روايه لربما احتاجك الفصل التاسع | القلم الناجح
روايات ليبيه كاملة

روايه لربما احتاجك الفصل التاسع

جميع حقوق النشر والطبع محفوظه

روايـةه لربما احتاجك 💓
حلقه تاسعةه 🌸💓
بقلمDebth heven🌸
اسمي حقيقي فاطمه سالم
…..
..
عند سهى 🌸
سمعت الارضي يرن مشيت نجري عن ينوض مروة …
فتحت سماعه
سهى :الو
عباس :عرفتيني

سهى عرفته من بحة صوته 💔:لا منوو

عباس:عارف انك مش ناسيه بحة صوتي ناسيه شن كنتي تقولي ننسى كل ملامحك الا صوتك لي نرقد ونوض عليه

سهى ارتبكت: ش شن تبي

عباس:تعبت في جرتك ..
تعبببت تعببت مش لاقي حد فاهمني غيرك

سهى بتنهيده:قصدك ناسي شن داير فيا بالله منووو لي يعاني توا اني ولا انت

عباس:بناتي سته الستةه في جرايرك اغتصبوهن

سهى :الستةه هدين لو كنت وافي ليا ره كانن بناتنا ومايجي شورهن والي

عباس:اخخ شن تبي مني شن تبي باش نرتاح

سهى:انت لي شن تبي بعد هلوقت متفكرني ههه درت والله مادرت لا ح تتسمى انسان ولا ح تكون مرتاح ولاااا تكون ولا ح تكون رااااجل قند مقند فهمتهااا كيف

……..وصكرت الخط

قعدت نبكي نبكي نبكي يااااناس مزلتتت نحبهه ايي كنت نحساب روحي نحب سليمان بس لا الاهتمام كنت محتاجاته وبس 💔😞
…..
مشيت خديت الكروانة وعبيتها مايه فااااايرةه وقعدت نغسل في دبش بغل غلي وعلى رغم المايه حرقت ايديا بس حرقه ايديا وحرارة المايه مش اكتر من حراره روح وحرقه قلب💔
…..
طووول هلسنين نحاول ننساه ونتوهم أن نسيته وكل شي وفي لحظةه وبكلمتين منهه رجع كل شي 💔اخخخ والفف اخخ 😭😭😭😭اهه ياااقللببي كنت نقرأ في كتابات….
كلمه حرقه قلب كنت نحسابه تعبير على وجع واهو قعدت سنيننن نعاني منها وحسيتهاا وقاعده نحس بيها 💔
…..
مسحت دموعي في الكم ومصمصت الدبش وغسلت يديا ونشرت دبش ومشيت لي كوجينه مالقيتش لاخضره لا شي درت طبيخه ولما طابت طفيت عليها…
ومشيت لبست عبايتي وطلعت بنشري كم حاجه مشيت شريت حاجاتي لي ناقصات من مواد غدائيه وكده …
كنت كيف مروحه من المحلات …
لقيت قيس مدرس سيارته قدام حوش مدورتاش خشيت طول …

انا_السلام عليكم

مروةه_وعليكم السلام

انا_خيرك طالعه وين ماشيه

مروة_انا بنمشي للمستوصف عزوزتي راقده فيها صايرلها حادث وانتي خليك اهني مع حموده راقد لداخل وتغدي ماتستنينيش احني بنعطلوا …

انا_باهي وان شاء الله لاباس عليها ديري بالك على روحك…
طلعت واني خشيت لدار حموده ولقيته راقد بوسته ..
وطلعت لداري خديت حوايجي ..وخشيت اندوش …وخديت رااحتي في الحوش بروحي قعدت قريب ساعه في الدوش لبست حوايجي ولفيت الفوطه ع راسي وطلعت خشيت لحموده اول شيء لقيته قاعد راقد..
طلعت نشفت شعري وخديت معاي وشاحي تحسبا لو جي حد فاجئه….
🌸🌸🌸
طلعت للمطبخ سخنت الغدي وقعمزت نتغدى ..
لين سمعت الباب انفتح….
حطيت وشاحي علي راسي ودسيت شعري تحت بيجامتي وطلعت من المطبخ لقيت قيس بس

انا_وين مروة!

