روايه هتلر الحلقة السابعة .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة السابعة .. الكاتبه اروى الطاهر المسلاتي بنووتة الشيخ

روايه هتلر الحلقة السابعة

#هتلر 7?

مالك:قاعد يستوعب فكرة انها خشت عليه بلبسها ومكياجها هاذا ?
نور:تشهق بي البكي قربت عليه….رد عليا به علاش تخلي في الكلبات هذوكم معاك ومدايرلهم قيمه وانا لا !!!مش كنت نور عيونك؟!تكلممممم
مالك:نزل راسه ينحي في ساعته ويحكي بي بروود….متقوليش عليهم كلبات مهما كان بنات خالتي
نور:بصدمه ….شن تقول انت ؟!وبدت تعيط..ماااااالك شن تقووول خيرك بديت هكي ?ليش معش تحبني
مالك:ابتسم ويتكلم بي استفزاز…وحده متسمعش في كلامي كيف تبيني نعاملها؟؟
نور:بملامح ترجي …به كانت غلطه غلطه صغيرونه منستحقش هاذا كله …مسكت يده بي يديها الزوز
خلاص اسفه مالك بالله عليك ارجع زي قبل معااااي بنهبل معش قادره نتحملك هكي وحق ربي نسمع كلامك في كل شي وعددد خلاص معش عندي حد نحكي معاه ولا نضحك معاه قعدت بروحي في الحوش هاذا ??
مالك:وين يلي شعرها اخضر كنتي لين معش تقدري تتنفسي من الضحك معاها
نور:تمسح في دموعها… منبصررش يامالك ?
مالك:ضحك ع جنب بهدوء وحضنها….عارفتيني منقدرش عليك وعلي دموعك
نور:كأن الروح ردتلها ❤️حضناته بقوووه
مالك:للحضات نسي روحه وشخصيته واسمه(هتلر)ونسي الدنيا كلها ودفن راسه في رقبتها?
نور:حست بشي غلط في الحضن هاذا لاول مره …قلبه دق اكتر واكتر وبعدت عليه بهدوء
مالك:رجع لي وعيه وهوا مبين ان مفيش شي لدرجه نور شكت ان يتهيئلها
مالك:توا بري دارك زي الشاطره بدلي حوايجك وامسحي يلي في خليقتك اخر مره اديريه
نور:هزت راسها بمعنى تمام وتمسح في دموعها
مالك:يلم في شعرها بيديه….وهاذا ينقام فووق…وقعد يحوسلها فيه
نور:هههههه به يابارد اااه شعري
مالك:ضحك وطبطب ع كتفها…بري هي
نور:طلعت بي قفطانها المنفوخ من الغرفه وسكرت الباب
مالك:شم يديه وهوا مسكر عيونه ..كان عطر نور وشعرها مبهدله ?❤️

___________________

دنيا:لو سمحت بدون شوشره انزززل
علاء:متكي ع الكرسي وواخد راحته….مش نازل ولقطع متع تعطيني رقمك بعدين تسكريه بنرليك عليها
دنيا:انزل انت متعرفنيش بنت منو اقسم بالله نشردك
علاء:هه زابطك بنت منو ياواعره
دنيا:خذت تالفونها بتتصل فكه منها علاء
علاء:نكملو دوتنا قبل
دنيا:بلعت ويقها لما شافت فراس وزوز رجالا واقفين ع السياره كأنهم يحرسو ويأمنوله في الطريق
دنيا:من الاخر شن تبي انت
علاء:سرح شعره بي صوابعه….نبيك ?
دنيا:بالله خلينا واقعين شويه ترااا انت خامر ومتع بنات
علاء:شهق …اناااا?
دنيا:اي انت اخبارك في كل مكان مفضوح في الفيس صورك شرب وعفن وكل يوم مع وحده تبي وحده زيني تاخذك بلعقل !!!….اسمي عيلتي ميسمحش اصلا
علاء:ترا فكيني من عيلتي وعيلتك ع اساس من عائلة الو بكر الصديق سكة بوي وبوك وحده
دنيا:قربت عليه بدلع ويدها ع القرواطه يلي كان لابسها
علاء:يشوف لي فمها كأنه يستعد لي بوسه
دنيا:خنقاته بي القرواطه…ماهو لاني سكتنا وحده دير باااااالك مني …وباعدت من عليه
علاء:احوو احوووو
دنيا:تساوي في وشاحها ع المرايه متع السياره ….هيا انزل
علاء:نحى القرواطه….راسي وراسك يابنت
دنيا:اعلى مافي خيلك اركبه
علاء:تتحديني؟
دنيا:بي شنو؟
علاء:منكلمش بنات لاخر حياتي ونخليك تحبيني
دنيا:ههههههه الميه تروب وانت ما توب
علاء:تمام تو نشوفو رقمك رح نجيبه يادنيا وكان ربحت اقسم بالله رح تخليني ندير فيك شن نبي و برضاك
دنيا:شافتله بتقزز….به انزل هي
علاء:نزل من السياره وهوا يساوي في الجاكيت

