روايات ليبيه كاملة

روايه الثأر والإنتقام الحلقة 11 .. الكاتبة ساجدة المسلاتي

روايه الثأر والإنتقام الحلقة 11 .. الكاتبة ساجدة المسلاتي

#روايه الثأر _والأنتقام 💕💕11
رقت بتول متلهفه للسهره أما يزن وقف حاط يد علي خصره ..قربت عائشه وقالت :ولدي خيرك ؟جاوبها بحده “من وين جاب علي موضوع الحفله ؟عائشه ولدي الفكره مش فكره علي لا فكره اهل القريه يبو يشكروك علي جهودك وتعبك لحد يوم من لما شديت المنصب با لاضافه لي بدايتك بمشروع زراعه الحشيش جديد ….
يزن :يعني الحفله في القريه ؟
عائشه :إي وبيكون فيها حتي المختار ومجموعه من الناس غاذي هاذي الحفله ليك
يزن برا جهز روحك ….هز رأسه ورقي فوق بيجهز روحه لبس يزن سوريه عربيه حنيه وكانت النار عليه ⁦🔥بلل شعره شويه ورجعه لي وراء حط عطره الساحر وطلع ..نزل يزن
ولقي علي لابس بنظال أسود وفانليا سوده تباهت عائشه بجمال يزن واناقته وقربت منه وحضنته وقال “حبيبي الزعيم “سألها بسرعه وين بتول ؟رفعت حاجبها ما نندريش لكن …إشبح اهوو جت تلفت يزن وعلي في نفس اللحظه ..لحظه حبست انفاس لأتنين نظرات كلها إعجاب شبح ليها يزن لما كانت نزله من الدرج بفستان الذهبي طويل محتشم زاد فيها نص مع طولها ورشاقه جسمها نحيل مع الحجاب الذهبي يلي بي لؤلؤ وميك أب خفيف وكحل العربي يلي كبر عيونها اكتر وأول ما وصلت جنب يزن شبحت فيه بي إعجاب قديش ماكان أنيق في هاذي ليله أما يزن فقال …بتول قاطعه علي إووووووووووووف ماحد عمري شبحت جمال زي جمالك سيدتي الانيقه “تلعثم يزن وما كملش كلامه وتلفت متأفئفا..اقتربت عائشه وقالت “هيا يزن نمشو اكيده اهل القريه يستنو فينا ومانبيش نذكركم انكم متزوجين فعليا بنظر القريه يعني تصرفو علي هذا أساس “ركب يزن وجنبه بتول أما علي ركب عائشه معاه ومشو ولما وصلو لي دار القريه الكبيره نزل يزن وفتح الباب لي بتول يلي ابتسمت ولما نزلت همستله ما عرفتكش يا زعيم “قربت منه وشدت بذارعه فتح عينه وقال ‘شن ديري ؟بتول :خيرك مش حانكلك علي الأقل نمثلو قدام الناس شن نسيت ؟هز برأسه وخشو لي داخل اما عائشه يلي كانت خلف بتول ابتسمت وفرحت بي كنتها قويه بتول وما إن وصلو تهافتو أهل القريه ليه وبدو يبوسو في يده ويشكرو فيه استغربت بتول من تقديرهم ليه هو زعيم من تلاته شهور بس سمعت واحد يبوس في يده ويقول شكرا يا زعيم لأنك تبني في مستشفي واحد اخر يقول شكر تبني لينا في مدرسه شكرلانك بديت في أرض جديده وبتزرعها ..ابتسم يزن وقال:هذا واجبي وأني مسؤل علي المنطقه قلب بتول كبر هلبه بدل ماكانت تكهره بدت تحبه وتعشقه وتبوس لأرض يلي يمشي عليها وخاصه إن يساعد في أهل منطقته
روايه الثأر والإنتقام الحلقة 11
قعمز يزن علي الطاوله المهمه وكان غاذي عاصي وسعاد ففرحت بتول لما شافت إمها خاصه إن معاش شبحتها من يوم زوجها حضنتها وباستها لكن عائشه قربت من بتول وهمستلها :بتول بري قعمزي جنب راجلك وأني نقعمز جنب إمك مشت بتول وقعمزت جنب يزن كان يزن يتكلم مع المختار فاجئ علي وقعمز جنب بتول من ناحيه تانيه لاحظ يزن جو علي وشن يبي يدير لكن المختار كان يتكلم معاه فاتحشم يزن وبدي يتكلم ويضحك معاه لكن وذنيه كان مع بتول وعلي
علي /تعرفي أني من لما كنت صغير متربي في حوش خالتي عائشه ..
بتول /أه هذا علاش وخدين عليك ..
علي بخبت /إي واكتر ..
بتول /أه
علي /تعرفي طالعه اليوم طرف
تلفت يزن وقال لي بتول /ريتي إمك ؟بحجه يقطع كلام علي معاها ضحك علي ومشي يرقص علي زكره ليبيه كان يزن راقيتله بي يتفجر كل دقيقه وعلي يغمز ويدير في حركات صايعه قرب من بتول وبدي يهدرز معاها أما بتول إستغلت فرصه وبددت تجاكر في يزن وكل دقيقه ضضحك بصوت عالي
يزن :اصبر ياربي بقولي بنكسر دين إمه لكن مش قدام الناس كان يزن عيونه يشعلو في النار فتح يزن بطم زبونه وقرب من بتول من الخلف حط يده علي خصرها صوابعه شعلت جسم بتول فاتلفت بسرعه ليه ….
يزن ؛معلشي علي بنسرق منك مرتي بنرقص رقصه قدام الناس استغربت بتول من طلبه لكن فهمت أن السبب هو العائله في القريه وكلام الناس تحولت موسيقي العاليه لي هادئه علي حكم الزعيم ومرته خلت الساحه من الناس مسيبين المجال ليهم 😂شويه خيال بنات معلشي 🤣🤣نرجعو لي روايه
مرر يزن يديه علي خصر بتول نحيل وقربها منه بهدوء أما هي فلفت ذراعيها حول رقبته وجه علي وجهها وصل لي وذنها وهمس ليله إنتي تجنني “جملته خلي قلب بتول يدق زي طبول لكن فضلت سكوت اكتفت بشعورها بي جسمه يلي كان يشتد علي جسمها حركات يديه علي ظهرها قربت منه وحطت وجها علي وجهه وتنشقت عطره فريد وكملو رقصه ولما تمت اقترب يزن من وذن بتول وهمسلها “إنتهي التمتيل “عصبت منه بتول هلبه لكن ما ظهرتش قدامه إنها معصبه أو ميته عليه ولي يزن وقعمز أما بتول مشت لي علي وبدت تتكلم وتمزح معاه عصب يزن ويحساب روحه إن يقدر يفوت لكن ماقدرش وجي لي بتول قرب منها ومسك يدها ..
يزن /هيا بتوول
بتول /لي وين ؟