قيس_ قعدت مع امي وانا جيت بناخد شويه دبش لي مروه وبنمشي
وخشيت لي دار مروه قعدت نحط في دبش مروه في الصاكو …
شويه لين بدي اينادي
قيس_سهى يااسهى

انا_فتحت الباب وطلعت راسي بس

قيس من مربوعةه..تعااالي دوري معاي مفتاحي راح وتأخرت …بسررعه
..
طلعت وانا نمشي خطوة ونرجع خطوة ..طلعت راسي مهناك حد في المربوعه…
خشيت ويتصكر الباب….
انا_ جيت بنفتح الباب …

⬜قيس سكره بالمفتاح وحول المفتاح وحطه في جيبه_ تعالي ياقلبي تعالي قالولي عليك ياااما جت عليا اني توا

⬜انا بضيق_افتح الباب بنطلع

⬜قيس_وين تطلعي !..؛. انا ماصدقت قعدنا جميع

⬜انا_نبكي: بالله عليك افتح بالله

⬜قيس_اشش معاش تبكي اسمعي كلامي وديري الي نقولك عليه وخلينا حلوين مع بعض

⬜انا_لاااا لااا افتح افتح الباب..
🌸🌸🌸
….
.انا انوخر وهو يقرب …لين لصقت في الحيط…
وقف قدامي واتكى بيده علي الحيط…
…..
والثانيه اينحي بيها في وشاحي وانا نبكي وانرد في الوشاح لين جبده بالقوة ولوحه….

انا نرعش ونبكي نفس وجع وقهر رجع و احساس …..
….
حط يده ورا رقبتي وانا اندف فيه لكن ولا اثر فيه ..
طلع شعري من تحت البيجامه دفيته بلقوة طاح وهربت
…..
ناض وشدني من يدي وجبدني ليه

⬜قيس_اهفتي خيرلك رااه …
علاش تبي تحرميني ماهو كلهم شبعو منك…

⬜انا تمنيت نموووت:_خليييني في حااالي ياااحقييير وقعدت نعيط..

⬜قيس_بعد شفت هالحلاوه ..
ويأشر علي شعري …
وجاب يده وحطها علي خصري ….
وشفت هالجسم ..مانقدرش ..

⬜انا_لاااااااااا
وعضيته من كتفه بقوة وطلعت المفتاح وقعدت نحاول نفتح الباب وايدي ترعش معاش عرفت كيف نركب المفتاح…

⬜قيس _يا ..٪$$٪..يابنت&$#$٪ ..تعااالي
وشدني من البيجامه و تمزقت لوحها..
…..
وشد من جيهة السروال وكيف بيحوله
……🌸🌸🌸🌸🌸
……..

عند مروة…
⬜مروة :اففف قيس عطل هلبه
يانجاح خليك شوي مع اللاي توا نجي نمشي نجيب دبشي باش نبات معاها

⬜نجاح برمت شواربها:هممم باه به غر تعطليش صغاري بروحهم

⬜مروة:حاضر حاضر وخيتي شوي وجايه
طلعت البرا ركبت ميكرو وصلت للحوش لقيت سياره قيس استغربت !!!
ليش عطل بعد خشيت الحوش لقيت مربوعه مصكره وسمعت اصوات فيها حاولت نفتح مربوعه مابتش تنفتح مشيت للمكتبة خديت مفاتيح احتياطيه ومشيت مربوعه قعدت نجرب بلمفتاح لعند رابع مفتاح ….
……
🌸🌸🌸🌸
نفتح الباب ….
وقبل مانتكلم ..
بسرعه دفني قيس

⬜قيس_تعالي لي خالتك..
شن هالعار شن هالرباية جايه تعرض في روحها

⬜انا_كداااب والله كدااب

⬜قيس_سكري فمك وتحشمي ..
يامروة من اول ماجيت بناخد دبشك وهيا تدحنس……
خالتك اليوم قريب خلتني نغلط معاها

⬜مروة_تبكي..ياحيوانه..هدا راجلي..
حرام الي اديري فيه انا جيتك نشكيلك وانت حاطه العين عليه ووين تعلمتيه هدا وجت ضربتني ..
وراجلها ع اساس يحز …

⬜انا_نبكي ونحلف..والله كداب يابنيتي اني في عوض امك معقوله تشكي فيا بعد هلعمر…والله كداب …انا معقوله اندير هكي

⬜ مروه_المصيبه انك خااالتي قوليه كلام هدا لروحك يااماما

⬜انا_والله الا يكدب راجلك كدااب والله هو ناداني

⬜مروه_صكري فممك صكرييييه خزي اتفيي 💦
وطلعت وخدت تليفون الارضي واتصلت بي خواتي كلهن وحتى جدتي مع خواتي لأنها معاهم ..

⬜مروة:الحقوو عليا يا خالاتي تعااالولي
طلعت للصاله وقعمزت تبكي
قيس_ياعمري اش اش ويمسح في دموعها ويبوس في خدودها..خلاص ياعمري ….

