روايه انتقام الحب الحلقه العاشره والاخيرة .. الكاتب حسن الجامعي | القلم الناجح
روايات ليبيه كاملة

روايه انتقام الحب الحلقه العاشره والاخيرة .. الكاتب حسن الجامعي

جميع حقوق الطبع والنشر محفوظه

روايه انتقام الحب الحلقه العاشره والاخيرة .. الكاتب حسن الجامعي

… وصل مراد للحوش وخش وعبير قاعده تستنى ومبروكة طلقت رصاصة في راس نادية وماتت ومراد سمع صوت رصاصه ركب يجري

مراد : حي على امه شن في فووووق 😱😱

عبير : وووووك عليا شن في شن في 😱😱

سليمان : الللله اكبر شن الصوت هدا بسم الله الرحمن الرحيم … بسم الله الرحمن الرحيم شن في شن في

مراد : اميييييي وينك وينك

… هرب الضي على الحوش ونورا ومنى ومبروكة صكرو باب المخزن ونوران مزالت قاعده داخل المخزن ومنى ونورا ومبروكة نزلو يجرو وضي هارب …

عبير : ووووووك عليا الضي هرب ما نشوف في شي

مبروكة : انزلي انزلي انزلي
منى : ووووك بنطيح يا مبروكة
نورا : تي خيره يهرب الضي شن في اول مرة هكي
سليمان : شن في شن في والله ما نشوف في شي

… طلعت ظل وحده وتغنيلهم وتسمعهم في اصوات غريبه وتخوف

وقوعك في حبي
سيبعد النووووم من عينيكك
إن التزمت بحدودي
سأجعلك شخص آخر
انتقامي له جميع الطرق لاجعلك سعيد
هههههههههههههه هههههههه ههههههه ههههه

سليمان : مبروووكة تسمغي في اللي نسمع فيه هدا … معنها مش نورهان هادي بنت تبي تنتقم مننا زايد ناقص
مبروكة : نسمع نسمع هدا زي ما صارلي وخلينا نرطز على ظل
منى : وووووك عليا نفس الاصوات اللي سمعتها هداكا اليوم … زعما مني هادي
نورا : يارب يصبرني يارب يصبرني وووك يا كبدي وك

… مراد كان بيركب لي امه لكن جاته مكالمه مهمه وطلع برا الحوش وتأكد ان امه مفيهاش شي وطلع وصكر باب الحوش بالمفتاح ومبرومة ونورا ومنى وسليمان واقفين وخايفين …

انتم الاربعه ….

مبروكة : تي مني انتي وشن تبي منا

…… انا اللي صورتكم وانتم تقتلو في 4 اشخاص 4 جرائم

منى : حي عليااااا اشباح في الحوش افتحي الضي خلينا نشوفو وجهك افتحي

…. بااااااي هههههههه

سليمان : هادي تعرف كل شي علينا تعرف كل شي واااك ووااااك

نورا : كيف الحل توا كيف الحل في المصيبه هادي

روايه انتقام الحب الحلقه العاشره والاخيرة

عبير : اكيد عندهم مفتاح احتياطي خليني اندور … ووووك اهوا لقيت ظفتاح واخيراا باش نطلع ونشوف شن في …

… طلعت عبير وشاده تلفونها ومولعة الكشاف متع تلفون وخشت وفتحت باب المخزن وشافت المرا اللي اسمها نوران …

عبير : وووووك مني انتي وووك مني انتي وووك عليا خنابه
نوران : خالتي عبير اسكتي هادي اني نوران اللي كنت نقرا مع مراد … تدكريني انا صحبته من طفوله
عبير : يا بنيتي شن اديري في هذا الحوش يا بنيتي انزلي واهربي كان يعرفو انك اهني حينحرجو وتحشمي روحك قدامهم
نوران : لا خالتي انتي ما تعرفي شي …
عبير : كيف ما نعرفش شي اهيا
نوران : اهما ناس مجرمين نورا ومنى ومبروكة قتلو بنت اسمها نهال واختها نورهان وامهم ناديه كله على خاطر متنفضحش فضيحتهم
عبير : وووووووووووووك عليا شن تقولي يا بنيتي به من اللي بعتك اهني
نوران : توا نقولك بعدين يا خالتي والمهم ان هما اللي قتلو فرح وامها تاني ورا حيقتولك حتى انتي

… الضي جي ونورا ومنى وسليمان ومبروكه يسمعو في اصوات في المخزن وركبو يجرو فوق للمخزن وشافو نوران وعبير يتكلمو ..

نوران : خاالتي عببير 😱😱😱
مبروكة : شني هدا … عبير شن ديري في المخزن تكلمي … ومني انتي وكيف خشيتي للحوش

عبير : وانتي شن دخلك … يا مجرمين يا كلاب
مبروكة : مني اللي قالك تكلمي
نوران : اني اللي قلتلها
منى : 😱😱😱 حي علينا توا
نورا : وتوا بنديرو جريمة جديدة
مبروكة : لحسن حظك يا عبير ان ولدك مراد مش قاعد لذلك حنقتلوك انتي واللي في جنبك هادي
عبير : حولي من قدامي خليني نطلع

… مبروكة شدت ايدها بالقوة

مبروكة : هههه وين ماشيه ههههه مش بسهوله هادي حبيبت قلبي كتفوهم واربطوهم بسرعه

… ربطو نوران وعبير ويبو توا يقتلوهم ويتخصلو منهم بأي طريقه

مبروكة : عطيني الموس يا نورا هي بنبدا بأول وحده
عبير : اطلقوني يا كلاب اطلقوني يا حقراء يا مجرمين ووووك ايدي
نوران : حسابكم مش حيكون سااهل يا مبروكة
سليمان : خلاص ضمي فمك انتي وياها
مبروكة : منى
منى : ايوا …
مبروكة : طلعي الجثث كلها توا بنكلم سيارة بتاخد 5 جثث طلعيهم كلهم

… منى طلعت الجثث قدام.عيون عبير ونوران وعبير قاعده تبكي

عبير : وووووووك ناديه وبناتها … يعني كان كلامها صح ناديه وانتم قتلتوها واني في الدار يا كلاب تفوووه عليكم
مبروكة : هي ضمي فمك انتي وياها

… مبروكة شدت الموس وتبي تقتل اول وحده عبير وشدتها وتبي تطعنها بالموس ولكن …

الشرطة : سلللمي حااالك انتي وياها ويااااه بسرعه
مبروكة : ووووك الشرطه 😱😱
نورا : حيييي عليا حيي عليا
منى : وووووووووووووووووك وووك وووك
سليمان : الشرطه 😱😱😱
الشرطة : سلمو حالكم يا مجرمين انتم مقبوض عليكم بتهمه امام شرطه كشفكم بجرم المشهود ومع ذلك عندكم جريمتين وتوا كنتو بتقتلو زوز تاني وقتلين الايام اللي فاتو تلاته … شن مزال تاني

… الشرطة كل واحد وشاد وحده وواحد شاد سليمان ومكلبشين ايديهم هما الاربعه

مبروكة : كيف عرفتو ان احني نديرو في جريمه ومن قاللكم هادي المعلومات كلها …
مراد : اني يا خالتو مبروكة
مبروكة : مراااد 😱😱😱
عبير : ولللدددي وينك يا ولدي وينككك
سليمان : معنها انت اللي كنت تصور ونجري في جرتك هداكا اليوم
مراد : لالا مش اني …
سليمان : امالا مني هي
نادر : اني يا خالي سليمان …
سليمان : ناادر 😱😱
مبروكة : غباااارة على راسي
منى : حقا حقا من اللي ادير في الاصوات في كل ليلة وتجي تخوف فينا وتهرب مني
مراد : توا نقولك توا …

… جت وحده تمشي بشوية وبكعب عالي وظلها باين ولكن خشت وقالت …

روايه انتقام الحب الحلقه العاشره والاخيرة

فرح : انا يا عمتي منى 🙂🙂🙂
منى : وووووك 😱😱😱😱😱 انتي
نورا : عاااايشة 😱😱😱😱😱
مبروكة : فرح عااايشه 😱😱😱
عبير : 😱😱😱😱😱😱😱😱 لا اله الا اللله بنيتي مزالت عايشه لولولولولولي لولولولي
سليمان : بنتي فرح انتي عايشه
فرح : اني لاني بنتك ولا شي …
مبروكة : بس كيف عايشه واحني دفناكي كيف
منى : لالا اني راسي معاش يتحمل هدا كله …

