روايه سحر اسود بقلم فاطمه سالم الورفلي&ميلو حسن | القلم الناجح
روايات ليبيه كاملة

روايه سحر اسود بقلم فاطمه سالم الورفلي&ميلو حسن

جميع حقوق النشر والطبع محفوظه

حلقةه:الاولى
بقلم :فاطمه سالم&ميلو حسن
……..
قصتي اشبه بي السندريـلا او ربما الاسوء….تعالو نحكيلكم بدايـةه الكـابوس… قصدي قصتي🍃
…….
فـي احد الحياش…فيه عرسـنا لي هو حـوش عـزوزتي..فـي يوم زفافـي….نزلت من السـيارةه على اغنيـةه “طلي بلأبيـض طلـي “…وكان عدد كبير منهم ” العزايز… والنساويـن… والبنات… واطفـال”…بحكم اهل زوجي معروفيـن هلبا…..ووقتها يخششو فيا للخيمـةه وبحـداي مجموعـةه من اهـل عريس امه وخواته وبنات عمه وشبه عائلـةه الكريمـةه كلها لين نخـنقت😄….وقعمزت وقعدت نستنى في راجلي…. وبعد ربع سـاعةه جتني بنت وكأني شايفتها…وعيونها مكنون فيها شر ووجهها مايتفسرش ومعاها شيشه ماء وقتلي”اشربي المايه حبيبه “…..جاني احسـاس ان ما نشربهاش…وقعدت نشوفلها وخايفه

البنت :هاك اشربي اشربي ياعريسة

خديت الشيشه ونشبحلها ونشبح للشيشه وخايفه ونبي حد يجيني بس كانو كلهم لاهيين وياكلو ويهدرزو….

البنت بخبث :هاتي هاتي نفتحهلك ماعندكش جهد شكلك ههه

فكتها مني فك وفتحتها وحطتها على فمي وقعدت تشرب فيا بلغصب وشربتهلي كلهـاا….ونزلت من على الكوشه بدون كلمه ولا نص خلتني في حيرة وخوف ……شوي لمحت راجلي خاش وقعدو دقات قلـبي في الالف ومتوترةه وعيوني قلوب قلـوب واخيرا بعد سنين ومراجاه تزوجنا…وكل خطوةه يتقدمـها نحس فيها بساعـات… لعند جي قدامي وحول الطرحـةه واني متحشمممـةه… وااه ياناس حب عمري قدامي بيني وبينه نص سانتي🙈…وكانو عيونه يلمعو ومبتسم من شق لشق واني احرف منه😂…وبصوتـه المخلي لي مليـان حنيـةه قـال

راجلي”الهاشمي”:واخيرا قعدتي حـلالي يا روح روحـي

اني زدت تحشمت وخشيت في بعضي.. وجت المصـورةه وصورنا وكانو اللقطات اجمل من الجمال بداتـوو.. وكلينا القاطـو وكان الهاشمـي يبي نطلعو كل شوي “هيا “… لين قلقني… مشي نضنا واحني بنطلعو قعدت نحس بي كره للهاشمي وهو كل شوي يشوفلي ويبتسم نشوف فيه كأنه غوله ومش طايقاته لدرجـةه قعدت نبي نفك ايدي منه مشي هو ضحك فك ايـده يحسابني من الحشم… وشمرني والكل يعيط وهو يبتسملي واني لا اراديا كشرت في وجهه لين هو وجعاته اللقطـةه…. وركبنا السيارة وقعد يحاول يلطف الجو

الهاشمي :ها حبيبي شن تبي تسمعي من اغاني

اني بتكشيخ :مانبيش شي

الهاشمي استهزب :به براحتك

اني عقدت حواجبي :طبعا براحتي مالا شن

الهاشمي قعد يشوفلي بس من صدمته بعد شوي قال :صفاء خيرك؟

اني نلاطع بي ايديا:اخطااني اففف

الهاشمي قعد يسوق بسرعه وطايرتله و عم السكوت طول الطريـق لعند وصلنا لحوشنا… نزل الهاشمي ولفلي فتحلي الباب

الهاشمي بهدوء :انزلي صفصف

اني بعصبيه:هدا وين تفكرت

الهاشمي استهزب وقعد ساكت لين ركبنا الدروج وخشينا…. الهاشمي خش للحمام ورجليا يمشو لا اراديا ونقول في سري ” ليش درت هك مع الهاشمي خيرني!!! “… خشيت الدار وصكرتها عليا بدون ايي تفكير وقعمزت على السـرير … وشوي وقعد الهاشمي يطقطق…. وكل ما نبي نوض ونفتح الباب في شي يمنع فيا لعند ما…… يتبع

اترك رد

زر الذهاب إلى الأعلى