روايه لربما احتاجك الفصل الاحدي العشر | القلم الناجح
روايات ليبيه كاملة

روايه لربما احتاجك الفصل الاحدي العشر

جميع حقوق النشر والطبع محفوظه

لربما احتاجك
حلقه احدى عشر
بقلم Debth heven
اسمي حقيقي فاطمه سالم


عند سهى …
مابتش تاخد مني انتصار خدت من فوزيه طاستها …

وجعتتتني لقطه ..

انتصار:ياحناي نبي نرجعو لي حياشنا واشغالنا ورزقي ومقري كله قاعد غادي

حناي:تو نرجعو يابنتي اصبري بس

انتصار: ماعادش نقدر نصبر خلاص ياحناي مافوق لينا شهور هنا صغاري عندهم قرايا

حناي :خلاص امالا على قيس العشي اتصلو بي رجالتكن يجتمعو هنا

وكل واحد قعد يلوح في كلام وعندها الحق انتصار واي وصح واللهي وحاله عاد ماصدقو ..

و انتصار وين تلقوها تتمقعر وحالتها حاله ومش مصدقه روحها بلمرةه …

خشيت لي داري …
بجد قصدي من منو بنلقاها كان اختي هك ….

نبي نحكي نبي نبكي بننفجر ..

في نفس وقت خشت عليا حناي ..

حناي مش مركزه:سوما بنيتي اليوووم …

وشبحتلي …جت بسرعه

حناي:سوما بنيتي خيرك خير وجهك اصفر شن فيك

ووقتها نراجي غر في من يقولي خييرك

انهمرت دمووع وحضنتها طول وقعدت حناي تمسح على ظهري …

حناي:يابنيتي خيرك استهدي بالله وداومي على قراءه قران وصلاتك واحني بنعدو لي حياشنا مافوق يابنتي ورجاله خواتك خاشين طالعين وعندهم التزامات ساد يابنتي وانتي تعالي لي اول حوش هو حوشي تنوريه يابنتي راك نواره حوش وصيورك ديري صغويره وتصوقري على حويشك وراجلك

كلمات هادم جوني كيف خنجر لانه عااارفه مش ح يصير هلكلام …

وزدت نبكي نبكي لين رقدت من كثر دموع

وواستني حناي وغطتني وطلعت ..

وعلى قيس العشي …

حناي:يابنات نوضن جهزن العشي واتصلو برجالتكن هيياا عاد ولمو صغويره ماتخلوهمش يحوسو

وكل حد فرحه مش سايعاته وكل شوي يخش حد بسمه من شق لشق فرحانين…

حناي:اسمعوني عاد سهى بنيتنا وشرفنا وعرضنا وسترنا وعيبنا ايواااه وماتنسوش خير توابين خاطئون وبنتي ماعليها سو ولا سو يجيها ولا هو عيبها الدنيا معاش اطمن

فوزي:ياعمتي سهى اختنا وكيف بنتنا وعلى عين وراس

حناي:بارك الله فيك ياولدي ولكن خلاص كل واحد يمشي لحوشه وواجبكم كفيتو ووفيتوو

انتصار: ياحناي سهى اختي ونعرفها ونزبطها كويس ومن صغرها طايشه

حناي:تي وين تعرفي ديارها من يوم تزوجتي ماتندري على حاجه ماصدقتي صوقرتي على حويشك وراجلك اسميهان بس تعرفها واشبح هي وين ديارها

انتصار بصوت واطي: اشبح شن دارتلها من خارقه

وفي عز هدرزتهم باب يطقطق

حناي:نوض نوض يافوزي افتح الباب ونوضن يا بنات وتن السفر اشبح من جاينا

وفوزي بصوت عالي يرحب

حناي:نوضي يا انتصار شوفي منو جاي على قيس العشي هدا

انتصار :تو نعرفوه

خش فوزي ورجاله للمربوعه

انتصار اتصلت بفوزي باش يرفع السفر

وقعدت سفره ماشيه وجايه وماعرفنا مني جاي بعد ساعتين ..

