روايه لربما احتاجك الفصل الثالث | القلم الناجح
روايات ليبيه كاملة

روايه لربما احتاجك الفصل الثالث

جميع حقوق الطبع والنشر محفوظه

روايةه لربما احتاجك🌸
حلقةه تالتةه..
بقلم Debth heven
اسم حقيقي فاطمه سالم
….
..
جلنار:غر اسمعي يابارده نبي نفتلك روحي مش عارفه كيف ندير
اسرار:هههههه تبي انتي سته شهور بحالهن ويااالله تباني حتى شوي قصدك انتي مش عارفه شن في
جلنار :ليش شن في
اسرار:احتمال يعني احتمال نكون اخت العروسةه😙جلنار تغسل في مواعين:بالله جديات مني بيتزوج
اسرار تشرب في المياه:افففف تعرفي تقهقري انتي نشفتي ريقي
جلنار:تي احكي بلا جو

اسرار:نعممم شن تحسابي روحك انتي حق مش فيك الحق فيا عطيتك وجه مافوق (حطت طاسه على رخامه) واصلا بوي وقفك من مدرسه باش تخدميني اني فاهمةه
…..
جلنار:
قعدت نغسل بسرعه ونرعش من كلامها كيف سم بجد خلااص مليت من عيشه هذي خلاص نبي نطلع منه الحوش هدا ياااربي يااربي صبرني بس💔….
قعمزت على كرسي ونفكر ليش يفرقو بيني وبين اختي اشمعنى قعدت نشوف في خوتي كيف يلعبو ياوخيتتي يهبلوو انتم بس لي مصبريني ع القعده في الحوش 
طق طق…
مشيت فتحت الباب لقيت بابا 😍
جلنار :بااااابااا استحشتكك
بوي:ياعيوني اني تعالي تعالي
اول ما حضنت بابا ارتحت 😍🌸
…….
..شبحت لي بابا وعيوني رقرقو بنببكي خلاص ….
جلنار:بابا معاش تخليني
بوي:هههه غر خليني نخش تاعب يادوب شاد طولي
جلنار:هكيي باهي به
بوي:كركوري خيره زعل
جلنار:مالا شني
بوي:ههه تعالي تعالي احكيلي شن جوك شخبار مدرس
جلنار معاش قدرت نشد روحي بنببكي خلاااص كلمه شخبار مدرسه قطعتتني اصلا كل يوم نشوف ف صحباتي ماشيات للتانويه وكان خاااطري نلبسه الزي هدا 💔:هئحم اا بابا انت بطلتني منها مدرسه
…..

بوي:هااا اا اي اي وانتي شن تبي فيها مدرسه اهو معززة مكرمه غر شن تبي بس

جلنار قلت في خاطري هييي فرقة حالي تقول اني الام ف الحوش …بضحكه صفرا:ههه اي اي

بوي :ناديلي امك وجيبي الغدي
جلنار:درناش غدي يا بوي
بوي :نعممم وليش ما درتوش ياناجيه ياناجيه
ناجيه:هاا نعم نعم يا حاج خيرك وامتى جيت
بوي:هدي جايتي تاعب من شغل مالقيتش غدي وعليش ان شاء الله ما درتوش

ناجيه:شنوووو شنو مافيش غدي هذي نوضي عطك جدري نوضي ديري الغدي لي بوك وخوتك امشي اني من صبح نجري ونطف وحالتي حاله وانتي اربع وعشرين ساعه مقعمزتيلي غر بالك ما نكسرش ظهرك هااا

