روايه انتقام الحب الحلقه الثانيه .. الكاتب حسن الجامعي | القلم الناجح
روايات ليبيه كاملة

روايه انتقام الحب الحلقه الثانيه .. الكاتب حسن الجامعي

جميع حقوق الطبع والنشر محفوظه

روايه انتقام الحب الحلقه الثانيه .. الكاتب حسن الجامعي

الحلقة الثانية

سليمان كسر الباب بلقوة متع الباب لكن بصعوبه لأن هما عايشين في حوش كبير بككل وزي القصر والباب بروحه متع دار تقول باب قصر كبير …

وكسر الباب سليمان وكانت المفجأة …

منى …
نورا …
مبروكة …
سليمان …

نورا : الطف يااااااارب
سليمان : فرررررح
مبروكة : ووووك عليا يا نهار احرف
منى : لا حول ولا قوة الا بلله

… خشو عليها ولقوها فرح مسكينة طايحة على الأرض وشيشت معبيا حبوب ادوية … انتحرت 💔

سليمان : بننتي ااااااه
نورا : انتحرت اللطف ياربي
مبروكة : نضفت عارها بروحها
منى : تيييي واللهي ماني عارفه شن نقول

روايه انتقام الحب الحلقه الثانيه

عبير : محمد نسمع في صوت عياط اللطف ياربي شن في
محمد : والله ما نسمع في حاجه وداني بلهوون
عبير : خليني ننزل ونشوفي بالك في عركة في شارع
محمد : اتصلي بي مراد لو في مشكلة


سليمان : تي شن نديرو توااا شن نديرو البنت انتحرت
مبروكة : شوفها ادير في دراما شوف تتنفس ولالا
سليمان : تي متتنفسش بكككل
مبروكة : بلاه قولو انها انتحرت من الإكتئاب النفسي وخلاص مش تقولوها احني هزبنها توا تعتبر جريمة واحني وراها
نورا : ايه صح ولوم كله يجي عليا الهم
منى : مدخلنيش فيكم انا هل البنت اصلا مكناش نبوها اصلا ومكنتش خاشة راسي من اول ما جت فلذلك بنركب وبنقعد في داري انتم تصرفو
مبروكة : تي هيا انتي وياها خلونا نعيطو يجي واحد من جيران يلمها وياخدها فكونا منها
نورا : ياارب شن هدا النهار كيف بنديرو قدام الناس
سليمان : تيييييي البنت ماتت وانتم قاعدات تهدرزو اهني ديرو حل دير بلي على روسكم خلوه هل نهار ينتهي على خير

روايه انتقام الحب الحلقه الثانيه

عبير : الصوت جاي من حوش الجيرانا سليمان ومبروكة … يا مبروكة افتحيلي الباب خيركم شن في

مبروكة : ووووك عليا اهيا جت ديرو روحكم تبكو ولا ديرو اي حل المهم متخلوش حد يشك فيكم

عبير : يااا هووو افتحولي الباب بللهي عليكم
نورا : ووووك عليا يا عبير بنيتنا ووك بنيتنا
عبير : خيرها بنتكم … اما وحده فيهم خيرك يا نورا تبكي
نورا : بنيتنا فرح انتحرت ياا عبير ااااه يا قلبي
عبير : ان لله وان الية راجعون … لا اله الا الله

مبروكة : يا حقيرة يلي اسمك منى نوضي انزلي المرا جت ديري اي لقطه باش تصدق
منى : معليشي احني مقتلنهاش هي انتحرت علاش نمتل وندير في دراما الزايدة
مبروكة : تعرفي كان متنزليش واللهي نقوللهم انك انتي ضربتيها وهزبتيها وخليتيها تنتحر
منى : وووووك به انا منعرفش نمتل وكيف بنزل دموع
مبروكة : يا عن بوك فيتك خودي قطرات متع العين ديرهم واطلعي هياااا
منى : هي اهوا نازله هي هي
سليمان : وانا شن ندير يا مبروكة
مبروكة : خش في دولاب لعند ما تروح نقوللهم بوها في الشغل يخدم
سليمان : تمام هي بسرعه وطلعو البنت اهيا لجنازة طول فكوني منها ومن سيرتها هي وامها
مبروكة : غلطت عمرك مفروض تدفع ثمنها غاالي

