روايه انتقام الحب الحلقه الرابعه | القلم الناجح
روايات ليبيه كاملة

روايه انتقام الحب الحلقه الرابعه

جميع حقوق الطبع والنشر محفوظه

🔥 إنتقام الحب 🔥

الحلقة الرابعة

حوش اهل فرح …

…. سليمان معاش قدر يتحمل طلع من دار وشبحته وحده من جاراات الشارع كيف هو طالع والكل يحسبه في العمل وميندريش ان بنته ماتت 😱

نهال : وووووك علياااا مش انت قالو قاعد في العمل 😱😱😱
سليمان : اسككتي يا بلوه
نهال : ياا نساوين اهوووا سليمان قاعد اللي بنته ماتت هو اللي قتلها اهوا للااب اهني
سليمان : 😱😱 قتلك اسكتي انا ولاه

… سليمان شد نهال وغملها فمها ونهال تعيط ومفيش حد يسمع فيها من دوشة العزي ومبتش تسكت خدي سليمان التمثال اللي محطوط على الممر وكسرها على راسها وخداها وحطها في دولاب وصكر عليها كويس وصكر باب الدار ومعاش عرف شن يدير 😳😱

سليمان : حي عليا شن درت انا حي علياااا … واااك منك يا فرح وواااك حتى وانتي ميته اديرلنا في المشاكل واااك …

مبروكة : منى
منى : شن تبي مش تشبحي فيا نصب في الميه لنساوين
مبروكة : نورا وين
منى : ادير في القهوة قاعده
مبروكة : ونهال مش باينه عليا وينها
منى : منندريش عليها توا فوتيني شويه خلي نعرف نعطيهم
عبير : ولدي ولدي كلمولي ولدددي
منى : توا نكلمه لكن منحصلش فيه خارج نطاق التغطيه
نورا : تفضلو القهوة هي … صحتين حنانتي
مريم : يا نساوين مشفتوش نهال وينها
مبروكة : شكلها روحت والله ندورو فيها من بكري

🏪 مغسلة الاموات …

مراد : يا دكتور
الدكتور : تفضل استاد
مراد : توا خلاص غدوا بعد صلاة العصر الجنازة تمام يعني غدوا بنحو ناخدوها وندفنوها
الدكتور : الله يرحمها ويجعل مثواها الجنه … عظم الله اجرك
مراد : غير هيا توا مع السلامه بنمشي نشوف العيله اكيد يبو حاجات للنساوين والعزي … سلام هي
الدكتور : وعليكم السلام ؟؟؟؟ … شن الولد هذا قتلك عظم الله اجرك قاالي عزي والله الا غريب 🙄😑

نادر : اركب هي
مراد : اسمع برا خودني لي حوشنا بسرعه اكيد امي حايسه غادي
نادر : هي تمام …

… مسافة الطريق … ووصلو مراد ونادر ونزل من سيارة مراد وهو مصدوم لما شاف حوشهم محروق 💔😳

مراد : تيييي شنيي هدا ياهوووو يا عالم
نادر : شن صاير اهني ازززفت
مراد : بوي امي ووووينكممم يا هوووو الحوش انحرق واااك
مريم : خش يا وليدي لي امك طايحه دايخه الداخل
مراد : عمتي مريم وينها امي وبوي وينه
مريم : والله يا وليدي بوك عطاك عمره
مراد : 😳😳😳💔💔 شننننيييي

… صدمة مراد جت قويه وولى وجه احمر وعيونه حمر ونادر كذلك انصدم وطاح مراد على الارض يبكي ويعيط

