روايه هتلر الحلقة العاشرة .. الكاتبه اروى الطاهر المسلاتي بنووتة الشيخ | القلم الناجح
روايات ليبيه كاملة

روايه هتلر الحلقة العاشرة .. الكاتبه اروى الطاهر المسلاتي بنووتة الشيخ

روايه هتلر الحلقة العاشرة

#هتلر 10 ?

مالك:شبحلها ع جنب بنضره تخوف….كنت قاصد كل حرف ولازم تفهميه الكلام يلي قلته امس لانك لو مفهمتيشي رح نفهمك بطريقتي
نور:شافتله بصدمه ومعرفتش شنو ترد؟!
وزاد الخوف وتوتر لما فات المدرسه ومنزلهاش …
نور:بلعت ريقي وسكتت مقدرتش حتى نسأله وين رافعني تمنيت لو قالي متواخذينيش ع الكلام يلي قلته امس لاكن صدمتي كيف مصمم ع يلي داره ?مقعمزه في السياره وعيوني علي الروشن منبيش نشبحله ويتلاقو عيونا في بعض لان جديات يلي مقعمز جنبي مش مالك كان هتلر وربي هتلر ?

_______________

دنيا:تتلعثم في كلماتها…صصص صباح الخير
علاء:يحرك في رقبته بتعب …صباح الورد
دنيا:اءء اه تقدر تروح صحيت بابا كتبوله خروج واوصل منوصل الحوش العيله كلها غادي تراجي فيا
علاء:تمام متأكده متبي شي
دنيا:هزت براسها…لا سلامتك
علاء؛ابتسملها قرب عليها وبصوت هادي يدوب….امس كانت احلا بوسه في حياتي ❤️
دنيا:بعدت بسرعه…يلي صار عصب عليا منتبهتش وبعدين بلاكذب صحيت ع وقفتك وتوا خلاص تقدر تروح وترجع للبنات متعك
علاء:ابتسم بمكر وهوا فهم انها بدت تميل ليه طبعا كيف ميفهمش وهوا خبره في البنات….نتلاقو يادنتي ❤️
دنيا:عطاته بضهر ورجعت لي غرفة بوها
علاء:يمشي في الممر ويدلك في رقبته بيده
فراس:واقف يخلط في النسكافي متعه
علاء:متقوليش انت امتى ترقد؟!وامتى تجي
فراس:وعلاش تبي تعرف بتغتالني ؟
علاء:اخخ مبردك…اه يارقبتي
فراس:من التزمزيك للبنت تستاهل
علاء:شافله بي استفزاز…مش ملاحض انك بديت تتكلم زي منى؟!
فراس:تفركس ووجها احمرررر….مذكرنيش بيها
علاء:طلع وهوا يضحك

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:وصلنا لي مزرعة عمي وانا خلاااص مصاريني بنحطهم علاش جايبني هنايا شنو بدير فيااا !!
فكرت في الف حاجه غلط وهاذا طبيعي لاني مجربه الاغتصاب وكرهت جنس ادم من يومها ?
لاكن مالك …مالك لالا مستحيل يديرها
مالك:نحى المفتاح وهمسلها بدون ميشبحلها…انزلي وخلي شنطتك هنايا …ونزل قبل مترد عليه
نور:خذيت نفس عميق وانا نقول في داخلي ياريت لو تكوني معاااي يامنى بس ع الاقل نفهم شنو بنقول ?
مالك:شافلها من بعيد بنضره تخوف خلتها تنزل بسرعه من السياره وتلحقه

