روايه انتقام الحب الحلقه الثالثه | القلم الناجح
روايات ليبيه كاملة

روايه انتقام الحب الحلقه الثالثه

جميع حقوق الطبع والنشر محفوظه

🔥 إنتقام الحب 🔥

الحلقة الثالثة

… محمد شم ريحت النار والحريقة وقريب توصل فيه ومفيش حد في الحوش بكككل عبير في حوش اهل فرح وفي نص الزحمه والعياط

محمد : عبببير عبييير عببييير عببييير … يا عالم يا ناااس الحوش ينحرق الحوش يننننحرررررققققققق

مبروكة : ووووك عليا نا يا بنيتي ماتت وووك وووك
عبير : الله يصبركم الله غالب الله غالب … والله ماني عارفه شن ندير في هل حوسة

… نساوين شارع خشو على حوش اهل فرح وعبير حصلت وناسيه الدنيا كلها من بعد ما شافت فرح ميته مسكينة 💔💔

نورا : ووووك شن هدا النهار شن هدا كل صار بسرعه
منى : وووك عليا وووك
نورا : خيرك تعيطي زي العبيطه
منى : المسلسل فات عليا
نورا : بري يا عنبوك بري شوفي حوشنا شن صاير فيه من عار وفضايح متشوفيش في النساوين كل شويه وحده خاشه … بري صبيلهم عصير ولا اي حاجه يشربوها
منى : ووووووك بديرو كل شي عليه قصه … البنت خلاص ماتت الله يرحمها
نورا : لا حول ولا قوة الا بلله 😤 …

… في سيارة مغسلة الاموات 🚑 …

الدكتور : استاد مراد خيرك شاد ايد البنت خلاص ماتت
مراد : لا كنت انحي في حاجه كانت في جنب ايدها
الدكتور : اهااا … الله يرحمها …
مراد : امتى بنوصلو ؟
الدكتور : قريب معاش مزال هلبا …

📞 اتصل مراد بصاحبه نادر 📞

مراد : ها شن صار معاك
نادر : مزال شويه ونطلعها
مراد : تي بسررعه قريب نوصلو للمغسلة
نادر : اهو كل واحد يدير في حاجه
مراد : تمام ميه ميه المهم بسرعه … يبي دقه الموضوع رااه
نادر : تم تم هيا خليني نكمل …
مراد : تم …

… حوش عبير 🏠🔥🔥 …

محمد : ياا ناااس سعدوني النار بتحرقني ساعدوني

… النار خشت على داره هل مسكين محمد راجل كبير خش عليه الدخان ومعاش قدر يتنفس بكل وفقد واعيه او عل اغلب مات لأن النار خشت عليه في دار 💔

… حوش اهل فرح …

نهال : يا بنات يا بنات حوش محمد المالكي انحرررق يا نهاااري الاحرف …
مبروكه : حووووش عبير الكبير اهيا اللي في جنبنه 😱😱😱
نهال : ايه ايه يا كبدددي
مبروكه : ووووووك يا عبير حوشك يا عبير … خشي ناديها يا نورا بسرررعه والله ما تندري على حاجه لهت معانا وسيبت حوشها يولع في بعضه

نورا : ووووك حقا وراجله عل كرسي كيف بيطلع
نهال : ان لله وان اليه راجعون … تي بسررررعه اجري قوليلها قاعده في مطبخ ادير في قهوة

نورا : عبير عبير
عبير : خيرك نورا شن تبي … اهي القهوة قاعده ندير فيها 💔
نورا : عبير حوشك ولعت في النار يا وخيتي
عبير : شننننننني شن تقولي انتي

… عبير طلعت تجري من المطبخ زي المهبوله وطلعت من بين نساوين تجري والكل يشبحلها …

عبير : حووووووشي رااااجلي وووووووك عليا يا نهااري المغبر والاسود وووك وووك … محممممد

… النساوين طلعو برا الحوش ويتفرجو على حوش كيف قاعد ينحرق كللله وطلعو نورا ومنى ومبروكة … وعبير مسكينه طاحت على الارض وتتفرج وتبكي على حوشها وراجلها كيف ينحرقووو

مبروكة : اتصلي بوالدها مراد بسررعه قوليله يجي بسررعه
منى : تييي هو قاعد في سيارة متع المغسله كيف بيجيك
مبروكة : اتصلي بلأطفاء والاسعاف بسرعه
نورا : الطف يااربي شن صاير اليوم شن في شن في وووك على روسنا
منى : الووو سيارة الإطفاء بسرعه شارع حي زهور حريق كبير بكل وبالمرة كلمو الاسعاف يجو
مبروكة : عبيطه انتي
منى : خيرك شن في
مبروكة : وبالمرة كلمو الاسعاف خدمين عند بوك هما
منى : معنديش رصيد باش نكلمهم