مراد : يا بووووووووي ياااابوووي ااااااخ ااااااخ
عبير : وينه ولدي وييينه
مراد : اممممييي وينه بوي وينه
عبير : وووووك يا ولدي ووك عليا يا كبدي وووك بوك مشي وسيبنا يا ولدددي
مراد : ااااااااخ اااااااخ
عبير : والله تعبانه يا وليدي بندوخ توا ومعاش قادرة نوقف في مكاني
مريم : وخيتي عبير خشي
نادر : امي
مريم : نعم ولدي
نادر : وتيلنا المربوعه خلينا نخشو فيها هيا بسرعه انا ومراد هيا
مريم : هيا شويه بس ندخل عمتك عبير … خشي هي
نادر : تي بسرعه متشوفيش في الولد كيف حالته
مريم : تي باهي قلنالك
نادر : خلاص خوي متبكيش قدر الله ما شاء فعل
مراد : نادر هدا بوووي هدا بوووي
نادر : الله يرحمه 💔🔥

… نهال تعيط وفمها مصكر بلصقة وراسها دم وقاعده في دولاب مخنوقه لكن على قد ما تقدر تخبط باش يسمعوها وسليمان مش عارف شن يديرلها …

سليمان : تي صكري فمك يا مرا صكريه قتلك اسكتي من الاول متبيش تسكتي … تحملي ما يجيك امالا

طبعا جت ساعه 10 في ليل ونساوين روحو من العزي ومبروكة ومنى نورا تعبانات من هدا اليوم وسليمان في دار مصكر على روحه هو ونهال ومراد ونادر في المربوعه …

مراد : ترا اعطيني ميه
نادر : تفضل هي خودها …

نادر : مراد
مراد : نعم
نادر : شوف المربوعتهم كبيرة بكككل … وهدا انتم اصلا كان حوشكم علاش متاخدوش منهم
مراد : لالا هما ميتين في هدا الحوش ويبوه بسيف حتى قالو بيشروه لكن امي قالتلها تأجير بس
نادر : غريب حوش كبير زي هدا ومفيش الا خمسه اربعه انفار بس
مراد : لالا مزال باقي العيله غير مسافرين بس
نادر : اهاااا …

مبروكة : سليمان خير فيتك مش قتلك لما تلقا النساوين لاهيات اطلع من دار بأي طريقه
سليمان : تي ضمممي فمك وافتحي شوفي الدولاب شن فيه
مبروكة : شن فيه اللطف
نورا : خيركم وطو اصواتكم
منى : ووووك عليا ونبي اطلع من الباب الخلفي ودير روحك كيف جيت وبتبدا تبكي
مبروكة : ضمي فمك خلي نعرف شن في ف دولاب

… والكل واقفين يتفرجو على دولاب شن فيه وشافو نهال فيه مربطه ايديها وفمها ملصق بلصقه وراسها دم وحالتها حااله …
منى : 😱😱😱 ووووك عليا شن جابها اهني هادي
مبروكه : واني اللي كنت ندور عليك
نورا : لاااا هلبااا هكي
سليمان : شافتني وصكرتلها فمها متبيش تسكت اضطريت ندير هكي خير ما تطلع وادير العار قدام النساوين
مبروكة : هادي لازم نقتلوها لأن هي توا تعرف ان احني ورا كوت فرح
منى : ايه صح وحديرلنا مشاكل على فوق روسنا
نورا : وووك عليا انا مدخلنيش فيكم شن اديرو
سليمان : نقتلوها وندفنوها ساهلة …

… ونهال مسكينه تسمع في كل شي وتبكي من الخوف وكيف طاحظت بين ايدين الناس هادي … 💔🔥

عبير : مبروووكة وينكك

مبروكة : حي عليكم عبير جاية بسرعه صكرو الدولاب
منى : 😱😱😱 نهار سود
نورا : اني طالعه مدخلنيش فيكم
مبروكة : تعرفي يا نورا كان متساعديناش يا عانس
نورا : شن تبي اديري يعني بتهدديني وبتربطوني زي نهال ولا شني
مبروكة : واللهي لما نقول لي سعاد تلغي الكلام اللي بتقوله للراجل اللي بتخطبيه ونقوللها تلغي كل شي وانتي تعرفي انا لما نقول كلمه معنها تتنفد
نورا : ووووك عليا باهي خلاص
سليمان : معاش تمشي الا هكي اصلا انتي