مالك:خش الاسطبل طلع الحصان وقعد يتفحص فيه
نور:واقفه قدامه وحاسه قلبي بيوقف ..قررت نخفف من التوتر يلي صاير وتكلمت كأن مفيش شي….خيره هانس(اسم الحصان)؟
مالك:يمسح علي وجها…كان مريض بس توا واضح اموره تمام
نور:قربت ع الحصان وبدت تمسح عليه…محلاه ياريتك مابعتش ستيلا(الفرس)كانو حلوين مع بعض هانس وستيلا ….وتشوف للحضان…ولا؟
مالك:يمشط في شعر الحصان….مش كل زوز حلوين مع بعض شرط يقعدو لازم واحد منهم في النهايه يبعد
نور:لقتها فرصه عشان تفهمه…..اكيد يبعد لما تبدا علاقتهم غلط من البدايه
مالك:ابتسم بهزوه ولوح يلي في يده وبدي يقرب
نور:بلعت ريقها وصوت قلبها واصل لعند برا
مالك:يقدم ونور توخر لين وصلت للحيط وحاصرها ….ولو كانت الدنيا كلها غلط رح تقعدي ليا بسيف ولا بلكيف فلهاذا بطلي تلقيح خير منقتلك
نور:من الخوف بتقول اي شي يخلصها …مم م مالك عندي امتحان كمياء اليوم وغلط نغيب
مالك:ابتسم وبعد عليها….عارف بس تعالي نوريك شي قبل
نور:مشبكه يديها في بعض وقاعده ترعش..وو وين
مالك:الحقيني
نور:تمشي وراه بخطوات متردده وخايفه ومش عارفه شنو رح يصير فيها؟!

مالك:فتح باب المستودع….خشي
نور:خشت داخل ورغم ان الساعه كانت8ونص الصبح بس الدنيا كلها ضلام ….شن في ؟!
مالك:فضح الضي ونور عيطت بصوت عالي اول مشافت المنضر يلي قدامها …
مالك:يبعد في الفوضى يلي صايره وجبد كرسي …قعمزي
نور:حاطه يديها ع فمها وتشوف لي محسن وخوه
مالك:تعالي
نور:قدمت شوي شوي لين وصلت الكرسي وقعمزت بحيل مهدود ?
مالك:جبد كرسي وقعمز قدام نور…
نور:كانت تتفحص في منضر حسام وخوه الواضح ان ليهم اكتر من شهر واضح من مناضرهم كانو مربوطين والدم في كل مكان دم يابس ودم جديده جروح جديده وقديمه
مالك:وتوا لازم نصفو حساباتنا ياسر قعدتو 3شهور هنايا قريب تعفنو قبل ماتموتو
محسن:يتكلم بصوت تاعب….خلاص يكفي خلصت حقها وزياده
نور:تشوف لي حسام وعيونها حمر…به علاش ؟علاش درت هكي من حقي نفهم ع الاقل
حسام:خوك ……خوك كله منه ضحك علي اختي وخالاها تحمل بي الحرام
اختي ماتت بسببه كيف تبيني منديرش فيك هككككي كيف تبيني نسكت ومننتقمش
مالك:حاط رجليه ع صخره ومتكي ع الكرسي..ويسمع
نور:بصوت مخنوق ….به شن دخلي انا؟!تي انا خوي توا لو نشوفه في الطريق منعرفاش
حسام:حتى اختي مذنبها شي
مالك:بكل برود….اختك ذنبها انها ??
نور:شبحتله بصدمه
مالك:كنهاذا شن يلي يخليها تطلع معاه ودير يلي دراته ؟!
حسام:ساكت
محسن:اقتلنا وريحنا ولا دير رايك خلاص تعبت
مالك:طلع سلاحه سحبه….تمام
نور:تشوفله….مالك
مالك:موجه السلاح ع راس محسن
نور:مالك في رقبتي انا وياك لو ماتو ره
مالك:مش معدل عليها
نور:مالك بالله عليك لااااا نولو قتله بعدين الرقبه صاعبه
مالك:نزل سلاحه ….وشن يلي تبيه؟!
نور:خخ خلاص واضح من شكلهم انهم تعذبو هلبا يكفي خليهم ربي يحاسبهم
فراس:السلام عليكم….نشم في ريحة دم ?
مالك:جيت في وقتك
فراس:يطربق في صوابعه…شنو نقتلهم؟!
مالك:شاف لي نور…للاسف لا
نضم امورهم زي منعرفو واطلقهم
فراس:افف به
نور:مكانتش تسمع في شي …كانت مركزه في عيون حسام وتذكر في كل لحضه مرت عليها يوم عرسها ?في كل بشع داره معاها هذيك الليله …كانت تتمنى لو تنوض تقتله بيديها وقلبها يبرد لاكن كانت تذكر ديمه ذنب القتل كيف كبير والشي هاذا منعها حتى لو كان معاها حق لان نور كانت اكتر وحده قريبه من ربي في الحوش كله.

