روايه هتلر الحلقة الرابعة عشر .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة الرابعة عشر .. الكاتبه اروى الطاهر المسلاتي بنووتة الشيخ

روايه هتلر الحلقة الرابعة عشر .. الكاتبه اروى الطاهر المسلاتي بنووتة الشيخ

#هتلر 14? ماقبل الاخيره

ممنوع نقل الحلقه قبل ساعه+وصلوها لل40ألف عشان انزل الاخيره لااازم❤️

مالك:يتكلم بهستيريا وعيونه مسكرات….انتي مش فاهمه انتي مش عارفه انك مرض ايا قاعد نقاوم فيه افهمي
نور:حطت يديها ع كتاف مالك تحاول تباعده بس زاد قرب بقوه ❤️..اختلطت انفاسهم ببعض وع شوي كانت نور رح تتخدر وتفقد روحها معاه?
مالك:بصوت هاااادي وقاعد مسكر عيونه❤️…انتي ليا نوور
نور:ساكته وقلبها بيطططلع
مالك:ردي عليااا نبي نسمعها منك …لمنو انتي نور
نور:حاولت تباعده بيدها…مم مالك
مالك:مسك يدها بقوه وزاد قرب…قوليها…قولي انك ليا نبي نسمعها
نور:مم م مالك شن قاعد تقول
مالك:ضغط ع يدها بقوه وقاعد مسكر عيونه ولاصق فيها…قووليها نووور …لمنو انتي ؟!
نور:تتألم…يدي مالك
مالك:زاد الضغط …لمنووو انتي
نور: لل ليك ليك …اه يدي
مالك:دخل يده في شعرها بحنيه….قوليها تامه بإسمي …لمنو انتي
نور:دقات قلبها زادت وكل شويه قبضة يد مالك تزيد?والوجع يزيد منها
مالك:تكلمممي
نور:بلعت ريقها وتحاول تفك يدها…لي مالك انا
مالك:رخي يدها وفتح عيونه
نور:تشوف لعيونه الرماديات كانت نضرته غريبه لهدرجه حبه يخوف؟!
قبل محد منهم ينطق كلمه وحده طق الباب
نور:ماسكه يدها تحرك فيها
مالك:مسك يد نور….ادخل
الممرضه:السلام عليكم لو سمحت جيت نبدل الشراشف
مالك:باس يد نور…خوذي راحتك
الممرضه:بدت تغير في الغطاء ومالك يشوف لي رجل نور
نور:تأشر للممرضه بمعنى اقعدي او نادي حد…معش تبي تقعد جنب مالك بروحها توترها ومشاعرها يزيدو ?
بس الممرضه مفهمتهاش ??‍♀️وطلعت
مالك:قعد يدير في مساج خفيف لرجلين نور بدون ميشوفلها….كلمت دكتوره بكرا تجيك في الحوش
دكتوره شاطره
نور:خذت نفس ومردتش عليه …نور معش تعرف اي شخصيه تتعامل معاها؟!….مالك يلي مهتم بيها ولا هتلر يلي يحب يمتلكها وبس!!
مالك:غطاها وباسها ع راسها….توا ارقدي ارتاحي
نور:بعد يلي صار قبل شوي مقدرتش حتى تقيم عيونها بسرعه رقدت ع السرير ودفنت وجها في المخده …كان داخلها شعور حلو وبايخ في نفس الوقت

__________________

نيروز:تي كيف ؟!ع الاقل من باب الذوق يحترمو يلي حني فيه
نهله:شن بتقولي هي
نيروز:لا نقول والله حاله خوي وبنت عمي طلعو من الموت بدل ميجو يتحمدو بسلامه يبويجو يحددو العرس خيرهم هادم؟!
الاء:ناضت من جنبهم ومحكتش
نهله:تو باهي هكي ؟؟!!….كان امالي خطيبها مينفعوش ومش ناس تفهم في الاصول شن تبيني ندير ؟!
نيروز:والله كلام الحق ينقال
نهله:لاعاد عارفه نلقاها منك ولامن مالك يلي مكثره علي نور ولامن علاء يلي يبي يناسب واحد معفن زي بوه
نيروز:تضحك….تبصرري؟!منو؟!
نهله:دنيا…..البنت ماعندي فيها مانقول لاكن نبي عيله احسن من هاذي انا بروحي كبدي دارها من بوك
نيروز:بس حرام امي متكسريش بخاطره لاحضت اليوم كيف يشبحلها ?
نهله:مفيش واحد دار ثمره فيهم
نيروز:اهو مالك خطبتيله وربي يتمم
نهله:غير كان يخلي البنت في حالها بس شنو كان مطلقه خلااااص؟!امها مبكري اتصلت حلت عليا فمها ديما حاطيني في وجه المدفع انا
نيروز:بتتكلم بس سكتت ….لان حاسه اهتمام مالك مش طبيعي
نهله:شنو بايته؟!
نيروز:اي قالي اقعدي