⬜ مروه_لا مش عاادي ..هدي خااالتي فاهم شن معنى خالتي

⬜قيس_خلاص انسي …ماصار شيء

⬜مروه_مستحيييل ننسى ونااضت من جنبه مشت لي دارها بعد تلاته ساعات من دموع وااجعتني كيييف كيف خالتي هك مسحت دموعي ومشيت فتحت الباب
🌸🌸🌸🌸🌸
🌸🌸🌸
عند سهى..
⬜انا_لبست عبايتي وضميت حوايجي وكتاباتي ..وحطيت حديدة الذهب الي عاطيتهالي ماما قبل ماتموت من صغري..ومفتاح حوش بوي قعدت كم ساعه نبكي ومتقهقره من نفسي ….
….وبعدين نضت
قاعده مالبست وشاحي انفتح الباب وخشت مروه
مروه_معاش تلزمني خالة هك انسيني فاااهمه
انا_ وبنت اختي الي ماتصدقنيش معاش تلزمني ..
وايجي يوم وتعرفي انك ضلمتيني وادوريني ماتلقيني يامروه نسيتي أنه تزوج عليك نسييتي صار وفيسع ماصدقتيه
…حطيت وشاحي ع راسي ونهضت شنطتي ولما وصلت للباب لقيت

⬜ جداي ..واول ماشافتني ليااا فترةة ماشفتها.._سوما بنيتي خيرك..وخيره وجهك هكي..وكرتني اضبطتني .وبديت نبكي….حسيت بريحة امي…

⬜ مروه برمت شواربها:ياااعيني تمثلي كويس صاار

⬜جدتي _خيرها خالتك يامروه…

⬜قيس ..خشو داخل خيركم واقفين في الباب تفضلو ..
خشو

⬜جدتي_خيرها هادي تبكي ….شن صاير …

⬜مروة _دارت عملة مايلتبس عليها جرد قريب فضحتنا وفضحت روحها ياعيني بدت تبكي خشيت عليها مع راجلي ..جايته تعرض ف روحها عليها .وكان مش ستر ربي وجيت اني راهو تو صارت مصيبه

⬜جدتي_اييييياه رجعت حليمه لي عادتها قديمه

⬜اختي فوزيه_شن هالكلام الي تقولي فيه هدي خالتك فاهمه خاالتك شن ايأكد كلامك من قال مش هو الي امصكر عليها ولا مناديها قولي تحشمي على وجهك ياخايبه

⬜ مروه_ قيس راجلي ايخاف ربي مستحيل يديرها وبعدين كان هو الي يبي راه مشالها في دارها

⬜انا_كدب ياجداي والله كدب هو الي ناداني

⬜قيس:هيا هيا ضمي دبشك يامروه نراجي فيك لوطا ماعاد يلزمني هلمكان ولا اقعدي هنا وين ما خديتك
ناضت مروه بسرعه تلحلح خدت حموده وصاكوها ولبست عبايتها ونزلت بسرعه لا سلام لا كلام ولا كأنه موجودين 💔…

⬜جدتي_خشت داخل وهيا تعارك خزي ع الربايه خزي
….
وكيف بنطلع جي راجل اختي فوزي عليك هم وخلاص …
وطبعا جدتي ماقصرتش بكل وحكت كل شيء و راجل اختي مصدوم يشبحلي من تحت لتحت في شبحات مقززه…

………..
….
وخشيت للدار وبكيت لين دخت ورقدت ..وف اليل طق الباب امتع داري وخشت فوزيه

⬜ فوزيه_شن نضتي

⬜انا_بعبره..يكدب ياوخيتي والله عظيم

⬜ فوزيه_عاارفه كداب ماتعدليش على حد هدا واحد بلعوط اسأليني اني عليه نوضي سلم وخيتي توضي وصلي

💔انا_باه..
……

.
ونضت توضيت وصليت ركعتين خشوع وخشيت لجداي في المطبخ
⬜انا_ نعاونك

⬜جداي_ .. كملت كل شيء تحسابيني عابيه عليك..راقده امشي انتلفي ضمي الحوش وسيقي الحمامات…

