روايه انتقام الحب الحلقه التاسعة .. الكاتب حسن الجامعي | القلم الناجح
روايات ليبيه كاملة

روايه انتقام الحب الحلقه التاسعة .. الكاتب حسن الجامعي

جميع حقوق الطبع والنشر محفوظه

روايه انتقام الحب الحلقه التاسعة .. الكاتب حسن الجامعي

الحلقة التاسعة

مسعودة : ووووووك مسدس😱😱😱.
سلوى : وووووك عليا وووك
نور : بسم الله الرحمن الرحيم
نورا : تي مش توا في يوم خطبتي لاااا😭
مبروكة بصوت واطي : واللهي لما نقتلها ام نهال معاش لقت اتجي الا هدا اليوم
نادية : انتم انتتتم انتتم انتتم اللي قتلتو بناااتي اااااااه ااااه
مسعودة : شنو تحكي هاذي
مبروكة : تي شن تبي يا نادية بناتك منندريش عليهم وين قاعدات شن جاية وهاجمه عليا هكي وعندي ضيوف فوقها
نادية : طلعي بناتي والا اهوا المسدس نفضيه في راسك
مبروكة : من وين جايبتيه المسدس وجايا تجري بيه اهني فرحانه بيه ولا شني
نادية : طلعيلي بناتي توا قتلك … المسدس متع ولدي حسن وكان مطلعتيش بناتي انديهولك يقربعلك الحوش
مبروكة : بناتك مش عندي وتفضلي اطلعي برا الحوش بسرعه
نادية : يا نساااوين اسمعو … بنتي نهال جت تعزي فيهم تعزي في البنت اللي انتحرت واني كنت معاها يوم العزي بس اختفت فجأه نحسبها طلعت لكن هدا اخر مطان جت فيه وبعدين بنتي امس في ليل قالتلي يا امي ماشيه لحوش مبروكة وخواتها باش ندور على وخيتي هااا شن تقولو على الكلام هدا

مبروكة : 😠😠😠 واااك خلاص

… النساوين مصدومات وقالو ان كلام ناديه مقنع ويمكن كلامها صح ومبروكة تعفلقت منها …

مسعودة : خلونا احني نطلعو بما ان في مشكله وهدا ميشرفناش ان انسبو ناس حياتهم كلها مشاكل
سلوى : هيا يا بنات انزلو خلونا انروحو هيا
سارة : انيي نازله هي … هي بسلامه منى نتكلمو على النت
منى : اووف مع السلامه
نورا : غير استنو وين ماشيين ويين
مسعودة : سامحينا مع السلامه هي
مبروكة : به … استريحتي انتي توا بعد ما فسدتي الخطبه
نادية : تي صكري فمك مزال ما شفتي شي يا مبروكة
منى : هي هي حبيبتي صوتك ميتعالش في نص حوشنا وتهزبي اطلعي تقلبي وجهك برا
نور : باي
منى : صكري الباب وراكي يا نور

نورا : والللهي لما نقتللكككك فسدتي عليا خطبتي يا كلبه يا حقيرة

… نورا شدت رقبة نادية وتبي تخنقها قريب قتلتلها

نادية : بعدي عليا واللهي نسحب عليك ونطلق فيك طلقه من هل مسدس سمعتي
مبروكة : شن تبي توا بناتك مش عندنا شن تبي نديرولك
نادية : واللهي عندكم وتوا هي انتم الاربعه امشو قدامي اي وحده تتحرك حركه غلط بنطلق عليها رصاصه نريحها من حياتها فهمتو

عبير : شنيييي هدااااا
نادية : صكري فمك عبير وهي معاهم قدامي
عبير : لا حول ولا قوة الا بلله