روايه انتقام الحب الحلقه الثانيه

عبير : وينها البنت
نورا : اهيا طاايحه شفتيهاااا
عبير : وووووك عليا يا بنيتي ربي يرحمك ويجعل مثواك الجنة وووك عليا بنكلم ولدي مراد
نورا : ايه كلميه كلميه
مبروكه : ووووووك عليا بنيتي ماتت يا عبير وووك عليا هادي نور الحوش ماااتتت ووووك عليا ووك
عبير : الله يصبركم يا مبروكة الله يصبركم
منى : اااه مااتت اااه ماتت
عبير : منى انتي تضحكي ولا تبكي وخيرهم موعك فوق رموشك 🙄😑🤔
منى : ووووك دموعي في كل مكان يا عبورة

… طبعا دموع تماسيح متع نورا ومنى ومبروكة يوم غدوا حيتحسبو عليه دنيا وآخرة … وسليمان معاهم …

📞 اتصلت عبير بولدها مراد 📞

عبير : الووو مراد اللووو
مراد : نعم يا امي
عبير : يا ولدي تعالا لي حوش المأجرين عندنا بسررعه حوش عمتك مبروكة بسرررعه يا وليدي
مراد : امي خيرك شن في
عبير : تي وين قاعد انت تعالا بسرعه
مراد : اهوا بنطلع من السوق وجاايك هيي
عبير : ابسرعه تعالا الله يربحك …

نادر : علاش تكدب على امك وتقوللها قاعد في السوق
مراد : مدخلكش توا تعرف لكن مش توا … هي سلام
نادر : سلام يا صاحبي …

… عبير مسكينه مش فاهمه حاجه والبنت طايحه ومنى ومبروكة ونورا مدايرات دوشه على الفاضي وبكاهم واصل لشارع لكن بكاهم مش من قلبهم … غير صدعو راس عبير وخلاص 💔

عبير : الله يرحمك يا بنيتي ويصبر بوك اللي قاعد في العمل ومايندري عليك وووك وووك ياريتها امك عايشه را والله ما خلاتك اديري هل عمله الله يرحمك يا سناء

… سليمان يسمع في عبير وهي تحكي على سناء ام فرح … لذلك سليمان ضميره يأنب فيه وبدي يتذكر في سناء شن كانت تقوله قبل ما تموت …

🔥💔 قبل 4 سنوات 💔🔥

سناء : سليمان دير بالك على بنتي وبنتك فرح … ملهاش غيرك في هل دنيا … انا ايامي معدودة ومرض اللي عندي مرض قوي السرطان دير بالك عليها هي توا بتخش اولى تانوي خليها اتكمل قرايتها وتخش الجامعه وتحقق حلمها

سليمان : منيش مداير شي خليك عايشه بلا جو بلله عليك سناء
سناء : والله مش بإيدي بإيد الله سبحانه وتعالى …

روايه انتقام الحب الحلقه الثانيه

عبير : ياولدي باهي اللي جيييت
مراد : شن في من اللي ماات خيره الحوش مفتوح ودنيا مقلوبه
عبير : بنيتهم فرح توفت يا ولدي
مراد : الله يرحمها ويسامحها
عبير : خيرك قتلك بنتهم ماتت خيرك متأثرتش
مراد : وينها وينها خلينا ناخدوها لي مغسلة الاموات طول هي … ماما اتصلي بسيارة متع مغسلة الاموات بسرعه
عبير : هيا هي اهوااا
مبروكة : وووووك عليا بنيتي مااتت وووك عليا
منى : اه قلبي اه قلبي