⬜انا_باه شويه بس
وطلعت جدتي وشطبنا المطبخ و وتينا الشاهي ..
..
بعد اسبوع نسيت مانشرتش الحوايج فعاقبتني جداي وخلتني انفض المخزن بروحي نضت من الصبح وطلعتله وعاد مغباكم في مخزن القدييييم مغاطي طناجر بلا طناجر وصفر مدقدقات وطروف سيارات..
وبديت عاد ناخد ونرمي برا الدار المهم سيقت الدار ونفضت السكفاريات وبديت انستف من اول وجديد..
وانا واقفه قدام السكفاري حسيت بحد وراي…
انا_منوو ..وتلفت خايفه…وشفت اخر شخص نتوقعه …
دفيته وخشيت جري للحوش ولقيت جدتي
جدتي_شن كملتي
انا_اه..قريب شويه بس ..
غير نبي الحمام..
خشيت للحمام وبعده للمطبخ لين تأكدت انه طلع من الحوش ورجعت كملت المخزن وطلعت جدتي
وبدت تدعي وتعاود ليا
ربي يسقم حالك ربي يسترك بنيتي دنيا واخره اول مره انحس انه جدتي اتحبني وبديت نبكي
⬜جدتي_خيرك..تبكي

⬜انا_جيت اظبطتها وبديت نبكي بالعبرة_استاحشت امي يا جديده
♠جدتي_وانا مش امك ياسهى

♠انا_احلى ام انتي

♠جدتي_خشي ديري حمام وتوضي الظهر قريب يأذن والعشيه نمشي انا وياك نشريلك عباية جديده ودبش جديد وتدهوري
♠انا_فرحت باااه وخشيت جري خديت حوايجي وللدوش طول…
وفاتت ايام وانا في حوش مرتاحه لكن في شيء منغص عليا والي صار يوم المخزن مش مريحني بكل…
وبعد شهر ….
كنت مع جديده في الجنان نشربوا في الشاهي جي فوزي البارد…
انا سلمتش قتله كيف حالك بس وخشيت انوتيلهم في الشاهي
لين لحقني على اساس بيشرب مايه
♠فوزي_تو مش عيب عليك تحرميني من هالجسم

♠انا_تي تحشم عيب عليك انا عرضك وشرفك واخت زوجتك

فوزي _………يتبع
…….
🌸🌸🌸🌸🌸
عند سليمان….
….
مشيت جري بنخبر جبريل لقيت امي مروحه من بنغازي ومعاها صغار جبريل ..

♠امي:اهلييين يااسلوماا كيف حال قالو تزوجت

♠سليمان:اهلا اهلا يما كيف حال صحتك خيرك ما قتيلي انك مروحه

♠امي:هدا هو ياوليدي وكنك ما راجيت لعند ما روحت وحضرت عرسك ليه عليك ياباتي

♠سليمان:يما هدا لي صار وماهو عرس هو على سكيتي وخلاص

♠امي:اياااه ياباتي اوباه به مبروك مبروك ووينها وليتك

♠سليمان:اهو جايه ياااجلنار جلنااار

♠جلنار من دروج:نعم

♠سليمان :تعالي تعالي

♠امي:تعالي ياخيتي تعالي نحقك ياولية وليدي

♠اسميهان سمعت صوت امي جت تجري:اهلاا اهلااا زارتنا بركه هاتي عنك شنطتك ياحاجة خيرك ما قلتي ره جيناك للمطار روحنا بيك

♠امي لوت شواربها وبصوت واطي:كنه ما جت هلشيطانه ولا تبيش تسلم

♠اسميهان ضحكت:هههه نقصي حسك ياحاجة ره يسمعك سليمان مايتحمل فيها حويجه

♠امي:ايييه هلمنقوبه جت وقلباته عطاها مايقلب عيشتها

♠اسميهان:امين ….خشي خشي ارتاحي شن تبي الغدي ياحويجه كسكسي ولا بازين

♠امي:لااا ياكبدي تريحي انتي نبو نشوفو تطيب عروستنا ولالا يا سلوما

♠سليمان ارتبك:اييه ايه مالا شنو لكن قاعده عروس يما ملحوق عليه خلي اسميهان تعاونها

