روايه سحر اسود الفصل السادس والاخير | القلم الناجح
روايات ليبيه كاملة

روايه سحر اسود الفصل السادس والاخير

جميع حقوق النشر والطبع محفوظه

6 والأخيرة

جيهان : الوو ها حلومه كيف حالك شن مدايرة…
حليمه : هلا هلا جيهان معقووله متعزمينيش ع عرسك واني اللي درتلك هديكا الخلطه زعلت الحق…!
جيهان : وووك عليا نسيتك حبيبتي سامحيني والله ما ركزت نسيتك بكل
حليمه : اييه ليش متصله اكيدة تبي حاجه متصله بيا نهار الجمعه شنو في ؟
جيهان : اسسمعيني ززين ركزي…نبي سحر سحر المرة هذه يعني سحر يا حليمه دبل المرة الاولى يعنى اقوووى اقوووى فاهمه قصدي
حليمه : من عيني هذه قبل هذه ادللي بسس ايدك على القرشين يا حنه…!
الهاشمي : فتتح الباب وواقف وراه جيهان ويسمع!
جيهان : اييه من عيووني اطلبي اللي تبيه واني حاضر لكن الله الله نبي السحر المره هذه اقوى من اللي فاتت ومدابيا خفيف باش نحطه داخل المخده متعها…!
حليمة : حححاضر عطيني يوميين بس…!
الهاشمي : قررن حاجبه وبصوت عالي…سسسسسحر …!
جيهان : 😨
الهاشمي : جبدها من شعرها…يا بنت الكلب يا بنت الحرام…كك مككيف قدرتي ديريها …!!!
جيهان : بلعت ريقها بخووف وطاح منها تلفون…اءءءءء هاشششمي من امتى انت اهني!!
الهاشمي : طيحها ع الارض…يا بنت الكلب يا حقيرة يا ووواطيه
هناء : خششت تجرري بفزع…شنو في شنو في
انا : شنو في صوتكم واصل لأخر شارع…!
جيهان : عيونها تعبوا دموع الكحل…. اءءءء اني مكنتش نبي ندير هكي هي البنت هذه تحاول انها تاخدك مني واني مش حنسكتلها…!
الهاشمي : غمض عيونه بغل…نوووضي بسسرعه توا تلمي حوايجك وتطلعي برا الحوش بسسرعه!!
هناء : يا وولدي الله يربحك اكسر الشر مش هكي تنحل الامور…!
انا : هاشمي فهمنا هي شنو مدايرة…!؟
هناء : اءءءءء…ايه فهمنا خيرها جيهان
جيهان : على اساس انتي متعرفيش…!
هناء : كشخت بعيوونها بمعنى متقوليش اسكتي!!
الهاشمي : بصووت عالي…جيهان انتي طالق !
جيهان : بدت تعيط…ووووك عليا انيي ووك انهد حووشي خرب حووشي ووك عليا اني !!
هناء : اهدي يا بنيتي اهدي بالله عليك مش هكي
الهاشمي : صفاء بري لدارك توا نحكيلك كل شي بتفصيل هيا…!
انا : احكيلي توا شن في يا هاشمي متخوفنيش..!
الهاشمي : منبيكش تعرفي بطريقه هذه خايف عليك اني هيا بري…!
انا : تمام ابنمشي توا…وقطعت جيهان بصوتها
جيهان : تبي تعرف مني اللي ساعدني
انا : تلفتتلها…شنو كيف يعني
الهاشمي : يكشخ بعيوونه…اسسسكتي النم صفاء خششي لدارك بسررعه…!
جيهان : امك المحترمه هي اللي اتفقت معاي نديروا سحر لحبيبت القلب صفاء…!
انا : انصدمت وجمدت مكاني…ك كككيف!!
الهاشمي : غمض عيوونه بغل…قتلك متقوليش اني صح ولالا !
انا : نزلت دمعتي ونكسرت…يعني انتم اللي سحرتوني يوم عرسي صح!
جيهان : ايييه تتفكري لما كنت لابسه قفطان الاحمر وعطيتك تشربي وشربتهالك بسيف وبديتي خايفه مني وبعدين اني مشيت…!
انا : اتفكرت كل شي كانت هي نفسسها جيهان بس كانت مغيرة مكياجها وتسريحة شعرها باش منعرفهاش بعدين… يعني انتي اللي سحرتيني
جيهان : ههههههه مش اني بس حبيبتي ومعاي حماتك الطيبه اللي دايره روحها تقرا في قرأن !
هناء : حطت ايديها على راسها…انهار احررش شن درتي فيا اسسكتي علاش مخليتيش الباب مستور …الله لا تربحك!
الهاشمي : شبح نضرة استحقار لهناء…حتى انتي امي انتي اخر وحده كنت نتوقعها دير الحجات هذه علاش درتي هكي شن الاستفادة
جيهان : طايحه ع الارض وتتفرج عليهم…يا حليلي امك هي اللي جابتني اهني يعني هي اللي قالتلي ديري سحر…واني ساعدتها مش هي…!😏
هناء : مش قادرة تشبح لعيون الهاشمي…💔!
انا : طلعت من دار واني نبكي خشيت لداري وصكرت على روحي بالمفتاح وطحت ع سرير بديت نبكي على كل شي عششته وشفته💔…!

