روايه لربما احتاجك الفصل الرابع عشر | القلم الناجح
روايات ليبيه كاملة

روايه لربما احتاجك الفصل الرابع عشر

جميع حقوق النشر والطبع محفوظه

لـربما احتـاجك🌸
بقلم Debth heven…
الحلـقةه 14والاخيرةه …
اسمي حقيقي فاطمه سالم
……

عند جلنار….
..
ضميت ادوات وسكرت المزين وطلعت …
لقيت سيارتنا ؟!
قربت منها لقيت سليمان عاطيني بظهره ..جيت بنكلمه في حاجه خلت لساني يرتبط معاش قدرت نحكي شي الا اني نقدم وخلاص …لعند شفت ؟؟؟؟؟
…..
زاهيه :حبيبي شوف شعري شن درت لونه …وحولت وشاح ..وقعدت تسرح في خصلاتها بصوابعها
سليمان :تقتتتلي اسمعي لازم لازم تطلقي ونتزوجو

……..
جلنار …
نصدمتتت زاهيه هي نفسها لي راجلي يخون فيا معاها …زعما نقدم نوخر شن نديررر؟؟
….خديت قراري …
…..
خليت روحي طبيعيةه هلبببا ووخرت خطوات ومشيت من طريق تانيه ….والتفتت لجيهتهم ..
….
جلنار :اوووو زيزو شن صدفه حلوه هديزاهيه تخزرطت :اهلا حبيبتي

جلنار بي استعباط :اممم في حد معاك

زاهيه :ها اا هههه اي عادي تعالي تعالي

جلنار :اسفه مش قصدي ….وقعدت نقدم ونار في داخلي تغلييي
…..
ورفعت راسي وجت عيني في عين سليمان وهو مشبك ايده في ايد زاهيةه💔🔥….
….

معاش عرفت شن نحكي …
….
زاهيه :احم ااا ههه نعرفك هدا بصراحه بنفارق راجلي الاول وعدا بيكون راجلي وحبيبي

جلنار كأن من حط خنجر في وسط قلبي ملامحي فضحتني بس درت روحي نعرفاش سليمان بكل 💔….: ا اهلين ومديت ايدي

سليمان عيونه مفتوحات على وسعهن ومد ايده برجفه ….

ضغطت على ايده بلقوووهه وقلت من فوق نفسي وبغل :مبرررروكك

زاهيه :الله يبارك فيك ….وسكتت شوي وكملت:…احم حبيبتي باينتك مضايقه هي نستأذنوك اكيد تاعبه من شغل ….

وركبت زاهيه في سياره وسليمان موطي رأسه ومش قادر يحط عينه …..واني نفسيتي مدمرةه بكل معنى كلمه ….
….
مشت سيارتنا أو بلأصح سيارتهم 💔….
….
……….
مشيت وخشيت للحوش ….
ولوحت نفسي على فراش بتنهيده …بكسره خاطر …..بوجع …..بقهر….
…..
…………..
بعد ساعتين ….

نسمع في باب الحوش نفتح ….طول فتحت تلفزيون قار يونس ….

خش سليمان حتى احم مقالهش مرنب……
….
سليمان :ااا جلنار

جلنار……

سليمان :اسف ….و سيبتها زاهيه ….و واني ….واني ….سكت شوي وخانقاته عبره وكمل
: الغلط مني ….اني منجيبش في صغار ….ولو تبي تعدي عدي وورقتك توصلك

جلنار …حولت ريموت من ايدين وتقعدت كويس والتفتله :حط عينك في عيني

سليمان التفتلي

جلنار :ايييي نعم عشت عيشه حرفه وتزوجتك غصب وطفولتي عشتهاش ولما تزوجتك فرحتي كملتش ولقيت غيري معاك وكل شي جي ضدي ويبين انك مش نصيبي …..

سليمان قعد يشبحلي بي اهتمام ويبي يعرف باقي كلامي ….

جلنار بتنهيده :لكن اني مانسيتش أن عسى أن تكرهون شيئآ وهو خيرا لكم 🌸……وح تقعد نصيبي واني بنت اصل

سليمان عيونه رقرقوو وسجد على وطأ وهو يبكي بقهر ويشهق ويرفع رأسه ويزيد يبكي من بين دموعه :ورب العباد انك بنت اصل سامحيني ماصنتكش وخنتك سااامحيني

جلنار نتفضت وقلبي نقهر من دموعه …قربت منه وحطيت ايدي على رأسه …:يا وخيي سندي بالله عليك تقهرنييش اييي وخيي لي جاباتاش امي وراجلي وكل دنيتي بالله عليك بالله ارفع راسك خلاص معاش تبكي وحضنته ….
….

عند سماهر ….
كان تتكلم بلارضي :ههه لا عاد سليمان راجل اختي شن تطلبني منه
…اي مربيني لكن ….اسمع بعدين نعاود عليك بسلامه

طلعت من دار ولقيت سليمان يبكي ….قعدت نبكي لا اراديآ لانه بوي 💓

سماهر :خلاص يا سليمان استهدي بالله خلاص

سليمان :اني قليل خير ماكفيتهاش بواجپها 💔

جلنار :مسامحاتك وربي مسامحه

سليمان :سامحيني والله ح نعوضك سامحيني سامحيني …وباس راسي

جلنار :ليه عليك ياراجل عيب عليك

سليمان حط راسه على رجليا ويبكي :اسسسف يابنت الأصل
…..
جلنار :اني معاك وح نقعد معاك استهدي بالله

……..
مرو اسابيع هلحال هدا وسليمان متحشم مني وكل ماتجي عينه في عيني يطلب في سماح مني
…..

بعد سنوات….

في 1997..
نغسل في الماعين ..
….
خش عليا سليمان ….

سليمان :جلناااار جلنار حصلت تذكرتين علاج على دوله

نفضت ايديا من صابون بسرعه ونجري بصدمه :كداااب

سليمان :وحق الله ….وحط ايده في جيبه وطلع الوراق ….هاك اقري

انا وعيوني قلوب قلوب :حمدااالله يااالله يا رحمان يا رحيم اخخخ ياسليمان ما عقبت مادرت قالولي اشربي عرق حجاج شربته قالو كولي فضلات صيد ليل كليته 💔كل دواء العرب درته

…..
سليمان : حمدالله حمدالله وان شاء الله نحصلو صغويره يارب

جلنار :أن شاء الله

سليمان عيونه رقرقوو :والله نشوف في دنيا كلها صغارهم وولادهم محادينهم كلا اني نطف بروحي 💔

جلنار حطت ايديها على كتوف سليمان :ربي كريم ربي ما ينسى حد

سليمان :ونعم بالله 💓
….

مشيت اني اتصلت بي هلي بشرتهم وامي تحسنت معاي وقعدت حنينه عليا وجوني في ليل درنا أبواق شكلاطه وحلويات ….

خشو عليا الناس اقربائنا…
ورحبنا بيهم

جتني عزوز قعمزت بحداي :يابنيتي

انا:نعم يا عمتي

عزوز:والله دابينك جايبه عيل وينورلك حويشك اني حلمت بيك لقيتك تحفري في ارض وجيتك وانتي جبينك معبي عرق وقتلك احفري اهوينا قريني

انا عيوني من فرحه دمعن :ربي يسمع منك يا عمتي اهه وربي تعبت 💔

عزوز: يابنيتي ديري الفال

انا:وشن هو الفال ياعمتي

عزوز:ديري فاسوخ في عقاب ليل لكن راسك وطيه ره يفصع رقبتك

انا قعدت حائره شن هدا ؟

…..
وفي نص ليل درت فاسوخ ومعايي سماهر …

وجينا تحت. رخامه وطبسنا روسنا …
نفتح الباب دوبنا نسمع صوت عيل يعيط …

فرحت قريب زغرطت وعيوني دمعن قداااش ليا نبي نسمع صوت هدا في حوشي وفي غمري بين ايدياتي ….

وهداك وقت سليمان راقد تمنيته معاي 💔
…..
……….
بعد أشهر …
وتيت صاكواتي وبنسافرو وقلبي متقطع على سماهر تعلقت بيها …

سماهر :بنستاحشك

انا:يااعمري اششش خلاص راجعتلك

سماهر :ديري بالك على روحك

انا :وحتى انتي خلاص خلينا نرقدو طيارتنا على فجر
ورقدت سماهر في حضني وكل شوي تفز مدهشرها نوم وتفقد فيا تحسابني مشيت …
….
واني نوم ماغفتلي عين نفكر زعما بعد نسيب بلادي بنجيب عويل يونسني ؟…
كل هلاسئله هدي دور في عقلي
….
اذن فجر ونضت ونوضت سماهر ودعتها ووصلني بوي لي مطار ….
….
وسافرنا للمصر عالجنا قعدنا سنه نحمل ونجهض يوصل لسادس ويطيح محصلناش مشينا لي روما قعدنا سته شهور ونفس قصه و محصلناش مشينا لي إيطاليا قعدنا اربع سنين وبعت نص دهبي وعيوني معلقات في دبش لان في ليبيا مافيش محلات هلبا في المنشئات وفراشين مهم صار نفس شي و محصلناش دكتور يدير لنا حل ودكاتره يقولو لو اطيحي من جبل يطيحش بس هو للاسف من سحر يطيح وسماهر تزوجت مهم مشينا سافرنا للأردن قعدت سنه ….
….