مالك:هي نوضي
نور:ساوت وشاحها وناضت طلعت بسرعه
مالكنعاود ونقولك شغلنا كله مفيشي ذرة دم رد بالك فراس رد باااالك
فراس:متكنطي…فهمنا ?

______________________

مالك:ركب السياره ونور جنبه …يلي شفتيه تنسيه هنايا ومفيش داعي حد يعرف
نور:تمسح في دموعها ومالك متحملش يسمع صوتها كيف تبكي
مالك:خلاص عاد كل شويه بكي بكي بكي زهقتيها حقك خذيناه شن مزال تبي تاني
نور:ًنبي ماااااالك ….خلاص ياسر معش تتعامل معاي بي اسلوب هتلر هاذا كل شي بلعياط والامر ياسر
مالك:عقد حواجبه وشافلها….اخر مره تعلي صوتك عليا ومدام كل شي بي الامر توا تمسحي دموعك وعليا اليمين لو سمعتك تبكي تشوفي كيف نتصرف معاك نور اسمعي الكلام
نور:حطت عيونها ع الروشن وسكتت تراجي تروح ولا تمشي لي اي مكان وتحكي مع منى ?
كانت منى تحسابه مالك متقصد انه يتحكم فيها بس ….لاكن متسحباش ان كل دمعه تنزل منها تحرق في قلبه حرق?

بعد صمت طووووووويل طول الطريق وصلت للمدرسه وكان الوقت استراحه
نور:نبي نروح مع منى اليوم
مالك:تبيها تجيك هيا انتي لا
نزلت نور متنرفزه ووراها مالك
كل يلي في الساحه يشوفلها بحسد ويشوفو لي مالك بي اعجاب والشباب العكس

مالك:خش طول للاداره عشان يعطيهم اي عذر
نور:مشت بسرعه لي منى يلي كانت مقعمزه وتاكل
منى:اخيرااااا جيتي يعني وين كنتي
نور:لوحت الشنطه وقعمزت….لو تعرفي وين كنت وشن صار
منى:بسم الله ابدي هي

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ترن ترن ترن
الاء:اففف….الو
شاهين:متوتر….اهلين الاء
الاء:اهلين بيك
شاهين:بدون مقدمات ولاشي ….وقت نجي نروح بي اختي معش تطلعيلي الاء
الاء:خذت نفس ..شاهين اليوم بيجو يخطبوني
شاهين:قلبه نكسر اكتر واكتر
شاهين:دكتور ولا طيار؟
الاء:محامي
شاهين:المهم فلوسه هلبا زي مكنتي تبي
الاء:اي
شاهين:ربي يهنيك وكان عطاك ربع الحب يلي عطيتهولك خوذي مني يلي تبيه
الاء:تأثرت بس قعدت ساكته
شاهين:سكرت الخط بدون ميودعها
الاء:طبعا كل شي صار من تحت راسها وهيا يلي سيباته ع خاطر الفلوس رغم انها تحبه…حست توا بي الحن ليه لاكن تصبر في روحها بي سليم وفلوسه والعيشه يلي رح تعيشها

_______________

يتمشو في الممر ….
منى:نهار سوددد
نور:انا راسي تعرفي موضوع ورا موضع صدمه ورا صدمه …حلاااص تعبت
منى:لوحت الشبس….لحضه بس نور من الاخر درهتيلي كبدي مرزن دمك خلاص عاد واضح ان يحبك ويبيك انتي علاش الدلع الزايد ياخرا
نور:منى خيرك مش راضيه تفهمممي الزفت مالك نشوف فيه خوي مش قادره نتقبل غير هكي تخيلي انتي خوك شاهين اديري معاه علاقه
مالك كل ميشوفلي بنضرات تانيه غير اني اخته نحس في روحي بنموت اليوم قرب كأنه بيبوسني تخيلي كمية القرف خوك يبوسك
منى:مالك وقرف؟!ع فكره انتي وحده زباله ومتقدرش في النعمه ندلع نص عمري ونحصل بوسه وحده بسسس?
نور:تحكي هكي لانه بعيد عليك مش زيني
منى:به حاولي
نور:في شنو
منى:يعني تتقبليه شي تاني غير انه خوك يعني في النهايه ولد عمك هوا عادي
نور:هبلتي انتي ره
احمد:السلام عليكم
منى:جي راجلي الغالي
احمد:تفضلو استريحو بنات اليوم بناخذو درس الذوبان و….
منى:ذايبه فيك وربي
نور:??‍♂️

