روايه انتقام الحب الحلقه السابعه | القلم الناجح
روايات ليبيه كاملة

روايه انتقام الحب الحلقه السابعه

جميع حقوق الطبع والنشر محفوظه

🔥إنتقام الحب 🔥

الحلقة السابعة

وقوعك في حبي
سيبعد النووووم من عينيكك
إن التزمت بحدودي
سأجعلك شخص آخر
انتقامي له جميع الطرق لاجعلك سعيد
هههههههههههههه هههههههه ههههههه ههههه

سليمان : وااااااك شن في يااا نااااس شن هادي الاصوات يا ناس ساعدوننننيييي

…. جثة نهال طاحت من فوق دروج وسليمان يرعش وشاااف ظل وحده نفس الظل اللي شافته منى ..

سليمان : تيييي منيييي انتتتتتتيييي منيييي … حي عليا الجثة طاحت مني

… الضي مزال هارب وسليمان خدي نهال من دروج ووصل عند باب الحوش بيتصل بي صاحبه سالم 📞

مبروكة : ووووووك ووووك
عبير : ااااه يا راسي ااه ربي يصبرني يا ربب

… صلو صلاة الجنازة وكب واحد بدي يمشي لي حوشه وعبير مقعمزة قدام قبر راجلها وتبكي …

مبروكة : هيا عبير خلاص خلينا انروحو
عبير : لالا بنقعد شويه
مراد : امي هيا نوضي خلينا نروحو
نورا : هيا
مراد : اركبو السيارة هي …

عبير : مراد ولدي خلينا احني نمشو للأوتيل نقعدو فيه فترة لابين ما شرينا
مراد : لالا اهوا حوشنا خلينا مقعدو فيه
نورا : ههه مراد معه حق وين ماشيين خليكم
منى بصوت واطي : ووووك مزالو بيقعدو قصدك

سليمان : الووو سالم وينك
سالم : ها سليمان شنجو
سليمان : تعالى يا راجل عندي موضوع كبير تعالا قدام حوشنا بسرعه
سالم : تمام اهوا جاي

… سليمان مزال يسمع في الاصوات وبدي يعيط

مبروكة : واخيرا وصلنا … 😱😱😱 سليمان مزال واقف مزال مادرش شي حي علياااااا
منى : 😱😱😱😱
نورا : 😱😱😱😱
مراد : خيركم يا خالتي مبروكة شن في
مبروكة : ههه لالا مفيش شي

سليمان : حي عليااا لازم انرجع الجثة توا حي عليا حيي اهما جو

… سليمان خدي جثة نهال ركب بيها فوق في المخزن ورجعها في مكانها وهو نازل الضي جي وكل شي رجع في مكانه

مراد : وين عمي سليمان
مبروكة : قاعد في داره مزال مريض
مراد : اهاااا
منى : اااخخ تعبانه هلبا بندير حاجه ناكلها تجي معاي عبير
عبير : واللهي ماني عارفه شن نقوللكم … بارك الله فيكم فتحتولي حوشكم وخليتوني عندكم زي اختكم
نورا : تي خلاص معاش تقولي هككي
مبروكة : اني بنركب فوق نغير حوايجي ونجي

مبروكة : خير بلاك انت يا حمار وين كنت مش قتلك تخلص من جثة بسرعه قبل ما نروحو ولا بشني تفهم انت
سليمان : تيييييي الضي كان هارب باهي وكانت تطلع اصوات غريبه زي ما كانت تقول منى ومنشبحش في شي وتطلع اصوات غريبه من صوت بنت
مبروكة : تي شن تخرط انت … تي برا انتم هبلتو رسمي
سليمان : وااااااك منكدبش اني ومنلعبش معاك ولا نبصر معاك افهمي
مبروكة : كيف الحل توا هي
سليمان : خلوها لعند ما اهما يطلعو من الحوش ونخلو الجثه في المخزن ونصكرو عليها
مبروكة : خلاص خليها غادي لعند ما نلقو اول فرصه نطلعوها
سليمان : تمام

سالم : سليمان وينك
مراد : تفضل عمي سليمان مريض وقاعد فوق
سالم : ااااه قالي يبيني
مراد : اها توا انديهولك امالا … عميي سليمااان

