روايه انتقام الحب الحلقه السادسه | القلم الناجح
روايات ليبيه كاملة

روايه انتقام الحب الحلقه السادسه

جميع حقوق الطبع والنشر محفوظه

🔥 إنتقام الحب 🔥

الحلقة السادسة

مبروكة : بري اقلبي وجهك ورا عبير تركب اهني متخليهاش تركب
منى : وووك باهي … سامحينا يا جارتنا لكن انتي جبتيها لي روحك … هي اني ماشيه نشوف نورا وينهااا

… نورا خدت الموس وراكبه من الدروج وعبير شبحتها كيف شاده الموس وراكبه بيه …

عبير : نورررراااا وين ماشيه بالموس 😳😱
نورا : حييي عليااا 😱

مبروكة : الغبية اللي اسمها نورا مركبتش بسرعه وعبير شافتها شاده الموس الحمارة
عبير : تي وين راكبة تجري بالموس
نورا : اااااه
مبروكة : انا قلتلها تجيبه نبي نصلح بيه الباب اتكسر اللي تشد متع اليد
عبير : اهااااا
مبروكة : هيا نورا بسرعه نبي نصلح الباب باش نخلص
نورا : اهوا راكبة
عبير : نجي نساعدكم يا نورااا
مبروكة : لالا خليك وكان بديري حاجه في المطبخ اهوت قدامك وديرلنا معاك
عبير : تمام … من بعد موت المرحوم معاد عندي نيه في حاجه واقصم بلله

مبروكة بصوت واطي : ووك توا بتفتحلي جروح القلب متعها وانا مش ناقصتها توا

مبروكة : هيا انا شويه وجاياتك ديرلنا معاك حاجه ناكلوها قبل ما نمشو لجنازة تمام
عبير : تمام حاضر هي …

نهال : سيبوني في حالي واللهي ماني مقايله كلمه
سليمان : صكريلي فمك توا
مبروكة : منى اقعدي مع عبير تحت ومتخليهاش تركب بكل فهمتي
منى : باهي خلاص فهمت
مبروكة : سليمان لصق فمها بلصقه وتوكل شوف شغلك
سليمان : نورا هاتي اللصقه
نورا : هاك خودها
نهال : لاااااااااااااااااااا
سليمان : تييي شدوها تتحرك اهيا منعرفش كيف بنقتلها
مبروكة : هاات الموس جااي

… خدت مبروكة الموس وطعنت نهال على قلبها باش معاش تعيش بكككل

مبروكة : ربي يرحمك هي مع السلامه

نورا : وووووووك عليااااااااا دممم
مبروكة : صكري فمك انتي
سليمان : الجنازة متع فرح توا بتبدا انا ناخد اهيا وندفنها وانتم اهتمو بالجنازة فهمتو
مبروكة : نزلها ولفها في البساط اهوا بسرعه

… خدوها ولفوها في البساط وحطوها في المخزن متع الحوش لعند ما تبدا جنازة فرح …

نورا : زعما مفيش حد حيندري علينا
مبروكة : بري اقلبي وجهك خليتي انضف الدم هدا بري
نورا : اهوا نازله اني
سليمان : خلاص حطيتها فوق سطاح
مبروكة : تمام برا لي دارك وصكر على روحك واحني حنطلعو وتوا نقوللهم سليمان مريض ميقدرش يجي لجنازة
سليمان : تمام ميه ميه

… ومبروكة وسليمان سمعو صوت طالع من روشن وكان في رشاده انحدفت

مبروكة : شن صوووت هدا 😱😱
سليمان : واللله مانندري عليه فيته انا
مبروكة : برا اطلع لجنان اجري را في واحد شافنا
سليمان : كيف بيشوفنا واحني في دور تاني يا مبروكة
مبروكة : يا حمار يجيب سلوم الطوويل متعنا خيرك انت
سليمان : حقاااا خلي نطلع نشوفه
مبروكة : باهي برا اجري بسررررعه

… نزل سليمان يجري وشافته عبير واستغربت ومنى تلهي في عبير باش متشكش في شي … وسليمان طلع من باب الحوش ومشي للجنان لقي واحد يجري وهارب وشاد في ايده كاميرا كبيرة متع تصوير الصور الشخصيه 😱😱😱🔥🔥

سليمان : اتعاااالا يا ولد اتعااالا نكلم فيك
… الولد يجري ومش باين وجه يجري وقدر يطلع من قصر هدا بصعوبه وسليمان ملحقش لأن راجل كبير ومقدرش يجري بنفس السرعه
سليمان : وااااك وااااك وااااك ازززفت شن القصه هادي
مبروكة من فوق الروشن : تي شن صار معاك
سليمان : مبررروووكة في واحد شبحنا واحني نقتلو في نهال
مبروكة : وووووووك عليا يا نهااار اغبررر على راسي … اركب اركب را عبير تسمعك اركب