… مبروكة ونورا ومنى وعبير واقفات ويمشو قدام ناديه ونادية شاده المسدس وتهدد فيهم

نادية : هيااا وين حطين بناتي تكلمو هيا بسررعه
عبير : صدقينا يا وخيتي والله مافيه حاجه
نادية : عبير اني عارفتك بنت ناس وطيبه لذلك خشي لدار هادي وبنسكر عليك بالمفتاح وخليتي نتفاهم معاهم اهما التلاته تمااام
عبير : لالا اللي بيا بيهم يا حنا
نادية : خشي لدار قتلك اسمعي الكلمه بسررعه
عبير : باهي وووك

… خشت عبير لدار وصكرو عليها الباب بالمفتاح وخلوها الداخل بروحها وناظية شادة المسدس ومزالت تهدد في خوات التلاته

عبير : وووووك واللهي بنطلع منه هدا الحوش ووو كله مشاكل وحجات غريبه تصير عمرها ما صارت معاي .. حقا وين تلفوني نكلم مراد نندري عليه وين مختفي
روايه انتقام الحب الحلقه التاسعة

نادية : هيااا وين بناتي بسرعه
مبروكة : ناااادية … تبي تعرفي بناتك وين
نادية : وين اتكلمي خلصيني يا بلوة
مبروكة : تعالي معاي للمخزن امالا هي
نادية : تحركي بسرعه بسرعه هيا

عبير : الووووو 📞 … مراد ولدي الحقني الحقني
مراد : خيرك شن في خيركككك يا امي
عبير : في وحده خشت بمسدس وتهدد في مبروكة وخواتها وانا حبستني في الدار بسرعه
مراد : وعمي سليمان وينه عاااد
عبير : عمك سليمان واخد وجه راقد ما يندري على دنيا وينهاااا
مراد : اهوا جايكم يا امي ….
عبير : بسرررعه تررربح يا وليدي

روايه انتقام الحب الحلقه التاسعة

مبروكة : خشي خشي بسرعه
نادية : وينهم بناتي وينهم
منى : خيره المخزن مصكر 🤔🤔🤔

… الوحده اللي خشت واسمها نوران صكرت على روحها المخزن لأن عرفت ان مبروكة واللي معاها متحهين شورها …

نوران : حي عليا شن ندير حي عليا …

مبروكة : تي خيره الباب مصكر ووووك علينا الهم لاحرف اهوا
نورا : عندي مفتاح احتياط … بري جيبيه يا منى تلقية تحت الفرشة متع داري بسررعه
منى : باهي هي …

… منى مشت تجيب في المفتاح ومراد قريب يوصل للحوش وعبير مقعمزة تندب على خيبتها ومبروكة ونورا وناديه مصبين قدام باب المخزن والمرا مش عارفه وين تمشي ولا شن ادير …

منى : هاكي اهوا المفتاح
نادية : افتحي بسرعه شن تتفرجي عليا بسرعه
مبروكة : اصبري توا تشوفيهم بناتك يا ناديه
نورا : لا اله الا الله … والله انتي اللي جبتيها لي روحك يا ناديه زي بناتك نفس المصير
نادية : شن قصدك انتي يا حقيرة
نورا : حقيرة في عينك يا كلبه

مبروكة : اهوا فتحته الباب خشو هيي …

… نوران لبدت ورا الصناديق وتشبح فيهم كيف خاشات …

مبروكة : نورا هاكي المفتاح وافتحي الفريز
نورا : به

… مبروكة غمزت لي منى باش تاخد العصا متع الدولاب اللي مكسر وتضربها على راس ناديه

نادية : وينهم بناتي وينهم وينهم في الفريز يا نهاري الاحرف

… منى ضربت نادية على راسها بالقوة وطاحت داخت مسكينه ناديه مرا كبيرة وخدوها وربطوها وحتى هي ناووين يقتلوها وعبير في دار ما تندري على حاحه ونوران تشبح ومصدومه

نوران : 😱😱😱😱😱😱😱😱

روايه انتقام الحب الحلقه التاسعة

عبير قاعده في دار وتبكي وتدكر في حياتها كيف كانت وكيف ولت … 💔💔💔👌

عبير : اااااه يااا محمد قداش انا موجوعه وتعبانه من داخل لكن منبينش قدام حد ااااه ااااه ااااااخ اااخ ايام كنا عايشين في عز وحياتنا مرتحين فيها وايام الضحك ولعب معاك ااااخ ااااخ ااااااااخ انت مشيت وسيبتني وولدك وقته كله وهو برا وعايشه انا اهني في نص الهم والغم والمشاكل ووووك توا ساعه 11 وقت الشاهي وهدرزا متعنا قبل النوم اااخ استحشتك اااااخ يا قلبي ااااااخ ااااخ ياريتك عايش ياريتني ما طلعت من حوشي ياريتني يا محمد ياريتني ما طلعت وسيبتك يا محمد ااااااخ يا هممممي اااخ يا كبدي اااخ …..


مبروكة : الحقي بناتك توا باهي
نورا : هي مامتتش را فقدت وعيها بس
مبروكة : خلينا ننهولها حياتخا وتمشي تلحق بناتها

نوران بصوت واطي : لا اله الا الله … حسبي الله ونعم الوكيل

منى : كأن سمعت صوت ولاه 😳
نورا : اني مسمعتش شي
مبروكة : هيا فتوه تلقوه فار ولا حاجه
نورا : شن بديريلها توا

نادية : بناتي بناتي بناتي
مبروكة : بناتككك راحو يا ناديه وانتي بتلحقيهم توا تمام
نادية : اااخ بناتي وين نهال ونورهان وينهم بناتي صغيرونات وينهم وينهم
مبروكة : ماتو وانتي بتلحقيهم توا تمام هكي …

روايه انتقام الحب الحلقه التاسعة

نادر : اسمع مراد لازم ننهوها القصه هادي توا بلله عليك
مراد : تي اصبر يا راجل توا وصلني للحوش وبعدين ساهل انشوفو الكارته الجديدة اللي صايرة
نادر : وااااااك

مبروكة : نورا هاتي المسدس بسرعه
نورا : هاكي اهوا المسدس
مبروكة : انتي جبتيها لي روحك وبناتك ماتو بنفس الطريقه اللي انتي بتموتي فيها توا
نادية : اشهد ان لاااا اله الا الله واشهد ان محمد رسول اللله … 💔💔💔💔👐👐
مبروكة : مع السلامه يا نادية
نورا : وووووك وووك منكم كل يوم جريمة تي حي علينا حيي واللهي لما ننحبسو
منى : واللهي لما اتجي شرطه وتاخد الجثث وتاخدنا معاهم
نورا : والمشكله الكبيرة ان حوش هدا للإيجار كان قالولنا اطلعو منه شن نديرووو وووك
مبروكة : تي صكري فمك انتي وياها خلوني نعرف نضربها ونريحها
نادية : حسبببي الللله ونعم الوكيل … اشهد ان لا اله الا الله واشهد ان محمد رسول الله …

… وصل مراد للحوش وخش وعبير قاعده تستنى ومبروكة طلقت رصاصة في راس نادية وماتت ومراد سمع صوت رصاصه ركب يجري

مراد : حي على امه شن في فووووق 😱😱

عبير : وووووك عليا شن في شن في 😱😱

سليمان : الللله اكبر شن الصوت هدا بسم الله الرحمن الرحيم 😱😱😱….

🔥 زعما مراد حيلحق يشوف منظر الميتة اللي اسمها نادية او لا ؟

🔥 يا ترى شن هو الموضوع اللي لازم ينهيه بسرعه نادر ومراد ؟

🔥كيف بتطلع نوران من المخزن ؟ ومن اللي باعتها باش تخش للمخزن ؟

🔥 تابعو المزيد من التشويق والإثارة من روآية إنتقام الحب 🔥

روايه انتقام الحب

لمشاهدة جميع اعمال الكاتب :روايات حسن الجامعي

اترك رد

زر الذهاب إلى الأعلى