روايه انتقام الحب الحلقه الخامسه | القلم الناجح
روايات ليبيه كاملة

روايه انتقام الحب الحلقه الخامسه

جميع حقوق الطبع والنشر محفوظه

🔥 إنتقام الحب 🔥

الحلقة الخامسة

منى تسمع في الاصوات غريبه وموسيقى هادي وكلماتها … وهرب الضي على الحوش كله ومنى شافت ظل وحده تمشي …

منى : ووووووك علياااا ووووووك ووووك
عبير : خيرك شن في خيرككك
مبروكة : استغفر الله العظيم شن في
نورا : وووكك حتى النوم متخلوناش نرقدو
مراد : خالني منى خيرك
منى : شفت ظل وحده توا كانت تمشي قدامي ومولعه الاغاني والله شفتها
عبير : استغفر الله العظيم … لا اله الا الله
نورا : كيف يعني …
مبروكة : غير تتوهمي انتي هدا كله خيال
منى : يعني شني اني مهبوله ولا شني
مراد : وين مفيش حد في الحوش
منى : تي الضي كان هارب
نورا : اهوا الضي قاعد بلا جو زايد
منى : حي عليا انهبلت انا وليت مهبوله
مبروكة : اركبي خشي ارقدي بري
عبير : بسم الله الرحمن الرحيم … اهدي اهدي
مراد : تصبحو على خير
نورا : هيا ارقدو وراكم جنازة غدوا …
مراد : تصبحو على خير …
منى … نورا … مبروكة … عبير : وانت من اهل الخير

… اليوم الثاني

سليمان : وينكم يا عيلة
مبروكة : صباح الخير خوي وين كنت
عبير : سليمان كيف حالك وخيي
سليمان : اهلين كيف حالك … شن في
عبير: بنتك فرح توفت يا سليمان عظم الله اجرك
سليمان : ووووووه شن تقولي انتي كيف ماتت
عبير : الله غالب ؟!
سليمان : اااه راسي مبروكة ركبيني فوق لدار بسرعه
مبروكة : تعالى وخي اركب هي …

… وركبو مبروكة وسليمان وكملو تمثيله متعهم وخشو للدار اللي فيها نهال …

عبير : تييي خيرهم اهكا قتله بنتك ماتت قعد يعيط زي نساوين 🤔😑
مراد : امي شن في
عبير : لا شي غير عمك سليمان جي وركب فوق …

نهال : سيبوني في حالي واللهي ماني مقايله لحد
مبروكة : صكري فمك … لما قالك سليمان تصكري فمك وتسكتي متبيش تسمعي الكلمه
نورا : تقدرو توطو اصواتكم را عبير وولدها يسمعوكم
مبروكة : صكري الباب بالمفتاح بسرعه
نهال : واللهي معاد تشبحو وجهي
مبروكة : انتي توا تعرفي ان احني ورا انتحار فرح صح ولالا
نهال : ايه نعرف لكن واللهي ماني مقايله
سليمان : معنديش ثقه فيكي انتي
نهال : ووووك والله طلعتو على حقيقتكم

… مبروكة ضربت نهال كف
مبروكة : قالنلك صكريه فمك هدا
نهال : شن تحسبي روحك تمدي في ايدك عليا انتي غير ايديا مربطات واللهي را قتلك يا مبروكة وفضحتكم انتم الاربعه وتوا تنحبسو يا كلاب
مبروكة : وانا عندي حل يريحك ويرحنا احني الاربعه
نهال : شن هو
سليمان : زي ما قتلنا سناء ام فرح وقتلنا فرح بنقتلوك حتى انتي مع الاسف
نورا : اقتلوهم وخلصوني قبل ما تسمعنا عبير
نهال : انتم قتلتو سنااااء ام فرح 😱😱😱😱
مبروكة : ايه احني قتلناها شن عندك عندنا
نهال : حراام عليكممم علاش قتلتوووهاات علاش
سليمان : لأنها منفدتش الطلب اللي نبيه انا
نهال : وشن هو الطلب اللي قتلتها على خاطر الطلب هدا يا ظالم …

🔥 قبل 4 سنوات 🔥

سليمان : الجنين نبيه ولد سمعتي
سناء : بإذن الله نمشو لي دكتور ونشوفوه بنيه ولا وليد
سليمان : نبببيييه ولد والا مش حتشوفي خير
سناء : خيرك اصبر شوف بنتنا فرح خشت للثانوي توا مفروض تفرحلها باش تكمل قرايتها
سليمان : بتكمل التانويه وخلاص توقف لاهني معلومات ساده هكي
سناء : بنتك بتتخرج وبتطلع محاميه شن دخلك بيها انت
سليمان : تي صكري فمك شن شن دخلني بيها … نوضي هي نمشو للمستشفى نشوفوه يطلع بنت ولا ولد
سناء : اللي يجي من ربي كله خير ونعمه الحمدلله
سليمان : فكيني من كلامك لللي يقهر هدا
سناء : شني انا مش سحاره باش نجيبلك ولد على مزاجي
سليمان : نوضي نوضي خير ما نخبطك نوضي

الدكتورة : الف مبروك حتجيكم بنيه تنور الدنيا
سليمان : ووووواااااااك 😠😠😠😠 قتلك نبي ولد يحمل اسمي واسم العيله صح ولالا
سناء : اسككت حشمتني قدام الدكتورة برا اطلع توا نلحقك وهزبني زي ماتبي في الحوش امشي …