سليمان : اهوا راكب …
مراد : عمي سليمان خيرك عرقان هكي شن في
سليمان : لالا يا ولدي مافيش شي غير تعبان بس
مراد : اهااا سلامتك يا عمي
سليمان : الله يسلمك يا ولدي
مراد : وين كنت
سليمان : ااااه كنت كنت ااااه نشوف في
مراد : شن تشوف
سليمان : هههه كنت نشوف في الإشارة متع التلفزيون نصلح فيها كنت
مراد : اهاااا تمام هي خلينا نخشو داخل
سليمان : تمام هي خلينا نخشو

مبروكة : تي هيا اركب توا بسررعه
سليمان : الخرا اللي اسمه مراد قريب كشفني توا يسأل فيا تقول في مكتب تحقيق اززفت
مبروكة : فوته فرخ هدا توا خليني من اللي شبحته يجري وهارب
سليمان : واحد شاد كميرا هدا دليل ان صورنا واحني نقتلو في نهال
مبروكة : حي عليا وعلى راااسي حييي ووووك عليا وووك وووك
نورا : خيركم تعيطو عبير تسمع فيكم راااه اسكتو
مبروكة : بري اقلبي وجهك انتي را نفش غلي كله فيك
سليمان : اهما امتى ناوووين يروحو امتى ناووين يروحووو
مبروكة : تي ضم فمك متنساش ان حوشهم انحرق وهدا حوشهم حتى هدا غير احني مستأجرين بس عندهم
سليمان : وواااك وواااك كيف راي مع اللي صار توا هدا
مبروكة : اكيد يبي فلوس ويعرف ارقامنا حيتصل بينا وحياخد فلوسه واحني حناخدو الكاميرا
سليمان : اهااا صح بس هي خلينا نراجو باش يكلمنا
مبروكة : توا خلاص بنوتي روحي للجنازة احني نطلعو وانت ادفن هديكا اللي اسمها نهال في اي خرابه
سليمان : تمام هي غير انتم اطلعو وما عليك في الباقي
مبروكة : هي تمام

عبير : هيا تغدو العصر قريب يأدن باش نلاحقو على الجنازة
مبروكة : توا محمد وفرح من بياخدهم من مغسلة للمقبرة
عبير : ولدي مراد توا ياخدهم
مبروكة : ايه والله مشاء الله عليه ولدك بعد ما مات بوه مزال قاعد قوي ويساعد فينا في كل شي ربي يونسك بيه
عبير : الله يسلمك مبروكة هي خلينا نتحركو هي
مراد : امي
عبير : نعم ولدي
مراد : ماشي ناخد المرحومين للمقبرة وانتم اسبقونا هي وناس كلها بتجي تعزي غادي هي
عبير : هي تمام وليدي نكملو ونلحقوكم طول
مبروكة : نورا لبستي عبايتك ؟
نورا : ايه لبست انا ومنى وجاهزات اهوا نازلين
منى : وووك عليا المسلسل بيفوت عليا من وراكم
نورا : تقدري تصكري فمك انتي توا مش وقتك انتي ومسلسلاتك
منى : خلاص ضميلي فمك
عبير : هيا حتى انا جاهزة … وين سليمان
مبروكة : والله حالته حاله مايقدرش يمشي معانا للجنازة
عبير : جنازة بنته هادي
مبروكة : لا والله ما يقدر يتحرك من مكانه
عبير : اهاااا باه من بيوصلنا توا … حتى ولدي مراد طلع
مبروكة : كلمي صاحبه نادر يجينا
عبير : اهاا صح كلامك … الو نادر ولدي
نادر : نعم خالتي عبير
عبير : يا وليدي بتجي امك لجنازة ولاه
نادر : ايه مشت هي وجارتها بروحهم انا مشغول توا عندي شغل ضروري
عبير : وووك باهي خلاص سلام
مبروكة : شن قالك
عبير : قال ميقدرش يجي عنده شغل مهم … يا بنات من فيكم تعرف تسوووق
مبروكة : اتسوووف بنات يسوقووو ولا والله بنات اخر زمن توا البنات يلبسو خمرات ومفيش طلعه من الحوش بككل الا بشكل مستعجل زي توا جنازة
عبير : شن تفكير اللي عندكم هدا بالله اطلعي شوفي ناس يا مبروكة توا مش وقت مناقشه معندناش وقت نمشو بتكسي وخلاص هي .
مبروكة : هيا انجيب شنطتي من فوق ونجي
نورا : اهو طلعت اني
منى : حتى اني طلعت هي

مبروكة : هيا بسرعه ادفنها وخلصنا من هادي المصيبه
سليمان : تمام غير برو انتم هيااا
مبروكة : اهوا ماشيات احني …

مبروكة : اهوا طلعت اني يا عببييرر
عبير : هيا خلينا نطلعو هي

نورهان : تييي وييين طالعات ويين
مبروكة : نورهان شن اديري اهني
نورهان : تي وين اختتتي نهال وينها من امس ندورو فيها وانتم طالعين للجنازة ولا كأن حاجه صارت
مبروكة : اختك منندروش عليها وين قاعده كانت في العزي مع نساوين واختفت فجأه شن بنديرلك اني
نورهان : لالا اخر مكان جت اهني في الحوووش الكبير هدااا
مبروكة : تعرفي تقلبي وجهك اختك مش عندي وفوتيني باااهي
نورهان : تي حولي خليني نفتش الحووش

