روايه لربما احتاجك الفصل الثامن | القلم الناجح
روايات ليبيه كاملة

روايه لربما احتاجك الفصل الثامن

جميع حقوق الطبع والنشر محفوظه

روايةه لربما احتاجك
بقلم Debth heven🌸
الحلقةه ثامنةه🌸
اسمي حقيقي فاطمه سالم
…….
….
..
عند سهى 🌸
مشيت للكوجينةه بندير حاجه ناكلها قعدت نسمع في حركه في جنان …
حولت موس خبزة من ايدي وغسلتها مشيت لي صالون حولت شرشاف من على الانتري وخديت موس بو خوصه
ومشيت للبلكونه وقعدت نشوف من شبابيك ملقيتش حد خشيت صكرت البرسيان وروشن ومشيت لي روشن مربوعه عشان يفتح على جنان اوضح قعدت نسمع في شهقات !?
….
معاش عرفت ماندير شن ندير شن ندير قلت خلي ناخد الزيت نصبه على الباب باش يديرش صوت ونشوف منو فيه ….
خديت زيت وقعدت نصب على الباب وفتحته بشووي قابلني شخص مقعمز على دروج ويبكي !؟
خفت من هدا زعما ؟
سهى:م منن تكون

…شبحتلي بنظره مكسورةه لين قريب بكيت مووعرها 💔 وتكلمت بصوت مبحوح: خ خالتي 💔

 سهى:منوو

رفعت راسها ودموعها ينزلو على خدودها الحمراء وخشمها احمر وعلى وجهاا كدمات:خ خالاتي دمروني يااخويله 💔خدعوني ياخويلتي
وناضت من على دروج جت حضنتني

سهى لوحت الموس وحطيت يديا على ظهرها ونمسح على ظهرها واني مصدومةه:شن صارلك ياخويله ياقلبي اني تعالي خشي خشي ارتاحي يامروة

 مروة:م محتاجة لي سند يحسني اكتر من يقابلني حيوط

سهى جت كلمتها كيف خنجر في قلبي 💔قعدت تبكي في حضني وتبكي بشهقتها 💔
……
(طبعا سهى واسميهان اهلهم في شمال ليبيا )
😶🙊نبيش نذكر مناطق خلي نحكو بصفه عامه يفضل 🌸 ــــــ نرجعو لي روايتنا ــــــــ 🌸

بعد ربع ساعه من دموع والبكي 💔

مروهة:اسفةه خالتي خليتك واقفه

سهى:عادي يابنيتي خشي خشي ارتاحي واحكيلي شن صايرلك

مروةه تنهدت تنهيدةه بضيق:ياااه من وين نبدا بس يا خويلةه اييييه مالقيتها من حد

سهى :خشي قعمزي خلي نجيبلك طاسه مايه تبل ريقك وتروقي شوي
مشيت عبيت المايه وسرحت قعدت نقول دنيا لي تحسس فيا بذنب توا كيف قعدو يسندو فيا ويحبوني بعد كنت محتاجتهم عايروني بي اني مش بنت وخلاص كانو يقولو بنت كيف المرش لو جاها شي يخدشها خلاص انتهت وبنت شي ثمين لازم تكون في الحوش ليييش ليييش مانعيشش حياتي بكامل حقوقي ليش لما خدو حقوقي صرت مش انسانه ما نحسش مثلا يااااه