سناء : طلعت بنت شن بنديرلك
سليمان : منبيهاش نزليها
سناء : منيش منزلتها مفروض تفرح لأن بتجي اخت لي فرح وبتونسها
سليمان : ونبي صكريلي فمك وهي اسكتي خلي نعرف نسوق توا نعرف شغلي معاك
سناء : لا حول ولا قوة الا بلله

مبروكة : شن طلع ولد ولا بنت
سليمان : ازززفت طلعت بنت
مبروكة : لازم تنزلها اجهاض طول
سليمان : مصكرة راسها
مبروكة : عندي خطه
سليمان : شن هي خطتك
مبروكة : خلينا نحطولها سم قوي في طاسة حليب او عصير وهكي يموت الجنين
سليمان : ايه عندي واحد صاحبي يبيع في حجات هكي
مبروكة : هيا هي امالا خلي نطلعولاه طووول هي

سليمان : السلام عليكم خوي سالم
سالم : اهلللين يا صاحبي … كيف حالك وخيتي مبروكة
مبروكة : واللهي طيبه كيف حالك انت
سالم : الحمدلله
سليمان : نبو طلب يا وخي سالم
سالم : اتفضل يا خوي انت تأمر
سليمان : نبو سم يقتل الجنين اللي في بطن الام
سالم : كيف يعني تبو سم
مبروكة : يعني سمممم يموت الجنين اللي في بطن فهمت علينا
سالم : ايه عندي بس يمكن يقتل حتى الام
مبروكة : والله ياريت نفتكو جيبه جاي هات
سليمان : مبروكة مش بالغنا هكي
مبروكة : مش متبيش بنات قلت
سليمان: اييه
مبروكة : خلاص ناخدو دوا هدا ونعطوهالها وتموت البنت ومرات متموتش مراتك فهمت عليا
سليمان : خلاص تم تم هات السم …

مبروكة : حبيبتي سناء
سناء : ها مبروكة خيرك
مبروكة : اشربي الحليب هدا مفيد لصحتك انتي والجنين
سناء : اهاا شكرا حبيبتي
مبروكة : العفو يا حنا

… سناء شربت الحليب وبعد 5 دقايق بدت ادوخ ووجها يتغير لونه

سناء : ساعدووني ساعدووني ووووك عليا
مبروكة : خودها للمستشفى بسرعه بسرعه يا سليمان
سناء : اااااااه يا بطني ساعدوووني
مبروكة : اهوا طالعه معاكم اطلعو
سليمان : هيا هي

مبروكة : كيف حالتها تواااا ؟
الدكتور : شاربه سم وللأسف حتموت هي والجنين يا حيعيشو
مبروكة : وووك عليا

الدكتور : عظم الله اجركم عطوكم عمرهم … البقاء لله
مبروكة : وووك وووك عليا
سليمان : اهاااا …

فرح : بابا وين ماما
سليمان : امك ماتت
فرح : نسأل فيك ماما وين
مبروكة : امك ماتت من مرض سرطان فهمتي توا
فرح : شنننننيييي 😱😱😱😱😭😭😭💔💔

…. الحاضر …. 🔥🔥

نهال : وووووك عليا قتلتوها على خاطر حامل ببنت يا كلاب يا مصخين يا مجرمين
نورا : وطي صوتك را نقتلك
مبروكة : جيبلي الموس ومنغير محد يشبحك بسرعه نورا
سليمان : تي بسرعه
نورا : هيا هييي اهو ماشيه نجري …
نهال : ربي ياخد فيكم الحق يا كلاب ربي ياخد فيكم الحق ربي ينتقممم منكم انتقام موووت
مبروكة : هااات اللصقة انصكرلها فمها هاات
….

نورا : اهوا الموس خديته
عبير : نورا نسمع في صوت عياط فوق شن في ؟؟
نورا : ااه ما خوي قاعد يعيط على خاطر بنته يا خالتي عبير
عبير : ااااه مسكين ي وخيتي ربي يكون في عونه
مراد : امي انا طالع شويه ونجي
عبير : تي وين ماشي يا ولدي الجنازة شويه وتبدا
مراد : خلاص يأدن العصر نكون اهني توا سلام
عبير : سلام وليدي دير بالك على روحك سلم ولدي ..

نهال : سيبوووني في حالي
مبروكة : خودي اهوا الكف وصكري فمك
سليمان : معاش نقدرو نطلقوك توا شبه اسرارنا كلها عندك
مبروكة : الحقيرة نورا خيرها عطلت
منى : ووووك نهار احرف شن في عل صبح
مبروكة : صبح عينك الساعه 12 الظهر بري شوفي اختك قلتلها اتجيب الموس
منى : كيف حالك نهال
مبروكة : بري اقلبي وجهك ورا عبير تركب اهني متخليهاش تركب
منى : وووك باهي … سامحينا يا جارتنا لكن انتي جبتيها لي روحك … هي اني ماشيه نشوف نورا وينهااا

… نورا خدت الموس وراكبه من الدروج وعبير شبحتها كيف شاده الموس وراكبه بيه …

عبير : نورررراااا وين ماشيه بالموس 😱😱😱😱🔥🔥🔥
نورا : حيييي عليااااا😱😳🔥#يتبع

🔥 زعما عبير حتكشفهم شن يديرو ام لا ؟

🔥 يا ترى مراد وين طلع من الحوش يجري وعلاش ؟

🔥هل قصة سناء ام فرح حتنكشف وياخد الحق مجره او الظلم ينتصر على الحق ؟

🔥 تابعو المزيد من الإثارة والتشويق من روآية إنتقام الحب 🔥

🔥 الكاتبة ادمن الصفحه ❤

اترك رد

زر الذهاب إلى الأعلى