روايه هتلر الحلقة السادسة .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة السادسة .. الكاتبه اروى الطاهر المسلاتي بنووتة الشيخ

روايه هتلر الحلقة السادسة

#هتلر 6 (حلقه اضافيه)
رجعت القروب مرئي لمدة 4ايام بس عشان الناس يلي ادور عليه وبعدين تصفيات من جديد تفاااعلو ❤️❤️

نور:لابسه سروال جينز وبلوسه ورديه …قايمه شعرها ذيل حصان وتشوفله
مالك:بي ملامح جمود وبردو في وجها اشرله بعيونه بمعنى خيرك تشبحي؟
نور:سكرت الفريز بقوه وخذت السفره وخشت
مالك:يشوفلها لين خشت وطلع وهوا يحكي بصوت واطي ……الززح قداش حلوه ….

منى:خيرك عطلتي
نور:قالبه وجها….شي الخروات هما حاصلين في الرقبه (واشرت ع بنات خال مالك)
منى:غاطصه في سطل الحلويات ….دارولك حاجه خلي نمشي نشلفطهم
نور:مدارو شي هكي دمهم ثقيل
منى:تمسح في فمها ….انا بنركب نبدل ملابسي خلي نبهرهم بي اطلالتي
نور:هههههه شن بتلبسي
منى:بدله
نور:احساسي يقولي لونها اخضر مش عارف علاش
منى:غلط اقسم بالله لونها بازيلي هاااادي
نور:ههههههه مفيش فايده
منى:وهيا اركبي حتى انتي نمكيجك
نور:لالا بنبدل بس
منى:متقوليليش مالك عاد ترا ريحني مصح وجهك ووجها
نهله:خاشت المطبخ جايبه السفره
منى:ووجهك حتى انتي ياعمتي يلي جايبه ولد زيه
نهله:غير شدي لسانك قدام الضيوف راك تبهدلينا?…وطلعت (واخدين عليها ياكبدي )
منى:خلاص قصدي عرس هاذا وبنت عمك زي اختك
نور:به ان شاء الله اسبقيني ندخل بتات نيروز ونلحقك
منى:طمام طمام ….وركبت وفي يديها 4غريبات ومقررضه

______________

علاء:مقعمز قدام الحوش وقاعد مش مأيس يتصل ويعاود برقم ويعطي فيه مسكر …لوح التالفون وقعمز مع مالك والشباب
فراس:طبس علي مالك حكاله كلمات وباعد عليه
علاء:اشر بعيونه….شنو؟!
مالك:في شنو؟!
علاء:تخططو لي شي ولا؟!شن فيه
مالك:يتكلم بهدوء وملل…شي خدمه زي العاده
علاء:اتكا ع الكرسي …شن صار في موضوع نور؟!
مالك:شبحله بسرعه…نور!خيرها؟
علاء:مخيرها شي نحكي علي محسن يلي طلق ومعش نعلمو بيه
مالك:اهاا….مدوراش خليه ربي يحاسبه
علاء:يطلقها ضحكه قووووويه ….ههههههههه
كان طلعت من فراس نصدق لاكن من هتلر لالالا مستحيل
مالك:ابتسم بستفزاز …تغيرت بديت طيب
علاء:واضح اي ?
فراس:يبتسم ومسكر عيونه
علاء:شنو يافراس !!
فراس:ربع يديه….نعرف الحجات يلي ميعرفوهاش الناس ?
علاء:اقسم بالله خمسون ناقه ليك كان وصلتني بي بنت ندور عليها معنديش غير رقمها
فراس:صواني بس
علاء:طلع الرقم وعطاه لي فراس ….