فراس:بصوت واطي….عطاتك هزايب بي الفستق ولا البرتقال ?
علاء:شافله بصدمه….جنون يخدمو معاك ع فكره انت
فراس:ابتسم بخجل ع اساس?
علاء:المهم نبي رقمها بنت الكلب هيا
فراس:ياسلام اكيد
علاء:كان مش عيب راهو بستك قدام الناس كلها
فراس:اي اصلا انا قعدت عير مضحكه قدام الحراس
علاء:شن جو ام شعر اخضر
فراس:لوي وجها….مذكرنيش ترااا
علاء:????

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

منى:راقده ع الصالون ،رجليها فوق وتمص في الليم…ع اساس. رتي انجاز في حياتك يعني …واو منى مالك سامحني نننننننن
نور:ههههه حيوانه والله فرحانه تعرفي هم ونزاح علي قلبي
منى؛طيح سعدك المهم..انا معزومه غضوا ع المحضر
نور:منى مصح وجهك المحضر لي اهل العروسه بس عارمين
منى:وانا صاحبتك وطليقت فراس ومعجبة هتلر وعلاء راجلي الاحتياطي مصحك هاذا كله ومش من العيله ….بنجي مدخليش ان شاء الله يتفجرو
نور:?????به تعالي
منى:احح قارص الليم …به تو قوليلي بعد غضوا بنمشو المدرسه ولا؟!غبنا3ايام كأن هلبا
نور:يصير خير تعرفي الحوش قاعد زحمه مفيش حد روح كلهم بايتين
منى:به به المهم نوصيك ياصاحبتي قبل مانرقد ديري بالك ع روحك بنات الكلب يلي بايتين غادي اي وحده متعجبكش ولا تقول كلمه اخي ديري روحك تمشي في نومك متعلميش بروحك وطيحط فيها بي المغرب لين كبدك اطيب وبعدين ديري روحك مصدرمه ع اساس احلام اليكده
نور:هههههههه اليقضه يا حماره
منى:المهم زي موصيتك
نور:ونعم التوصيه طيري توا بنرقد
منى:بسلامه …سكرت الخط وبدت تقلب في الفيس
ناهد:تقص في التفاح وتشوف لي تالفون منى …ارحمي شعرك حرام عليك ومزال حتى تفتشي في الصبغات
منى:لالا بنخلي روحي ع الموف شكلي حلو
ناهد:اخخخ بس عليك بنت جبتها
منى:وخيرني يما خيرني كلهم يحبوني ويخطبو فيا اليوم 4رفضتهم
ناهد:بهزوه…والله 4مشاء الله وعلاش رفضتي
منى:مضرين بصحه لانهم مش جميلين منتزوجش الا في القنينين ?
ناهد:كان يسمعك خوك يقرضك
منى:ترا فكيني منه الحمد الله مفتكين ان شاء الله ديمه يبات عند صحابه

__________________

نور:مسحت مكياجها وغسلت وجها بي امية ورد ❤️
قامت شعرها كعكه ولبست توته كحله …نزلت للمطبخ دارت قهوا للعيله كلهم لان كانو نايضين
الاء:ماشيه جايه في المطبخ
نور:تصب في القهوا….اهدي خيرك ؟
الاء:متوتر تعرفي معش قادره نتنفس
نور:شن فيه?
الاء:بكرا بيكلم مالك بيجي يخطب
نور:الله?ياحليلي اخيرااا جديات شاهين يموت فيك
الاء:وجها تغير …مش شاهين واحد تاني
نور:بصدمه…كيف واحد تاني
الاء:اي واحد تاني
نور:مستحيل يحبك وانتي تحبيه كيف هكي؟
الاء:يلي بنعيش معاه في ضروف احسن هوا يلي رح نختاره
نور:بس الحب شنو بيعوضه؟
الاء:معش عرفت شنو تقول وعصبت …ع اساس تفهمي في الحب ولا عمرك حبيتي انتي فكيني ترااا….وطلعت
نور:سرحت فجآه…معمريش فكرت نحب ولا ندير علاقه!!من لما كنت صغيره عشت ضروف صاعبه وحتى كبرت منعرفش نحب غير عمي وبناته ومنى ومالك❤️….خذت السفره وطلعت وهيا تطرد في الافكار هاذي من راسها

