روايه لربما احتاجك الفصل الثاني | القلم الناجح
روايات ليبيه كاملة

روايه لربما احتاجك الفصل الثاني

جميع حقوق الطبع والنشر محفوظه

روايةه لربما احتاجك🌸
حلقةه تانيةه
بقلم Debth heven 🌸
اسم حقيقي فاطمه سالم
…….

قعدت نسمع في صوت …
:.لازم لازم تزوجي بنتك ومدابيك اليوم خير وخير مايجي الحاج من شركه وتفضحك
هدا نفس صوت لي مبكري منو هي بنتها بتفضحها ?
خلي نشوف …
لقيت زوز اشخاص نفس كندره امي…
مشيت للحوش ….
اتصلت بي بوي ..
جلنار:الو
بوي:اهلين بنتي كيف حالك وحال خوتك وامك
جلنار:حمدالله كويسين بوي روح اليوم استحشتك
بوي:نحاول ان شاء الله بنتي ديري بالك ع خوتك
جلنار :حاضر
….
اسرار:اشيهه ليش ان شاء الله تكلمي في بوي
جلنار:استحشته خيرك
اسرار:اممم اسمعي شفتي امي شن دارت في براد هدا
جلنار:ليش خيرها
خشت فاجئه ناجيه داهشه:جلنار بنتي فيسع فيسع ضمي حوش فيسع سقدي
جلنار :ان شاء الله هي …
…..
ناجيه:ها شن صار جسيتيلي نبضها ?
اسرار:مالا شني وباين عليها كيف اطرش في زفه لكن يايما ره نبي ناخد دبشها مدام بوي بطلها من مدرسه نبي نطرح وجو
ناجيه:ان شاء الله ان شاء الله غر هنيلي ع حوش وديريلي بالك منها ره تكشفنا
اسرار:بشرط نبي ندير نقص شعري قصه الحفاري عاد سمية مش خير مني
ناجيه:غر اسكتيلي وبعدين ساهل ساهل
…..
طبعا حكيتلكمش ع حاجه مهمه ..
امي ديما تفرق بيني وبين اختي اسرار في كل شي ونطلعش من حوش الا للضروره مثلا نحدر وادي او ننشر دبش او وفاة حد و اني دوقي حلو وبسيط ومرات نخيط وهك يعني مزبطه اموري ومش عارفه ليش امي دير هك وبوي بطلني من مدرسه بحكم اني اكبر وحده في خوتي وخواتي وهك طبعا عندي 7خوات واني 8 كلهم صغار امي كل عام تجيب واني نعاني في خوتي وحوش كله وبطلوني اهلي من صف سابع من دون بنات لي في عمري ع رغم اسرار اصغر مني بسنتين يعني تعرف تعاون ودير وتقضي بس هدا هو قالب غالب وهبله اني وع نياتي ع قولتهم مدروشه….
……
ضميت حوش ولمعته وغيرت شوي من اماكن اثاث وهك يعني بس بعد حولت الانتري لقيت كتاب ووراق باين عليهم قديمات حطيتهم تحت سريري باش نقراهم نحسابهم جرائد وهك نحب قراءه ومطالعه مهم مشيت لي دار نوم…
جلنار :يما يما
ناجيه:نعم خشي خشي
جلنار:يما ره شفت حاجات في صبح لين رعشت منهم
ناجيه رتبكت:هاا ش شنو يابنتي شنو بسم الله تعالي تعالي احكيلي شن في
جلنار:لقيت دم وشعر لما طلعت بنطلع كناسه لقيتهم (حشاكم)
ناجيه:كح كح هئحم كح كح ا امشي امشي جيبيلي مايه
جلنار:خيرك يما شن صارلك تو نجي
….
ناجيه..
خديت الارضي اتصلت …
ناجيه:الحقي دبريلي دباره الفرخه لقت مراسم الحقيني والحاج هلايام بيجي نبي نسقدها
:.اسمعي عندي ليك دباره اطيرها ليك منها غادي
ناجيه:شنو الحقيني
:.ياحنه اني سلفي يدور بيتزوج باهي شن رايك تقولي للحاج ان اني خطبت بنتك وبعد يومين يجيك راجلي وسلفي يتمو فيها لكن ياحنه تو نعطيك حاجه تسكتلها فمها هل كم يوم
ناجيه:باهي به غر خفيلي روحك

جلنار :يما يما..

ناجيه:سكري سكري جت جت بعدين تو نتفاهمو

جلنار:هاك يما درتلك مايه وسكر خيرك احكيلي شن صارلك
ناجيه:كح كح احم كح كح اييييه يابنيتي تعبت من جري من هنا لي هنا والله ماعاد فيا جهد سامحيني يابنتي سامحيني
جلنار:العفو يما على شنو بنسامحك انتي امي في عيوني قوليلي شن تبي الغدي يانبع الحنان
ناجيه:اا هاا اا لالا لا غدي لا سو تو ندير سلاطه وخلاص اليوم الجو ساخن ماعندك جهد لي طبخ ونفخ ووتيلي روحك وابرمي عاد بيجونا نساوين خلهم باش يقولو جلنار بنت ناجيه كيف الوريده باهي مش تقعديلي هكي كيف الغوله ايواه سلم بنتي
جلنار:ان شاء الله يما ان شاء الله به
…..
جلنار خشيت للدار …
قعدت نشوف لروحي في مرايه قصدي خيرني شن ناقصني اني اسمح من اسرار بس وجهي مرهق بككل متاكل اففف اني شن ندير توا اففف واسرار كل شوي تلطس ع وجها كلا اني تقول راجل حتى فتله قداش ليا عليها احسن شي نمشي لي اسرار …
جلنار:اسرار انتي يابت
اسرار:خييير اسمعي متقوليليش قرضي البصل فكيني تو تعلق فيا ريحته سادك انتي الفم ريحته فجل ودبشك توم وايدك بصل 😧
جلنار:غر اسمعي يابارده نبي نفتلك روحي مش عارفه كيف ندير
اسرار:هههههه تبي انتي سته شهور بحالهن ويااالله تباني حتى شوي قصدك انتي مش عارفه شن في
جلنار :ليش شن في
اسرار…….يتبع
….
توقعاتكم 🌸

اترك رد

زر الذهاب إلى الأعلى