الاء:تنادي من داخل…علاااااء علاااااء
علاء:ناض وسيبهم

فراس:عيونه في التالفون…رد بالك هتلر بدت عيونك تفضح فيك
مالك:كان مقعمز ع الكرسي وحاط رجليه ع الكرسي الثاني قام حاجبه بي استغراب….انت تتهيئلك حجات غريبه
فراس:بدون ميشوفله ….مشفتش عيونك كيف يلمعو لما ينذكر اسمها
مالك:شافله بنضره تخوف مش مفهومه ووقف …طلع دخانه
فراس:ضحك ع جنب بدون ميحكي
لان عارف مالك ميدخنش إلا لو في موضوع مش قادر يحله !!!وحاليا مش قادر يحل مشكلة حبه لي نور

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

منى:شوفي شوفي احترافي في المكياج كأني نرسم في كطعه فنيه خلاص جويل بتعتزل معاي
نور:اي كطعه طالعع
منى:تقيم في شعرها….بكرا عندي مفاجآه للحفله توا بنخلي شعري فوق
نور:ادير في الروج….شنو المفاجآه ان شاء الله مش برتقالي بتصبغيه منى خلاص بعدين بنتبرا منك?
منى:نبيش نقول …وتهز بي حواجبها
نور:طول ما منى جنبها وهيا تضحك من قلبها ع كلامها وتصرفتها لي فيهم الطقه ?

_____________

الاء:شنوو؟!هبلت انت ولا تستهبل ؟
شاهين :انتي مخليتينيش نكملها جملتي
الاء:وشن بتكمل تقولي بنجي لي عرس اختك ونديرلك ونفعل
شاهين:كاني ولد حرام نديرها اي
الاء:اهااا …عموما وقت يبدا عندك حق الهديه عشان تقدر تجي لعرس اختي تعالا
شاهين:خاطره انكسر….شي قصدك؟!
الاء:قصدي واضح يا شاهين لما تبدل من مستوى عيلي اتصل بيا غير هكي للا
شاهين:شنو يلي غيرك وبدلك به؟!
الاء:شي هكي المهم عرفت انك مش ليا وخلاص
شاهين:انا توا بنسكر لاكن حطي الكلمات هاذي في راسك واذكريها كويس
الاء:تقلب في عيونها بملل وتلبس فياكسسواراتها
شاهين:انتي خسرتي راااجل ممكن معنداش الفلوس يليعندك بس وقت تحتاجي راجل في حياتك ومتلقينيش وقتها بس رح تعرفي قيمتي
الاء:سكرت في وجها وكنلت تواي في روحها بدون اهتمام لمشاعره حتى1‎%‎

جت الساعه 8
وبدت تزحم الحكايه بدات الرجالاعشان كانو فيه عشاء❤️
فراس :عيونه زيالقطوس واقف بعيد ويراقب كأنه عارف وفاعم كل واحد وحركته
اما مالك…مش قادر ياكل كل شويه يطمن علي ضيوفه وبس
وعصام؛كان طول اليوم يستقبل في ناس مهمين عنده ومهتم بيهم

فراس:نادا علي علاء بهدوء
علاء:طايح فيها ماكله مع صحابه جيش عازم مش صحاب
علاء:يده ملبزه….شنو ياحب
فراس:سندريلا يلي متعباتك
علاء:عيونه لمعو …اي؟!
فراس:اسمها دنيا عمرها 24خريجة اقتصاد وتكون بنت صاحب بوك
علاء:بفرحه فضحاته قدام الناس…..الله علللللليك الله علللللللللليك شنو هاذا الابداع يلي عندك بسسسس
فراس:ابتسم بي تسهويك
علاء:خلي نغسل يدي بس ونجيك تي اليوم بندلعك دلع فوت الموضوع بكل
فراس:خرا عليك وعلي شكلك منبي منك شي فضحتني الخيمه كلها تشوفلنا خوذ الاوراق هاذي وتو تلقاها
علاء:تي امممممواه وهاذي بوسه من صلعتك
فراس:يساوي في جاكيته وگ العاده باقي الحرس تعابير وجهم كلهم بيضحكو ومش قادرين?

نزلت منى ونور لسهريه وطبعا نور يد بيد مع مرت عمها وهيا يلي دايره بالها شبه علي كل شي عكس الاء يلي عرس اختها ومش مدوره شاده تركينه وحده
اما منى??‍♂️بقلب ورب فسط الناس تغني

منى:حتى كان اصلع صلوعي حي حي حي حي ….سيوره يمشي في طوعي حي حي حي حي
منى:خلي يقولو مهبوله شعري اخضر علي طوله ????????
منى:العقبه لي موني ياعين نجيبولها هلبا زينين ??

تغني في الاغاني العبيطه هاذي ومش معدله علي ولا مخلوق ???

________________

نور:ماسكه حافضات الحلويات خشت لدار مالك حطتهم وولعت المكيف ع اقصى درجه عشان ميدوبوش ….جت بتطلع بس مقدرتش …لسبب مش مفهوم رجعت الدار وسكرت الباب ❤️
قعدت مقعمزه تتأمل في الغرفه كيف ديكورها كله ع الاسود الفخم ….ضيها المخفي يلي يجنن ❤️
وريحته القويه يلي ممكن تشميها وانتي حتى فايته من برا الغرفه …قربت علي السرير مسكت سوريته وحضنتها….استاحشتك الحقير هاذا?
علاش قاعد يتعامل معاي هكي بسسس حرام وربي حرام ?
طق طق طق
نور:لوحت السوريه …مني؟!
الوقافه:معليشي نبو باقي السفر
نور:ان شاء الله جايه هي
الوقافه :هزت براسها وطلعت
نور:جت بتطلع طاحت عينها علي سلسلة مالك ❤️
لبستها وطلعت

مالك:حاس بنفسه تاعب صداع من التفكير وفي شي مضايقه داخل يدكر في نضرات نور ليه وكيف شبحلها كأن شي ميهماش وهوا في الحقيقه بيموووت عليها كانت هيا الوحيده يلي مطيحه خشمه وكرامته ومخلياته يعترف بي حبه وبي كل شي حتى بينه وبين نفسه ??
نور:نزلت لسهريه هيجت شويه مع منى ?بعدين رجعت المطبخ تستف في باكوات الحلويات
منى:انا ضيفه هنايا مفروض متخدمونيش
نور:اسكتي وديري
منى:يناري نيروز طالعه في البودري زي كنتاكي لاتعرفيها صفرا من ربي ولا حد مرعشها
نور:هههههه حيوانه البنت خايفه ومتوتره من الصبح
منى:تاكل….اهو انا لا خايفه ولا شي وعرسي يوم الخميس
نور:بصدمه …اي خميس؟!
منى:وين نعلم المهم الخميس منعرفش اما سنه
نور:ههههههه يازباله ياخضراء خزي
منى:احححى محلاها اطلعي لي ولد عمك يأشرلك بيده
نور:تلفتت واول ماشفاته قلبه دق بطريقه ارل مره تصير معاها ❤️
منى:اطلعي شنو تتأملي فيا ولا تبيني نطلعلك باش نبوسه ونحصل عارفتيني منقدرش نشد روحي ايوااا
نور:حطت السفره وطلعت بهدوء
مالك:يفصل فيا بعيونه رغم ان نضراته من بعيد كأن واحد مش مهتم بيها ولا معدل بس في الحقيقه كل شبر فيها شافه
كانت لابسه جيم سوت ابيض ❤️مكياجها لا يكاذ يدكر وشعرها كعكه مع شوية خصلات نازله

نور:تبي شي؟!
مالك:يتصنع عدم المبالاة….نادي الاء اختي
نور:حستها الكلمه?….خذت نفس وجايه بتمشي لاكن مقدرتش …..توا طلعت مش اختك انا؟
ياحسره ايام متبي حد غيري مهنا كان الموضوع شن يلي تغير توا
مالك:يديه في جيوبه وبدون اي اهتمام او ردة فعل…ناديها نراجي فيها برا
نور:خشت بدون مترد عليه وكانت تغللالي من داخل كيف متجاهلها هكي ?
نادت علي الاء وطلعت هيا ومنى قعمزو

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

منى:وانتي علاش متكنطيا توا؟
نور:لا متكنطيا لا شي بلعكس احسن مباعد عليا لا يتحكم فيا لا شي
منى:اخخ جميل لاكن جميل والله يحب الجمال
نور:تكابر….شن فايدة جماله بالله
منى:ترا فكيني من مالك وسيرته تخلي في مشاعري يتحركو في ها الليل
نور:ومني هاذي ؟!ناقصه انا
دنيا:خشت تسلم ع الناس وكانت تجنن بي بساطتها
منى:حلوا البنت
نور:خراا
منى:عيطت عليها ….وانتي خيرك تقول متزوجه ولاقيا راجلك يخون فيك
نور:سكتت وتشوف لي دنيا وهيا قارنه حواجبها زي الصغار

فاتت السهريه تهبل نااااشطه شوط مقوم بدربوكه
وكل شويه يديرو تنوير ❤️❤️
مع الساعه 12بدت الدنيا تفضى وقعدو العيله يلي بايتين بس
بعد ما تمو بنات العيله ضمانهم قعمزو في الخطمه يهدرزو
منى:غير تعالي للخيمه ونبي
نور:اف منك منى تو ع اساس خاطرك تهدرزي عليهم
منى:لا بس نبي نضحك عليهم في وجهك باش مناخذش ذنوب التقريم فهمتي …بهدين مالك يغير في اللامبات ويهدرز معاهم نبي نسمعهم شني يقولو
نور:تعالي هي اصلا بنجيب كرسي من برا
منى:هي

علاء:طول اليوم يخطط في حجات جهنميه ?هشان دنيا المره هادي تحصل حصله صح ومتقدرش تهرب

______________

صابرين:هلبا تعرف كل حد ضروري يطلع يعرفك
وئام:ولد خالي معروف بسلامته
مالك:ابتسم….معروف حتى لما اديرو الغلط ره يوصلني ?
صابرين:هههههه اكيد نعرفو متشبحش فينا عاقلات
مالك:اي اي
نور:مربعه يديها وتشوفله من بعيد دمها يغللللي تتمنى تعيط عليه في نص الخيمه بس بلعتها وسكتت
منى:احححي جميل
نور:لمسي نفسك ياوسخه?
منى:ساحت ع الكراسي….مش قادره لميني …يما الطول العرض الجمال …حقا بنسألك
نور:تشوف لي مالك كيف يهدرز معاهم بحقدد…شني
منى:خيرك مش مختلطه معاهم البنات
نور:دراهات كبد ملهم مفيش وحده باهيا
منى:بلعكس صلة الرحم كويسه اهو انا بنات خلاتي جليتهم من المدينه كلها العقربات هما وامهم
نور:????ههههههه
مالك:كمل تغير اللامبات والهدرزه مع بنات خلاته وطلع بدون ميعبر نور حتى بي شبحه وهاذا الشي يلي زاد من هبالها ?

_______________

طول الليل البنات يهدرزو ويضحكو وجوهم حلو
اما نور:كأن عندها حالة وفاء تشوفلهم بي تعبيرات اضحك كأن لو عندها الموت رح تطلقها عليهم ?
منى:اححححي ….تعالي تعالي شوفي
نور:شني
منى:فاتحه علي صورت واحد….هوا كلمني امس ياحليله يجنن ارتحتله تعرفي
نور:شن هدرزتو
منى:مزال مهدرزناش بعتلي هلا بس لاكن اكتر هلا مريحه مرت عليا
نور:هههههههه …منى عطيني شوي من حبك لي للذكوره بس
منى:تبي الحق ولا؟ اقسم بالله نخمم فيك قصدي انا موضوعي ساهل في النهايه مزوجه روحي لاكتر من واحد يعني يموت هاذا نلقى بدله
لاكن انتي معقوله قاعده تهزي في راسك زي السطل مكلمتيش حد!!!
نور:منى بنكلم ياحسره ….
منى:خو فاطمه مثلا…صح هوا معفن شويه لاكن واضح نضراته ليك هلباااا يبي
نور:مبرده محبيتاش
منى:ارقدي خليك هكي
مور:سكتت وعقلها بدي مشغول مع مالك هلبا …ليش يصير معاها هكي ؟!