_______________

الساعه1 الضهر :-

علاء:اشر للحارس بمعنى وين دنيا؟!
الحارس؛في الحمام
علاء:ابتسم بخبث ولحقها
دنيا:طلعت من الحمام للمغسله تغسل في يديها
علاء:سلام
دنيا؛شهقت بصدمه…مصحك اطلع حمام نساء هاذا علاء:قرب عليها ويشفلها في نضرات اذوب….عادي مش مهم المهم انتي فيه
دنيا:بعد من طريقي لو سمحت
علاء:زاد قرب…ولو مسمحتش؟!
دنيا:دفاته…..خلاااااص عاد درهتلي كبدي افهم منبببببببيكش ياسر شادها في جرتي فددتني
علاء:اول مره في حياته يتعب عشان يطيح بنت وفي النهايه ينصاب بي خيبة امل ?..
علاء:لاكن ا…..
دنيا:وطلعت وسيباته وهيا متنرفزه …مش متنرفزه من علاء لالا
متنرفزه من روحها لانها بدي يعجب فيها ?

__________________

نور:تعالي بالله عليك
منى:حاضر نكلم راجلي قبل
نور:اف منى ياسر
منى:وحق ربي اتصل بيا في حصة الرياضيات
نور:منو?
منى:احمد استاذ الكيمياء امس كتبتله رقمي في كراسة التحضير متعه وعلي سيارته وفي ورقة الكويز وع كتابه
نور:حي علياااا ياربي بتجلطني البنت هاذي
منى:كلمني وووه عليا طيحته فرحااانه ?
نور:ربي يهديك المهم زي مقتلك جي مالك
منى:احححح حاسداتك
نور:لبست شنطتها…عبري ع مشاعرك ….وطلعت

ركبت نور لي السياره بدون حتى كلمه
مالك:شن حال المدرسه؟
نور:بخير
مالك:والهبله صاحبتك ؟
نور:كويسه
مالك:قرصها ع خشمها بحنيه…وخيرك تتكلمي من راس خشمك
نور:شافتله ساكته وهيا داخلها تقول….كيف قادر تعاملني كأن مفيش شي صاير ؟علاش تعذب فيا كل مره بشخصيه؟!
مالك:اليوم جايين خطابه لي الاء مفيش داعي تنزليلهم
نور:اصلا بنرقد تاعبه وراسي بيتفجر
مالك:يكون احسن
نور:انكت ع الكرسي غمضت عيونها وهيا تفكر ان مالك يبي يحبسها علي كل شي
متعلمش انه خايف يخطبوها لي خو سليم لان مفيش حد شاف جمالها ومحاولش ياخذها ❤️

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

وصلت منى للحوش واول شي دراته طاحت ع السرير واتصل بي الاستاذ بي كل حب ?

عكس نور يلي قعدت ساعه تحت الدوش تحاول انها تصحى من يلي فيه وتفكر بعقل وتحاول تتصرف بس مفيش مهرب لان مالك حلف ومالك لما يحلف يعني متأكد من يلي يدير فيه …طلعت من الدوش لي السرير بتعب من يلي شفاته اليوم وصار معاها

__________________

الساعه4العصر ….

جليله:والله يشرفنا نطلبو يد بنتك الاءلي ولدنا سليم
نهله:ابتسمت…الشرف لينا
جليله:طبعا ولدي محامي ومشاء الله ربي فاتح عليه عنده زوز معارض سيرات ومحلات مأجرهم يعني خيره هلبا وفلوسه لين مش عارف وين يحطهم بسلامته
الاء:مقعمزه جنبهم كانت فرحانه بي خطبتها من واحد فلوس ويلي فضلاته علي شهين حب حياتها…لاكن لما سمعت كلام امه اضايقت ?
نهله:مشاء الله مشاء الله في النهايه الراجل بي اخلاقه وانتم مشاء الله عيلتكم كويسه بي اذن الله يتفاهمو مالك وبوه مع ولدك وان شاء الله خير
جليله:ان شاء الله غير مدا بيا قبل الاسبوع الجاي نديرو تلبسيه لو تسهلت الامور مره وحده لاني مسافره لي باريس
الاء:شافت لي امها بمعنى منقرفه من اسلوب جليله
ونهله حاولت تكمل عادي
نيروز:شافت لي الاء بصدمه من اسلوب ام العريس وقعدت ساكته متبيش تحكي عشان مديرش مشكله