فرح : خلو حبيبي مراد يحكيلكم كللل شي وبتفصيل الممل …

مراد : اول شي اني وفرح نحبو بعض من ايام ثالته تانوي وبعدين قالتلي منقدرش نخش جامعه بسيب عيلتي عن طريق تلفون ورسائل وكان عندها تلفون سري منغير ما تندرو عليه انا قلتلها كان عماتك وبوك زادو وتمادو في العنف ضدك … ديري روحك واخده حبوب ومتتي وانتحارتي … وبعدين ابعتيلي رساله باش نجي ناخدك من سيارة مغسله الاموات لحوش صحبتها … اللي على البحر وبعدين صار هدا كله والاصوات كل شويه هي تجي ادير فيهم وتروح انتقمت منكم على خاطر العذاب اللي عيشتوها في ولما نادر صوركم بالكاميرا وانتم تعترفو لنهال انكم قتلتو ام فرح اللي هي سناء نادر سجل اصواتكم وانتم تتكلمو وصوركم وطبعا تم القبض على سالم اللي باعلكم السم باش تحطوه في الحليب وهو اعترف كل شي للشرطة … وانا كنت نطلع كل شويه على خاطر نجيب فرح للحوش تخوفكم ونروح بيها … ولما خالو سليمان في يوم العزي يبي يلوح الجثة متع نهال فرح درات الاصوات هادي وصكرت الباب لأن متبيش الجثة تطلع من الحوش باش نكشفوكم بطريقه هادي وانا اللي بعتت نوران باش تقولي كل شي يصير في الحوش وقالتلي كيف انتم قتلتو خالتي ناديه اللي خربتلكم الخطبه ومبكري لما انتم تسمعو في الاصوات مع بعضكم كنت نجيب في شرطة لأن امي مزالت بس باش تقتلوها هي ونوران واني امي وخط احمر

فرح : وحبيبتي عمتي مبروكة … انتي تستحقي الموت مش حبس
مبروكة : خلاص ضمي فمك قداش ليا على هدا الصوت
سليمان : هدا طللله من تخطيطكم كله كله
فرح : زي ما انتم تخططو حتى اخني نخططو يا سليمان
نورا : فرح شن بديري توا
فرح : انتي مدخلكش فيا وتوا يا حضرت الشرطي دخلهم على الحبس واعطي الصور وتسجيلات للقاضي باش يعرف شغله معاهم هما الاربعه
منى : لااااا ووووك لالالاااااااا
نورا : اااااااخ ااااخ

عبير : حبيبتي فرح الحمدلله على سلامتك حبيبتي فرحانه انك عايشه حبيبت قلبي
الشرطة : طلعوهم وحطوهم في سيارة بسرعه
الشرطي : حاضر سيدي … هي تحركو انت وياها بسرعه بسرعه
منى : تي باهي ضم فمك يا خرا

مراد : فرح حبيبتي امي حبيبتي
عبير : نعم يا روحي
مراد : نوران شكرا على معروفك اللي درتيه معانا مستحيل ننسهولك في حياتي
نوران : ههه لالا عادي كيف احني اصحاب من صف الاول ابتدائي …
مراد : شكرا يا صاحبي والله مافيش زيك
نادر : لالا يا غالي مش بينتنا

… جت سيارات مغسلة الاموات وخدت الجثث كلها ونورا ومنى ومبروكة وسليمان خشو للحبس وتمت القضية من تسجيلات وصور واعترافات… بحكم سجن مؤبد الى مدى الحياة هم الاربعه ….

… بعد مرور خمس سنوات …

في قصر الكبير اللي كانو عايشين في عمات فرح خدوه مراد وفرح وتجوزو فيه ونضفوه وعاشو هما التلاته في هدا القصر عبير ومراد وفرح …

فرح : بنتي سناء وين ماشيه يا ماما
سناء : نعطي بابا الشكلاطه يا ماما
فرح : باهي حبيبتي البسي شبشبك باااهي
سناء : حاضر يا ماما …

فرح … قداش ما اني فرحانه واني زعلانه … زعلانه لأن ماما مش موجودة في جنبي وان وحيدة في العيله معنديش حد في عيلتي كلهم للحبس وكلهم مجرمين ومخادعين وكلهم حقد وحسد … لكن قداش فرحانه ان اتجوزت مراد حلالي وجبت منه بنية بأسم امي سناء سميتها وقداش فرحانه ان عمتي عبير عايشه معانا وعطيتني حنان الام … وقداش فرحانه ان عايشه بخير وبسلام

______النهاية ______

🔥 طبعا اغلب العائلات الليبيه يحرمو بناتهم من جامعات وضربهم وعنفهم للمرأة على خاطر عادتهم وتقاليدهم ف هذا الشي واقعي … القتل مرة وحده بيخليك تقتل الف مرة لأن شخص اذا تعود على حاجه توصل للأدمان … الحب أنتقام من ناس كان ضد هدا الحب وواقف في طريقهم إنتقام الحب 🔥

#تحياتي_من_الكاتب_hassan_❤🔥🌸✍

لمشاهدة جميع اعمال الكاتب :روايات حسن الجامعي

اترك رد

زر الذهاب إلى الأعلى