روايه الثأر والإنتقام الحلقة 11
يزن /لي جهنم الحمره نبيك تمشي معاي
بتول /منيش ماشيه معاك بعد عليا
يزن /لا ولله ماصح وجك تردي في خليقتي قتلك هيا روحو
علي :خليها هي تبي تقعد
يزن /مادخلش روحك أحسل ولا تو نكسرلك رأسك ..شد يدها ومشي بيها حاولت بتول تتمرد وتتبعد عليه لكن لكن عيون الناس كانت متسلطه عليهم ففضلت بتول تسايره بدل ما تصير فضيحه قربت عائشه من يزن يلي كان شياظ راقيله وقالت /يزن لا وين ؟
يزن /بنمشو لي الحوش مشي وإنتي روحي بي سيارتنا مفيش داعي تركبي جنب الصايع
عائشه /منو تقصد ولدنا ؟
يزن /ومن مداير العار غير من ذمنا وعرقنا
طلع يزن جري ومعاه بتول ولما صبحو بروحهم بدي يكشخ عليها سحبت بتول يدها بسرعه من يده شنووو خيرك يزن شن تصرف هذا ؟؟
يزن بصوت عالي /مش عاجبك يا هانم تهدرزي معا علي تقولي خوك عار ولله عار
بتول /وإنته شن دخلك بيا نهدرز معاه لا إنته شن دخلك ..
يزن /ديري يلي تبيه لكن مش قدام الناس مفهوم ولي وشد يدها ومشي بيها ..
بتول /يزن خلاص معاش نقدر رجليا تعبوني
من كعب العالي ليش بالله عليك مشي علي رجلين ..
يزن /تستاهلي بيش مره تانيه نقولك روحو تقوليلي لا ”
قعمزت بتول في طريق وحولت كعب العالي
يزن / نوضي هيا قريب نوصلو
بتول /لا خلاص معاش نقدر وشبحت في رجلها شوف رجلي حمره وتوجع فيا 😭
يزن /شفق عليها وجي قرب منها

