روايه هتلر الحلقة الثالثة عشر .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة الثالثة عشر .. الكاتبه اروى الطاهر المسلاتي بنووتة الشيخ

روايه هتلر الحلقة الثالثة عشر .. الكاتبه اروى الطاهر المسلاتي بنووتة الشيخ

#هتلر 13

نور:فتحت عيوني بصعوبه نسمع في اجهزه وصوت حد جنبي راسي رزين?وجسمي مكسر يوجع فيا
قدرت نشوف جنبي واول شخص شفته مالك منزل راسه علي يدي ..حركت يدي وقام عيونه كانو حمممر مفهمتش هوا واخذ شي ولا معصب؟!
مالك:شافها كيف فاتحه عيونها جروح يلي في وجها كانت زايدتها حلاوه كيف مفهمش ….ابتسملها ويمسح ع شعرها …الحمد الله ع السلامه
نور:بدت تسترجع في الذكريات شوي شوي …علاء وين!!
مالك:الغرفه يلي جنبك
نور:متكذبش عليا مالك وين علاء بخير هوا ؟!
مالك: رجله مكسوره بس زي الجن هذاكا …خفنا عليك انتي
نور:اااه ريحتني …نسيت كيف صار الحادث معش نذكر شي
مالك:ماسك يدها…المهم بخير انتي
نور:خذت نفس وهيا تشبح لي سقف الغرفه
مالك:باس يدها…رح نكلمهم يخشو كلهم واقفين يراجو برا
نور:ليش محدش خش؟!
مالك:كنت نبي نقعد معاك بروحنا !!
نور:اءء اءء كلم منى
مالك:عرفها توترت….منى واقفه برا قداش ليها …كويسه هلبا البنت
نور:هاذا باش صاحبتي اصلا ❤️
مالك:اول مفتح الباب وخشت منى بصوتها يلي مالي المصحه ??

منى:ووووووه عليا نورتي شن صاير فيها ???
نور:ضحكت بتعب…بشويه خلعتيني
منى:تشوف للباب …قبل محد يخش بنقولك علي مالك كان تشوفيه شن دار اول موصل المصحه
نور:ع شن تحكي؟!
منى:خش يعيط تعرفي وبيقلب الدنيا وعيونه حمررر شكله باكي ومخلا مدار لي علاء تعرفي الدنيا نقلبت في المصحه
نور:هه هتلر يبكي …خيرك منى؟!
منى:اقسم بالله م…..
زكيه:بنتي …وخشت بسرعه تحضن فيها بدموعها
نور:اااه امي بشويه
زكيه:الحمد الله ياربي الحمد الله شن تحسي
نور:تمام احسن
زكيه:بعيد الشر عليك …عين والله اكيد خذوك بلعين في خطوبة الاء
منى:وبالك انتي واخذتيها
زكيه:تجاهلت منى بدون اهتمام …
نهله:السلام عليكم
نور:اهلين موت عمي
الاء:الف الحمد الله ع السلامه نور
نور:الله يسلمك….وين علاء نبي نشوفه نطمن عليه بالله وين
نهله:متخافيش بخير قاعد في الدار يلي جنبك بيطمنى علي يده
نور:مش رح نرتاح لين نشوفه انااا ….نحت الغطاء متع السرير وقعدت ساكته
منى:خيرك نور؟!
نور:مم م منى منى منحسش بي رجليااا
زكيه:تتلمس في رجلين نور…بسم الله خيرك بنتي شن صارلك
نور:بدت تبكي….مش قادره نحركهم منحسش بيهم
نهله:???
منى:خافت….بالك يعني بنج ولا شي
نور:مش قاااااادره ???مش قادره نحركهم ولا ننزل من السرير ??
الاء:حطت يدخا ع فمها من الصدمه
نور:بدت تبكي بخووف وهستيريا …فكرة انها معش تقدر تمشي مسيطره عليها…

تعالو نشوفو الحادث كيف صاار :-
((كان علاء يجري بطريقه مجنووونه وبدون مينتبه طلعت قدامه سيارة كنتر والجزء الامامي متع السياره كله ادمر ?المكان يلي مقعمزه فيه نور فوق رجليها كان فيه درج السياره طاح علي رجليها وقعدت نور عالقه طلعوها بصعوووبه لان الخبطه كلهااا كانت في جيهة نور))

____________________

الاء:طلعت بسرعه بتنادي اي حد ملقتش قدامها غير بوها قالتله وخش بسرررعه
عصام:بسم الله بسم الله اهدي بنتي اهدي
نور:مسكت في يده وتبكي بهستيريا….منقدرررش نوقف ياعمي مش حاسه برجلياااا????
الدكتور:السلام عليكم
كلهم:وعليكم السلام
الدكتور:برا لو سمحتم نبي نفحص المريضه
منى:انا بنقعد
الدكتور:معليشي تفضلو
نور:مستمره في البكي ومنى تحاول تهديها

علاء:رجله مكسوره وشوية كدمات في وجها ….مش بقصدي النم مش بقصدي
مالك:يعيط ….اووووول مره نخليها بروحها معاااااك هكي ادددددير فيهاااا
علاء:ريحني مااااالك ريحننننننننني نور زي ماهيا اختك وبنت عمك حتى انا نفس الشي ونحبها ن…
مالك:مسكه من فمه….معععععش تقول نحبهاااا
علاء:بعد يد مالك بقوه….تي مررررررريض انت مررررريض وتاااااعب برا تعالج يلي تحس بيه مع نووور مش حب هاذا مرررض راهو
فراس:خشلهم…اششش وطو صوتكم راهو في مستشفى حني من لما جينا الدنيا مقلوبه
علاء:تفاهمو معاه هادا قريب يقتلني ع خاطرها وبيتزوج وحده تانيه
مالك:قام يده بتهديد…وربي ياعلاء يصيرلها شي بتشوف مني شي عمرك ماريته
علاء:شاف لي فراس ….تفضل هي تفاهم معاه
مالك:طلع بدون ميزيد حتى كلمه….شاف العيله كلها برا تراجي

مالك:خيركم شن في؟!
الاء:نور داخل يكشف عليها الدكتور
مالك:فتح الباب وخش وقلبه بيططططلع لما شاف نور تبكي …
نور:نست كل شي داره مالك نست عياطه عليها وانانية تهديداته كل شي نساته في لحضه ضعف ومسكت يده زي الصغيره.
نور:بصوت مخنوق…مالك علااااش يصير فيا هكي ???
مالك:اشر بعيونه لي منى وطلعت بسييف
الدكتور:كتب شوية حجات في الورق متاعه وطلع بعد ما اشر لي مالك يلحقه
نور:تبكي بشهقه….ااااه علاش يصير هكي مالك ???علاش مش مرتاحه في حياتي علاش انا كله انا ??علاش اغتصبوني ودمروني علاش معشتش مع امي وبوي علاش توا معش نقدر نوقف علي رجليا جاوبني
مالك:حضنها…اسششش معش تقولي الكلام هاذا توا
نور:تمسكت فيه بقوه…ااااااااااه تعبت تعبببببببت من كل شي نفسيتي ادمرت
مالك:حاضنها ويطبطب عليها ….اهدي نور محدش قال انك معش بتوقفي ع رجليك نرفعك لاخر الدنيا باش ترجعلك صحتك
نور:بعدت عليه شويه….وتمسح في دموعها ويديها يرعشو
مالك:مسكلها يديها الزوز وحطهم علي قلبه….خلاص عاد قتلك بتتحسني…به عمري قتلك حاجه ومصارتش؟
نور:هزت راسها بمعنى لا
مالك:صدقيني حتى المره هاذي
نور:ب بب به

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

دنيا:السلام عليكم
نهله:وعليكم السلام اهلين دنيا
دنيا:اهلين بيك …توا كيف سمع بابا الف سلامه عليهم
نهله:صحيتي حبيبتي الله يسلمك
منى:تتفحص في دنيا كان لبسها انننيق وجايبه معاها بوكي ورد وشكلاته
منى:منو الاخت؟
نهله:دنيا بنت صاحب عمك عصام
دنيا:ممكن نشوف علاء؟!ونور؟
الاء:اها تفضلي
دنيا:مشت ورا الاء للغرفة يلي فيها علاء

مالك:طلع من غرفة نور لي مكتب الدكتور طول
وخشت زكيه ونهله ومنى لي نور واستغربو فيها كيف هدت شويه …الواضح ان مالك ليه تأثير كببببير عليها

_______________

دنيا:حطت بوكي الورد ع الطاوله…الف لاباس عليك
علاء:بدون ميشوفلها…منوره متقصريش
دنيا:كيف حالك؟!
علاء:من ربي بخير وانتي شن جابك هنايا
الاء:تحشم علاء عيب البنت جايا تزور فيك
دنيا:خليه واضح ان الحادث مأثر عليه شوي
علاء:لا مأثر لا شي ترا بعدين انتي شن جابك هنايا؟!مش عندك تلبيستك اليوم
الاء:حي جديات دنيا؟!مسمعتش
دنيا:بضحكه صفرا…ههه لا بس بصرت علي خوك وشكله صدق
علاء:عيونه توسعت من الصدمه …الاء اطلعي خلينا بروحنا
دنيا:بلعت ريقها استني ماشيه معاك بنشوف نور اصلا بابا شوي وجاي
الاء:حست ان فيه شي مش طبيعي بينهم بس محبتش تدخل !!

___________

مالك:كيف؟!
الدكتور:يعني اثر الخبطه يلي صارت كانت قويه صح لاكن مش لدرجة تحتاج عمليه مثلا لا هيا محتاج لي علاج طبيعي وانها تحاول تستجيب معاه وبي اذن الله ترجع نفس قبل واحسن
مالك:تمام
الدكتور:حاليا مفيش في المصحه دكتور للعلاج الطبيعي تقدر تجيب من برا لو تحب او ترفعها لمركز بعد ما تطلع
مالك:وامتى تطلع هيا؟
الدكتور:اليوم بتقعد في الملاحضه نطمنو ع صحتها بسبب الضربات يلي خذتهم ع الراس بعدين ساهل
مالك:تنفس بي ارتياح…اااه الحمد الله تمام صحيت
الدكتور:في الخدمه هتلر ?

نهله:ولا يهمك انتي شايفه قداش عمك ومالك خايفين عليك اكيد لو حتاج الموضوع حتى سفر يسفروك
نور:هزت براسها
نيروز:السلام عليكم ينهااااري هاذا وين سمعت قالي فراس وسلمت عليهم كلهم
نور:اهلين نيروز…وسلمت عليها
نيروز:خيركم كيف صار الحادث
نور:حطت يدها ع راسها…والله منذكر غير انه كان يجري بسرعه بس
نيروز:لا حول الله المهم انتم بخير
نور:الحمد الله
دنيا:طقت وهيا مبتسمه….الحمد الله ع السلامه
نور:?يسلم قلبك
دنيا:خشت سلمت ع نيروز ونور وقعدو يهدرزو

______________

زكيه:طلعت تكلم في راجلها بي الهاتف بس كانت تسمع في مالك شنو يحكي مع فراس

مالك:دبر نبي دكتور علاج طبيعي من تحت الارض شوفلي احسن واحد
فراس:دوه زايده ره خش عطيها ضربتين ع رجليها متع هتلر يلي نعرفه تمشي امورها تمام
مالك:مش وقت خفة دمك?
زكيه:نادت عليه بعد ماسكرت الخط …مالك
مالك:اها
زكيه:انا عندي دكتور علاج طبيعي تو نكلمه يجي
مالك:تعرفيه؟!ولا هكي وخلاص
زكيه:اي من عيلة راجلي تو نكلمه
مالك:تمام اليوووم يجي ره
زكيه:ان شاء الله ….ورجعت لي الدار
منى:هتلر قتلك نور خاطري في عصير برتقال وشكلاته ملكا
مالك:قام حاجبه….متأكده نور هكي قالت؟
منى:الصراحه انا كذابه لاكن جيت بلا فطور جيبولي ?
مالك:شاف لي فراس…جيب حاجه لمرتك ياراجل شنو مخليها هكي
فراس:من كتر التنرفيز بدي يخبط برجله ومش عارف شن يحكي
منى:مهمل بسلامته السمح الاصلع هاذا
مالك:طلع من جنبهم وهوا يضحك بهزوه علي منضر فراس

_____________

الساعه 4العصر
علاء:طلع من المشفى لان اموره طيبه وطبعا رح يكون الحوش زحمه وجميييع معارفهم بيجو يطمنو عليهم ويسألو ويزمزكو لي هتلر يعني ?
روحت الاء ونهله مع علاء وقعدت منى ونيروز وزكيه مع نور

علاء:راكب في السياره وشاف قدامه دنيا طالعه مع بوها
دنيا:ضحكت بخبث من بعيد كأنها كانت عارفه ان الحادث بسببها هيا
علاء:قرن حواجبه وسكر الروشن عشان يبين انها مضايقه منه ولعبت بحياته ?

مالك:ماسك الغداء….تفضلي
زكيه:صحيت الله يبارك فيك
مالك:شنو صاير فيها نور؟!
زكيه:راقده الحمد الله هدت اعصابها…والدكتور نص ساعه ويوصل
مالك:به تمام نوضيها عشان تاكل
زكيه:بي اذن الله
مالك:انا مقعمز برا تبي شي تلقيني
زكيه:تمام
مالك:طلع من المشفى يدخن وينهى كم شغل ع التالفون

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:شبعت والله شبعت الحمد الله
منى:فمها معبي..تي كولي ياريتكم. ديما في الحوادث
نور:بكل انتي منى ?

طق طق طق
زكيه:تفضل
يزيد:السلام عليكم
زكيه:وعليكم السلام تفضل خش
يزيد:الحمد الله ع السلام ياحلوه شكلي خديتك بلعين
نور:تساوي في وشاحها…الله يسلم شكرا❤️
زكيه:الدكتور قال نبي اخصائي في العلاج الطبيعي وملقيتش احسن منه
منى:تراقب فيهم وساكته وفي داخلها تقول…شكلنا الايام الجايه بنحضرو هلبا موتات ?
نور:شافت لي امهاوابتسمت وهيا حاسه لاول مره في حياتها ان امها جديات معاها ومهتمه بيها ❤️
يزيد:نحى جاكيته ولبس البالطو شاف لي امها…ياريت وحده بس تقعد
منى:انا قاعده مدخلي في حد?
زكيه:كانت تكررره منى….تمام انا برا تبي شي ناديني
يزيد:ان شاء الله

ترن ترن ترن
منى:طلعت من الغرفه وردت ع تلفونها …
يزيد:هي سنفوره نبدو
نور:كان شعور الخوف وتوتر غالبها نحت الغطا ببطئ
يزيد:مسك رجلها من لوطه وقعد يحرك فيها بي حركات معينه ويسأل فيها

منى:تحكي ع الهاتف…تي لا والله مصارت منبيش انروح
شاهين:بترووووحي وانتي ديما زي النعجه الرايحه برا الحوش
منى:والله راضيه نكون زي النعجه الرايحه شن دخلك
شاهين:لا قلت واهو قريب نوصل انا
منى:برا يا تيس عربي هي …وسكرت الخط

__________________

مالك:يتمشى في الممر بطوله والجاكيت الجلد يلي لابسه زايده حلاوه ?❤️…خيركم؟
زكيه:بحسن نيه….الدكتور بدي في العلاج وصل مريتاش؟
مالك:وصل؟!
منى:وجها اصفر لما اذكرت جمال يزيد ?…هوا هوا هوا كيف خش ره كيف جي
مالك:طق مرتين ع الباب وخش
منى:ضعناااا??‍♂️
مالك:قعد قريب ساعه يشوف لمنضر نور راقده ويزيد ماسك رجلها ويتلمس فيها ومنى تشوف لي نور من لوطه وتقلها حي عليك بي الاشارات?

يزيد:لو سمحت
مالك:خش بي اندفاع….تي شنو بنسمح شن بنسمح زيد غااااادي….ودفه بقوه
يزيد:يعدل في ملابسه
مالك:يغطي في نور …..وانتي شنو عاجبك الجووو؟!!عاااااااجبك
نور:كانت تاعبه لدرجة انها متبيش ترد وتعيط عليه
يزيد:ياخوي هاذا علاج
مالك:منبييييييش امه العلاج خليها تقعد مشلوله
يزيد:مس…..
مالك:وانت سكر فم امك خير منخليك مشلول احرف منها
زكيه:تبلع في ريقها…صص صلو ع النبي صلو ع النبي
يزيد:اللهم صلي وسلم عليه بس يلي قاعد يدير فيه تخلف
مالك:ولعو عيونه وتحول ??‍♂️…تخلف؟!تخلف قتلي ولا …وقرب عليه ضربه لين طاح ع دعامة التغديه والدنيا خشت بعضها
يزيد:ناض بقوته رد الخبطه لي مالك وهنايا مالك بيطلع سلاحه بس گ العاده ادخل فراس في اخرلحضه
فراس:يعيط بصوت عااااالي….اطلللللع اططططلع توا
زكيه:خايفه علي يزيد …اطلع بسرعه
يزيد:طلع وهوا يمسح في الدم من فمه بغللللل
نور:كانت تشوف لي مالك ومعندهاش اي ردة فعل كأنها تعودت خلاص ?
مالك:طلع قربع الباب وهوا يعاود بنبرات عياط وتهديد ان ميخشلها حد ومنى يابسه في مكانها من الخوف

________________

ع التالفون:——
زكيه:مش طبيعي يلي صار لا نبي ناخذ بنتي يانهله كيف ولدك يتحكم فيها لدرجه هاذي زي خوها اي لاكن مش لدرجه هيا
نهله:قامت حاجبها ….الشي هاذا ليه سنين يازكيه زي ما مالك متحكم فيها هوا يلي كان مهتم بيها من ناحية كل شي ره وهوا يلي وقف معاها وقت انتي مهناش
زكيه:تعفلقت …تمام هي بسلامه
نهله:سكرت الخط وهيا ترحي

يزيد:طلع من المشفى وهوا ناوي الشر ومالك احرورف منه
منى:بنتي الحلوه بنروح انا
نور:هزت براسها
منى:عارفه خشت بعضها والجو اخي ره
نور:نبي نرتاح بس فديت
منى: كل شي يتصلح بس انتي ريحي الفتره هاذي حاولي تتبعدي عليه المريض
زكيه:وكيف بتتبعد عليه؟!وهوا لاصق فيها من بكري طالع خاش ….معقوله توصل بيه الوقاحه يضرب دكتور جاي يعالج فيها بلبلاش ومن احسن الدكاتره؟!
منى:قامت حاجبها….والله لو قصة فلوس مالك من يومه مش مخليها تحتاج شي ره ولو كلف الموضوع يبيع روحه
زكيه:لا مش لهدرجه عاد مبعدها البنت انسان مريض عصبي
منى:يا حنونه انتي وينك قبل سنين
زكيه:مش …….
نور:خلاااااص خلاااص يكفي بالله عليكم
منى:باست نور وطلعت لان خوها يستنى براا ….

__________________

علاء:مقعمز يساير في الناس يلي جايه تسأل عليه ويوصلو فيه مسجات من دنيا
دنيا:به بصاره عاد
خلاص عاد يلا خلاص
هيا خلاص عاااااد ???يلا ياسر خلاص
علاء:في حاجه اسمها اسفه مش خلاص عاد خلاص
دنيا:اففف به اسفه
علاء:وحقي عليك
دنيا:حقك عليا???
علاء:وتاخذ يلي يرضيك ياعلاء
دنيا:هلبا هكي
علاء:نعم؟
دنيا:وتاخذ يلي يرضيك يا علاء
علاء:تم عضوا نتلاقو ونقولك شن يرضيني
دنيا:حي عليا?….وجت بترد عليه دارلها بلوك ماسنجر ?

______________

زكيه:انا مروحه مخليا الصغار بروحهم من الصبح
مالك:يدخن مردش عليها
زكيه:يلي شفته مستحيل نسكت عليه وبنتي بناخذها اول متطلع
مالك:ضحك بهزوه….هه والله؟!
زكيه:اي بنجيبها تعيش عندي ياسر
مالك:بري روحي لي صغارك ولمي شوية القدر والاحترام يلي عاطيهولك خير من تخسري روحك وعيلتك في لحضه
زكيه:تهدد بطريقه عير مباشره انت؟!
مالك:لا …نهدد بطريقة مباشره اناا
زكيه:سكتت وتشوفله
مالك:بصوت هادي ومستفز….مش مربيها السنين هاذي كلها باش تجي تاخذيها ع البارد…وخررري من ممتلكاتي انتي والخامر يلي جايبتيه يكون احسن
زكيه:رن تالفونها وطلعت بدون مترد عليه
مالك:لوح الدخان ويرجع في شعره للخلف بتوتر…بسبب نور قاعد يهدد في كل حد قدامه ?ويدير في حجات غلط

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

الساعه 7المغرب:-

يزيد:تم امالا نضم الامور وكلمني اليوم بنقلبها ع راسه
فتحي:تمام تو نتحرى عليه ونكلمك
يزيد:نراجي فيك …وسكر الخط

مالك:واقف قدام الغرفه …واول ما طلعت الممرضه خش هوا …شاف نور مقعمزه ع السرير وحاطه يديها علي وجها بتعب
مالك:سكر الباب وقرب منها…نور؟
نور:مالك متكلمنيش خليني في حالي تاعبه من كل شي ره
مالك:حط يده علي رقبتها وقرب منها….تشوفظ فيا وحش صح؟!
نور:لا غالط…نشوف فيك هتلر خلاص زهقت مالك زهقت
مالك:سند راسه ع راسها ومقرب منها وعيونه مسكرات…نور انتي مش فاهمه
نور:متوتره من قرب مالك هلبااا ونفسه عليها
مالك:مسك وجه نور بيديها ولاصق فيها….نور متمشيش
نور:ساكته وقلبها بيطلع
مالك:يتكلم بهستيريا وعيونه مسكرات….انتي مش فاهمه انتي مش عارفه انك مرض ايا قاعد نقاوم فيه افهمي
نور:حطت يديها ع كتاف مالك تحاول تباعده بس زاد قرب بقوه ❤️…يتبع

لمشاهدة جميع اعمال الكاتبة : روايات اروى الطاهر المسلاتي

لمتابعة اهم واخر الاخبار : القلم نيوز

اترك رد

زر الذهاب إلى الأعلى