… نورهان خشت للحوش تجري تفتش فيه وسليمان يحساب ان خواته وعبير طلعو وهو يطلع في الجثة من المخزن لكن لحسن الحظ سليمان ان نورهات خشت تعيط وسمعها …

نورهان : اختتتتي وينككك يا نهااال وينك ندورو فيك

سليمان : واااااك شن ادير اهيا اهني توا مش وقتها بكككل

مبروكة : قلنالك مش اهني اطلعي برا من حوشي بسرعه
نورهان : اطلعي فيا من حوشك يا مبروكة
مبروكة : ايه اطلعي برا
نورهان : وجهك يقول قاعده ادسي في حاجه عليا بس انا طالعه توا ولكن بنرجع ومش بروحي
مبروكة : من بتجيبي معااك يعنيي
نورهان : الشرررطه يا مجرمه

… مبروكة خدت نورهان من شعرها وبدت تضرب فيها قريب قتلتها

مبروكة : مجرمه 😠😠 اتعااالي جااي نوريك المجرمه
نورهان : ووووك عليا شعري
عبير : خلاص يا مبروكة سيبيها في حالها
نورهان : ووووك عليا شعري
مبروكة : اتعالللي يا كلبه انوريك من هي المجرمه تي بنرتكب فيك جريمه انا توا
نورا : تي خلاص سيبيها تمشي تقلب وجها
منى : نورهان اقلبي وجهك برا عندنا جنازة ومش فاضييين ليكي ولي تفاهتك ووهمك الزايد
نورهان ؛ تي والللهي لما تشوفو كان ما شكيت عليكم اهوا طالعه
عبير : هيا بسرعه عطلنا هيا بسرعه

… ركبو عبير ومنى ونورا ومبروكة للتكسي ووصلو للمقبرة ومراد كان غادي ويشبحلهم كيف نازلات …

عبير : ااااه يا قلبي اااه يا محمد اااه مشيت وسيبتنا اااه
مبروكة : عيطي انتي وياها على فرح زعما بسرعه
نورا : وووووك علينا يا فرح اااه
منى : يا نور الحوش يا فرح ااااه
مراد : نور الحوش ؟!
نورا : يعني بنت كانت ضاويه الحوش
مراد : اهااااا به به
عبير : ااااخ يا وليدي اخ

… بدت الجنازة …

الكل بدي يقول لا اله الا الله …. بشكل مستمر
وجابو صندقين القبرين قبر فرح وقبر محمد بوه مراد

عبير : ووووووك عليا وووك ااااه ااااه
مبروكة : الللله غالب الله غالب

… 📞مبروكة خدت تلفونها البيلة متعها واتصلت بي سليمان 📞

مبروكة : تي شن صار امعاك
سليمان اهيا انطلع فيها الجثة من الحوش نازل بيها
مبروكة : تي باااهي بسرعه انزل بسررعه ورا حد يشبحك من الجيران

… سليمان اينزل في جثة متع نهال من دروج القصر متعهم لكن وهو نازل هرب الضي وبدت تطلع اصوات غريبه …

سليمان : تي شننني هدا اول مرة يهرب الضي علينا تي شن في ازززززفت واااك. منشوفش في شي … نمشي نفتح رواشن خلي ضي ربي يخش علينا في هل العصر

… الاصوات الغريبة تطلع من صوت بنت …

وقوعك في حبي
سيبعد النووووم من عينيكك
إن التزمت بحدودي
سأجعلك شخص آخر
انتقامي له جميع الطرق لاجعلك سعيد
هههههههههههههه هههههههه ههههههه ههههه

سليمان : وااااااك شن في يااا نااااس شن هادي الاصوات يا ناس ساعدوننننيييي

…. جثة نهال طاحت من فوق دروج وسليمان يرعش وشاااف ظل وحده نفس الظل اللي شافته منى ..

سليمان : تيييي منيييي انتتتتتتيييي 😱😱😱😱😱😳😳😳😳😱😱😱#يتبع

🔥 زعما ظل مني هدا اللي طلع لي منى وسليمان في كل مرة ؟

🔥شن معنها الموسيقى المخيفة اهيا ؟

🔥 توقعتكم ان في حد بيخش يكشف سليمان وهو يرفع في الجثة او لا ؟

🔥وزعما مني اللي شاد الكميرا ويجري هرب من سليمان ومبروكة ؟

🔥 تابعو المزيد من التشويق والإثارة من روآية إنتقام الحب 🔥

🔥😊 الكاتب ولد طبعا 🔥😊

“Hassan algmie”: اسمي

ارجو ان :

تنشرو الروايه في قروبات مسنجر او اصداقئكم
تاقات على الصفحه لي نستمر في نشر الرواية
واعطوني رأيكم وفكوني من كلمة تم وكل تعليق تكتبوه نقرا فيه 😊😘😍🔥

اترك رد

زر الذهاب إلى الأعلى