سكنا في عماره في ريفيدجو …
…..
في يوم من ايام ….
….
واحني نتعشو …

سليمان :اسمعي

انا :نعم

سليمان :خلاص بنرجعو لي ليبيا مصاريف معاش سدو

انا برجفه :لييييش حرام عليك انا بروحي نزلبح في روحي خيرررك

سليمان لوح طاسه وكسرها بعصبيه :خلاااص اقتنعي عندناش نصيب في عيال

انا نبكي:دهبي كلههه بعته خيرك معاي اصلا كله من اسمهان سحرتني

سليمان:شن تبيني ندير لها


بعد عرفت نقاش معاه عقيم ركبت بسرعه لي صاحبه عماره عزوز …
..
نطق طق على باب بسرعه افتحيلي بسرعه

صاحبه عماره :نعم يابنتي

انا من بين دموعي: سليمان سليمان يبي نروحو ياعمتي نبي عويل خيرني من دون ناس مقهوره

صاحبه عماره :وينه هو وينه

انا:في شقه
نزلنا انا وياه للشقه

صاحبه عماره: سليمان

سليمان:نعم ياعمتي

صاحبه:خلي مراه تعالج وكانك على مصروف اقعدو في شقه ومانبيش ايجار مسامحه

سليمان :بس ياعمتي ….

صاحبه عماره مخلتاش يكمل كلامه :ولااا حرف خلاص انهي موضوع
….
جلنار …
طبعا اني معاملتي مع ناس كأنهم اهلي في مصر في سيده زينب في فقيرين هلبا نصدق عليهم وشغالات نخليهمش يأكلو بروحهم نخلي فيهم يأكلو معاي كيف خواتي لدرجه شغالتي عطتني خاتم في فص الحر هدا غالي هلبه وجيراني يقولولي فى بي شن نكافوك وفي الأردن نعزم فيهم ونود فيهم كل شي 💓وهم باهيين فيا…….
….
وبعد سنه حملت وعطوني مثبتات وكرتزون وكل شي باش يثبت العيل …
……
وجبت ولد سنه2000💓باركولي …
….
ولما روحت لي ليبيا شارع كله معبي ناس وحوش معبي اني كله مش هامني غر ولدي يكون جنبي 💋
ولدي اسمه سند 💓 سندي 💓وسليمان فرحه مش سايعاته وذبح جمل وسبع ضحايا سعي وطني وبعد سنتين سافرت للأردن وحملت بي بنت في حرب عراق 2003 روحت لي ليبيا في شهري تامن …
وجبتها وسميتها وتين

وسليمان كتب على ولد وبنته اشعار وسجلهم في احسن مدارس وحمد الله حياتنا حلوه ….
واي قتلكمش تسامحا اني واسميهان ولزتني ولما ولدها جاه الايدز وجعني وجيتها ولزتني …..
بو طبع مايتغير ….
…………

القلب وين ايريد حد بجد
…………… ينظر لسياته بعين ودوده
يلقى مزايا فيه مالاحد
……. وعيبة وحيدة فيه مي موجوده
راق خاطري وين ما علي نشد
…….. مايغيب لايقسى هذين اوعوده
وانكان بنى بيني وبينه سد
…….. يبقن أيامي ف الحياة معدوده

#ميلجانا

………………….
عند سهى …
…..
لما طلعت لقيت قيس مع بنت يخون فيا …
وعرفت انه كان متزوجني عشان فلوس وحرجت عند هلي أول ماروحت من تونس وبعد سنه ردني …
وكملنا حياتنا وتفاهمنا وحبينا بعض 💓
…….
وجبت توام وسميتهم منجي وناجيه
……
بعد غيته تحرم عليا غيه
……… ولغير اسمه ماينقال حبيب
سمح العتب والشوق والحنيه
……….. يكبر غلاه ولا نهار ايشيب
يسوى رجال الكون بالجمليه
…….. في عازتي ديما معاي قريب
قصة غلانا واثقة وقويه
…….. انغاب قد ماغاب لا مايغيب
جاني بعد ما قال ما لي جيه
……… جاني وفرّقنا اليوم نصيب
#ميلجانا

..

………….
عند انتصار ….
عرفت فوزي مخادع ويهرب في اعضاء بشريه وطلبت منه وكملت قرايتي وصرت محاميه 💓
………..
ماتعطي مقام لحد فوق مقامه
…………. ولا اتجي علي روحك علي سباه
أحسب خطاياه وسواد أيامه
…………… فض السريب اللي نساك انساه

و حزت .

#ميلجانا
ـ.ــــــ
ـــ
وهدي روايه لربما احتاجك 💓
سميتها لربما احتاجك 💓
لان مرات تكون محتاج شخص بس انت قدها لكن محتاج شخص هدا عشان تحبه زي جلنار وامها ….
زي سهى وخواتها ….
زي انتصار وفوزي ….
والاشعار بقلم فدوى استأذنت منها وقالت عادي وشكرا حبيبتي وكما وعدتك حافظت على حقوق نشر في اشعارك موفقه حبيبتي 
قولولي رايكم في روايتي بقلمي هيفين آواز 🌸
….
تعريفي 
اني فاطمه سالم من ليبيا… من بني وليد 
ان شاء الله نالت اعجابكم روايتي وللعلم القصه حقيقيه
نلتقي…

اترك رد

زر الذهاب إلى الأعلى