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ثاني يوم:-
مالك:راقد في داره لوقت متأخر لان طوول الليل ساهر مع الشباب وعقله يفكرر

منى:روحت بكري عشان تحضر للمفاجآه متعها ع قولتها لان اليوم حفله ❤️

نور:تمام وتيتهالك الشنطه تبي شي تاني ؟!
نيروز:تلبس في القوانطي….لالا تمام صحيتي نونو
نور:سلمك اول متوصلي المزين طمنيني
نيروز:ان شاء الله….نزلت خمارها وطلعت مع علاء
نور:خشت الحوش
نهله:شفتي كيف من لما طلعت الشمس محد قعد كل وحده لي مزينها كلهم هاربين من القضيه
نور:هاذا الحال اصلا
نهله:اخخخ ووك رجليا وراس نور هاتيلي حبوب الراس من دار مالك راسي بيتفجر
نور:ان شاء الله…
الاء:ماما انا طالعه مع بوي بيحطني في المزين
نهله:ارفعي معاك بنت عمك
الاء:قلبت عيونها وتنفخ
نور:لا لا مرت عمي فكيني اصلا منبيش كثرت مكياج تو ندير بروحي
نهله:متحرميش روحك بري سلم بنتي
نور:والله معندي نيه لو خاطري راهو مشيت
نهله اتكت ع المخده….ع راحتك

_______________

نور:ركبت غرفة مالك خشت تدور في الحبوب لين لقتهم …طاحت عيونها ع مالك كيف راقد ومش لابس شي من فوق ???…منضره يجنن
نور:شبحتله لمده طويله وهيا مش فاهمه شن تحس اصلا …غطاته وطلعت وخلت قلبها جنبه ❤️

جت الساعه 7المغرب
كانت نور اول الحاضرين في الصاله مع مرت عمها ❤️لابسه قفطان حاير منفوخ شوي وربع كم لونه احمر ?
فاتحه شعرها ودراته مموج❤️ومكياج بسيط لين خلااص عادا روج نفس لون القفطان
بدت الزحمه ونور تستقبل في المعازيم ع الباب ووذنها تسمع في بنات خالتها يحكو وراها

صابرين:جوه يهبل امممس ياحليلي
وئام :هلباا اول مره تحسيه ينطلق ولا!
صابرين:اي امي بتخلينا نباتًو اليوم بعدين بنزيد نحكي معاه وبنطلب منه ايميل الفيس
وئام:كان عطاهولك باصيه ليا
صابرين:غير يوصل فيا بعدين ساهل

نور:تسمع وبتموووت من الغيره بتهبل وزايدها ان مالك عاطيهم وجه وهيا متحبهمش اصلا من الاول
اختفت اعصابها لما شافت منى خاشه ونصدمت صدمة عمرها ?

نور:منى???
منى:بالله شن رايك؟!
كانت منى صابغه شعرها موف لاكن الصبغه تقتتل كيف طالعه عليها مع قفطان اسود ومكياج نااار
نور:تهبللللللي تهبللللللي ?
منى:عارفه اصلا شعاري الجديد البس الموف وانسى الخوف ?
نور:ههههههه
دنيا:السلام عليكم
نور:بدت تشوف لي دنيا وكانت انيقه هلبا قفطان ضيق ع الجسم لونه اسود مع شعرها البني يلي نازل لتحت كتافها
نور:وعليكم السلام
دنيا:مدت يدها سلمت….مبروك عليها
نور:الله يبارك فيك تفضلي امها مقعمزه غادي
دنيا:قام حاجبها ومبتسمه….انتي نور؟!
نور:اي
دنيا:اهااا حلوه زي مسمعت
نور:من منى؟!
دنيا:تشرفت بيك…ومشت
نور:تشوفلها بي استغراب
منى:تو نجيك نقهر العقرب يلي غادي ونجيك
نور:???به

________________

كانت الامور ماشيه تمام لين فجآه قالو العروسه وصلت والمتحجبه تلبس
نور:ملبستش ولا دورة حاسبه ان علاء هوا يلي بيخششها لاكن بسرعه ما نصدمت لما شافت مالك خاش بي نيروز

منى:حي علياااا كيف طالع بي البدله اقسم بالله كان مبخوفش الاما نتزوجه
نور:ساكته وتشوفله وبتمووووت من نضرات البنات ليه وكلامهم عليه ❤️
مالك:درج اخته وهوا ميشوف لحد عينه علي نور لاكن يبان كأنه مطنشها
نور:طلعت من القاعه للحمام طول تمسح في دموعها وتتكلم مع روحها ….علاش نبكي انا علاااااش????
التافه منسحباش انه غالي عليا هكي مكتتش نعرف لو تجاهلني بنهبل دي توااا???

مالك:وقف هوا ونيروز قدام الكوشه خذو لقطات وجو خلاته وعماته سلمو عليه وطلع بشخصيته مخلي البنات لهم سايحين في بعض ❤️
نور:طالعه من الحمام تمسح في دموعها تلاقت هيا وياه
مالك:طلع ولا كأنه شاف حاجه وهيا تشبحله بنضرات كلهاااا عتاب ?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

مالك:كان بيهبل من منصرها كيف طالعه ❤️
شكلها كانت تبكي خدودها الحمر وفمها عيونها يلي منفرخات شوي بس مع هاذا حلواااات ❤️

منى:ترقص في الصاله وتوري فيهم في القفطان وتجبد في نور معاها
نور:متقوليليش منين محصلتيه محلاه
منى:خديته من محل دفعت فيه عربون وقتله راجلي واعر نقيسه ونحيبهولك في الليل ?
تو بنروح نرده نقوله جاني كبير
نور:حي علياااا منك ???????
منى:اححح جابو العشي هيا تعالي
نور:تو نجيك خلي نصور مع نيروز بس
منى:به

_______________

كملو عشاهم وزي عادات الليبيين اكلنا يلا نروح?
بدت كل وحده تجبد في روحها وتلبس في عبايتها
ونيروز:طلعت بعد ماجو امتاعين العريس ❤️
منى:بتمشي مع نيروز؟!
نور:تلبس في عبايتها….لالا بنروح في شناطي وحجات لازم نلحق نضمهم قبل ميجي حد
منى:به نحطوك؟ماما وصلت
نور:اوكي لحضه نقول لي مرت عمي
منى:به

دنيا:طلعت تتمايل زي عارضات الازياء ركبت سيارتها ولعتها …فتحت الضي عشان تساوي وشاحها وقريب عيطت من الصدمه
علاء:مقعمز جنبها….نعرفك مرا تعيطي ولا تهربي
دنيا:بلعت ريقها….

نور:نصدمت لما شافت بنات خالة مالك راكبين معاه في السياره قعدت تشبحلهم فتره وهنايا عرفت ان فعلا خذو مكانها ومالك معش عاطيها اي اهميه …ركبت مع منى وطول الطريق تبكي بس مخلتش منى تحس عليها لين وصلت

دنيا:بلعت ريقها….مم ش شن تبي
علاء:تو بالله تكسريلي يدي وتهربي؟!بعدين كيف جايه بروحك في الليل تسوقي؟!اقرضي خطفناك مثلا قصدي حني خطفناك جديات كيف بتنقدي نفسك هي
دنيا:خوفها واضح عليها ….حوشنا قريب هلبا بعدين رد باااااك انت متعرفنيش انا منو
علاء:هههههههههه

_________________

نور؛نزلت من سيارة ام منى واول ما خشت الحوش نهارت بي البكي لوحت عبايتها والوشاح وركبت لعند مالك فتحت الباب بدون مطق عليه

مالك:تلفت بي استغراب وهوا يلبس في تيشرته
نور:سكرت الباب وتبكي ….به علاش هاذا كله هي
علااش فهمني شن تقصد بيها الحركات يلي ادير فيها
مالك:قاعد يستوعب فكرة انها خشت عليه بلبسها ومكياجها هاذا ?
نور:تشهق بي البكي قربت عليه….رد عليا به علاش تخلي في الكلبات هذوكم معاك ومدايرلهم قيمه وانا لا !!!مش كنت نور عيونك؟!تكلممممم
مالك:يتبع

لمشاهدة جميع اعمال الكاتبة : روايات اروى الطاهر المسلاتي

لمتابعة اهم واخر الاخبار : القلم نيوز

اترك رد

زر الذهاب إلى الأعلى