روايه سحر اسود الفصل الثالث | القلم الناجح
روايات ليبيه كاملة

روايه سحر اسود الفصل الثالث

جميع حقوق النشر والطبع محفوظه

حلـقةه:تالثـةه
بقلم :فاطمه سالم الورفلي&ميلو حسن
…….
….
عند صفاء
….
صوت العياط قعـد يزيد ومعـاش قـدرت نتحـمل وفتحت البـاب وطلعت وقعدت ندور في الحـوش ونـدور على الصوت واني نعيـط وشوي قعدت دنيـا تلف بيا وصوت يقول لي
:.اقتلي روحك… اقتلي روحك… اطلعي اطلعي اطلعي والا نفصعو رقبتك اطلعيي

قعدت نجري لي باب الحوش وفتحتـه وطلعت واني نجري والاصوات يكثرو… وكأن مجموعةه اشخـاص.. وشوي وجتني عزوز قتلي

عزوز مدتلي ايدها:بنيتي اقطعي بيا الكياس ساعديني

شديت ايدها وقعدت نمشي وقعدت العزوز وجهها يسواد يسواد وقعدت طوييييلةه وطيحتني وطلعـت مـوس وقعدت نعيط ونزحف وهي تكر فيا من رجلي وفمها مليان دم وعيونها طالعات وشكلها مقررف غمضت عيوني وقعدت نعيط لعند سمعت صوت الهاشمي..

الهاشمي حول جاكيت لي لابسه وغطاني ويضرب على وجهي بلخفيف:صفاء صفاء نوضي صفاء

راجل :يا افندي ارفعها للمستشفى ره السيارةه خبطتها

شمرني الهاشمي وركبني السيارةه.. واني نفتح في عيوني شوي ونصكر وحاسـةه روحي هالكـةه وبتعب قلت :هاشمي

الهاشمي بخوف :نعم حبيبتي نعم

اني :نحبك ره…ونموت فيك….متخلينيش… متخلينيش يا هاشمي راهو لي امس مش اني درت هك مش اني…. وغاب عليا الوعي


عند حوش عزوزتي
….
ووقتـها كان فـي شخـص يسمـع فيـهم وقعدو في صوت عياط نزلو كلهم…

الهاشمي :غر اهدي يا عمتي اهدي مافيها شي… كيف رفعتها للمستشفى

ام صفاء على كلمات هدي داخت… واخت صفاء ” سليمـةه”…. تبكي وتلبس في وشاح لي امها… ورفعوها للمستشفى… وكلهم مشو……

…………
عند الهاشمي

امه :ها شن صار

الهاشمي :يلطف الله و خلاص… دارولها الاجهزةه وحتى اليبرا مابتش تمشي فيها

وشوي وطلع الدكتور…

دكتور :يا خوي الهاشمي الحقني للمكتب

مشي الهاشمي للدكتور في غرفةه فيها الطقم الطبي كله النفسي والعضوي…

دكتور النفسي :جتها صدمه نفسيـةه… وهي توا تهلوس بي حاجات صارو وحتى مبكري تقول ان اني بنموت!… يا اما هي عندها البارانويا… استاد الهاشمي هي الاخت صفاء تتعاطى!… ولا صارتلها صدمه بسبب اعتداء عنف او شي؟

الهاشمي :لا الحمدالله

دكتور النفسي يكتب في تقرير :معناها هي صارتلها صدمه نفسيه…. هدا التقرير يا استاد الهاشمي تقدر من غدوا تجيب الاخت صفاء للمصح النفسي… وصدمه نفسيه هدي تخليها تتخيل حاجات مرعبه وغير عقلانية…لكن ما تخافش بإذن الله في علاج ما غر حاول تريحها نفسيا وتقوللها معاش تسمع للاوهام هادي

الهاشمي نخطف لونه :ان شاء الله ان شاء الله دكتور

الدكتور :بشفاء ان شاء الله

الهاشمي :ان شاء الله

…..
وطلع مشي لي امه

امه :ها طمني شن قالك الدكتور

الهاشمي :قالو جيبها للمصح النفسي

امه تلطم في خدودها:لواه عليا لوااه كنتي مهبوله شن بيقولو عليا الناس كنتها في قرقارش حي عليا وحي

الهاشمي :ربي في الوجود ان شاء الله خير

امه بحدة :اسمع هدا عقابها والله ناس تتضاحك عليا عقاب عمري…شهر بس وطلقهااا ونزوجك ست ستها سامع ولا؟

الهاشمي مشي من تالاها ويطرق في صوابعها لين روحو هله وقعدت ام صفاء واختها في المستشفى عشان يستنو في تحليل سي بي سي لي ام صفاء…. ودارولها صفاء خروج لانها مافيهاش امراض عضويه….طول طريق كان الهاشمي ساكت ووجهه ما يتفسرش ونزلنا للحوش وهو طلب دليفري…. والهاشمي يقلب في تلفزيون لين حط على قناة المجد على سورة البقرة… واني قعدت نأن… ونقول “اطفي اطفي يا هاشمي “…وهو كان سرحان ما سمعنيش… لين قعد صوتي خشن ونعيط ونكسر والهاشمي يشوفلي ومرعوب وقعد يقرا في آيةه الكرسي

الهاشمي :اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ… صدق الله العظيم
البقرة 254-257

الهاشمي كمل من هني واني نعيط بصوت يخوف لين قعدت نرجع في خيوط وشكلي اسوود كاحل… وطلع دم مني وقعدت نرسم بيه ومشيت كسرت تلفزيون ونشبح للهاشمي ونضحك… وما هي الا دقايق رن تليفون الهاشمي

الهاشمي بتلعثم:اا الو الو دكتور

العيادةه :دكتور نفسي صالح وتوات توفى…. والمريضه صفاء تم تحويلها لي دكتوره بلقيس عبد السلام

الهاشمي فنص عيونه بصدمه:اااا ت تمام تمام وصكر الخط

اني :اطلعع اطلع برااا

الهاشمي طلع يجري فتح الباب… واني غبت عن الوعي….. فاتو ساعات ونضت… لقيت دم وترجيع وخيوط… ومش متفكره شي بس راسي مصدع… نضت نظفت المكان…وشوي قعدت نسمع في اذان.. قعدت نصكر في وداني ونبرم في الحوش… والماعين يتكسرو وفي اصوات ضحك… وكل ما نبرم الماعين يتكسر ويزيدو اصوات الضحك ويزيدو ويزيدو لعند ما….. يتبع

حقوق النشر محفوظةه🍃🌸

اترك رد

زر الذهاب إلى الأعلى