عبير : وينكم يا نساوين
مبروكة : نعم حبيبتي عبير خيرك في مشكله ؟
عبير : واللهي يا وخيتي جايه بنقولك بنمشي لأوتيل بنباتو فيه فترة اني ومراد
مبروكة : اهااا باهي بري هي مع السلامه ههه
نورا بصوت واطي : متتحشميش على وجهك بتخليها تمشي للأوتيلات وهدا حوشها يا هبله مفروض تقوليلها اقعدي
مبروكة : اسكتي متشوفيش في المصيبه اللي دارها خوك سليمان وكان شبحت نهال توا شن بنديرو
نورا : وووك صح …

عبير : مرااد يا وليدي نوض هي خلينا نمشو هيا نادر تعالا يا وليدي وصلنا … هيا مريم انزلي

مريم : اشويه ندور في تلفوني معاش لقيته … نمشي ندور عليه في ديار بالك
عبير : باهي بسرعه هي …
مراد : شني وين ماشيه
عبير : تي بنطلعو من حوش الناس
مراد : به قصدي مقلولكش اقعدي معندناش وين نمشو راه … صح ولا خالتي مبروكة عاداتكم وتقاليدكم 😊
مبروكة : اياااه تسأل فيا صح ولالا خليك يا وخيتي وين طالعه
عبير : اممم والله غير تعبانه كان هدا را طلعت بس هي اهوا قاعده

… مريم ادور في شحن ومشت الدار اللي فيها سليمان ونهال …

مريم : تي وينه تلفوني
منى : على شني ادوري يا مريم
مريم : على تلفوني معاش لقيته
منى : اها تلقيه تحت في المطبخ
مريم : به صحيتي وخيتي
منى : سلمك …

منى : خيرهم معاش روحو اهما اززززفت بنقعمز نتفرج على مسلسلاتي مش فاضيتلهم هما وكلامهم الفاضي

… عبير ومراد رقدو في دار مع بعضهم ومنى ومبروكة ونورا كل وحده في دارها وسليمان طلع من باب الخلفي وعلى اساس يرجع الصبح لأن شغل هلبا …

… الساعه 1 في ليل

… نهال تخبط تخبط في دولاب بلقوة وسليمان طلع برا الحوش وعبير تسمع في صوت لكن خفيييف لأن نومها خفيف …

عبير : شن في توا …

منى : وووك عليا نسيت نحط ميه في جنبي ووك توا بنوض نجيبها من المطبخ ووك مشواار …

… منى نزلت والحوش طافي كله وكلهم راقدين

منى : ووووك وين شبشب توا

… وفجأه منى تسمع صوت اغنية غريبه وتحساب روحها يمكن انها تتخيل في صوت الاغنية هادي 👇

وقوعك في حبي
سيبعددد النوووم من عينيك
إن التزمت بحدودي
سأجعلك شخصا مختلفا تماااااما …

الجنازة غدا

الجنازة غدا

الجنازة غدا

….

منى تسمع في الاصوات غريبه وموسيقى هادي وكلماتها … وهرب الضي على الحوش كله

منى : ووووووك علياااا ووووووك…#يتبع

🔥زعما نهال حتقدر تهرب او توصل صوتها ؟

🔥يا ترى شن هي الاصوات اللي تسمع فيها منى زعما حقيقيه ولا تتخايل وبتهبل ؟

🔥زعما في حلقة غدوا شن حيصير في جنازة فرح ؟

🔥 تابعو المزيد الإثارة وتشويق من روآية إنتقام الحب 🔥👌

🔥 عطوني رأيكم في روآية ومتكتبوليش كلمة ( تم ) 😅💔

اترك رد

زر الذهاب إلى الأعلى