روآيات ميلو حسسسن & فاطمة سالم 🔥

الهاشمي : طق طق طق…افتحي الباب صفاء
انا : منبيشش نفتح حل عني…وكملت بكي
الهاشمي : افتحي الباب بلاش اعناد افتحي..!
انا : قتلك مش رح نفتحه…ونضت نلم في حوايجي في شنطه كلهم وجهزت رووحي!!
الهاشمي : منيش متحرك من قدام الباب راهو!
انا : بررراحتك متتحكرش في اي لحظة في ليل تلقاني مش موجودة !
الهاشمي : صفاء بالله عليك عطيني فرصه نشرحلك ونحكيلك ونقولك شن رح نديروا غر افتحيلي الباب بسس…!
انا : توا انقولك اني شن نديرووا نطلقوا وكل واحد في طريق تماممم…!
الهاشمي : قعمز قدام الباب يستنى فيا نطلع…افتحي حبيبتي راهو اني اعند منك مش رح نتحرك من اهني بكل…!
انا : اني خلاص تعبت وفديت منك ومن مرتك ومن امك خلاص نبي نخش في حياة جديدة
الهاشمي : رح نوعدك ان من اليوم رح تتغير حياتنا 180 درجه حنعيشك في حووش جديد بروحك ورح نطلق جيهان افتحيلي الباب بس
انا : كنت نبي نفتح الباب لكن سسمعت صوت😨!

روآيات ميلو حسسسن & فاطمة سالم 🔥

جيهان : مقعمزة ف نفس المكان على الارض….ههههه شنو يا عمتي قصدك اني بنتحاسب على خطه انتي درتيها خلاص ماهو قلت خلي كل شي ينكشف بدل من جو ززايد
هناء : بحقد…انتي وحده حقيرة وسافله وواطيه
جيهان : هههه وووك هذه كله ع خاطر فضحتك قصدي متجيش لازم اني وياك نتحملوا نتايج غلطنا واللي بيا بييك يا عميمه ههه
هناء : انتي خيرك حقيرة هكي اني مرا مريضه منتحملش شي راااهو مرريضه تعبانه !!!
جيهان : تي كان مريضه شن شي اللي خلاك ديري سحر وما سحر…!
هناء : لأن توا كيف اكتشفت ان مرريضه بالكلاوي يا جيهان افهميني…!
جيهان : بخبث…اوو ماي قاااد قصدك تبيني نصدقك انك انتي مريضه …جووو هذا مش عليا يا ماما تبي تطلعي منها زي شعره من العجينه لاا
هناء : تنفسست بقله صبر…ممكن نعرف شن شي اللي مخليكي بااااردة وهادية هكي ولا كأن صار شي…؟
جيهان : ششوفي اول شي اني اليوم فرحانه هلبا رح نتحلص منك انتي اول وحده وبعدين من صفاء والسبب اللي مخليني فرحانه انو ورث الحووش وراجلك وولدك كله بناخده اني
هناء : ضحكت بسخرية…ههههه وووك وشن الشي اللي مخليكي ضامنه هدا كله يعني مفهمتش مزلت اني مش فاهمه شن اللي يدور في راسك…؟؟؟!!
جيهان : اااني حااااامل…!
هناء : انهاارت اعصابها…كككككك كككيف يعني حامل ببببجديات تتكلمي…!؟
جيهان : ايييه اني حامل وكل شي بيقعد ليا اني..!
هناء : واقفه وتتفرج عليها كيف تتكلم بخبث…!
جيهان : متكيه على الارض وتتكلم بخبث.. !
هناء : في احلامك الشي هذا…عفسست عليها وعلى بطنها ونزلت فيييها ضرب قريب قتلتها
جيهان : خافت…ووووك عليا بطني تضررب فيا يا هاشمي لحقووا عليا يا ناسس
هناء : تعفسس عليها وعلى بطنها بدات…موووتي مووتي انتي وولدك يا حقيرة تحسابي رووحك ذكية يا مصخه يا واطيه…!
الهاشمي : خخشش يجري بفزع…شنو في شن دررتي فيها يمااا…!!؟؟
هناء : تهدد فيا الواطيه الحقيرة…انييي محد يهددني فااهمه ولالا
جيهان : خششومها دم وفقدت الوعي وتشبح فووق للسقف وتاعببه ومش قادرة تتكلم…!
الهاشمي : انتي قتلتيها يما قتلتيهاااا…!!!
هناء : شششني😨…!؟

