روايه هتلر الحلقة الثانية عشر .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة الثانية عشر .. الكاتبه اروى الطاهر المسلاتي بنووتة الشيخ

روايه هتلر الحلقة الثانية عشر .. الكاتبه اروى الطاهر المسلاتي بنووتة الشيخ

#هتلر 12 ?
بنات مصارش الحلقه الاخيره مش بكرا يعني بكرا حلقه عاديه الاخيره رح تكون الاثنين او الثلثاء

مالك:كيف نزل التيشرت…شبحلها
نور:فرحان؟!عجباتك؟!
مالك:يشوف لي شعرها
نور:دفاته ع كتفه….عجباااااااااتك
مالك:ساكت ويشوفلها
نور:بعيون مدمعات….ماالك
مالك:حرك حاجبه بمعنى شنو؟!
نور:ضغطت ع فمها عشان متبكيش وبصوت مخنوق….متاخذهاش !!
مالك:عطاها بضهر عشان ميشوفش دموعها….علاش ؟
نور:مش مناسبه ليك ومش وقت زواج اصلا
مالك:انتي رتيها اصلا باش تقولي هكي
نور:كانت فكرة ان مالك عاجباته بنت وشافها تقطع فيها وبتهبللل….ريتها يعني انت؟
مالك:يساوي في شعره ع المرايا ….اي ريتها
نور:مسحت دموعها…وكيف كانت
مالك:يبخ في عطره…عاديه ماشيه امورها مش خاطيه
نور:وافقت هيا؟
مالك:ضحك…اكيد وافقت والامور تمام
نور:بدت دموعها تنزل….ان شاء الله تموت بااااااهي ???? ان شاء الله تموت انت وياها كرررررهتك ….وطلعت بسرعه لي دارها سكرت الباب عليها
مالك:لبس جاكيته وخشله علاء قبل ميطلع لي الدار
مالك:شنو؟?
علاء:سكر الباب…شنو العبط يلي قاعد ادير فيه؟!
تبي البنت وتبي تاخذ وحده تانيه وين تسحاب روحك عايش ؟!
مالك:خذي نفس عميق….اي نبيها وهيا مش قادره تتقبلني
علاء:الشي هاذا يخليك تتزوج؟
مالك:خذي تالفونه….امالا بنقعد نستنى فيها وبوك نافخلي دماغي ؟
علاء:تمام تزوج وخليها في حالها
مالك:ضحك…هه تحلم انت؟!
علاء:تي انت مش طبيعي الزح ياسرك مالك طغيت عليها هلباااا واخذ عليها الغلب كان بتتزوج باهي محدش وقف في طريقك لاكن خليها في حالها
مالك:ابتسم وطبطب ع خد علاء….هيا اختارت متكونش ليااا…ومش رح تكون لغيري ….وطلع
علاء:ربي يشفيك وخلاص …

_______________

نور:ماسكه المخده حاطتها علي وجها وتبككككي بحرقه …حاسه بي شي مش مفهوم داخلها ?
مسحت دموعها لما سمعت الباب يطق توقعت ان مالك جاي بيقلها نبصر عليك ويمسح دموعها زي كل مره
نور:تفضل
زكيه:خشت مبتسمه….بنتي الحلوه
نور:ابتسمت وعيونها حمرر لما شافت خوتها من الراجل التاني لاول مره ❤️
زكيه:رونق ورضا خشو سلمو علي نور اختكم هي
نور:ضحكت من قلبها وسلمت عليهم
زكيه:خيرهم عيونك؟
نور:تبوس في اختها….ولا شي بس من النوم هلبا ….شن اسمك حلوتي
بصوت طفولي…رونق
نور:حضنتها …ياقلبي تشبهيني
زكيه:تمسح علي شعر نور….هلبا
رضا:حتى انا
نور:ههههه ياحليلي الغيور…وطلعت حلوه من درج السرير عطتهولهم
زكيه:هي بنتي ننزلو ولا تبي نقعدو هنايا؟
نور:اي ننزلو هي

نزلو مع بعض وكانت نور عارفه ان مالك طلع من الحوش نزلت هيا وامها وخوتها وكانت نهله تراجي فيهم بسفرة القهوا والحلويات وقعمزو يهدرزو

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

الاء:كيف؟!
سليم:شنو كيف جديات ره قصدي انتي قنينه امورك تمام بس نبيك اديري عمليه تجميل ع فمك منحبش الفم يلي يبدا هكي
الاء:ساكته مصدومه
سليم:عاد انتي توا من زيك بتبدي مرت سليم والعيون كلها عليك ره …بكرا ماشي لي باريس انا وامي واول منروح بنجو نحددو العرس
الاء:تتكلم بصعوبه…اهااا اي اي
سليم:بنمشي ناخذ باقي الدهب من غادي ع الاقل لما يسألوك الناس تلقي فرصه تتجكتري بيها
الاء:اءءء س سليم انا ماما تنادي نحكي معاك بعدين
سليم:تمام
الاء:سكرت الخط ويدها ع فمها …مصدومه من يلي سمعاته منه !!اذكرت الكلام يلي بينها وبين شاهين

شاهين:تي وربي يا الاء غير نتم حوشي بس تشوفي العيشه يلي بنعيشهالك …معنديش الملايين لاكن عندي حاجه اغلا
الاء:ابتسمت…شنو هيا؟!
شاهين:حبي ليك اقسم بالله مشوف فيك احلا بنت في الدنيا هاذي كلها من كتر حبي ليك مش عارف كيف بنحافض عليك خاطري ندسك عندي ومعش تطلعي لحد

الاء:مسحت دموعها بعد ادكرت الكلام هاذا وطلعت من الدار عشان تنسى يلي سمعاته قاعد عندها امل اوضاعها تتصلح مع سليم ..

_________________

فراس:مزال عندك اخر الاوراق يلي تبيها من فريد ويتسكرو كل حساباتك
مالك:ولع دخانه….تمام عيرلي الموضفين متع القسم كلهم
فراس:علاش؟?
مالك:لانهم زباله ونبي نبدا شغل مع ناس نضيفه
فراس:امممم
مالك:من غير هاذا بعدين بنخطم ع محل نجم الدين متع الاثاث بناخذ رواشن للحوش
فراس:قررت تكمل حوشك يعني
مالك:اي معش مزال
فراس:بما اني نعرف كل شي ..واضح انك ناوي بجديات
مالك:جبد دخانه….ومن قالك اني نتسهوك؟!
فراس:ونور عيونك.؟
مالك:قاعدلي نور عيوني
فراس:لاكن م…
مالك:خلاص عاد تربح فكني من الدسكه متع علاء هيا
فراس:سكت

كلهم يشوفو في مالك اناني ?بس هوا حاليا يجرب في اخرر حل يخليه ينسى نور ولو شوي يجرب يتزوج ممكن زي ميحكو الزواج ينسي وبيكون محافض ع نور من ان ياخذها اي حد وفي حال مقدرش رح ياخذ نور بلغصب بعدين

منى:سكرت الباب وتساوي في وشاحها….هاااي
فراس:قلب عيونه
مالك:شاف لي فراس وضحك…اهلين
منى:كيف حالك ايها الوسيم
مالك:تمام…شن رايك تجي تسكني معانا وخلاص حسيتك كل يوم هنايا
منى:اففف ياريت بالله هوا نجي كل يوم ويجيب فيا خوي بسيف كان مهربتش من الروشن
فراس:انا طالع
منى:ختسلمه توتر من وجودي
مالك:ضحك …ربي يفرج عليك
منى:ان شاء الله هي باي
مالك:اشرلها بيده بمعنى سلام

___________________

نهله:تي نحي المرا بروحها خليتها
علاء:نبيك في موضوع يما
نهله:اففف اللهم طولك يا روح…ادوي هي
علاء:الاء ومالك بيتزوجو …به وانا؟
نهله:انت اكبر ودير العقل تو ناخذلك نحي من قدام وجهي
علاء:تي غير تعااااالي
نهله:ياربي بس….خيرك
علاء:في بنت نبيها
نهله:هبلت انت؟تبيني ندير 3عراس في عرس واحد باش يطربقونا بعين معش نقدرو نتحركو هوا هكي والعين واكلتنا
علاء:تو ع اساس بتوصل فيا وبتجي العين والسحر والشعوده?
نهله:انت بذات زوااااج مفيش …ومشت وسيباته
علاء:هاذا حضي اصلا اسود زي شعر منى ??

نور:بصوت توشويش….تم فيها شكله خلاص ?
منى:مبروك عليه وانتي شنو يلي قاهرك؟
نور:شبحتلها بنضره ع جنب وسكتت
منى:احمم …شنو ياعمتي نهله تميتو فيها البنت لي مالك؟
نهله:اي الحمد الله
زكيه:مشاء الله مشاء الله ربي يهنيكم
نور:?????
نهله:ويهنيك ياربي تسلمي
منى:شن اسمها ومنيني ..ولا اسرار
نهله:ههههه لالا عاد اسرار عليك؟…اسمها بلقيس من عيلة ال…يلي مقابلين سوق اللحم
منى:الله يبارك …وابتسمت بخبث
نهله:وشن حال شاهين كمل حوشه ولا مزال ؟
الاء:قلبها دق وشافت لي منى طوول
منى:اي يزوق توا مسكر راسه ميبيش يخطب من توا قال لين نكمل كل شي
نهله:به ان شاء الله خير
منى:ان شاء الله

الساعه8في الليل:-
زكيه:هي بسلامه
نهله:سلمك يارب
رونق:ماما خلي نور تروح معانا ونبي
نور:ابتسمتلها….تو نجيكم في الحوش باهي؟
رونق:قامت صبعها الصغير….وعد؟
نور:هههه…اي وعد
رونق:به تعالي معانا لين نركبو في السياره
نور:حطت البرنوص عليها وقامت رونق وطلعت معاهم

منى:اول مشافت زكيه ونور طلعو من الصاله نقزت ع المترد طووووول ??
الاء:مفجوعه
منى:البطن بطني والرزق رزق عمي عصام وانتي ان شاء الله تموتي وشادك الضي عريانه ادوشي
الاء:ناضت وهيا تنفخ عليها وركبت دارها
منى:فمها معبي…والله حاله يحسدوك حتى في شهيتك المفتوحه

_____________

نور:شافت شاب نزل من السياره..منو هاذا؟
زكيه:ولد حماتي يزيد
نور:اهاا ….وحطت رونق ع الارض
رونق:يزيددد …وتجبد فيه من يده…تعال تعال شوف اختي الكبيره
يزيد:ابتسم ومد يده…اهلين
نور:خافت لما شافت الحرس وعارفه انهم رح يعاودو لي مالك بس مقدرتش تخلي يده ممدوده …سلمت عليه …اهلين بيك
زكيه:حاضنه نور بجنب…وهاذي نور بنتي
يزيد:يشوفلها بي اعجاب…مشاء الله مقلتيش من قبل انها بي الجمال هاذا يا مرت خالي
نور:ابتسمت بخجل
زكيه:ديري بالك ع نفسك وتو كل فتره نجي نشوفك لو احتجتي اي شي كلميني
نور:ان شاء الله
يزيد:يشوفلها سارح
زكيه:هي يزيد
يزيد:عاود مد يده ليها….فرصه سعيده
نور:تسلم
يزيد:ركب السياره ولعها ونور واقفه ودارت لي خوتها باي من بعيد …رجعت الحوش وفي قلبها شوية خوف كانت عارفه ان مالك رح يروح هايج عليها من اللقطه يلي صارت ومهما ترجت الحرس انهم ميحكوش مستحيل ياخذو كلامها ابدا

_____________

نور:تي وين ماشيه مقعمزناش بروحنا بكل
منى:معليشي بنتي مهم جيتك وجبتلك الكتاب متعك نستيه عندي والسبت في اختبار
نور:خساره..ياريت زدتي شويه
منى:منقدرش شاهين جي ..يلا سلام
نور:وصلتها لعند الباب ورجعت لي دارها …صلت العشي وسكرت باب دارها بي المفتاح وتجهز في نفسها للعياط والتكسير يلي رح يصير بعد شوي

منى:ركبت السياره وسكرت الباب…شو شو وخي
شاهين:تو بالله شوشو اسم دلع؟
منى:اي ?المهم في وحده صاحبتي هنايا بناخذ منها كراسه عندي اختبار السبت ونسيتها عندها
شاهين:تي لا كراسه لامحايه مش سواق بوك انا
منى:ااااه يابوي ياريتك عايش بس كنهادا منندلش ونستحق هكي ???وووه عليا غيبتك ماحرها
شاهين:اففف به سكري فمك وسن تسكن
منى:قدام سوق اللحم…وابتسمت بخبث
شاهين:وين اختفو دموعهك في ثانيه
منى:الحزن مش ديمه عاد
شاهين:شنو امتى عرسهم هاذم؟
منى:الاء اللفعه؟قالو خطيبها مسافر لين يروح
شاهين:يحاول يجبد منها الدوا ….ربي يكمل اكيد فرحانه عاد انتم البنات متصدقو
منى:مفهمتش خيرها لاويه خليتها وعيونها زي الذبانه منفوخات شكلها تبكي متقولش عليها بيانها امس
شاهين:البيوت اسرار …داخله كان في ذرة امل انها تتراجع ولو فهلا دارتها وتراجعت من كثر حبه ليها رح يرجعلها في ثانيه ?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:نقز من مكانه بي فزع لما سمعت باب دارها يطق
مالك:افتحي نور
نور:بلعت ريقها بخوف …شش شن تبي مالك نبدل؟
مالك:بصوت هادي يخوف…نور افتحي توا
نور:خذت نفس وقربت ع الباب …به احكي حتى هكي
مالك:قربع الباب بيده…تي افتححححححي
نور:نخلعت وحطت يدها ع مقبض الباب وبصعوبه فتحت
مالك:خش وسكر الباب ويشوفلها
نور:شنو ؟
مالك:يلي سلمتي عليه مبكرى مني؟
نور:اءء اء انا مسلمتش ع حد ع منو تقصد،؟
مالك:ضرب المزهريه يلي جنب الباب برجله…متكذببببببيش
نور:بلعت ريقها…يي يي يزي يزيد يزيد ولد حمات امي وجي يروح بيهم من باب الذوق سلم ومشي مقال شي واصلا كان شعري مغطي
مالك:مغطي بي برنوص يانور؟!
نور:كك كنت نسحابه راجلها بيروح بيها
مالك:ساكت يشوفلها بنضرات تقتل?
نور:بعدين شن جاي تحاااسب فيا انت؟؟!برا كمل قصة زواجك وخليني …وبالله اطلع ترا بنقرا عندي اختبار
مالك:خذي نفس عممميق…تمام مش رح نزيد نعصب اكتر من هكي …بس واضح انك حبيتي خوتك صح؟!
نور:بي استغراب…اي!!
مالك:باش متخسريهمش وميحسروش امهم وبوهم في الجديد معش تطلعي لبرا باهي نور؟
نور:بصدمه….تهدد فيا مالك؟!
مالك:اي
نور:تشوفله
مالك:طلع وسكر الباب
نور:مسحت وجها بيديها ونزلت تلم في المرش خلاص تعودت علي العياط والتكسير ?

_________________

المرا:تفضلي بنتي
منى:معليشي عمتي نبي بلقيس شويه صاحبتها انا
المرا:تفضلي تفضلي
منى:نحت كندرتها وخشت
المرا:بلقيس بلقييييس
بلقيس:تتشف في يدها من الميه…اها امي
المرا:تعالي صاحبتك
بلقيس:شافت لي منى بي استغراب…اهلا منو؟
منى:حضنتها…..بلقيس استاحشتك انا زمان معاك في الروضه اذكرتيني ولا
المرا:طلعت من بحداهم
بلقيس:لا والله متواخذينيش ?
منى:به سكري فمك علاش تضحكي توا
بلقيس؛?
منى:هما كلمتين بنقولهم وبنطلع…العريس يلي جاك ترفضيه بسيف
بلقيس:شن تقولي انتي
منى:زي مسمعتي خير منقلبلك حياتك جحيم
بلقيس:خذت نفس…منعرفش انتي منو ولا مني يلي باعتك بس جديات انا مش موافقه وطول الليل نبكي لاني بنضطر نسيب حب عمري ع خاطر هتلر هاذابنسيب حبيبي بعد ما خلاص حصل خدمه وبيتقدملي ع خاطر واحد مجرم جاي لنضره الشرعيه بي سلاحه وفي تيوته مضلمه تقول ماشي للجبها
منى:تشوفلها بصدمه..
بلقيس:شني؟!
منى:به قلتيله انك متبيش
بلقيس:هه تي اول مخشيت متكلمش يشوفلي بنضرات تخوف وطلعت
منى:خذت شنطتها…تو نحاول هي بسلامه
بلقيس:قوليلي انتي منو ع الاقل
منى:انا عقلك الباطني هي باي ….وطلعت تجري

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

دنيا:كل شويه تشوف لي تالفونها لو وصل مسج او حتى مكالمه من علاء لانها تعودت علي اهتمامه لاكن للاسف مفيش ولا حاجه وهاذا الشي خلاها بتهبل وتعرف وين مختفي عليها وليش معش دورها !

نور:تبصري؟!منى هبلتي انتي كيف تمشيلها تخيلي تحكيله تخييييلي وربي يقتلك
منى:واحلا موته بين يدين غزال زيه?❤️
نور:معصبه…منى تكلمي بجديات
منى:والله هاذا يلي صار البنت متبيشي
نور:لاكن هوا بيتم فيها خلاص مبكري نسمع في نهله تحجز في حجات عشان التلبيسه?
منى:خذت نفس…نور فكري بعقلك …انتي تبيه مالك؟
نور:منحبش مالك هكي تعرفي طاح من عيني …طاح من عيني وقت هددني بي خوتي تصوري هاذا كله ع خاطر سلام عادي !!!
بدي يتعامل معاي زي ميتعامل مع الناس برا حتى معاي يامنى بدي هتلر …
منى:بتهبلوني في جرتكم
نور:شافت لي تالفونها…منى خليك في رقم انتضار
منى:به تو نعاودلك
نور:اوكي ….وردت ع الرقم

يزيد:السلام عليكم
نور:وعليكم السلام؟!تفضل
يزيد:اءء انا يزيد يلي روحت بخوتك مبكري
نور:اها اهلين بيك ?
يزيد:اتصلت عشاان لو احتجتي شي من امك ولا حاجه رقمي عندك وميردك شي إلا لسانك
نور:تسلم ربي يخليك
يزيد:بدي كل مره يفتح موضوع معاها ……

_________________

منى:فتحت دولاب الصبغات متعها طلعت شفرتها القديمه وركبتها في التالفون كتبت في مسج(مساء الخير هتلر انا فاعلة الخير لو سمحت البنت يلي خاطبها متبيكش ولا طايقه خليقتك ف لهاذا ارجوك تباعد عليها يعني واسفه لو ازعزتك)وبدل متبعتها لي مالك تبعتها لي فراس??‍♂️

بعد شوي وصلتها رساله مكتوب فيها(اسمها ازعجتك اول شي تاني حاجه اعقلي يامنى لان الرساله هاذي لو وصلت لي هتلر ح يقتلك تالت شي متسألينيش كيف عرفت رقمك لاني نعرف كل شي )
منى:بعد ما خبطت روحها هلبا مرات ع وجها بسبب الغباء بعتتله رساله مكتوب فيها(اصلا مقلب ونحبك)
فراس:سكر المسج وخدوده حمررر حتى صلعته حمراء?

_____________

نور:ههههههه دمك خفيف والله
يزيد:انتي يلي دمك عسل ربي يحفضك
نور:تسلم ❤️…اءء يالله توا تصبح ع خير
يزيد:وانتي من اهل الخير
نور:سكرت الخط والشطان يلعب في عقلها….يزيد كان واااضح عليه ان معجب فيها ويحاول يتقربلها وهيا حبت كلامه وهدرزته …وفي داخلها تقول خلي نجرب المره هاذي شن خاسره؟!
بس كل متتفكر لي مالك ومنو بيسترجي يوقف قدامه …كل خططها اضيع? حطت تالفونها في الشحن وسمعت باب دارها يطق

طق طق طق
نور:تفضل
محدش جاوبها لين فتحت الباب لقت هديه صغيرونه مغلفه بي اللون الوردي
خذتها وخشت الدار وهيا عارفه منو حطها اكيد مالك زي ماتعود كيف يرضيها زمان❤️
فتحتها لقت فيها سلسله ع شكل حمامه صغيره وشكلاته وورقه مكتوب فيها(عصبت عليك هلبا عارف …مش بيدي وانتي عارفه بس في الجديد ديري بالك)
نور:حطت الهديه ع جنب وهيا لاعارفه تفرح ولا تتحطم اكتر واكتر ?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ثاني يوم?

منى:ضربت شاهين علي رقبته…باح خير
شاهين:صباح النور يا احلللللى اخت في العالم
منى:شهقت….يماااا يماااااا ولدك واكل 5كسلو حشيش راهو قالي احلا اخت في العالم
كميله:جايبه الشاهي …..ههههههه خوك فرحان اخيرا ربي فرجها عليه وبيدا يتاجر في السيارات
منى:احللف??
شاهين:اي والله اليوم اول بيعه يعني من الاسبوع الجاي مصروفك عليا
منى:الله ???بنبدا نشري في صبغاتي من رزقك
شاهين :امك ?
منى:حضناته يااااااربي اخيرا
شاهين:اححححو احووو خنقتيني عطيك دي

____________

نور:تغسل في اماعين الفطور
نهله:وراس عليوا ياغالي نبيك في خدمه
علاء:يفطر بسرعه….يما والله مستعجل شن في
نهله:ونبي ارفع معاك نور وجيبلنا شكلاته وحجات هكي جايين امتاعين اختك بيحددو العرس
علاء:يما عندي خدمه شوفي مالك ولا فراس
نور:وراااس عليوه منعطلكش 5دقايق مالك وفراس طالعين من الصبح
علاء:اففف بري البسي 3دقايق متنزليش بنمشي
نور:سيبت يلي في يدها ونزلت تجري

الاء:تمسح في المكتبه وتلمع فيها وتكلم في خطيبها
سليم:بالله قدمو حاجه تليق بي مقامهم راهو عمتي جايه اليوم تعجب هلبا
الاء:متحمله بسيف…. ان شاء الله
سليم:بنبعتلك فلوس صوريهم ونزلي في الفيس وعبري عليهم فوق عشان يشوفو اهلك
الاء:من كثر ما تنرفزت سكرت الخط في وجها

______________

نور:نزلت من السياره هيا وعلاء لمحل الشكلاته
علاء:بسرعه وراس نور
نور:به …ومشت تختار
علاء:طاحت عينه علي دنيا وقلبه قفز من مكانه ❤️
دنيا:ابتسمت…اهلين
علاء:بيك ….شنو اديري هني
دنيا:تغااايضت من اسلوبه كأنه مش نفسه علاء يلي كان يلاحق فيها ….جايا بناخذ ضيافه اليوم تلبيستي
علاء:ششش شنو؟!
دنيا:اي زي مسمعت…وكانت مستمتعه بي منضره المصدوم
نور:علااء تعالا ادفع كملت
علاء:مشي يخلص الحجات
دنيا:اهلا ياحلوه
نور:اهلين بيك دنيا كيف الحال
دنيا:بخير الحمد الله
نور:مش م…..
علاء:قبل متكمل نور كلامها سحبها من يدها وطلع وهوا بيتفجرررر.

نور:ركبت السياره….بسم الله خيرك علاء
علاء:يسوق وخبط ع الدومان….دارتها الكللللبه دارتهاااااا
نور:من هيا
علاء:ساكت ويسوق بسررررعه جنونيه
نور:علاء بشويه علااااااااااااء…يتبع

لمشاهدة جميع اعمال الكاتبة : روايات اروى الطاهر المسلاتي

لمتابعة اهم واخر الاخبار : القلم نيوز

اترك رد

زر الذهاب إلى الأعلى