مروةه:خويله خويله وينك
..
مروه: خالتي
…..
سهى:نعم نعم هي هي جيت

مروه:ليش طولتي

سهى : توا خليك مني واحكيلي شن موالك

مروة:اييييه موالي موال ياخويله خليني نحط راسي على رجليك وفليلي شعري ونحكيلك

سهى :الله القعده اهيا خاطري فيها مع امي 💔

 مروة:ربي يرحمها يا خويله اكتر شخص محتاجاته هي ..
اني كل يوم نجي نبكي على دروج ونروح مدلوله 💔….
ياااخالتي مانحساب قيس لي تزوجته بعد سبعه سنين حب وعشق ولقاءات وحب طفولتي وكل شي في نهايه يذلني ياخويله….
اول ما تزوجته من يوم صبحيتي نضت كيف المراءه فالحه ضميت كنست لمعت لين ظهري نكسر يوم تاني وتالت ورابع على نفس موال ضم نفخ طبخ وهكدا …
…..لحد رابع شهر مرضت مرضه قويه
….
ياخويله ولا هو يبي يعايني ولا هله حنو عليا من ضم وغسل ولا هم قالوله عاين مرتك ولا حركت فيهم شعرة نحساب روحي كسبتهم
🌸🌸🌸
فاتو ياخالتي ست شهور واني مريضه وندوخ ونطبخ وهم شي ماقاللهم عقلهم حتى شفقه يعاينوني اخر شي خليتهم في صبح يمشو لي اشغالهم ومشيت عاينت وبعد تلاته ايام طلعو تحاليل وطلع عندي ورم في رحم يااخويله😭😭😭اهه ياخويلتي اخخ قعدت ناخد في كيماوي وبعد تغير شكلي وهو لاحظ وسألني…
حكيتله نحسابه يروف عليا ويسفرني ويعالجني مشي خبر امه ومن تاني اسبوع خطبتله وبعد شهر خشت عليا ضرتي ياخالتي خشت عليا تقول اجنبيه هدوكا دبش وريحه تفحفح من بعيد وصندل يخبط لا وين ولااا بدل ماتساعدني ناووين نطبخلها ياخويله وبعد حرجت وتعاركت معاهم قيس ماباش يروح بيا لي حوش هلي خلاني مدلوله تحت رجليهم ياخويله ونصبح ونتمسى في ضرتي وهو غر شن تبي ياسيده …
ناار في قلبي نااار 😭😭😭😭💔

⬜سهى:يابنيتي ماتهنيتي في عيشتك عانيتي

⬜مروة:اخخخ ياخويله اخخ حتى اميمتي لي هي اميمتي قالتلي تطلقي حوش بوك ماتخشيله

⬜سهى:واني شن ندير يابنتي شن ندير هنا ياكبدي

⬜ مروة:ربي ما يحرمني منك خويله خليني نرقد وفليلي شعري وغنيلي اغنيه حناي 💓

⬜سهى:ارقدي يابنيتي ارقدي يااااه 💔
دليني يامنه هي دليني يامنه هي دليني كانك سهرانه قوليلي يامنه هي بنموت يامنه هي بنموت يامنه هي بنموت قولو للغالي يحضني يامنه هي يحضني بدموع عيونه يغسلني يامنه هي يغسلني في وسط قليبه يدفني يامنه هي قولو للغالي يدفني في وسط قليبه يدفني يامنه هي بنموت حتى جبانه باعوها يامنه هي باعوها داروها حياش وسكنوها يامنه هي ايدي البيضه يامنه هي ايدي البيضه يامنه هي ايدي البيضه لو كان نريد نحنيها يامنه هي نحنيها وعرب إسرائيل نجليها يامنه هي دليني يامنه هي دليني يامنه هي كانك سهرانه قوليلي عين سوده لو كان نريد نكحلها وعرب إسرائيل نرحلها يامنه هي شعري الاسود يامنه هي💓
لقيتها رقدت سكتت
…..
رقدتها وغطيتها بلبطانيه وخشيت لكوجينه قعدت نغسل في المواعين ونبكي مش لاقيتها من والي ولا من غوالي اخخ يااكبدي 💔
واني في عز بكاي هاتف الأرضي قعد يرن مسحت دموعي وقعدت نجري باش ماينوضش مروه وفتحت سماعه ….

⬜سهى:الو

:…….يتبع

🌸🌸🌸🌸🌸🌸🌸
عند جلنار :
….
قعدت نزوق واني ساكته طايرتلي منه فاجئه قعد سليمان يعيط….