مبروكة : خيره يصيح هدا
سليمان : اهوا نازل انشوفه … ايوااا
مراد : في عندك ضيف تعالا يبيك
سالم : تعالا مش قتلي تعالالي نبيك
سليمان : اهاا اااه ما كنت مريض وكنت نبيك تجيبلي دوا وهما كانو في جنازة فهمت
سالم : الف لاباس عليك
سليمان : توا برا انت اني تعبان بنكمل نومي … توا مراد يجيبلي
مراد : اي اكيد …
سالم : امالا هي السلام عليكم
سليمان … مراد : وعليكم السلام …

… نورهان اخت نهال جت للحوش هي والشرطه

نورهان : افتحو الباب يا كلاب افتحو
الشرطه : يا اختي احترمي نفسك شويه
نورهان : تي افتحوو الباب قتلك اهما مدايرين حاجه في اختي
الشرطه : افتحو الباب احني الشرطه
مراد : الشرطه ؟؟؟
سليمان … نورا … منى … مبروكة 😱😱😱😱
عبير : الشرطه 😱😳😳

مراد : اتفضلو
الشرطة : في وحده مدعوه بأسم نهال عبد الكريم مفقودة واحني ندورو عليها في كل مكان فا نبو انفتشو الحوش
سليمان : تفتشو 😱😱😱

… مبروكة ركبت تجري منغير ما حد يشوفها او ينتبهالها … ركبت خشت المخزن وخدت جثة نهال وحطتها الفريز قديم ولكن كبير وميخدمش متع المخزن وصكرت عليها في هداكا الفريز الكبير بالمفتاح

مبروكة : خيركم شن في حضرت الشرطي
الشرطة : هي حولو نبو نفتشو الحوش كله
مبروكة : اي خود راحتك تفضل هي
سليمان بصوت واطي : شن درررتي يا مبروكة
مبروكة : ضم فمك انت والله كل من وراك انت يا خرا

عبير : نورهان معقوله تشكي بجيرانك هكي
نورهان : واللهي كان متسكتي انتي نجيك يا عبير متفقه معاهم شكلك
عبير : اللطف يا ربي مع مني بنتفق اني
نورهان : بتتفقي مع المجرمه مبروكة
مبروكة : تعرفي تصكري فمك انتي ولالا والله نجي نكملك على باقي شعرك
الشرطة : اهاا نبو حد يجي يفتحلنا الفريز الكبير اللي في المخزن
مبروكة : 😱😱😱😱
منى : ووووك علينا انكشفنا بالرسمي توا
نورا : منى اركبي مع الشرطه ديري حركاتك العبيطه فوق باش تلهيهم وتخليهم يروحو من دوشتك
مبروكة : اهوا راكبة توا هي

مبروكة : اهاا هدا الفريز مينفتحش مصكر قداش ليه
الشرطة : افتحو الفريز بلقوة انت وياه
شرطي : حاضر سيدي
منى : هااااي شن ديرو … وووك عليا شرطه في حوشنا معقوله
مبروكة : بري اقلبي وجهك اعليا انتي مش وقتك
منى : واللهي تعرفو اليوم تغدينا كسكسي وفطرنا بريوش بالنوتيلا وتوا بنتعشو حوت جيتو انتم خربتو علينا كل شي وووك وووك وووك
الشرطة : تعرفي تسكتي انتي
منى : اووووف نبو نتعشو قتلك خلاص اطلع
مبروكة : منى تعرفي تسكتي
الشرطي : مباش يفتح يا سيدي
مبروكة : قلتلكم ليه 10 سنين اهني كيف بينفتح
الشرطة : تمام انزلو هي

نورهان : هااا وين اختي وينها
مبروكة : قلتلكم ما عندي شي اني لكن انتم متفهموش
نورهان : لالا تكدب عليكم را … اهيا حابستها وهي اخر وحده جتها في عزي فرح
مبروكة : ضمي فمك انتي باهي
سليمان : شن قصدك انتي يا نورهان
نورهان : يعني البنت صغيرة فرح اكيد انتحرت بسببكم او انتم قتلتوها
سليمان : حضرت الشرطي هادي مرا مهبوله رااه كلامها فاضي تعبتكم وجابتكم لاهني على فاضي شوف مفيهش شي الحوش
نورهان : واللهي فيه وتوا تشوفو شن ندير فيكم باهي
عبير : خيرها المرا اهيا هكي
منى : خليني نصكر الباب اني
نورا : تصبحو على خير بنرقد اني
عبير : وانتي من اهل الخير … متبوش تتعشو
مبروكة : اني لا بنركب نرقد
نورا : تصبحي على خير
منى : توا نجي معاك للمطبخ نشوفو شن ناكلو هي