♠امي ماعجبهاش:اممم ايه ايه حتى هو راي هي ابدو من توا ياكناين

♠جت جلنار باست ايد امي:اهلين ياعمتي اهلا كيف حال وحال صحتك خشي تفضلي اسفه عطلت

♠امي قعدت مركزه في جلنار: امممم اهلين اهلين شن اسمك يابنتي

♠جلنار:اسمي جلنار ياعمتي

♠امي:اممم مالقو مايسمو هلك كنهم هلاسم مخالف

♠اسميهان:هههه صدقتي ياحاجه

♠امي:هيا هيا خشو ياحناتي فيسع امتى بناكلو
….
🌸🌸🌸🌸
عند جلنار:
بعد نادا عليا سليمان فهمت ان في حد جاي بس عرفتش منو المهم غيرت دبشي من زواق وكل شي وطلعت سلمت عليها بس شكلها العزوز جااالطةه …
المهم مشينا للكوجينه لي برا ….
عطتني اسميهان كرشة قتلي فرتيها قعدت نفرت فيها قتلها جيبلي ماعون فيه مايه فايره وليم وملح …
مشت خدت اسميهان ماعون من دار خزين مشت للحمام تغسل فيه بحدا مرحاض ….
لاااعت كبدي وووك عليك بايره …
…..
مشيت خديت ماعون وخديت تايد ووراكينه ونضفته خليته يلمع …
جتني اسميهان

♠اسميهان:خييير مش عاجبك غسلته في الحمام ولا شني

♠جلنار:لا شي حسك عطلتي بس

♠اسميهان ونهضت خجل لي مسبسب على وجها وهو شعرها كيف ليفة ليموني :اممم خفي روحك بس

♠جلنار:باهي
وقعدت نضف في مصارين بليم وملح وخدتهم مني اسميهان كملتهم ….
قلت في خاطري خساره هلتنظيف هدا كله توا بتمسخهم على فاضي اففف قهر😬….
….
مشيت خديت قازان ودرت طبيخه قرضت البصل …
حاسه روحب تاااعبه كنت في زواق وحالتي حاله اففف عليكك قصه ربي يصبرني وخلاص
….
طيبت طبيخه وحطيت على كسكسي في كسكاس عاد بعد برمته وتكمته ياااسلام …
…..
المهم مفرخ اسميهان يتناقزو قعدت نرعى في الغدي خايفه تجي الكوره في طنجره يضيع تعبي كله وهي شيي اسميهان ماقتلهم العبو غادي ولا حتى حاجه عاجبها واني نار كلتني مع بعضي حتى بنتكى شوي مابين طاب الغدي شي خشت عني وخلتني معاس عرفت ما ندير ….
شن ندير شن نديى اخر شي خديت العصا وقعدت نجري ورا صغار خلاص ولعتلي

♠جلنار:تي عدي انت وياه ره خيرلك

ولد اسميهان قعد يحدف فيا برشاد

على خشه جبريل جايب فواكه

♠جبريل:قعمز قعمز انت وياه

♠طلعت اسميهان:خيركم شن في

♠جلنار:زودي لصغارك ياحنه كلتني شمس من هنا ونار من هنا واني نرعى وهم شي مابوش يتحركو السور هك كبره مالقو يلعبو كان بحدا النواله

♠اسميهان:من مبكري يلعبو وكنت معاك ولا لما خشيت حلالك الجو

♠جلنار:لما خشيتي يا ماما زادو هبلو

♠اسميهان:نعم نعم توا بطلعي صغاري مهبله ولا محصلتيش صغويره جيتي تفشي غلك في صغاري

وشي جبريل مانطق حرف واقف يتفرج وخلاص

♠طلعت عزوزتي :كنكم ياكبدي حسكم واصل لا وين

♠اسميهان:لحقي لحقي يااحويجه بتبرك عليا ناقص تهدد فيا بتضربني اييي شفتيها يا حاجة

♠عزوزتي:نعم نعم ناااقص ياحنه جايبك ولدي باش تصارعينا انتي ولا شنو زود زود ياسليمان دونك لنا

♠سليمان:نعم نعم خيركم شن في

♠عزوزتي:زود لي مرتك ياكبدي جايتنا بشيح وريح تصارع وخلاص

♠جلنار:شن شيح وريح ياعمتي مادرتش شي كل لي صار قلت لصغويره يلعبو غادي اسألي حتى جبريل

♠ولد اسميهان:كدااابةه قعدتي تجري ورانا بلعصا

♠جلنار:مابيتوش نشفتو ريقي

♠عزوزتي:شن ياجبريل هااا شن لي صار بزبط

♠اسميهان فنصت فيه

♠جبريل:ضربتهم وتحززت على مرتي ياسليمان غدوا بعد غدوا مرتي وضراريا منو بيا اني

♠عزوزتي:طلقها ياسليمان

♠سليمان……..
يتبع
توقعاتكم
أن شاء الله تنال اعجابكم 💓اسفه على تأخير بس ليا اربعه ساعات نكتب على فكره وناااعسة وتعبانه هلبببه فا نبي تفاعل قووي 💓
فاطمه سالم

اترك رد

زر الذهاب إلى الأعلى