عبير : حووووووشيي محممممد ممممحممد
نهال : اهدي عبير اهدي قدر الله ماشاء فعل
عبير : وووووك وووك عليا شن طلعني من حوووشي شن طلعني من حووشي انيي بسس
مبروكة : خلاص اهدي بلله عليك
عبير : ااااه يا رااسي … تي شن اهدي كله من وراكم انتم لولا دوشتكم را مطلعتش …
مبروكة : تي بنتنا فرح توفت ولا شكلك نسييتي
عبير : ااااااااااه مراد ولدي ولدي وينه كلموه وووك عليا وووك كااارته كااارته
منى : توا نتصل بيه هي …

… 🚑

مراد : وصلنا ؟
الدكتور : ايه وصلنا

مراد 📞

مراد : الو نادر شن صار
نادر : تم يا غالي واتي كل شي
مراد : تم هي اهو نازلين من سيارة …

عبير : ااااه رااسي بندوخ يا ناس بندوخ يا كبببددي

… وداخت عبير وطاحت على وجهها وناس ونساوين كلهم يتفرجو واللي يعيطو واللي قالبات الدنيا ومش فاهمات حاجه وشن صاير اصلا … 💔🔥

مبروكة : عبير عبير
نهال : عبير عبير نوضي سلم وخيتي نوضي
مبروكة : دخلوها لي حوشنا دخلوها بسرعه
منى : متحطيهاش في داري حطيها في اي مكان
نورا : وقت دره كبدك وكلامك الفاضي انتي
منى : غير ضمي فمك … وينها سيارة الإطفاء عاااد

🚒🚒🚒🚒 جت سيارة الإطفاء تجري وبدت تصب في المياة ونساوين كلهم خشو لي حوش مبروكه وسليمان بوه فرح حابس روحه في دار ومشعارف كيف يطلع ولا يدير …

… نورا لقت ورقة في دار فرح طايحه وخدتها وبتبدا تقرا فيها ومكتوب فيها … 

… كان حلمي ان نكمل قرايتي وناخد الشهادة ونوصل لمرحلة انكون محاميه وقوية وادافع على حقوق الانسان وبدات البنات اللي مضلومات اكتر شي ونحميهم ونعرف من الخير ومن شر كا محامية تاخد كل واحد وحقه … لكن طحت في عيلة ضربوني وعذبوني وقهروني ووجعوني وحبسوني وقتلوني وخلوني ننتحررررر هدا كله على خاطر العادات وتقاليد متاعهم اللي مليهاش تفسير او منطق لكن ربي ياخد حياخد منكم حققي … ومزال مش بسهوله هادي يمكن تصير شئ وتتغير حياتكم حتتعدبووو في الدنيا والآخررة … ربي حياخد حق امي وحقي انا وكله حيولي عليكم يا وحوووش حتى انت يا بابا حتعرفو معنى الإنتقام … #فرح 🖎

نورا : وووووك عليا واااخده في روحها مقلب تهدد فيا وهي ميته هههه والله حاله وخلاص
مبروكة : من هي اللي تهدد
نورا : الست فرح ههه
مبروكة : ترا اعطيني نقرا
نورا : اقري اقري العار 😂


مبروكة : بري اعطيها ميه وحاجه تاكلها اللي اسمها عبير
نورا : شن بديري للورقه
مبروكة : احرقيهااا
نورا : به تمام هي …
مبروكة : سيارة الأطفاء جت ؟
نورا : ايه وجت سيارة مغسلة الاموات
مبروكة : ووك سيارتين مغسلة اموات وزوز ماتو في نفس اليوم
نورا : اللي يخف يخف 😅
مبروكة : ههه والله حاله وخلاص …

🚑🚑

مراد : هيا نزلوها هي
الدكتور : بسرعه شباب نزلوها وحطوها في المكان نفسه …

… خشو مراد والدكتور للمغسلة وقال مراد

مراد : خلوني بروحي انا وياها
الدكتور : البنت ماتت شن تبي فيها ومتقربلكش هي
مراد : قتلك برا اقلب وجهك برا نبي نقعد بروحي شويه افهم ياا راجل
الدكتور : به تمام
مراد : وصكر الباب معاك …

… قعمز مراد قدام فرح وهي ميته ومغمضه عيونها ولافينها بلأبيض 💔

حوش اهل فرح …

…. سليمان معاش قدر يتحمل طلع من دار وشبحته وحده من جاراات الشارع كيف هو طالع والكل يحسبه في العمل وميندريش ان بنته ماتت 😱

نهال : وووووك علياااا مش انت قالو قاعد في العمل 😱😱😱

نهال … سليمان … 😱😱😳#يتبع

🔥 يا ترى نهال حتفضح سليمان قدام النساوين وناس اللي قاعدين في العزي ؟

🔥 زعما مراد شن يبي يقول لي فرح وهي ميته ؟

🔥 شن حتكون ردت فعل مراد لما يسمع ان بوه مات 💔 ؟

🔥 شن تقصد فرح برسالة اللي وصلتها لي اهلها ( الإنتقام ) ؟

🔥 تابعو المزيد من التشويق والإثارة من روآية الإنتقام الحب 🔥❤👌

لو سمحتو لو مفيش تعليقات وتفاعل ونشاط حنوقف 😭😭😭💔

🔥 الكاتب 🔥 ” Hassan algmie “

اترك رد

زر الذهاب إلى الأعلى