روايه سحر اسود الفصل الخامس | القلم الناجح
روايات ليبيه كاملة

روايه سحر اسود الفصل الخامس

جميع حقوق النشر والطبع محفوظه

5 ما قبل الأخيرة

هناء : خششت صلت صلاتها…وفتحت القرأن بتقرا وكانت تقرا بصووت عالي…!
انا : كنت نقطع في شعري بالقووة وكنت نسمع في صوت القرأن نضضت ومشش عاررفه شن صارلي فكرت شن قاعدين يديروا جيهان و هاشمي توووا…الجوو هذه بدي يقتتتتلني….نسمع في صووت القرأن خشيت على دار عزوووتي…وعيووني كانوا حمر ونضت وكأني ملبووسه او راكبني جن….ومش قادره متحكمه في روحي في شي داخلي اقوى مني زي ماكنت هاديه في عرس الهاشمي ونازل عليا برود تأكدت انه في شي مسيطر عليا هلبا وشي قوووي …ونا نتفررج ع عزوزتي وبديت نعيييييط بقووووة

هناء:بخووف…..خخ خيرررك شن في ؟
انا:انتي شيطان شيطااااااان
هناء:وقفت ع رجليها وواضح الخوف ع وجها وتبي تطلع من الدار
انا:قربت منها وكنت قوويه شديتها من رقبتها ….وكان طالع مني صوت شخص تاني
هناء:تبكي وتذكر في القرأن
انا:دمرتي حوووشي ههههههه

في لحضه هادي الهاشمي سمع اصواتنا ونزل وواقف ورانا ويتفررج
هناء:سيبيني نوووعدك نمشي لشيخه تفك السحر بس سيبيني…!
انا : ششششش ولا صووت بعد ما خربتي حوشي تووا ترعشي على بعضك ههههههه…
الهاشمي : وواقف ومصدوم في تصرفاتي…صفاااااااااء شن اللي قاعده اديري فيه
هناء : يا وليدي فككها من رقبتي الله يربحك…!
الهاشمي : جبدني ورماني على الارض…نححي من علاها بتقتليها خيررك شنو اللي قاعد يصير معاك… صفاء صفاء صفاء…؟؟؟
انا : طايحه على الارض دايخه راسي يوووجع فيا…دخلووني للدار متعي استندت على السرير
الهاشمي : صفاء…؟ انتي كويسسه…!
انا : فتحت عيووني بتعب…شنو اللي صار معاي
هناء : وواقفه تشبحلي وخايفه من تصرفاتي…!
الهاشمي : خلاص توا انتي لازمك اهتمام وراحه وغدوا نرفعك للشيخ…وان شاء الله خير…!
انا : علاش الشيخ شنو في…!
الهاشمي : قعمز بحيل مهدود…خلاص غدوا رح نعرفوا شنو اللي قاعد صاير معاك…!
انا : بعيوون معبية حزن…تمام تصبح ع خيير…!
جيهان : هاشمي شنو في شن صاير…؟
هناء : طلعت من دار وهي تفنص في جيهان بمعنى الحقيني بسسرعه…!
هاشمي : بري للدار شووية ونجيك…!
جيهان : قلبت عيونها بملل…سلامتك يا ست الحسن ودلال 🙄
هاشمي : بصووت عالي…جيهااااان !
جيهان : تي باهي اونا طالعه…طلعت من دار ولحقت هناء طوول…!

روآيات ميلو حسسسن & فاطمة سالم 🔥

هناء : اتعاااالي…انهار احرف البنت هذه مش طبيعية شوفي رقبتي كيف مدايره كلها خدش!!
جيهان : احيييه امالا شنو بنديروا توا …؟
هناء : خلينا نجيبولها شيخ يفك السحر ولا يديرلها ايه مصيبه تفكنا منها ومن شرها الاسود
جيهان : وخيره ولدك طول خشلها للدار طول…الليلة ليلتي اني شن هذه😑
هناء : والله يا بنيتي شكله انقلب السحر على ساحر…وماني عارفه كيف نتصرف معاها توا…!
جيهان : توا خلينا الليلة نفكروا وغدوا نشوفوا شنو نديروا بالك نلقوا حل…!
هناء : بري خودي راجلك منها وصكري على روحكم الدار وخليها هي زي الكلبة مرميه بروحها
جيهان : تمام…هي تصبحي ع خيير عميمه
هناء : وانتي من اهله…قعمزت ع سرير بحييل مهدود وتفكر يلي صار معاها ومن رعب مقدرتش ترقد…!