⬜سليمان:اااييي رجلي رجلي احح

⬜جلنار: خيركك
طبست عليه :من وين توجع فيك

⬜سليمان اشر على قلبه :هنا يوجع فيا

⬜جلنار رتبكت:بططل بااارد

⬜سليمان بغمزه:تخافي عليا😉

⬜جلنار:ياكبدي نخاف على روحي منك مش عليك

⬜سليمان :هههه صدقت
وقعد يقلد : خيرك خيرك من وين توجع فيك

⬜جلنار نحرجت:امشي امشي ينفعش فيك الخير
ونضت قعدت نزوق واني مبتسمه💓

⬜ناض سليمان وهو يحرق في اعصاب جلنار :مانحسابك تخافي عليا احم هئحم

⬜جلنار :اسكت خيرلك اصلا تعبت من تزويق
وقعمزت علي كرسي حسيت بي شي مبلول لقيت روحي ملبزه فراشيتي:هييي نهار حرش فراشيه تلبزت كيف بندير

⬜سليمان رقاله:أن شاء الله حاطه في عقلك أن بتطلعي هك اصلك كلك ملبزه بلا جو بتلبسيها بتلبسيها

⬜جلنار : به به وانت مايفوتش يوم إلا بنكدك هيا بنروح

⬜سليمان نفض أيديه وخدي مفاتيحه:هي اطلعي قدامي
….
وطلعنا ركبنا في سياره بلصمت الجو متكهرب بككل …..
….
⬜سليمان بنبره مستفزه: يااهوو انزلي

⬜جلنار شبحتله بي استغراب مصرع تغير كأنهاش هو لي مبكري :خيرك شن جاك

⬜سليمان :انزززلي ماعنديش جواجي للنقاشات

⬜جلنار :سليمان احكي خيرك

⬜سليمان :خيرني!؟
خيرني صار تي من مبكري نبي نلطف الجو ازح تقول صحاب مش متزوجين وانتي تصدي فيا خيرركك

⬜جلنار نصدمت من كلامه معاش عرفت ما نحكي نزلت طول
….
⬜سليمان خبط دومان :الززفت عيشه غبرةه
ونزل وهو جاياته000 صفاار
….
جبريل :اهلااا ياتراس تي وين وين جو وحركات وخيرك ملبز بي زواق

سليمان اتكى على سياره :والله شريت حوش ودرنا فيه جو زوقنا وهك

جبريل :جبت سطاوات مصريين ولا غنيين

سليمان :لالا شن غنته هو حاجه بسيطه درناها قريب نكملو

جبريل :درته انت وشباب

سليمان :ههه تي لا اني وجلنار

جبريل نصدم:بعقلك انت

سليمان :تي خيرك الزفت ما كفرتش ره

جبريل :لا انت مهبول رسمي يارا ره المراءه ليهاش حتى يومين على بعضهم وين ماشي انت

سليمان ارتبك وقعد يلعب بمفتاحه:احم والله هدا هو هي شن بدير هدا لي صار

جبريل :تي شن هدا لي صار توا نليسك على حيط تي عدي اجر شقه ولا اشري حاجه كويسه وكامله احني مانخدموش باش نخدمو نساوينه جايبين بنات ناس لخدمه ولا شن

سليمان :تي وااااك زيد عليا غادي بالله مش ناقصك

مشيت واني طايرتلي وحسيت روحي غالط معاش عرفت كيف ندير نركبلها ونتأسف ولا شن اخخخ تي وين كان عقلي الزفت
….
واني ماشي من دروج سمعت اسميهان …

⬜اسميهان:تي اي اي يا دريخه درتلها سحر متاع دم وسله اي بس خدي مفعوله دغري ره يعني معاش بتجيب صغار ولا

اسميهان:اها سحر اسود اي اي تمام صحيتي يا حنه صحيتي
….
سليمان …
اني هنا نصعقت قعمزت على دروج وشديت راسي واني مصدوم كيييف هك انن شاءء اللهه اللي …
ذكرت هنا سله ودم لي قبل كم يوم وذكرت كلمه جلنار. …
جلنار :مادرت شي اني هي لبزتني بدم تبي تسحرني

اني خلاص ركبت فيا النار مشيت جري لي جبريل و …..يتبع
توقعاتكم

وصلوو الحلقه لل1000 كومنت وكثرو تاااقاات لاصدقائكم
ولو في تفاعل حنزل حلقه تانيه 💙😻

اترك رد

زر الذهاب إلى الأعلى