ..
بتول /إي تخرجت من طرابلس من سنه قاطعها يزن /حقه ؟ما قلتيش شبحتله بحده وقالت /إنته مسألتش ضحك علي بخبت
علي :به هذا يلي نبوه مهندس من القريه غضب يزن وقال /من إنته بيش تقرر كان بتخدم مرتي ولا ؟؟
علي /توووا زوجتك ؟؟اسمع أني شريك ويحق ليا نقرر وأني نقوول نبي بتول عيط عليه يزن شنوووو عدل علي كلامه نقصد نبي بتوول تشتغل معانا وهي ليها الحق تقول إي ولا ومن دون أي تردد قالت بتول إي بالله عليك يزن نبي نشتغل ولله قريب بي نهبل من هذا حبس …..علي بخبت زوجتك تبي تشتغل وإنته ما تبيش ؟؟
بتول بنبره طفووليه /بليزز يزززن
جن جنونه يزن وطلع برا وهو شياظ راقيله
من جهه ما يعرف شيء علي بتول ومن جهه تبي تشتغل …
💕💕💕💕💕💕💕💕💕💕💕
طلع يزن وزيت راقيله يردد غبي حقير نذل وحرر عاشق وركب عليه جري زي كل ليله كل ما يعصب يفك عاشق ويقعد يجري بيه في الحوازه طلعت بتول وتبعته لقاته راكب فوق الحصان ويلهد بيه وقفت بتول في نصف ساحه المزرعه وماسرعان مارها عاشق وقف بسرعه يلي علي شوي مشي عليها نزل يزن وبدي يكشخ عليها مهبووووله انتي ؟ما شبحتينيش جاي ؟كيف توقفي قدامي هكي ؟علي شووي قتلتك إووف منك بتول
ضحكت بتول بسخريه وقالت ؛ما تفركش إنته تقتل فيا كل يوم من كلامك يلي زي سم
سكت يزن وحول عيونه من عيونها وتلفت شن تبي ؟؟
بتول ؛نبي نتكلمو ولو مره واحده بهدوء نندري إنك رافضني إني نشتغل معاكم لأنك لاثثق بيا ولاني بنت عاصي حديد يلي تكهرهه لكن أني من هاذي لأرض ومن هاذي المنطقه يعني ماتخافش مستحيل نخون ولا نغذر بيكم …خليني نساعدكم ونساعد المنطقه في هذا المشروع يلي بيوفر يد عامله هلبه وسيحي المنطقه ..نوثق بيك إنك بتغير هلبه حاجات وبتنفد ماوعدت بيه اهل المنطقه خليني بصفه زوجه زعيم حتي قدام عيون الناس ..خليني نوقف صفك …..
اندهش بي طريقه كلامها وشعر بيها إنها حقه تبي تساعد هز رأسه وقال به بتول موافق ضحكت بتول من الفرح فري لي اول مره ضحكتها فابتسم من دون شعور استغربت بتول من إبتسامته فقالت خيرررررك يزن ؟
هز يزن رأسه بالنفي /لا شيء
خشت بتول لي الحوش وتبعها يزن ..راهم علي فقال وعيونه لي بتول /غذوه بنمشو لي ارض بيش نشبحوها ونبدو

 

عقد يزن حواجبه وقال :بنشمو غذووه كلنا بنشوفو لأرض وتقرر بتول الازم نبدا من وين زراعه ………
ضحك علي /بنمشوو كلنا “يزن أني بنرقي بنرقد ونرتاح شبح لي بتول وقال ؛داري جنب دارك يعني كان تبي حاجه قوليلي عيط عليه يزن شن تبي اه؟رقاد في دور فوقي لا
علي /أوووف ليش أني نبصر كنت نقصد كان تبي حاجه بخصوص لأرض
يزن /إرقد في المربوعه ..هذاك زمان يا حبيب تجي لي خالتك وترقد إهني لكن توا لا
علي /به تصبحو علي خير
شبح يزن لي بتول وقال :هذا راجل قصه كبيره “ضحكت بتول وخشت لي دارها أما يزن شد صوابعه وبدي يطقطم فيهم بقوه بعدها خش لي داره يلي كانت قريبه من دار بتول من جهه تانيه ….
💕💕💕💕💕💕💕💕💕💕💕💕
جي الصبح 🌄 نزل يزن وبتول وجي علي من المربوعه يلي فجأهم بي لبسه رياضي ابتسم علي لي بتول يلي كانت لابسه تجاكه بيضه وسروال أزرق وشاح مطلعه شعرها شويه ونظرات شمسيه ابتسم علي يلي شبحها من فوق لا لوطه كان يزن يشبح في علي كيف معجب بيها وبتفاصيل جسمها
يزن /هيا نمشوووو تأخررنا ”
ركبو السياره ومشوو لما وصلو جرت بتول ولامست تراب الأرض وقالت :اول حاجه نبيكم ترسلو عينه من تراب لي مختبر بعدين تو ندرس النتيجه كان صالحه لي زراعه ولا لا كلامها الواثق والمحترف عجب يزن ري جنبها المثقف يلي ما شبحاش من قبل هز رأسه معلن موافقته لأول مره فضحكت
يزن /خيرك ضضحكي ؟؟
بتول /شيء غير فرحانه كانت عيونها تشبحو فيه بي لهفه وحب فهو اخيرا بعد تلاته أشهر علي زواجهم وافقها علي حاجه هي تحبها ابتعد يزن شويه عليها بيش يتكلم مع العمال يلي بي يتعاون معاهم في لأرض فاتلفت علي صوت ضحكات بتول يلي ضضحك مع علي غمض عيونه وقال الصبر ياربي صبرررر سيب العمال وجاهم ..
يزن /علي سيب بتول تكمل عملها تمام !مش جايين نلعبووو إحني تأفف علي وقال ؛تمام لكن شويه شبح يزن لي علي وقاله /شن دير؟ انحني علي وقطع ورده من لارض وقرب من بتول ومدهلها. …
علي /تفضلي هاذي علي خاطر مجهودك اليوم …
بتول /شكرا
ملاحظه /علي يغيض في يزن عارف قصتهم ويبي يستغلها ويجاكر في يزن عندنا منهم في حياتنا الواقعيه رهووو نرجعو لي روايه 🤗🤗🤗🤗🤗🤗🤗🤗🤗🤗🤗🤗
جي يزن وخدي الورده من يد بتول وفترشها
علي /إووووبا كلها علي بعضها ورده هي تستحقها علي تعبها وجمالها 😏
يزن /قتلك إلزم حدودك ولا نغرس الورده في قرب منه وشده من ذارعه وقال بنظر المنطقه مرتي فاإلزم حدودك معها بيش ما يشك بينا حد فهمت وفلت يده بقووووه قرب من بتول وشد ذراعها بقووه وقال هيا روحوو ساد اليوم وشبحلها ساد من ضحك لي هذا الحقير نسونجي ضحكت بتول ولله خيره قنين ومش حقير ..سيبته ومشت من قدامه هز يزن رأسه به بتول عجبك علي صار !!ركبو بي السياره وروحو قال علي شن رايكم نحتفلو كعائله بي هاذي لأتفاقيه ؟نديرها بعد العصر في الحوش ..قاطعته بتول بفرحه :حفله نحب حفلات …شبحلها يزن بنظره تخوف فاركبت جري لي دارها تجهز روحها …يتابع

 

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى