روايه الثأر والإنتقام .. الكاتبة ساجدة المسلاتي | القلم الناجح
روايات كاملة

روايه الثأر والإنتقام .. الكاتبة ساجدة المسلاتي

روايه الثأر والإنتقام .. الكاتبة ساجدة المسلاتي

تحكي روايه علي عائلتين بيناتهم الثأر وذم وقتيل لا ركبه المره هاذي البطل بيقتلوا خوه في يوم عرسه فا بينتقم وبي يأخد ثأر خوه لكن المره هاذي الثأر مش ذم في حد بيدفع الثمن غالي وهي بنت المجرم يلي قتل خوه روايه رومانسيه غامضه مع أكشن

#رواية الثأر _والانتقام ح1
عائشه :محمد ..محمد إوووف وين هذا الولد بي سببلي جلطه في ذماغ اليوم ..عياط قوي حاوط فيه حوش عبد السلام صوت قوي بنكهه الحنان …يززن يززن تعالي ولدي نبيك
يزن 🙄: إمي خيرك ؟ ليش شكلك معصبه ؟
شن فيه قووولي ؟؟
عائشه :شن فيا ندور علي خوك ؟ ملقيتاش وين هوو دورت عليه في الحوش كله ومالقيتاش ؟؟
هز يزن رأسه وشدها من كتفها / ما تخافيش
إمي تو نلقاه وين بيمشي هذا اليوم يومه
حطت عائشه إيدها علي صدرها وقالت :ولدي بالله عليك جيبه لأن العروس وعربها قريب يجو تي غير وين مشي لولد بس ؟
سرح يزن شويه وإبتسم 😁 بقولي أني نعرف وين مكانه ما تخافيش يا غاليه تو نجيبه بيش يودع شبابه وعزوبيته اليوم يومه تو بينحبس في قفص الغرام والحب لأبدي ..مشي بعيد شوويه وتلفت شن رأيك يا إمي في زبووني السماوي ؟؟ وتكلم بكل تباهي ‘شن رأيك بجمال ولدك الصغير ؟؟
فتح بطم زبون وتلفت بحركات إستعراضيه :
تبدلت ملامح عائشه /من العصبيه لي صوت ضحكات وتقربت وشدت زبوونه تواسي فيه
عائشه /ياروح إمك حبيبي صغير الثلاثيني حبي وعشقي وضي عيوووني وحتي إنته بندورلك علي بنت الحلال تليق بيك بيش تونسك في هذا اليوووم ….
ضحك يزن بصوت عالي 😂:إمي عروستي جاهزه ومكمله وإنتي تعريفها زين ما فيش داعي تتجنبي حب حياتي وغير هذا مستحيل نتزوج زواج قروي تقليدي زي خوي وبصراحه بنات القريه ما يعجبوش فيا
بعيدات كل بعد علي جمال وعلم بنات المدينه
عائشه :عادت وعبس وجهها وضربته علي كتفه وقالت : مستحيل نخلي هذيكا تقيله ذم تخش ككنه لي حووشي فهمت شكلك قعدت شهرين في مدينه تغيرت شنو نسيت عادتنا وتقليدنا ؟؟
يزن بي إبتسامه ؛ ما دخنيش لا في عادات ولا في تقليد مهم نتزوج حبيبتي ؛يزن وماعجباش الكلام وغير المووضووع : إمي ما نكش محوله لأسود في هذا اليوم مميز ؟مضي علي وفاه بوي خمس سنوات
عائشه هزت رأسها بالنفي :حزني يا يزن ما يقاسش بالسنوات هيا ولدي جيب خوك توا ضروري يكون كل شيء جاهز قبل يجو الناس ….

***********************************مشي يزن برا لحووش كبير قديم العربي متوجه لي المكان يلي يظن أن محمد موجود فيه قبر عائله عبد السلام وفعلا كان أحساسه
في محله لقاه مقعمز جنب قبر بوه ورأسه منحني ….
يزن :إوووووبا عريسنا وين إنته ياراجل
إمي خربت الحوش عليك يعني ودقيقه كانت بتعبتلك الحراس يدور عليك:لكن أنا وعدتهانلقاك
شبح في محمد وإبتسم 😁 :إوووف إمي عصبيه ما هيش متغيره بكل !
يزن /شن دير إهني..إنته مش حا تبعد عليهم
حاتقعد في الحوش معاهم فاليش إنته إهني
نسيت إن عائله العروسه جايين مفروض تستقبلهم ….
هز محمد رأسه وحط إيديه علي خاتم بوه يلي لأبسه لله اليوم برسمي سأتوج زعيم هاذي منطقه فابعد زواجي بنصبح زعيم هذي المنطقه زي ماكان بوي لكن…
يزن :الكن شنووو….؟إنته خايف محمد ؟مفروض إنك تفرح بتصبح ززعيم ..
محمد ؛إي لكن لي أمتي ما نندريش ف..
وبينما هو بيكمل كلامه قاطعه صوت
تبيب سيارات وصوت فرح وهيصه جايه علي الطريق فعرف إن العروس وصلت…
حط يزن يده علي كتف محمد :إنته زعيم ما تخافش من أي شيء ..إحني كملنا عمل الوالد مش مزال عليك تكسب إحترام أهل المنطقه والمناطق تانيه قربنا نصبحو إحني لأقوي في منطقه ..
هز محمد رأسه ورفعه فخر فاليوم هو عريس وزعيم في يوم واحد ..
عدل يزن زبوون محمد وضحك بي سنوسه بيض يلي زي التلج ..نبيك محمد تبيض وجهنا هذه ليله قدام العروس وأهلها ها فهمت قصدي ؟؟وغمز بحركه خبيثه ..ضربه محمد علي كتفه :
محمد : إسكت يا ولد هو أسد ماتخافش عليه
ضحك يزن وشد ذراع خوه ومشي بيه لي للحوش ..كانت جبانه قريبه هلبه من الحوش
وما إن وصلو حتي إستقبلتهم عائشه
عائشه /وين كنت يا ميت قلب ؟؟ عيب عريس يطلع من عرسه تبي تجلظني إنته ؟
إسمع محمد هذي الليله بينفتح علينا ابواب مجد وسعد قدمنا مش حا يقعد حد وإلا بيصبح تحت رحمتنا حتي عائله ..يلي ما تتسماش تف ..تف..تف…من فمي ..
هز محمد رأسه وقال بصوت رجولي عالي :لا ماتخافيش هذا مجدنا بيولي ليوم إمي إنحني وخدي يدها وحطها فوق شعره بيش يأخد منها رضي ..عانقته عائشه ‘هيا نطلعو نستقبلو العروس وعربها
يزن: جي الشيخ ؟؟
عائشه :قال الحارس إنه وصل هيا نطلعوو برا تأخررنا ووواجد
طلع يزن ومحمد برا خيمه ومشو لي الكراج يلي مستقبلين في ضيوفهم أما العروسه دخلها خوها لعند خيمه وطلع
صووت رصاص وزكري معلي مكان
كانو تريس كل مناطق جايين مقعمزين علي أجود كراسي في الكراج يلي مش أي كراج مأثث لا العتبه
يزن :هيا يا جماعه أطلعو نرقصو علي زكري
محمد بفرح :هيا
وطلعو يرقصو كان يزن يرقص علي زكري متمايلا بجسمه النحيل يهبل وكانو البنات بيموتو عليه ويتفرجو عليه من سطوح
أما محمد كان يرقص وفرحان مع متاعين زكري والناس المعزومين وكل واحد طلع فلووس وبدي يلووح علي زكاررررر
دقيقه صوت رصاصه وقفت ذم في العروق
يلي هذا إنصدم وما فيش إلا لحظات عيطو صحاب محمد :محمد إنضرب بي رصاصه
تجمد يزن لي لحظات وقعد يشبح في محمد
طايح في لوطاء سائح بذمه :عيطو عرب العروس وصوت عياط تريس قوي خلي عائشه ططلع من خيمه وتعيط :محمد لا
فاق يزن من صدمه وجي يجري جنب محمد
طاح علي ركبته شبح في رصاصه يلي جنب قلب محمد بزبظ واصل نجاته مستحيل قرب يديه يلي كانو يرتجفو علي صدر محمد وحط يده تانيه تانيه تحت رأسه ورفعه
وبصوت خافت ومكسور’خووي وبدي دموع ينزلو 😭منه توو ننقدوك ووخي زح زح
وين كلاب 🔞 الحراس تصلو بي لأسعاف خووي بيموووت
عائشه يلي كانت شده يد محمد تانيه حطت رأسها علي محمد وتبكي ..دارها هذكا نذل
عاصي حدديد حرق قلبي للمره تانيه إوو عليا
شد محمد يد يزن بصعوبه وكان يبي يكلمه
وذم طالع من فمه
يزن : هشششش ما تعبش روحك قريب تجي سياره لأسعاف 🚑إصبر وخي
ولي محمد وشد يد يزن : إنته توا زعيم منطقه خليك قائد به وكمل مسيره عيلتنا وساعد اهلها
يزن /إسكت خوي ما تتكلمش إنته بتعيش
محمد /ديرلي وعد يزن إنك بتنتقم من هذيكا العيله
هز رأسه يزن برأسه وبكي علي صدر محمد وشهق ويبكي بي عبره وعد محمد ننتقم
لحظات ومعاش سمع نبضات محمد رفع

 

تجمد يزن لي لحظات وقعد يشبح في محمد
طايح في لوطاء سائح بذمه :عيطو عرب العروس وصوت عياط تريس قوي خلي عائشه ططلع من خيمه وتعيط :محمد لا
فاق يزن من صدمه وجي يجري جنب محمد
طاح علي ركبته شبح في رصاصه يلي جنب قلب محمد بزبظ واصل نجاته مستحيل قرب يديه يلي كانو يرتجفو علي صدر محمد وحط يده تانيه تانيه تحت رأسه ورفعه
وبصوت خافت ومكسور’خووي وبدي دموع ينزلو 😭منه توو ننقدوك ووخي زح زح
وين كلاب 🔞 الحراس تصلو بي لأسعاف خووي بيموووت
عائشه يلي كانت شده يد محمد تانيه حطت رأسها علي محمد وتبكي ..دارها هذكا نذل
عاصي حدديد حرق قلبي للمره تانيه إوو عليا
شد محمد يد يزن بصعوبه وكان يبي يكلمه
وذم طالع من فمه
يزن : هشششش ما تعبش روحك قريب تجي سياره لأسعاف 🚑إصبر وخي
ولي محمد وشد يد يزن : إنته توا زعيم منطقه خليك قائد به وكمل مسيره عيلتنا وساعد اهلها
يزن /إسكت خوي ما تتكلمش إنته بتعيش
محمد /ديرلي وعد يزن إنك بتنتقم من هذيكا العيله
هز رأسه يزن برأسه وبكي علي صدر محمد وشهق ويبكي بي عبره وعد محمد ننتقم
لحظات ومعاش سمع نبضات محمد رفع رأسه وشبح في محمد وعرف إنه توفي
عيط عيطه هززت اراضي منطقه كلها رفع رأسه فووق محمممممممممممد
أما عائشه عيطت هي تانيه لا محمددد
شهقوا كلهم وحطوا إيدهم علي فموهم وتحول العرس إلي العزززاء
تبووووني نكمللل تفاعلوووووو 💓

جميع الحلقات:

  1. روايه الثأر والإنتقام الحلقة الاولى
  2. روايه الثأر والإنتقام الحلقة الثانية
  3. روايه الثأر والإنتقام الحلقة الثالثة
  4. روايه الثأر والإنتقام الحلقة الرابعه
  5. روايه الثأر والإنتقام الحلقة الخامسة
  6. روايه الثأر والإنتقام الحلقة السادسة
  7. روايه الثأر والإنتقام الحلقة السابعة
  8. روايه الثأر والإنتقام الحلقة الثامنة
  9. روايه الثأر والإنتقام الحلقة التاسعة
  10. روايه الثأر والإنتقام الحلقة العاشرة
  11. روايه الثأر والإنتقام الحلقة 11
  12. روايه الثأر والإنتقام الحلقة 12
  13. روايه الثأر والإنتقام الحلقة 13
  14. روايه الثأر والإنتقام الحلقة 14
  15. روايه الثأر والإنتقام الحلقة 15
  16. روايه الثأر والإنتقام الحلقة 16 
  17. روايه الثأر والإنتقام الحلقة 17 
  18. روايه الثأر والإنتقام الحلقة 18 
  19. روايه الثأر والإنتقام الحلقة 19 والاخيرة

لمشاهدة جميع اعمال الكاتبة: روايات ساجدة المسلاتي

لمتابعه اهم واخر الاخبار : القلم نيوز

اترك رد

زر الذهاب إلى الأعلى