… وبصوت خفيف مراد قال لي منى

مراد : بلا تمثيل زاايد
منى :😳😳😳😳
مبروكة : تعالا خودها اهيا طايحه
مراد : لا اله الا الله
منى : وووك عليا شن قال هدا توا
مبروكة : خيرك
منى : سمعت واحد قالي بلا تمثيل زايد تقريبا مراد
مبروكة : بلا وهم زايد يا بنت وهي كملي را يشكو فينا
عبير : الوووو سيارة مغسلة الاموات بلله تعالو في شارع حي الزهور بلله بسرعه
مبروكة : ووووووك عليااا وووك وووك وووك اااه يا بنيتي ربي يرحمك
روايه انتقام الحب الحلقه الثانيه

… عبير سيبت راجلها في الحوش بروحه وراجلها محمد مقعمز على الكرسي متحرك لأنه عنده جلطه قويه ورجله مش قادر يحركها لأن تشللت لما طاح عليها … حالته صعبه الراجل 💔

… عبير قبل ما تطلع سيبت الحوش نفتوح وراجلها بروحه .. والغدي على نار وعبير مسيبته الطنحرة انحرقت وولعت فيها النار والميه طلعت مغليه من الطنجرة وعبت المطبخ وفي ورقه في جنب الطنجرة حاطتها عبير باش تولع بيها كوشة ونست اتنحيها من جنب الطنجرة والنار متع الغاز 🔥🔥🔥 والورقه وصلت فيها النار وطاحت على بساط المطبخ وولعت في دنيا كلها في المطبخ والحوش وراجل محمد مقعمز وما يندري شن صاير في دنيا 😱😱 …

🚑 وجت سيارة مغسلة الاموات وجو الشباب خدو البنت وحطوهاةفي سيارة وشعرها مطلوق وحالتها حاله وعيونها دموع 💔 …

الدكتور : هي شباب اركبو السيارة هي بسرعه بسرعه
مراد : هيا هي اهوا راكب معاكم هي
الدكتور : لالا خليك يا استاد مراد خليك
مراد : لالالا خليني بنركب معاكم خليني نحي هكي بنركب
الدكتور : خلاص خلاص اركب اركب
عبير : يا ولدي علاش مصر انك تمشي معاهم
مراد : باي ماما وخليك مع الناس وديري الواجب معاهم
عبير : حاضر يا وليدي

مبروكة : بنننتي رراااحت وووك

… نورا ادير في الجو دارت روحها طاخت وطاحت ومنى ديرا روحها تبكي ومبروكة تعيط ونساوين شارع كلهم خشو وهما يقولو لا اله الا الله وحسبي الله ونعم الوكيل وان لله وان اليه راجعون والكلام هدا …

… محمد شم ريحت النار والحريقة وقريب توصل فيه ومفيش حد في الحوش بكككل عبير في حوش اهل فرح وفي نص الزحمه والعياط

محمد : عبببير عبييير عببييير عببييير … يا عالم يا ناااس الحوش ينحرق الحوش يننننحرررررققققققق…….😱😱😱😱😱🔥🔥🔥🔥🔥🔥🔥🔥🔥🔥…#يتبع

🔥 يا ترى محمد بو مراد يموت وينحرق في الحوش 😱 ؟

🔥 زعما علاش مراد اصر ان هو يمشي مع دكاترة وسيارة مغسلة الاموات ؟

🔥 هل من الممكن ان فرح.ماتت ومعاش ليها اي قصه او رواية ؟

🔥 تابعو المزيد من تشويق والإثارة من روآية إنتقام الحب 🔥❤

🔥 الكاتب ” hassan algmie ”

روايه انتقام الحب الحلقه الثانيه

لمشاهدة جميع اعمال الكاتب :روايات حسن الجامعي

اترك رد

زر الذهاب إلى الأعلى