________________

يزيد:شن صار؟!
فتحي:تي وين يا يزيد ؟!….عالق مع هتلر وتبي تقلبها عليه تي شن حالك انت
يزيد:كيف؟!
فتحي:الولد يلي بعتلي اسمع طلع هتلر رد بالك وخي راك تجيب قطع رقبتك بي يدك ترا فكني
يزيد:سكر الخط وهوا بيموووت من القهر

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ترن ترن ترن
شاهين يتفرج ع التلفزيون…..سكر تالفونه
منى:مقعمزه تاكل في سلاطه….تالفونك يشرب
شاهين:مدوريشي
منى:شنو امالا متزاعلين ؟!

ترن ترن ترن ترن
شاهين :خذي تالفونه وطلع…ها؟
الاء:تبكي….استاحشتك
شاهين:كان يبين انه قوي وخلاص نساها لاكن القلب يعلم بيه ربي…وشنو يعني؟!
الاء:عارفه اني غلطت لاكن استاحشتك وربي معش قادره شاهين
شاهين:حبك زي ما حبيتك انا؟!
الاء:لو كان حبني ربع حبك ليا مكنتش اتصلت توا !!
شاهين:معندي منديرلك الاء طريقك اخترتيها ربي معاك
الاء:تبكي بلعبره…نحبك
شاهين:دمعت عيونه وقبل ميقول شي ويفقد اعصابه سكر عليها ?

فراس مقعمز قدام الحوش يشرب في الشاهي مع علاء فجآه يوصله مسج
(معنديش غيرك فراس لحق عليا تعااااااله)
فراس:سكر التالفون وعارف انها تكذب رغم ان قلبه كان خايف بس مدورش

علاء:المهم تو اشبح شنو يصير فيها
فراس:مدام نويت الحلال توكل
علاء:احححح تعبتني رجلي بكل اليوم
فراس:فتح تالفونه ولقي مسج
(من كثر دموعي معش قداره نكتب فراس بنموووت تعالا)
فراس:وقف اتصل بيها وقام معاه السلاح
منى:الو
فراس:وين انتي
منى:في سريري?
فراس:شن صاير معاك ؟!
منى:حبك معدبني قلت نشارك شعوري معاك ووك عليا طلعت تخاف عليا ياحليلي
فراس:عصصصب….نبدا ولد كلللللب كان مزال رديت عليك
منى:نحبك به?
فراس:سكر الخط وقعمز
علاء:يضحك….ههههه خلاص اعترف ياسرك
فراس:يحاول يرجع لطبيعته…شنو؟!
علاء:اعترف انك تبيها البنت نلاحض في لمعة عيونك لما تشوفها
فراس:?اشرب الشاهي اشرب
علاء:ههههههه

_______________

طول الليل مالك مقعمز ع الكرسي ويتفرج علي نور يلي مدايره روحها راقده كان ميملش لو يقعد العمر كله يتفرج علي وجها بس❤️صح كان حبه واعر ومتملك وغيرته مرات ترفعه للموت …بس ع الاقل كان حب صافي ميفكرش في الجسم وشهوته بس!!!

منى:رقدت فرحانه هيا في عمرها كله ميأستش ابدااا ديما كانت حاطه في بالها الناس تحبها بس هيا حلوه ومفروض متحبش اي حد ?معمرهاش يأست من فراس وحطاته في دماغها لين حبها فعلا❤️?

علاء:حسب خبرته في البنات عرف كيف يطيح دنيا ويلعب بي اعصابها …يعني دنيا اليوم مش قادره ترقد تفكر شن قصده علاء لما قال بنجيك وبدريلي يلي نبيه!!
بينما هوا راقد مستريح وعارف خطوته الجايه شنوو

الاء وشاهين الزوز يتعدبو بسبب غلطه صغيره دارتها لاء توا بس عرفت ان الراجل يلي يحب من قلبه حقه مش فلوس ?بس للاسف بعد ما طاح الفاس في الراس

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ثاني يوم??

الاء:نايضه هيا ونيروز من الصبح ينضفو في الحوش عشان الضيوف واهل سليم يلي جاين في موعد مش ليهم بكل ?

دنيا:طلعت من الجامعه وبلعت ريقها بتوتر لما شافت علاء قدامها…اهلين
علاء:بيك
دنيا:هه من لايم عليك تجي برجلك المكسوره تو يقولو دنيا واقفه مع واحد معاق
علاء:مكسور ومعاق بس طرف وهاذي حقيقه متقدريش تنكريها !!
دنيا:قلبت عيونها بملل…يعني؟!
علاء:مهم جيتك عشان كلامك امس انتي تأسفتي وقلتي يلي تبيه انا فيه
دنيا:بنضرات ترجي….علاء بلا جو متطلبش حجات بايخه م……
علاء:قاطعها…تتزوجيني؟!
دنيا:?????
علاء:كنت نبي ننزل ع ركبتي بس زي متعرفي رجلي مكسوره?
دنيا:ضحكت تحت تأثير الصدمه
علاء:شن قلتي
دنيا:شافت بوها من بعيد وقررت تتهرب….نحكو بعدين بابا جي…ومش تجري
علاء:هز براسه….ناويه تجلطني لاخر عمري
فراس:اركب اركب
علاء:يعكز ع رجله وفراس يشوفله بنضرات شماته ?

_______________

مالك:ماشي بي الكرسي المتحرك ونور فيه❤️
عصام:شن صار؟!
مالك:الامور طيبه درت خاصت الاجرائات ونضمت الجو
عصام:كويس …وركب السياره
نور:خذت نفس وتشوف لي مالك بعيون بريئه
مالك:فتح باب السياره وقامها بلكرسي❤️حطها في السياره
نور:كانت منزله عيونها وتلهي في روحها عشان متشوفش لعيون مالك ❤️
مالك:ركب يسوق وطوووول الطريق عيونه في المرايه ع نور

_____________

نهله:ان شاء الله يارب ع البركه غير توا المشي والجاي وبنت سلفي الله يرحمه عندها مشكله في رجليها ومش قادره تمشي خايفين عليها الحق
ام سليم:تمام مش مشكله المهم نفس الموعد يلي حددناه لو صار تغير بعدين نأجلو اسبوعين
نهله:ان شاء الله
نيرزو:تشوف لي الاء بنضرات تقزز من بعيد

نور:وصلت للحوش وصارت نفس اللقطه❤️نزلها مالك من السياره وجسمها كله ينمل اول ما شكرت ريحته❤️حست بي قلبه كيف يدق بسرررعه لما يحملها …لين رجعها ع الكرسي وخش بيها الحوش ….

_______________

شاهين:خاش للحوش فرحان وشاد في يديه اكياس اكياس معبيه بضاعه للحوش ❤️….امممممي اممممي
كميله:طالعه من المطبخ تمسح في يديها توسعت عيونها بصدمه….هاذا شنو ?
شاهين:هاذي اول قبض للخدمه …وحط الشكاير
كميله:زغرطت بفرح….روروروووروروي الحمد الله ربي يفتح عليك وليدي ان شاء الله ربي يزيد فلوسك
شاهين:قعمز ع الصالون ينحي في كندرته …ان شاء الله
منى:طالعه والصبغه في شعرها…شن صار في الدنيا
شاهين:قداش مرررره قتلك العفن هاذا مدريشي في شعرك اناااااا؟!!!
منى:تي قولي قبل بعدين هزب
شاهين:قبضت اليوم
منى:وووووه عليااا نبي نغير كفرة تالفوني ونبي كندره فضيه ونبي ونبي مستحضرات تجميل
شاهين:تي انتي تبي فليت ذبان زي صنة شعرك
منى:تو تشوف بعد منغسله….حضناته…ياخيتي سلمممممك وووه نحبك خوي ?❤️
شاهين:ههههههههه تي نحي من عليا

دنيا:ردت وهيا متوتره من بوها….الو!
علاء:توااا تقوليلي موافقه ولا لا
دنيا:تمام ريان انا في الطريق نحكو بعدين
علاء:تواااا قلت
دنيا:ريان خلاص قلنا بعدين
علاء:اقسم بالله توا تسكري معاد تحلمي تسمعي صوتي
دنيا:افففف
علاء:اي ولا لا بس ….تتزوجيني
دنيا:شافت لي بوها للهي يسوق
علاء:شنو؟!
دنيا:اي
علاء:اخيرااااااااا
دنيا:سكرت في وجها
علاء:لازم تفسد حاجه لااااازم

____________________

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

#تسريع_في _الاحداث

بعد مرور شهر مسكر …..

مكانش في شي جديد …قاعد مالك يتعامل بحنيه مع نور وتجيك اوقات يقلب الدنيا عليها بسبب الغيره بس مع هاذا مهتم بيها …كل يوم هوا يلي يرفع فيها للدكتوره ويستنى فيها لين تكمل ويروح بيها
كان معاها من لما توقف اول خطوه …ولما اطيح معاها وساندها وميخليهاش توصل للارض❤️

زكيه:كانت مهتمه بي بنتها الايام هاذي لاكن متجنبه مالك لان جديات هددها لو تحاول تقلب راس نور وترجعها معاها رح يتصرف معاها بي شخصية هتلر ??

فراس:تعود كل يوم علي رسايل منى المجنونه وعدم يأسها منه ابداااا وكان الشي هاذا هوا يلي خلاه مجنون بيها بدون ميوضح لحد

شاهين:يتاجر في السيارات ويحرل في الخرده لي تحفات فنيه ويبيع فيهم بسعر خيالي وخلال شهر بس قدر يحقق ارباح فضيعه ❤️

علاء ودنيا زي الفار والقطوس ورغم تكبر دنيا علاء يموت فيها وهيا نفس الشي ونهله وافقت تخطبله مبدئيا بس مصار شي لحد الان

مالك والاء يجهزو للعرس المشترك ونور تتقطع بشوي …كانت نور تتمنى او مالك يفاتحها في الموضع كانت تتمنى يخيرها يقوللها تبيني ولا نتزوج؟!كانت وح تختاره بس مكلمهاش ولا عبرها كان يوتي لي عرسه وعرس اخته ومهتم بنور وصحتها في نفس الوقت?…قررت تعالج حزنها بشي غلط وهوا (يزيد )يزيد يلي قرر يخطب نور عشان ينزل خشم مالك وينتقم من يلي داره

الاء:انطفت الفرحه يلي في داخلها كل ليله تبكي حست بي قيمة شاهين وكل يوم تبي تتراجع وتنهي الزواج هاذا بس خلاااص العرس توا ????

_________________

في حوش عصام…كانت الدنيا زحمممممه برا وداخل طبعا عرس هتلر اكيد رح يكون كبير❤️
كلهم جو بايتين لان بكرا الفاتحه والحنه
الساعه3في الليل والعائله ساهرين والاء كل شويه تخش الحمام تبكي ونور مش قادره تطلع من غرفتها ومنى معاها
منى يلي كانت بتهببببببل تبي حل ونور يلي تتجاهل في مالك متبيش تتلاقى معاه وكل شويه تحكي مع يزيد

فات ليله صااااعبه ع الاء وشاهين ومالك ونور وحتى بلقيس خطيبة هتلر يلي وافقت بسيف عليها وسيبت حبيبها …غريبه صح؟!محدش فرحان بس لما الناس تشوف من بعيد وح يقولو سعدودهم عرسين في مره وحده …..

_________________

الساعه4:00:-
مالك:يلبس في الزبون وطالع يجنن…يشوف لي روحه في المرايا ومقتنع بشي يلي يدير فيه ممكن يكون زواجه في صالح نور …كيف؟!
يجوز مع الايام ينساها وتقدر تعيش حياتها …بس لو منساهاش بتصير هلبا حجات …قاطع صوت تفكيره الاء

الاء:خاشه بي البودري تبكي
مالك:بي استغراب…خيرك
الاء:تشهق بي البكاء …ماااالك وراس خوي ورااااااسك تبي تقتلني اقتلني انا معش قادره
مالك:….يتبع

لمشاهدة جميع اعمال الكاتبة : روايات اروى الطاهر المسلاتي

 

اترك رد

زر الذهاب إلى الأعلى