روايه لربما احتاجك الفصل الاثني عشر | القلم الناجح
روايات ليبيه كاملة

روايه لربما احتاجك الفصل الاثني عشر

جميع حقوق النشر والطبع محفوظه

لربـما احتـاجـك 🌸
بقلم Debth hevev🌸
الحلقـةه أثنى عشر 🌸
اسمي حقيقي فاطمه سالم
..
…..
ـــــــــــ
عند سهى 🌸

سهى :لو انتي متعوده على اشكالات هدم اني ملياش علاقه واخطيني

انتصار :ههه كبر كلب ودار سروال …تو نشوفو عليش يبي يتزوجك وساكت على عارك

وطلعت من دار ….

وقعدت انتصار في دروج …
تسحن وتهزب وتغلي :نبي نعرررف ليش يبي يتزوجها لييش وساكت على عارها عليش بس اخخخ دارت العار وخدت دكتوور …لازم لازم نخرب عليها

….

فوزي :انتصار يا انتصار

انتصار :هي هي جايه


فوزي :اسمعي عدي لمي دبشك وبسرعه بنمشو لي حوشنا

انتصار حطت ايديها في وسطها :وليييش شن في شن لي غيرك

فوزي :ياهمي باش اسبوع جاي فاتحه ونجو مع راجل من طرفي

انتصار شبحه نص عين :فووزي فافي

فوزي :تي نعم نهار اغبر

انتصار :شن وراك اطلع على راس حاجتك

فوزي جاي بيطلع التفت:تي وووه تي خفي روحك واطلعي كان هدا اقعدي زفت

انتصار بخبث حطت ايديها على ظهره وبهمس كملت :هه ياافوزي يعني ح نعرف ح نعرف وخليك كيف فالح واحكيلي شن رايك ماااني قاصهه خطوه لولا ما تحكيلي شن لي تخططله

فوزي زمط ريقه وبربكه: اا غر غر خفي روحك واطلعي هاني برا

انتصار وخرت :ههه حاااضر


وقعدت تلك لي دبش ومبتسمه من شق لشق ….
..
خشت عليها سهى

سهى :خييير شن المناسبةه

انتصار بهزوه :هه مناسبه عارك ياسمحه

سهى نفضت ايديها بضيق :تبي متخلينيش في حالي شن مدايرتلك بس اني شنووو

انتصار :ههه رخيييص وطلب اررخصص

سهى تنهدت وطلعت الجنان وفتحت راديو وقعدت تسمع في اغاني ذكرى محمد
……

سهى …
نفسيه صفر وضييقه خانقتني ومشش عارفه امتى تحل عني فرخه انتصار …
..
اخخخ ..لا جيت من حب ولا صحبه ولا عائله ولا اخت ….
..
نزلت دمعه لا اراديآ …على خشت انتصار …
..
حطيت ايدي على وجهي باش تشوفنيش نبكي …


انتصار :اخخخ هم ونزاح من قلبي ياعار اسبوووع وبسلامةه

سهى :……..
يتبع …………

ــــــــــــــــــ
عند انتصار …

..
طلعت من جنان واني نرعش من كلام سهى …
زعما اديرها لي قالت عليها …


قعدت سرحانه فيقني صوت كلاكس …

..
فوزي :تيي هيا يا مراه

انتصار وهي تساوي في فراشيه: تي باه وسع بالك بس

وركبت سياره ولون وجهي مخطوف ومرتبكه …

فوزي :اسمعي

انتصار :…..

فوزي:هييي انتصااار

انتصار منخلعه :نعم نعمممم

فوزي :بشوي عليك خيرك خاشه في روحك

انتصار بتنهيده:اهه شي مافيش شي ……المهم شن في شن القصةه

فوزي بشك :اممم اوباه ……ياستي راجل هدا زميلي في شغل وقتله تزوجها ونعطيك مبلغ مخفي وموفي

انتصار بصدمه :بتبببيع اختيي

فوزي رقاله:خيييير من امتى حنيه هدي

انتصار زمطت ريقها : بب به به كمل

فوزي شبحه بنص عين, : فوتي موضوع نحسابك بنادمه تخافي على راجلك لكن بااه …..هي انزلي اني بنعدي

انتصار ..نزلت وهي تبي تعرف شن لي صاير …

فوزي حرك سياره ومشي …

خشت للحوش …وضميته ونظفته وسيقت حمامات …
واني هدا كله عقلي مش معاي …


قلت خلي نضم دار نوم …..


قعدت نضم فيها ونفض في فراش بعد حولت فراشات لقيت الارضي ووراق ….

استغربت حولت الارضي في جيهة وقعدت نقرأ في الوراق …

توقيع معتز فيتوري على مبلغ 30000

استغربت منو معتز وشن مبلغ ؟؟!

قعدت نقرأ في باقي وراق رن الارضي فتحت سماعه ..بدون مانرد

:.فوزي راني بنتزوجها شهر وبنطلقها مش ناقصني عقاب وحده فاسده …

نفضت ايدي وسكرت سماعه

صح ديما نتعاركو وكل شي لكنها اختي وجعتني 💔

خش فوزي ولقاني في أيدي وراق

فوزي :….يتبع

ــــــــــــــــــ
عند جلنار…

رسـالتي الي من دخل حياتي بنوره 💓💋

رسالة لشخص الى من لما دخل حياتى نور كل حياتى معاي ف ضيقى قبل فرحى راجل معاي بافعاله مش بكلامه الانسان الى حبيته الى لما نسمع صوته نطمن ونحس بالامان ولما نشبحه كانى شبحت ملاك نازل من السماء الى عشقته وحبيته الى نخف عليه من نسمه الهواء ادمنته وحيقعد حبي وعشقي لاخر نفس نبيه ليا ليا وبس نبي نفهمه انى مهما كترو ناسي نحبه هو هو وبس مالك قلبي واحساسي الى مهما صار بينا ومهما حيصير بينا مستحيل نحب غيره الى معاه نحس بالاحتواء الى نتمناه مولى بيتى وحلالى والراجل الى ننسند عليه حبي ودلالى وهو قمرى والى مهما غلط حنسامحه لانه راجل نحبك 

………
حكايه جلنار قربت على انتهاء فا اليوم كتبت على مشاعر جلنار 💓 …

يتبع ….
رايكم

اترك رد

زر الذهاب إلى الأعلى