روايه الثأر والإنتقام الحلقة 11

يزن /شفق عليها وجي قرب منها إنحني
يزن /هيا أركبي فوق ظهري
بتول /لا بينه تو نشد حيلي ونمشي
يزن /أركبي بتول ما تخلينيش نكفر
بتول بخوف /به وركبت فوق ظهره وصلو لي الحوش ولما خش لقي قدامه شيظان رجيم علي يستني فيه رقت بتول فوق لي دارها أما يزن قال لي علي تبعني لي مكتبه خش يزن وسند جسمه علي المكتب وقال نبيك تبتعد علي بتول نهائيا ومعاش نبيك تقرب منها اهووو نكلم فيك بهدوء ولأخر مره
ضحك علي وقال :غريب إنته يعني لاتحبها وتكرها وتغار منها كيف هكي ؟
يزن بغضب :لا منغارش لكن مانبيكش تقرب منها ..وقف علي بجبروت وقال :زوجتك عجبتني هي قنينه ومتعلمه وتهبل وأني نعشق ونموت صنف نساء هذوم لي هذا مانيش بعد عليها إلا كان طلبت مني بتول إني نبعد عليها وانته عارف إنها هي متأتره بيا يعني ما نظنيش ططلبي مني هذا هجم يزن وشده من فانليته بقوه وقال من بين سنونه :يا حقير ما تتكلمش عليها بي هاذي طريقه يا تافه ابتسم علي بسخريه وقال خيرا جن جنوونك ؟عجبتني وحانكافح عليها وكان حبتني بنسرقها منك “بدت انفاس يزن ضيق وتلفت وبتسم بي هدوء مش حاتحبك ومش حاتأخدها مني لأن في ثار وصفقه بينا …
علي /مافيش حاجه تصعب عليا بتول حاتصبح ملكي قريب “غمض يزن عيونه ومن دون ما يشعر ضرب علي ضربه قويه لين طاح علي الوطاء خشت عائشه يلي وصلت علي صوتهم ورت علي طايح علي الوطاء ويزن معصب وجنون البقر راقيله
عائشه/خيركم ؟لكن علي وقف بسرعه حاط يده علي خده وطلع من مكتب قربت عائشه من يزن وقتله /هدي رهو جايين ضيووف فضيله حماتك ..
ياز بي إستغراب فضيله ؟؟شن جايبها مش رت بنتها توا ؟؟رجلها حقيررررررر معاها
عائشه ؛لا يزن جت بروحها هي تبي ..”وبينما هي تتكلم خشت سعاد وقالت ؛السلام عليكم اقترب يزن وباس يدها وعليكم السلام حماتي أسف ما تكلمتش معاك هاذي ليله بسبب وجود عاصي جنبك “هزت يرأسها عادي ولدي جيت بنشوف بنتي إنته خديتها
بسرعه وأصرت إمك نبات عندكم ليله شبح يزن بسرعه لي إمه وفتح عيونه ..
عائشه /سعاد مستحشه بنتها فا أصريت عليها تروح معاي وتبات هز يزن رأسه وقال لا عادي اهلا وسهلا بيها تو نسيب دار بيش تقعد بتول مع إمها “قاطعته سعاد لا مستحيل نخليكم تسيبو داركم بي سببي أني بنرقد في دار تانيه شبح يزن لي إمه بيش تنقد الوضع عائشه /إي تمام حياتي أرقي لي بتول وأمينه تو تجهلك الدار رقت سعاد لي بتول يلي دوشت ولبست قفطان نوم اسود قصير خشت سعاد فما صدقتش بتول عيونها ومشت طول حضنتها إمي شن يلي جابك وكيف وافق بوي إنك تجيني ؟حضنتها فضيله وقعمزو علي السرير يتكلمو في هاذي الحظه كان يزن معصب علي إمه ..
يزن ؛إمي مستحيل نشرك دار مع بتول ما تحلميش ..
عائشه /عيب تبي تفضحنا ؟ليله وبتمشي شد يزن علي يده وكملت عائشه :شن صاير بينك وبين علي ؟؟
يزن /يدير في كل مره نفس الحركه يبي يأخد أي حاجه ملكي…يبي يسرق قلب بتول
رفعت عائشه حاجبها /إي ؟وإنته شن يلي زاعجك ؟؟انته تعلم إن بتول مش ملكك ويوم من ايامات بطلقها وهي حاتحب وحا تتزوج من جديد ..
يزن بغضب ؛إمي خيرك ؟لله لله لله إنتي معاي ولا معاه؟مستحيل نسمح بي هذا نخلي هذاك نذل نسونجي لعوووب يضحك علي بتول ..
تلفتت عائشه بي إبتسامه /فعلا يغار عليها قعد يزن في مكتب شويه متوتر ماشي جاي فيه ويقول يزن علاش إنته معصب ؟شن صايرلك ؟اما بتول يلي كانت حاطه رأسها علي رجل إمها كانت فرحانه بطير لأن إمها جنبها ..سمعت طرقات باب خشت عائشه وقالت :سعاد”دار ولت جاهزه وطلعت شدت بتول يد إمها وقالت لي وين ؟سعاد ؛بنرقد في دار تانيه ..عيب بتول تأخر الوقت وراجلك يبي يرقد بتول تصبحي علي خير استغربت بتول وقالت راجلي ؟ياربي ؟
وخطرت عليها إغنيه راجلي 🎶حتي راجلي
جياب تومه حتي راجلي ياربي يدومه 🎶حتي راجلي يغار عليا 🎶حتي راجلي يعز عليا 🎶🎶إوووف يزن كرهتني بي كلمه راجلي ..طلعت سعاد وبدت بتول تقفز من توتر يزن بيجي ..ياربي لا لا ماهوش جاي
إووووف قلبي بيوقف لا بتول كوني هادئه وما تفضحيش روحك سمعت بتول دعسات يزن جاي ….يتابع 💞💞

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock