روايه سحر اسود الفصل الرابع | القلم الناجح
روايات ليبيه كاملة

روايه سحر اسود الفصل الرابع

جميع حقوق النشر والطبع محفوظه

روايه سحر اسود الفصل الرابع

الهاشمي طلع يجري فتح الباب… واني غبت عن الوعي….. فاتو ساعات ونضت… لقيت دم واستفراغ وخيوط… ومش متفكره شي بس راسي مصدع… نضت نظفت المكان…وشوي قعدت نسمع في اذان.. قعدت نصكر في وداني ونبرم في الحوش… والماعين يتكسرو وفي اصوات ضحك… وكل ما نبرم الماعين يتكسرو ويزيدو اصوات الضحك ويزيدو ويزيدو لعند ما فقد اعصابه ومقدرش ان يتحمل اللي قاعد يصير معاه ومششي يووومي كله هكي💔…!

يوووم جديد:- 🆕️

انا : راقده على الارض وطحت من فوق السرير بدووون ما نحس على روحي…فتحت عيوني ببطء نتلفت يمين و يسار شفت الهاشمي…!
الهاشمي : راقد على سرير وواضح ان تعبان من ليلة امس…💔
هناء : خششت علينا بدون ما طق…هيا تحركي جهزي الفطور وواي كل شي قبل ما ينوض راجلك
انا : في حاجه اسسمها خصوصية وباب يطقطقوا عليه مش خاشه هكي لا حششم ولا شي…!
هناء : بإستفزاز…بتنوضي تتحركي توا ولا نفكرك بليلة امسس الرومانسيه قصدي الشيطانية…!
انا : شن قصدك انتي…؟
هناء : طلعت بدووون ما تتكلم ولا حرف…!
انا / قعمزت ع سرير بحيل مهدوود…وحطيت ايدي على راسي ونحاول نتفكر اللي صار معاي ليلة امسس وشن يلي قاعد يصير معاي عندي اسئلة هلبا في راسي نبيلها جوواب…!

روآيات ميلو حسسسن & فاطمة سالم 🔥

على سفرة الفطور:- 🍽

هناء : فممها معبي ماكلة…ايه ولدي شن بدير اليوم…!
انا : نقلب في الكاشيك ونلعب بالماكلة بملل…!
الهاشمي : ماشي عندي خدمه…تبي حاجه…؟
هناء : بخبث… ايه وليدي نفكر يعني هكي تتزوج البنية التانية شنو رأيك…!
انا : تلفتت بفزززع وشبحتلهم…!!!
الهاشمي: غصص في ماكلة…اءءءء لالا يمى وخيرها مرتي اهي وتوا كيف قلنا بسم الله وتزوجتها…!
هناء : لا يا ولدي اني ناويتلك على وحده مصنعه بنت ناس و عزز وتهنيك على كل شي…!
انا : تعصبت…انتي كيف عندك عيين تقولي الكلام هذه لا وقدامي يعني وقاحه بعد هكي مشفتش..!
هناء : يلا يلا صكري فمك والله هذه اللي ناقص…وحده زيك تتحكم فيا اني وولدي حبيبتي راهو الشرع حلل اربعه…!
انا : شنو يعني هاشمي بتسمع كلام امك وبتاخد عليا وحده…؟؟؟
هناء : بصوت عالي…بياخد عليك تانية وتالته والرابعه فاهمه ولالا
انا : بغصهه…قصدي علاش خديتني لييش اتزوجتني قوولي لييش…!
الهاشمي : سسساكت ومقتنع بكلام امه…!
انا : بصوت عالي… خلاص طلقني وريحني من العيشه السوودة هذه اصلا من يوم ما تزوجت مشفتش ولا يوم طبيعي كلها يامات سوووود…!
الهاشمي : قصرري حسسك…واقلبي وجهك للدار هذه امي يلي قاعده تتكلمي معاها وحووش بوك مفتوح طيرري فييه…!
انا : تجمعوا دموعها… هكي يا هاشمي هكي بعد ما عششنا كل شي مع بعض وبعد ما وليت حلالي وراجلي تهوون العشرة اللي بيينا…💔
الهاشمي : تي اما عشرة صكري فمك بلا فضايح..!
هناء : مستغربة…اما عششرة اللي تحكي عليها ام الاحكام هذه ترا قوول…؟
الهاشمي : بغلل…خششي درقي وجهك للدار بسرعه…!
هناء : خيرك ساكت ما تتكلم…انتم كنتوا على علاقه ولا ششنوو…؟
الهاشمي : بصوت خششن…عندي شغل يما و الاقتراح اللي قلتية قبل شووية عجبني نقيلي بنت الحلال يلي تعجبك…!
هناء : فررحت…بجد يممما يا حبيب امك انت…لولولولولولي الدنيا مش شايلتني يا ولدي..!
انا : نمشي بخطووات بطيئة وبحيل مهدود ماشيه جهة الدار وعيوني معبيات دموع وحاسسه بضيق بصدري…💔

روآيات ميلو حسسسن & فاطمة سالم 🔥

بعد مرووور يووومين…!

#تسريع_الأحداث

انا : كنت خايفه هلبا على رووحي وتصرفاتي ومعرفتش شنو اللي قاعد يصير معاي…معرفتش خيرني هل هي مشاكل الزواج هكي تكون…مسستحيل تكون هكي مشاكل الزواج بين الطرفين نعررفها لكن انا نفسيتي مدمرة حركاتي وتصرفاتي غررريبة كأن قاعده في مستنقع معبي وقاعده في ووسطه وغاارقه فيييه وكنت مفكره ان الهاشمي مش رح يتزوج عليا لكن مع الاسسف جي اليوووم اللي كنت خايفه مننه…💔

الهاشمي : كان لاهي في الخدمه وتجيهزات العرس وكان فررحان ان هو رح يتزوج عليا…ومكنتش مصدقه ان الشخص اللي حبيته وحبني بعد طووول هذه المدرة يتزوج عليا…شن اللي صاير وشن السبب اللي خلاه حياتي تنقلب 180 درجه…💔

صفاء : كانت عزوزتي فرحانه بالعروس الجديدة وكنت حاسسه ان مخططه لشي بسس معرفتش شن هوو..اللي نعرفه اني هي مبلعتنيش ولا تقبلتني بينهم ولا عمرها رح تقبلني….والدنيا مش شايلتها من الفرحه ومفيش واحد ومكلمتاش على العرس وكأن اوول مرة يتزوج ولدها…💔

__________________

انا : خديت شوور وجففت شعري ولبست عبايتي وسويت الوشاح…وكنت مجهزة شنطة اللي فيها ملابسي وكل شي يخصني…وطلعت لكنن!
هناء : بإستحقار…ووين وين ماشيه ان شاء الله خير 🤭
انا : بصووت تاعب…ان شاء الله زواجت الدهر ماششيه لحووش بوي…!
هناء : ضحكت بخبث…درب يسسد ما يرد!!
انا : فتحت الباب وششفت الهاششمي قدامي…!
الهاشمي : بصووت عالي…وووين ماشييه…!
انا : قلبت عيووني بملل…ماشيه لحوش بوي !
الهاشمي : خششي داخل الحوش ومعاش تطلعي منه فاهمه !
انا : كيف كيف لحظة قصدي اني نبي نعيش حياتي نبي نبدا صفحهه جديدة في حياتي خلاص انت بتتزوج واني بنطلق منك وبنبدا نخدم وبنكون حياتي من صفر…!
الهاشمي : عييط…قتلك خششي للحوش انتي مزلتي على ذمتي لوو مش متفكرة…!
انا : واني بنطلق منك افهم معاش نبيك…عندي كررامه مش زيك تسسمع في كلام امك
هناء : طلعت بفززع…هي هي احترمي نفسسك وخيرها امه مش هي اللي كبراته ورباته ولا شنو
الهاشمي : بصوووت هادي وبقلت صبر..! خلاص يممااا اسكتي النممم…!
هناء : بخوف… يا وليدي اهدى بسس خش توا نكلم عبد الرحمن ولد خالتك ياخدك للصالون وتلبس البدلة هي سلم ولدي متعكرش مزاجك اليووم يووم فررررحك يا ولدي…!
انا : خلاص تتهنو اني بنمشي حوش بوووي…!
هناء : بخبث…حبيبتي راهو حتى عيلتك مش طايقينك شن بيقولوا علينا الناس طلق وحده وجاب التانيه طول لالا خليهم يقولوا ان مرته الاولى قاعده ولابسه وترقص فووقها في عرسه…!
انا : انتي تبي ناس تتكلم عليا مش عليك صح شن تبي تقولي معندهاش كرامه قاعده وفوقها قاعده ترقص في عرسه هههه ضحكتيني وربي..!
هناء : ششوف شوف مرتك كيف تتهزاء عليا و على كلامي…!
الهاشمي : قتلك خششي داخل متنفخيهمش راهو نمد ايدي عليك…!
انا : رجوولتك مطلعهاش عليا طلعها على غيري اووكي…وخششت !
الهاشمي : خلاص يما خشي داخل وجهزي كل شي ووقت الصاله يجي يرفعكم عبد الرحمن…!
هناء : تمام وليدي…وانتي كان بتمشي ديري في حسابك ان محد رح ينفعك في حوش بووك😏..!
انا : 💔

انا : بكل عقلي لبسست قفتان اسسوود قصير…ودرت شعري مربوط فووق ونزلت خصلات منه ودرت ميك اب خفيف…وكل شووية نقول امتى رح نطلع من غيبوبه هذه…!💔

هناء : لبسست قفطان احمر طويل ونزلت شعرها ودارت بارفان قووي وفرحانه قريب اطييرر..وكل شووية تكلم في وحده توصي فيها راك تنسي اتجي الليلة…!

الهاشمي : حلق لحيته وخلاها خفيفه ولبس البدلة الرسمية ويتفرج على رووحه في المرايا وحاسس ان هو قاعد يدير في شي غلط…وخايف شنو رح يصير بعد العرس وكيف رح يتعامل مع الضراير الزوز…وخشش للصاله والعيوون كلها علييه هو…!

كلهم : يتفرجوا عليا ويتكلموا عليا…كيف انا مقعمزة في عرس راجلي ولابسه ونتفرج عليهم بكل ثقه…ثقتي في رووحي بدت مهزوزه…ضعييفه معنديش سند…معنديش حد نوثق فييه حاسسه رووحي وحيدة💔…!

روآيات ميلو حسسسن & فاطمة سالم 🔥

انا : ششفته كيف يرفعلها في الفيلو ويركب فيها ف سيارة…ويفتحلها الباب💔
هناء : رششفة رشفة من العصير…هيا يا رووحي توا نروحوا لحووشنا ونتمنالك ليلة سعيدة 🤭
انا : ركبت سيارة عبد الرحمن وركبت معاي عزوزتي…وكنت دايييخه هلبا دايخه مش عارفه شنو اللي شفته في صاله العرووس نعرفها من قبل شفتها لكن مش عارفه وين شايفتها من قبل…!!

__________

انا : التفكير ووواخد عقلي…!
هناء : تلفتتلي بخبث…خيرك مني واخد عقلك..!
انا : اسسمعي مني البنت اللي تزوجها الهاشمي اليووم…!
هناء : ووحده بنت صاحبتي نعرفها من قبل
انا : البنت هذه مش طبيعية وفي من وراها قصة
هناء : شنو قصدك انتي…!
انا : يووم عررسي شربتني حاجه غرريبه بكل وبعد ما شربتها معاش حسسيت على روحي
هناء : فكيني من جو افلام الاجنبيه متعك هذه..!
انا : والله العظيم البنت هذه مش مزبوطه…!
هناء : ضرتك اسسمها جيهان…وياريت بلا دووة فاررغه وجو ززايد…!
انا : خددييت نفسس بقلت صبر…نزلت من سيارة خششيت للحوش لقيت الدار متعنا مصكرة…!
هناء : من الليلة ارقدي في وسط الحوش حبيبتي على الكنبه
انا : 💔
هناء : خششت صلت صلاتها…وفتحت القرأن بتقرا وكانت تقرا بصووت عالي…!
انا : كنت نقطع في شعري بالقووة وكنت نسمع في صوت القرأن نضضت ومشش عاررفه شن صارلي فكرت شن قاعدين يديروا جيهان و هاشمي توووا…الجوو هذه بدي يقتتتتلني….نسمع في صووت القرأن خشيت على دار عزوووتي…وعيووني كانوا حمر ونضت وكأني ملبووسه او راكبني جن….ومش قادره متحكمه في روحي في شي داخلي اقوى مني زي ماكنت هاديه في عرس الهاشمي ونازل عليا برود تأكدت انه في شي مسيطر عليا هلبا وشي قوووي …ونا نتفررج ع عزوزتي وبديت نعيييييط بقووووة

هناء:بخووف…..خخ خيرررك شن في ؟
انا:انتي شيطان شيطااااااان
هناء:وقفت ع رجليها وواضح الخوف ع وجها وتبي تطلع من الدار
انا:قربت منها وكنت قوويه شديتها من رقبتها ….وكان طالع مني صوت شخص تاني
هناء:تبكي وتذكر في القرأن
انا:دمرتي حوووشي ههههههه

في لحضه هادي الهاشمي سمع اصواتنا ونزل وواقف ورانا ويتفررج
هناء:سيبيني نوووعدك نمشي لشيخه تفك السحر بس سيبيني….يتبببع!

________________

روآيات ميلو حسسسن & فاطمة سالم 🔥

اترك رد

زر الذهاب إلى الأعلى