خش فوزي

حناي:منو ياوليدي لي جاي حسني نشغلت

فوزي:هئحم واللهي صاحبي ياعمتي عارف كل شي وطالب القرب ويبي يكمل نص دينه

حناي قعدت تشوف للكل زعما لي من جاي بعدين استوعبت: اهلين وسهلين لكن ماقتليش ياولدي لي منو جاي

فوزي:لي سهى

انتصار قريب زغرطت بصوت واطي: واخيرا هم ونزاح

نخصتها فوزيه

حناي:اوباهي فيه الخير ياولدي شن اسمه وشن شغلته به

فوزي:دكتور قلب ويشتغل في عياده الامل ويداوم حتى في تونس في مصحه السلامه

حناي:ان شاء الله من قسمها وشن هله وناسهم كويسين؟

فوزي:والنعم ماشاء الله ياعمتي واكيد مانريد لي سهى الا كل خير

حناي:نوضي ياانتصار فرحيها هلمسكينه

انتصار طرمت شواربها وتمتم وهي تمشي:مافوق جبنالها راجل مسقم ويسترها يطلع دكتور اخخ يامرارتي

وخشت لي دار سهى بلقوه وتقربع وتشلفط وجت لي سهى

انتصار:نوضي ياماما نوضي منوض

سهى منخلعه:خيييرك شن في

قعمزت انتصار وتتكلم راس خشمها: باش تعرفي جميلنا عليك سابق

)وحطت رجل على رجل)

وكملت:وراجلي جابلك راجل مصنع منع غر أن شاء الله يثمر فيك وتخطي راجلي ياجيعانه

سهى خدت نفس بعدم صبر :اسمعي احترمي نفسك لو حالة عيونك في اشكالات هك مالياش علاقه بموضوع

انتصار:…..يتبع..

🌸🌸🌸
برومو حلقه قادمه …..

انتصار :اسمع خود دهبها وطلقها
…..

فوزي:اصلا شقه وهميه

انتصار:لازم نوقفوها عند حدها

….

حناي:موضوع هدا مش صاير منه

انتصار :عزوز شمطاء هذي لازم تموت

… .. .
طبعا كيف جي راجل هدا وراضي بي سهى؟؟😶
في حلقه قادمةه نعرفو 😙
…..

ـــــــــــــ

….

عند جلنار ……

سليمان قعد يبربش في التليفون ومش فاهم شي ….

سليمان خش وفي ايده تليفون: جلنار شنو هدا

جلنار:شن هو ترا؟

سليمان بشك :اممم مالك كو ماله عدي ساعدي اسميهان في العديد جعت

نزلت جلنار من دروج جتها اسميهان تجري تخض فيها …

اسمهان:شن دارلك هلحيوان اطلقي اطلقي منه عطه ماينزعه والله تو نردلك حقك تالت متلث. …..

وقعدت تنادي بصوت عالي:يا اللاي ياجبريل الحقو الحقو لي ولكم بيقتل بنت ناس

جلنات فكت روحها من اسمهان ونفضتها وطايرتلها بكل:تيييي خيرك شن جاك

اسمهان :الحق مش فيك حق فيا انييي لي نساعد عدي أن شاء الله قاتلك

عزوزتهم:شن في تعيطي ومدايره حاله

اسمهان :تعالو تعالي دونك ليا اللاي بيقتلها بنت ناس ووه عليا وووه اشبح شن لقاها ادير ياكبدي ماتنقدر

جي سليمان نازل من دروج :خيركم

عزوزتهم:شن مدايرلها بنت

سليمان :ما ….

وقاطعاته اسمهان بلكلام

اسميهان:ياااشوق مادرلها قوولي شن مادارلهاش جت نازله البنت وجهها مخطوف خطف يناري عليها وحتى هي عندها ماتحكي شوفي شوفي وجهها

عزوزتهم:مافيها شي الله يبارك غر من عياطك بتركبيلها الصفير

اسمهان طرمت شواربها:اييي يا اللاي عطك الخير وخلاص واشبح شن لقاها ادير واخده تبربش وتلفن على ابصر منو

سليمان: الارضي فاك خيوطه اني

اسمهان :اييي مسيكين ماتندري على شي راقد على ودانك واخده تليفون من هلبناويت معفكات من خارج تحسابه كيف الارضي اييييه ياااكبدي اخخخخ ياحسرة ياحسرة عليا مانعرف حاجه

سليمان طلعه من جيبه :قصدك هدا

اسمهان :ايييي اييي والله اييي مش هدا لي حكيتي عليه يا للي ماتتحشمي

وخدت تليفون من سليمان وقعدت تبربش فيه

:شوفه ها شوف شوف الارقام شووف

عزوزتهم:……يتبع

توقعاتكم 🌸

اترك رد

زر الذهاب إلى الأعلى