الهاشمي : صفاء ارقدي باهي وكولي كويس ردي بالك من صحتك…!
انا : ضحكت بإستهزاء…علاش تهتم بيا مدام تزوجت هيا برا دللها هي الليله ليلتها…!
الهاشمي : غمض عيونه بغل…خلاص خلاص منبيش نتناقش معاك توا…وتي روحك بكري غدوا باش نرفعك للشيخ نشوفوا قصتك بزبط…!
انا : حطيت راسي ع مخده…وخدااني نوم وهاشمي طفا الضي وطلع من دار !

هناء : راقده برووحها في دار…وشافت كابوس مرعب خلاها تنوض وهي تشهق بفززع…حي عليا شنو في …مني في اهني ف دار …وين الحسس هذه صوت مني هذه…! تشبح يمين ويسار تحسس ان في حد في دار ويراقب فيها…!
هناء : منوو في اهني صفاء…كان هذه انتي اطلعي نحلف ع مصحف اليوم قبل غدوا نخلي هاشمي يطلقها…💔 تي منوو قاعد في دار …مششش قادرة اتنووض من سريرها من الخوف وحطت ايدها على قلبها بالقووة زي اللي بتجيها الجلطه او ررعششه وتسسمع في اصووات وحاطه ايدها على ودانها…لااااااااا….وتسسمع في اصواتي في دار كلها معبيييه صووتي وعياطي…!

انتي شيطان شيطااااااان

دمرتي حوووشي ههههههه

انتي شيطان شيطااااااان

دمرتي حوووشي ههههههه

انتي شيطان شيطااااااان

دمرتي حوووشي ههههههه

روآيات ميلو حسسسن & فاطمة سالم 🔥

يوووم جديد 🆕️…!

الهاشمي : ناض جهز رووحه ع سررريع باش يرفعني للشيخ…!
جيهان : فتحت عيوونها وشافت الهاشمي كيف يساوي في حوايجه…على وين يا بي…!
الهاشمي : بجفاف …بنمشي نرفع صفاء للشيخ شووية ونجي مش حنعطل…!
جيهان : تغيروا ملامح وجها … لا واللهي قصدك تبي تطلع وتاخدها للشيخ في يوم الصباحيه متعنا اني وياك…!
الهاشمي : قرن حاجبه…خيرك انتي معندكش احساس توا كان انتي مريضه راهو درتلك نفس الشي…خلي عندك قناعه واحترام شوووية!
جيهان : تعصبت…تي خيرك انت راهو امس احني تزوجنا كيف قلنا بسسم الله انقلبت عليا طول هكي شنو في والبنت هديكا شن مدايرتلك سحر !
الهاشمي : جبد جيهان من ايدها…احتررمي نفسسك واعرفي شن طلعي من فمك…ودفها وطلع وسيبها !!
جيهان : بغل وحقد …هذه خيره اللطف شنو اللي قاعد يصير…اكيييدة هديكا البنت الحقيرة سحراته واكيدة ردتلي السحر وفكاته وجوو اللي دراته امس كله تمثيل منها استني بسس يا صفاء كان ما وريتك السحر على اصووله ما يكون اسمي جيهان …!

الهاشمي : خش عليا في دار…جاهزة صفاء ؟
انا : بصووت هادي…اييه جاهزة خلينا نطلعوا
الهاشمي : هاتي ايدك هي…شدها من ايدها
انا : مستغربه في تصرفات هاشمي معاي..! علاش شادني من ايدي اني مش صغيرة
الهاشمي : لا انتي صغيرة…توا اركبي للسيارة لاحقك
هناء : لابسه عباية وطالعه…وين وين ع لله شنو في وين ماشيين ؟
الهاشمي : بنرفع صفاء ع شييخ شن في وين طالعه انتي …؟
هناء : طالعه بنمشي للمستشفى ندير تحاليل حاسه رووحي تعبانه
جيهان : طلعت…سلامتك عميمه راهو يطلع فيك كورونا واحني منندروش !
هناء : تعصبت…تي صكري فمك اما كورونا متعك هذه حيوانه قليلة ادب
الهاشمي : انتي خيرك مهبولة … اتكلمي بأسلوب
انا : نشبح لجيهان بنضرة استحقار وإستفزاز
جيهان : مش هذه موضوعنا يا عمتي…شوفي ولدك في يوم الصباحيه شن يدير وطالع لا والكارته مع مني طالع شوووفي…!
هناء : راهو معنديش خلوق للمناقشات وعياط خلوني في حالي…وطلعتتت
الهاشمي : اركبي نوصلك في طريقي تاعبه شكلك
هناء : توا نمششي بسيارتي برا توكل انت وروح لمرتك فكني من دوشتها…!
انا : انتي كويسسسه ؟
هناء : شبحتلي بحقد…مافيا شي متفرحيش دغري هكي…!
انا : فتتها وركبت للسيارة…وقعدت نتفرج عليهم
الهاشمي : اسمعي انتي متفتحيش الباب لحد حتى المفتاح عندي وامي عندها مفتاح منلقاكش فاتحه امه الباب اهوووا… فاهمه !
جيهان : فاهمه فاهمه بس خف رووحك مطولش معاها ست الحسن !
الهاشمي : ركب السيارة وكان عيوونه عليا الطريق كلها واني حاسسه ان الامور بدت تنقلب لصالحي وحاسه ان كل شي رح يتصلح ياارب…!

روآيات ميلو حسسسن & فاطمة سالم 🔥

هناء : صفت السياره قدام المستشفى…وخششت دارت تحاليل وواستندت ع كرسي العيادة وتستنى في نتيجه…!
الدكتورة : حضرتك المدام هناء اللي عملت التحاليل دلوقتي ؟؟
هناء : ايوا اني هي تفضلي …؟
الدكتورة : انتي كنتي حاسه بإيي قبل ما تجي لهنا
هناء : كنت حاسسه بتعب وارهاق هلبا ونحس في رووحي فاشله وتاعبه مش عارفه خيرني!
الدكتورة : النتيجه طلعت دلوقتي و نهاردة نحا حنعطيك الورقه اللي فيها نتايج التحاليل عايزه انك تاخدي نفسس شعيق زفير عشان تستريحي
هناء : تي قوولي خيرك شنو في رعشتيني …!
الدكتورة : مدام هناء انتي للأسف عندك فشل كلوي المزمن… وداه سببلك في تلف الكليتين وفاشلهما كاملا …ولازم في اسرع وقت نعمل غسيل كلى
هناء : كانت صدمه واضحه على وجها 😧…!