____________________

دنيا:لوحت الشنطه ع السرير ويدها ع راسها تذكر في اللقطات يلي دارهم علاء وكيف تجرأ ان يركب في سيارتها ويكلمها رغم عارف بوها منو ….وشنو
يمكن لان حتى علاء عيلته نفس السكه
بدلت حوايجها وقررت مديرلاش ربع اهتمام

وئام:هههههه والله ياخالتي عرس نيروز جي خفيف لدرجه
صابرين:رسمي تعرفي لدرجة حتى مالك جوه يهبل
نهله:ههههه به عندها حظ ياكبدي
خالة نيروز….الحمد الله فات كل شي زي ماتبي
نور:تراقب فيهم قارنه حواجبها زي الصغار لما ياخدو منهم حاجه يحبوها?
مالك:يلبس في جاكيته …متبي شي يما طالع
عمته:وين ماشي ليل ياولد خوي؟
مالك:شوية حجات بنجيبهم من ولد
نهله:سلامتك ولدي دير بالك ع روحك
وئام:استنى مالك خوذ قهوا….ومدتهالا
مالك:قدم بياخذها وتلاقت عينه في عيون نور
نور:قامت حاجبها وفنصت فيه (بمعنى متاخذهاش)
مالك:لالا صحيتي منبيش
وئام:ردت القهوا في السفره
مالك:جي بيطلع وقفه صوت نور
نور:مالك
مالك:تلفت …اها
نور:خذت القهوا وعطتهاله
مالك:ضحك علي سمها..خذاها وطلع
نور:رجعت قعمزت ونضرات صابرين وئام حققققد والباقي كلهم مستغربين!
نهله:رقعت الموقف وهيا تضحك…..سلامته مياخذش في القهوا الا من وخيته
نور:تبتسم وداخلها فرحااانه بي انتصارها ع البنات?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

فراس:انا كائن بشري ويحق ليا نتريح ع فكره
مالك:يوقع ع الاوراق ….تريح غير نكملو بس
فراس:??‍♂️
مالك:هاك هاذم كلهم تلغيهم
فراس:شاف الاوراق وقايم حواجبه بي استغراب….هتلر شن يلي ادير فيه؟!
مالك:يكتب …ع شنو؟!
فراس:علاش تسكر في الصفقات هيا وتلغي فيها؟
مالك:بناخد شوية راحه وبعدين ساهل
فراس:تمام
مالك:قام عيونه بي استفزاز…وانت خيره جوك مش تمام؟
فراس:انااا؟?خيرني
مالك:يبتسم بي استفزاز….والله حسيتك متغير من لما ذات الشعر الاخضر قتلك معش نبيك
فراس:بي ملل….مش وقتك ع فكره?
مالك:يضحك عليه بهزوه
فراس:انت يلي عيونه يضحكو كأنك واخذ جرعه حلوه ?
مالك:بطل تلقيح?

_________________

الساعه 2في الليل:-

نور:مقعمزه في الجنان تشرب في كاكاو وفاتحه نت …فجآه يوصلها مسج

مروان:مش قتلك دوريني نبيك؟
نور:اهلا مروان…تفضل
مروان:زايد فضلك بس نبي نحكي معاك
نور:تفضل شن فيه
مروان:كل خير بس حبيتك تعرفي قداش انا معجب بيك
نور:نعم؟
مروان:جديات معجب بيك كيف رزينه وعاقله عكس صاحبتك هاذا من غير جمالك ❤️
نور:سكرت النت وقعدت تشرب في كاكاو لين حست بي حد حط يده ع كتفها
نور:تلفتت مخلوعه….هاذا انت
مالك:امالا منو
نور:انت اكيد?
مالك:حطي يدك في جيبي
نور:ضحكت وهيا تشوف لعيونه لانها متعوده ع الحركه هاذي من لما كانت صغيره كان يديرلها فيها
مالك:متبيش نقول لي صابرين؟!
نور:ضرباته ع كتفه….بارد
مالك:هيا حطي
نور:دخلت يديها في جيوب الكبوط وطلعت شكلاته ومستكه حاره وكم حاجه تحبهم ….صحيت ?❤️
مالك:ضحك…سلمك
عمته:مالك تعال نبيك شوي تربح
مالك:غير ملامح وجه وقرن حواجبه …ها عمتي
نور:تراقب فيه كيف يحكي مع عمته وكانت تموووت في حركاته كيف معاها هيا يضحك وغير شنو تبي ومع خيرها كان بشخصيه تاااااانيه بكل متعرفهاش

_______________

ترن ترن ترن

فراس:رد بصوت ناعس وهوا فاتح عين وحده…ايوا
منى:مساء الاشواق عادي ولا مشتاق؟؟
فراس:منو؟!
منى:طليقتك …اتصلت بنقولك ع النفقه راضيه بيها حتى رصيد ره 50جني في اليوم
فراس:انتي بتخليني في حالي ولا نجيك نقتلك وندفنك ومحدش يعلم بي مكانك
منى:يهدد فيااااا شروع بلقتل حي عليك غضوا بنفتح فيك محضر بتغتالني بتحرق كبد امي عليا وووووه حسبي الله في الضالم ربي يرجع الحق حسبي الله
فراس:سكر التالفون ولوحه ….مستحيل يكون دماغها سليم….ورقد

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ثاني يوم:-??

نيروز:فتحت عيونها علي حوسة دار النوم الڤيلو في مكان والروب في مكان …ابتسمت لما شافت راجلها راقد….بساته ع خده وناضت عشان تجهز نفسها للمحضر بدون ماتنوضه

دنيا:مقعمزه في المحاضره وصلها مسج
علاء:صباح الخير انا ماشي لخدمتي بكل احترام بدون حتى مانعاكس البنت يلي لابسه سروال ازرقHdومطلعه شعرها
دنيا:ضحكت وردت عليه بمسج….واضح ياخفيف بنعناع
علاء:الضلم ضلمات ره
دنيا:ضحكت بهزوه وسكرت التالفون

________________

مالك:حط سلاحه في خصره وهوا يشوف لي روحه في المرايا …لبس الجاكيت متعه ويبخ في عطره

طق طق طق
مالك:تفضل
نور:صباح الخير
مالك:ابتسملها…صباح النور يانور
نور:ركزت في لبسته كان عباره علي سروال جينز اسود وبدي اسود وجاكيت اسود جلد …حي محلاااه الجاكيت خذيته توا؟!
مالك:اي امس
نور:ياحليلي يجنن طالع …مهم تعالا افطر
مالك:لالا عندي خدمه طالع طول
نور:اممم به بنقولك م…..
منى:صبااااح الخير صاحبتي
نور:جيتي?
منى:نحي بنشوفه…ايوا ايوا??جلد ولقطات
مالك:يربط في خيرط سبيدروه…صبح يافتاح
منى:مصحك جاي قنين ومتبي حد يتغزل فيك…اتكت ع الحيط…اقسم بالله كان منخافش منك راهو قداش ليا مزوجاتك نفسي
مالك:ضحك??
نور:هههههه هيا منى
منى:نضره اخيره ?
نور:وااااك يامنى هيا?
منى:طلعت مع نور وهيا تتحسر ??

الاء:شن جايه ادير هاذي
نور:الاء فوتي الموضوع توا مش وقتك
منى:خليها خليها تدوي وتطلع الطاقه السلبيه يلي فيها جيت باش نمشي لمحضر اختك وناكل رزق العريس ونرقص ونخنب منك العرسان يا حربايه
نور:تهدي فيهم الزوز ….منى اسكتي ونبي
الاء:تي انتي كان عندك كراااامه توا تقلبي وجهك وتاخذي بضاعتك المتشرده بشعر الباربي يلي مدايرتيه
نور:منى متحرجيش ونبي انا…..
منى:كرامتي نسيتها فوق سرير بنمشي ومدخلكش
مالك:طالع ومعصب ….شني انتي وياها وين معليا صوتك
نور:سكتت
منى:خافت وبنضرات ترجي…?متبينيش نمشي معاكم تلز فيا قتلي معندكش كرامه
مالك:شاف لي الاء …وشانتي شن دخلك شني بترفعيها فوق ضهرك ولا كيف؟
الاء؛ساكته وتشوفلهم بشررر
مالك:تحركي انتي وياها كل وحده تشوف خدمه اديرها
منى:ماشيه لي دار نور تغني وادير في حركات غريبه ?….قول عني ماتقول صوبي صعب الوصول ويلي ميضوف العنب حامضاً عنه يقول
مالك:طلع وبمجرد موصل باب الحوش معش قدر يشد ضحكته ….لاكن بسرعه ما اختفت ضحكته لما شاف منو واقف قدامه

طق طق طق
نور:اكيد نسي مفاتيحه زي العاده …وفتحت الباب
مالك:يشوفلها
نور:تشبحله وتشبح يلي واقف جنبه بصدمه …يتبع

لمشاهدة جميع اعمال الكاتبة : روايات اروى الطاهر المسلاتي

لمتابعة اهم واخر الاخبار : القلم نيوز

اترك رد

زر الذهاب إلى الأعلى