روآيات ميلو حسسسن & فاطمة سالم 🔥

انا : سسمعت صوت عياط جيهان وعزوزتي…وسمعت الهاشمي يعيط عرفت ان هو مش قاعد قدام الباب…رفعت الشنطه متعي وكتبت رساله للهاشمي…ونزلت نجرري بنهرب من اهني بس مش عارفه وين نمشي …فتحت الباب بالشووية وطلعت على رئيسي خديت تاكسي وهرربت طووول لمكان حجز التذاكر حجزت تذكرة وطريقي للمطار 💔…!

الهاشمي : انتي قتلتيها شن دررتي فيها توا…!
هناء : اررفعها للمستشفى بسسرعه يا ولدي
الهاشمي : بفززع…البسي عبايتك و افتحيلي البب بسسسرعه و اركبي سيارة بسسسرعه
هناء : لبسست عبايتها بسرعه…ونزلت فتحت الباب متع سيارة
الهاشمي : راافع جيهان وحطها في سيارة بفزع..!
هناء : مقعمزة وخايفه…وليدي انت مسامحني صح…؟
الهاشمي : بصووت عالي…منبيش نسسمع ولا صووت ومش رح نسامحك لا دنيا ولا آخرة !
هناء : بدت تبكي وحاطه ايديها ع عيونها…!
الهاشمي : يسسوق بسرعه فوق 120…ووصلوا ونزلوا وهاشمي يرفع في جيهان…!
جيهان : داييخه ومغمضه عيوونها ومتتحركش!!
الهاشمي : حضرة الدكتور مش عارف خيرها فجأه هكي صارلها!!؟؟؟
الدكتور : دخلووها بسرعه لغرفة العمليات…!
هناء : واقفه وحاطه ايديها على قلبها…انهاري احررف شن درت في رووحي وفي ولدي ياارب ارحمنا برحمتك…كله مني ومن السحر الاسود💔!
الدكتور : بعد ما ششاف حالة جيهان وكشف عليها…وطلع وقال
الدكتور : انتم اقرب المريضه…؟
هناء : اءء ايه ايه احني يا حضرة دكتور…؟
الدكتور : المريضه فقدت الجنين يعوض بسلامتكم!
هناء : ابتسمت ابتسامة الشرر…وقعمزت وهي فرحانه …!
الهاشمي: وواقف ومصدوووم…كيف يعني هي كانت حااامل؟
الدكتور : اييه كانت حامل توا تقدر تشوفها…وحمدلله على سلامتها!
الهاشمي : همسس في ودان امه…اسسمعيني
هناء : مقعمزة وخاايفه من الهاشمي!!…ها وليدي
الهاشمي : انتي من اليوم مكانك في دار العجزة ولا اني ولدك ولا نعرفك…وطلع بفززع من المستشفى وعيوونه بدو يتجمعوا لأن فقد حتى الولد اللي كان يبيه وتوا خايف ان يخسرني…ركب السيارة بفزززغ ويجري بسررعه 120 واكتررر قريب يدير حادث سسيير…!
هناء : كانت مقعمزة ومصدوومه من تعابير الفرح لى تعبير حززن وتحطيم…وفكرت مني اللي رح يعاونها لما يزيد عليها المرض وتتعب ومني اللي يساعدها ويونسها في الحوش…!! ! !
الهاشمي : خشش للدار لقاني مش موجودة بدي يشبح في دولاب وادراج فاضيه💔…وشاف ورقة على طاولة مكتوب فيها… هاشمي اني اسسفه اني تعبت واهنت وانقهرت ومعاش بدي عندي طاقه نسستمر معاك لأن كنت نحساب رووحي مقصرة معاكم لكن يطلع العيب من امك في الاخير ميشرفنيش ان نعيش مع وحده سحارة…وحابه نقولك ان اني بجديات حبيتك وعشقتك وتمنيتك ليا ونتهني اني وياك تحت سقف واحد لكن اني طالعه ومسيبه الدنيا كلها مسيبتلك البلاد هذه كلهة ومتحاولش انك ادوور عليا لأنك مش حتلاقاني باي…! 💔