___________________

الساعه7المغرب….
نور:ناضت ع اذان المغرب صلت ونزلت لقت العيله كلهم مقعمزين والواضح انهم يحكو في موضوع الاء

نور:باست الاء ….مبروك ياعمري
الاء:ابتسمت…الفال ليك
مالك:شبحلها وتمنى او البوسه كانت ليه??
عصام:بنسبه ليا الولد كويس اسلوب ومنطق وادب
مالك:وانا سألت عليه اموره طيبه وخدم معاي قبل كان بنتك موافقه يما الراجل يبي التلبيسه الاسبوع هاذا قال بيسافر
نيروز:تتسهوك…اي بيمشو لي باريس بسلامتهم
الاء:تسكتي انتي ?
نهله:قالت العرس بعد 3شهور بس داب ما الاء توتي روحها الولد واتي ….احممم
عصام:شاف لي نهله ويغمزلها
نهله:شن رايك ولدي نخطبلك ونديرو عرسكم مع بعض
نور:حسن بشي نغزها في قلبها وطوووول بحركه لا اراديه شافت لي مالك
مالك:ببرود…كان لقيتي يلي تناسبني نضمي جوك
نور:تشوفله مصدومه
نهله:بفرح واخيراااااا الفرحه فرحتين
عصام:مشاء الله مشاء الله يدوم علينا الافراح ان شاء الله والفال لي نوم وعلاء مزال
مالك:نور مزال قاعده صغيره …وناض للمطبخ
نور:ابتسمت لي عمها بصعوبه وناضت لحقت مالك

مالك:يشرب في اميه
نور:جت قدامه وعيونها حممر….شن تخرف انت شن تقووووول الصبح تعبرلي ع حبك وتقولي انتي ليا وتوا بتتزوج؟!
مالك:وانتي متبينيش ورافضه شنو يلي حارقك؟!
نور:يلي حارقني انك مش مخليني نعيش حياتي ولا نتعرف ع حد و….
مالك:دخل يده في شعرها بحنيه بعدين جبدها ليه بقوه واليد التانيه ع خصرها…..ولا رح نخليك تتزوجي وطول عمرك رح تقعدي ليا وبس وانا يلي قادر نكلمك وانا يلي قادر نشوف ضحكتك وسعرك وكل شي فيك
نور:بعدت بقووووه ….معاش فهمتك انا
مالك:ببرود…ولانك مش قادره تكوني معاي بنتزوج عشان امي اقل شي وانتي زي ماوعدتك رح تقعدي ليا ولو تنطبق السماء ع الارض

________________

فراس:واقف قدام الباب يدخن وضحك بهزوه لما شاف منى نص شعرها باين وكان لونه اسود
فراس:شنو ياسحليه غيرتيه لي اسود زي لون قلبك؟!
منى:قامت عيونها وكانو منفوخاااات من الدموع …بعد فراس مش ناقصاتك
فراس:بدون ميحاسب ع كلامه….خيرك شن صاير معاك؟!منو ضايقك

نور:لا غااااالط غاااالط والف مره غالط وربي منقعدلك مالك ولو ت….
مالك:سكر فمها بيده….للمره التانيه صوتك مترفعيشي عليااا والمره هاذي فمك صكرته بيدي المره الجايه تحمللللي
نور:قعدت ساكته وتشوفله
مالك:قرب عليها وهمسلها في وذنها….لو اضطريت نخطف من هني وكلهم يفكرو انك متي وتعدي ليا غصب حتى عليك رح نديرها ف لهاذا متلعبيش معاي نور….يتبع

لمشاهدة جميع اعمال الكاتبة : روايات اروى الطاهر المسلاتي

لمتابعة اهم واخر الاخبار : القلم نيوز

اترك رد

زر الذهاب إلى الأعلى