انا : يا شيخي والله العظيم كانت تجيزي من يوم ما تزوجت من هديكا الليلة لتوا حاسه رووحي مش طبيعية وفيا حاجه مش عارفه شن هي
الشيخ : يا ولدي انت شفت بعينك اي حاجه على مرتك او شفتها دارت لقطه غريبه هكي او هكي
الهاشمي : ايه ايه شفتها امس كيف تخنق في امي وهي تقرا في القرأن …!
الشيخ : يعني كانت تخنق في امك وهي تقرا في القرأن ؟؟؟
الهاشمي : اييه سمعت صوت امي وهي تقرا خششت عليها طول هجمت عليها …!
الشيخ : المحروسه مرتك مسحورة يا ولدي…!
الهاشمي : انصدم…كيف كيف ؟؟؟
الشيخ : مرتك مسحورة بالسحر الاسود
الهاشمي : وشن هو السحر الاسود هذه يا شيخي!!
الشيخ : هذا السحر ما هو إلا عبارة عن نوع من أنواع السحر فقط، وقد اختير له هذا الاسم لأنه مختص بجلب الضرر للمسحور، سواء كان الضرر في قلب المسحور أو جسمه، ولا يستخدم للمنفعة كزيادة الدخل أو جلب الحبيب أو الحفاظ على العذرية قبل الزواج أو غيرها من أهداف السحر التقليدية، وقيل أنه من سحر الفراعنه… ومرتك مسحوورة ودابينا يوم عرسكم معناها شربت حاجه فيها هذه السحر وهذا اكييد عمل مدبر تدبير …!!!
الهاشمي : هي كل مرة تجيها الحاله هذه يعني تقدر هي ترقي نفسها وطلع السحر وجنون وينفك السحر وترجع طبيعية ….؟
الشيخ : نعم يرقي نفسه، كان النبي يرقي نفسه عليه الصلاة والسلام، فالإنسان يرقي نفسه كل ذلك مطلوب مشروع، ومن أهم الرقية أن يرقي نفسه بالفاتحة، وقل هو الله أحد والمعوذتين، وآية الكرسي هذا من أفضل الرقية، وإذا قرأ الفاتحة كررها سبعًا وقل هو الله أحد والمعوذتين كررها ثلاثًا كما كان النبي يفعل ﷺ، كان عند النوم يرقي نفسه بـقل هو الله أحد والمعوذتين في يديه ثلاث مرات، يمسح بهما على ما أقبل من جسده عليه الصلاة والسلام… !

روآيات ميلو حسسسن & فاطمة سالم 🔥

بعد مروور عدة أيام …!

#تسريع_الاحداث

هناء : كانت طوول الوقت في دارها خايفه وكل شووية تصلي وتركع وتسجد لربها وتدعي ان ربي يغفرلها ع شي اللي دارته فيا… وكانت تعامل فيا بحسسن النيه كانت تجيبلي في ماكلة لعندي وتغيرت معاملتها معاي 180 درجه…!

الهاشمي : بدي كل الاهتمام ليا اني وبدي يرقد عندي 10 ليالي و ليله عند جيهان…رجع يحبني زي قبل وعرف رووحه غلط امتى تزوج جيهان لكن بيحاول ان يعدل بيناتنا…!

جيهان : مقعمزة في دارها وهي تسحن تسحن تفكر شن ديررر فيا وشر في عيوونها وتفكرت ان لازم ترجع تسحرني بعد ما نفك وتاخد مني هاشمي وكانت تبي سحر قووي باش يكون لمصلحتها ويطلقني هاشمي…ويووم من الايامات!!!

الهاشمي : مرووح للحوش وركب لدار جيهان باش يعطيها حلو ويراضيها…!

ترررن ترررن تررن :-

جيهان : الوو ها حلومه كيف حالك شن مدايرة…
حليمه : هلا هلا جيهان معقووله متعزمينيش ع عرسك واني اللي درتلك هديكا الخلطه زعلت الحق…!
جيهان : وووك عليا نسيتك حبيبتي سامحيني والله ما ركزت نسيتك بكل
حليمه : اييه ليش متصله اكيدة تبي حاجه متصله بيا نهار الجمعه شنو في ؟
جيهان : اسسمعيني ززين ركزي…نبي سحر سحر المرة هذه يعني سحر يا حليمه دبل المرة الاولى يعنى اقوووى اقوووى فاهمه قصدي
حليمه : من عيني هذه قبل هذه ادللي بسس ايدك على القرشين يا حنه…!
الهاشمي : فتتح الباب وواقف وراه جيهان ويسمع!
جيهان : اييه من عيووني اطلبي اللي تبيه واني حاضر لكن الله الله نبي السحر المره هذه اقوى من اللي فاتت ومدابيا خفيف باش نحطه داخل المخده متعها…!
حليمة : حححاضر عطيني يوميين بس…!
الهاشمي : قررن حاجبه وبصوت عالي…سسسسسحر …!
جيهان : 😨…#يتتتتتتبع!

روآيات ميلو حسسسن & فاطمة سالم 🔥

اترك رد

زر الذهاب إلى الأعلى