روآيات ميلو حسسسن & فاطمة سالم 🔥

الهاشمي : وولع السيارة وبدي يجرري وطريق كلها وهو يبكي وعيوونه حمر…اني خسسرتك يا صفاء اني خسسرتك وخسرت كل شي كان قدامي خسرت حتى امي بسس مش رح نخليك تسافري وتسيبيني…ووصل للمطار ونزل يدور عليا في كل مكان ملقانيش خشش لقاعه الانتظار ملقانيش خشش داخل بكل في مكان حافلات يشبح يمين ويسار ملقانيش…!!!
انا : مقعمزة وخاايفه ان يشبحني كل شوية ندير في وجهي لجهه باش ميشوفنيش…!
المضيف: الرجاء الكل لاتجاه الى الحافلات سوف تقلع الطائرة بعد نصف ساعه من زمن
انا : خدييت شنطتي بسسرعه وبنركب الحافله
الهاشمي : ششاف الشنطه متعي لونها احمر عررفني اني دغري وعييط بأعلى صوت…صفاااااااااااااااااااااااء
انا : تلفتت بخووف…ياااربي هذه علاش لاحقني بس شن يبي مني مززال…!
الهاشمي : بدي يمشي بخطوات سريعه…وقرب مني وحط عيينه في عيني…تبي تمشي وتسيبيني وين الوعود اللي قلتي عليها وين الحب اللي قلتي مش رح ينتهي لآخر عمرك..!
انا : انت تستهبل عليا … انت مش عارف حجم الكارته اللي درتها امك معاي لا ومش هكي بس انت تزوجت عليا…اني يا هاشمي مستحيل نقبل ان واحد يحط عليا مراه تانيه مهما كان يكوون…بسس حبي انتهى من لما جبتها وبدت مشاعري مييته ومعاش بديت نغار عليك…!
هاشمي : سامحيني حبيبتي نبووس ايديك…راهو مزلت نحبك اني خسرت كل شي ومعاش قعد حد غيرك موجود معاي💔…!
انا : ضعفت قدامه ومقدرتش نمسسك رووحي…خديته وحضنته وبديت نبكيي…اوووعدني انك مش رح تسيبني مرة تانيه
الهاشمي : مش رح نسيبك طوول ما اني عايش…وكل شي رح يتصلح ونعيشوا حياتنا مع بعض على حلوة والمرة 
انا : بعيوون يلمعوا حب…اني نحبك 
الهاشمي : هاتي ايدك خلينا نروحوا…!
انا : حطيت ايدي في ايده…ولما حطيتها حسسيت بأمان فعلا ومش ناقصني شي في حياة هذه غير ان يقعد معاي العمر كله …!

بعد مروور شهرين…!

#تسريع_الاحداث

انا : استقريت في حوش الجديد وخديت راحتي على الاخر وكنت عارفه شن قاعد يصير في عزوتي و جيهان وتجاهلتهم وفتتهم لأن اللي دارووه فيا مش شووية ( سحر ) دمر حياتي لكن الهاشمي مدللني واني توا حامل منه ورح نعووضه على اللي رح منه …!

الهاشمي : يبعت في مصرووف لي امه عن طريق البنك فقط وجابلها خدامه تعاونها وتجاهلها ومش قادر حتى يتكلم معاها رغم ان هي مرريضه والمرض متعبها لكن كل ما يتفكر اللي دارته معاي يتجاهلها💔…!

هناء : ووجع المررض اللي فيها متحسسش فيه لان وجع فراقها عن ولدها اقوووى بهلبا وحسست بفراغ في حياتها وحووشها الفاضي اللي معدوووم فيه الفرح ومعدوم في الصوت … وندمت وحسست انها دارت اكبر غلط ميرضيش ربي ولا يرضي اللي دارته فيييه 💔…!

جيهان : كااانت تبي ترفع قضية في هناء بسبب اللي دارته لكن هاشمي هددها ان لوو تكلمت رح يبلغ الشرطه عليها وعلى عملتها متع السحر…وطلقها ورماها في حووش بوها وقعدت تستنى في نصيبها ومجااش لأن سمعتها ولت في لسسان الناس كلها…!

من ميلو:اي شي شر درتيه حاتلقيه ضعف في اغلا شي عندك مش ضروري تتعاقبي عليه بعد شهر مرات حتى لما تتزوجي وتجيبي صغار وربي يرده في اغلا حاجه الي هما صغارك …وردي بالك تخدعك الدنيا وتنسي كل شي راهو الناس البريئه معاها ربي وربي اقووى من كل شي 

النهاية …!

اترك رد

زر الذهاب إلى الأعلى