مراد :امممممم الحوش هدا فيه حاجه غريبه …
عبير : ولدي تبي تاكل معانا
مراد : لالا بنطلع بنشوف صاحبي
عبير : روح بكري مش تعطل علينا
مراد : تمام خلاااص …

سليمان : هاااادي اللي اسمها نورهان شااك فيها
مبروكة : كيف يعني شاك فيها
سليمان : يعني كيف عرفت ان احني ورا انتحار فرح وقتل نهال كيف كيف ؟؟؟؟
مبروكة : صح بس مفيش حد عدل على كلامها
سليمان : وبالك هي اللي كانت تصور فينا امس
مبروكة : لالا مضنيتش
سليمان : اسمعي ضروري ضروري ننهو سيرتها اللي اسمها نورهان
مبروكة : قصدك نقتلوها
سليمان : ايه معاش نبو اي شي يخوف وانا توا نوض الساعه 5 الفجر انلوح الجثة في اي مكان
مبروكة : خلاص تمام اول فرصه نلقو فيها نورهان نقتلوها ونتخلصو منها حتى هي … خلاص معاش نبي مشاكل نبي ننهي كل شي بين اليوم وغدوا
سليمان : ايوااا تمام …

… طبعا منى وعبير كل وحده في دار رقدت ونورا رقدت وسليمان مقدرش يرقد لما ادكر الاصوات وظل البنت اللي شافها ومبروكة قاعده في دارها …

مبروكة : واللهي جعانه مكليتش شي من صبح اووف

لا يمكنك الخروج …

مبروكة : شني هدا

وقوعك في حبي
سيبعد النووووم من عينيكك
إن التزمت بحدودي
سأجعلك شخص آخر
انتقامي له جميع الطرق لاجعلك سعيد

مبروكة : وووووك عليا افتحولي الباب خيره مصكر

… الضي هرب على دارها بس والباب تصكر والاصوات نفسها وطلعتلها ظل وحده من روشن وترقص وباين عليها تقول شبح

مبروكة : سليماااان نورااا منىىى ساااعدوووني يا نااس ووووك

نورهان : واللهي لما نمشي لي حوشهم غير اتجي الساعه 1 بس واللهي نمشي ننقذ اختي من بين ايديهم الكلاب

مبروكة : سااااعدوووني يا نااس عندي فوبيا من الاماكن المظلمه ساعدونني

مرحبا ….

مبروكة : منو انتي مننني انتي نكلم فيك

مرحباااااااا …. العار العار العار العار … نضفو عاركم

مبروكة : انتي منو انتي فرح ولاه انتي فرح ولالا

انا سووووماليولينيه

مبروكة : شن تقولي انتي … حولي اللي على وجهك خليني نشوفك وولعي الضي متع الدار ولعي

وقوعك في حبي
سيبعد النووووم من عينيكك
إن التزمت بحدودي
سأجعلك شخص آخر
انتقامي له جميع الطرق لاجعلك سعيد

مبروكة : وين مشيتي افتحولي الباب يا ناااس افتحولي البابب ووووووك عليااااا…#يتبع

🔥 جرائم سليمان ومبروكه بدو يكترو زعما حينكشفو او لا ؟

🔥 نورهان اخت المرحومه نهال بتخش للحوشهم زعما حتشوف جثة اختها او لا ؟

🔥 زعما مراد وين طلع وعلاش طلع … ومن البنت اللي طلعت لي مبروكة مضنيتش تكون فرح ؟

🔥 تابعو المزيد من الإثارة والتشويق من روآية إنتقام الحب 🔥

🔥 بقلم كاتبه الصفحه

اترك رد

زر الذهاب إلى الأعلى