بوي:اطلعي يا ناجيه اطلعي عندي معاها كلام اخر هذي ….(وخدي الصوت بيضربني بيه )
وقعد يضرب فيا واني مقعمزه ونشوف في امي كيف تضحك تعرفوو ضحكه امي واني نتوجع اوعر منها مافيش ضرب بوي بالصوت كان مهوووون عليا يااااما تعرفو حسيتش بشي من ضرب دموعي ينزلو لا اراديا مش عارفه وقتها شن نقوول بسسس اني اليوم كله لي نضم ونطبخ وحالتي حاله وهي كل شوي تطلع ابصر وين ديارها ….
…..
بوي:انتي تعاندي فيا هااا تعاندي تو تشوفي …
(قعد يضرب فيا بلقوه )

جلنار:قعدت نعيط بصوتت عااالي …

جلنار: يماااااا ااااه يماااا حرام عليك يما تتبلي عليا انتي انتي قلتي ديريش غدي يمااا ليش ديري فيا هك حرمتوني من كل شي قرايتي دبشي حتى ماكلتي شن درتلكم اني شن درت

ناجيه:وووه عليا وووه هلبنت لي ماتحشم عيب عليك يابنت اني امك نقصي حسك

بوي:تبي تربايه هذي معاش تحشم (وقعد يضرب بلقوه)
اسرار جت تجري :بابا بابا خلاص خلاص انت تاعب واكيد جيعان تو نديرلك حاجه تاكلها ارتاح خلاص بابي معليكش فيها هدي وبعدين شن تبي فيها اهو اني موجوده ولا مش عجباتك 😚
..
بوي:اخخ يابنتي بعد شيب كلاني ترفع في صوتها عليا حمدالله انتي هنا
اسرار:ولا يهمك بابي ادلل خلاص هدي اعصابك
ناجيه:خشي قدامي انتي جلنار انتي يابنت خشي بلا دلع واشلفطي لداخل
….
جلنار ماعنديش جهد نوض وكل مكان يوجع فيا مش عارفه كيف ندير ….

بوي:تي نوضي خير مانكمل عليك نوضي
ناجيه:تو تنوض ياحاج وسع بالك
….
جلنار …
نضت واني متهللكةه مع بعضي خشيت لداري او بلأحرى دار الخزين لي هي كانت دار جداي ماتت فيها وهي محروقة💔بوي كان قاسي حتى امه يبيش يعالجها ماتت وهي تعاني قعدت نبكي نبككي منهاارةه ونسجد بصعوبه ومعاش عرفت شن نحكي قعدت نقول ياااربي ياااربي ياااربي 💔معرفتش ع شنو نحكي عليه بزبط لان تعببتت مش عارفه شن نقول ولا بشنو نبدا …
بي تدمير طفولتي وابسط حقوقي حرموني منها ولا اعز ناس يدمرو فيا ومهمشيني لا نحكي لا نشكي لا نطلع لا حد يجيني ويديرلي اعتبار ونشكيله💔تاعبةه تاعبةه نفسيا قبل جسديا رغم دار خزين كانت مصقعةه لكن نرتاح فيها لان كان فيها اغلى ناس يا اغلى ناس ترا اعز ناس لي هم بوي واختي وامي يدمرو فيا💔💔تنهدت تهيده طويلةه 💔مش عارفه شن ندير …..
خشت عليا اسرار:سادك رقاد نوضي نوضي ياحنه اسفيلي كمامك وديري الغدي ولا خلاص صدقتي روحك وتعرفي مره تانيه تقولي كلمه ع امي دارت ولا شن دارت مصيركك اسوود فاهمه (وضربتني برجلها )انتي زبالة لا اكترر فاهمه او لا مشكلتك تلوحي في كناسه (حشاكم) ونسيتي تلوحي روحك معاها عرفتي شن غلطك ….
….
نضت للكوجينه كلعاده وهي مشت
…….
ناجيه:ياصالح
بوي:نعم
ناجيه:واللهي اسميهان ادور لي سلفها وشافت بنتك جلنار وعجبتها وبما ان كبرت ولا عندها مدرسه لا سو شن رايك نعطوها
بوي:……
يتبع
توقعاتكم

اترك رد

زر الذهاب إلى الأعلى