سعيدة وعمايلها سودا للكاتبة هدو الحاج ..روايات ليبيه الحلقة العاشرة والاخيرة | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة العاشرة والاخيرة

روايات ليبيه سعيدة وعمايلها سودا 10 للكاتبة هدو الحاج ..روايات ليبيه الحلقة العاشرة والاخيرة

الحلقة 《10》
#الأخيرة

#هدو_الحاج

أنا : 😭😭😭😭😭
هدو : ماتبيكيش ياسعيدانتي 💔
أنا : شنو بيصير فيا بعدكم 😭😭
هدو : هنقعد معاك مش هنسيبك ياغاليتي
أنا : وانتي مني معدل على قعادك ،، نحكي على شباب 😭😭
هدو : منك لله ياشيخة 😒😒😒
أنا : ماتفهميش غلط ،، أيواه البيت داه طاهر هيبقى طول عمره طاهر 😅😂
هدو : أرعي يامرعي 😂
أنا : ماهو والله عليا مدة نيتي انقولها لكن ولا مرة جيت في مكانه فقلت خلي انقولها قبل بنموت 😭😂
هدو : العافن مايموتيش ياسعيدة 😂
أنا : شني تقصدي 😒
هدو : ولا شي ياغلاتي 😉

.
.
.
.
.
.
.
.
.
.

أنا : أني جيتكم على خاطر موضوع سيارة الي جيتو القرية على خاطرها 😏😏
الكل : 😨😨
أنا : وحتى نعرف انكم رهنتو الي يخليني نطيح في شباكه سيارة من نصيبه
ناصيف : ءءءء
أنا : بدون ءءء ،، ملا تسحابوني مجنونة حتى اندير فيكم العمايل بدون سبب
جاد ” بشوية لجواد ” : منسحابوش ،، احني متأكدين 😂
جواد : أششش ،، توا تسمع وتهيج علينا زي ثور
جاد : 😂😂
أنا : والصراحة اني فيه واحد منكم سرق قلبي 😊
ناصيف : من سراق الي سرق حاجة ماتخصاش قولي 😡
أنا : مرات أنت ،، خيرك مش واثق بنفسك
ناصيف : توا باللهي في واحد طبيعي يحب قرعة فاسدة 😅😔
أنا : الحمد الله سمعتها قبل بنموت 😂😂
ناصيف : شني هي
أنا : أني طبيعية 😂😂
الكل : 😂😂😂
جاد & جواد : واكيد مش إحني 😢
أنا : ليش بالعكس أنتم اكثر واحدين منسجمة معاهم 😍😍
جاد : تعرفي ميزة فينا شني هي
أنا : شني هي
جاد & جواد : خوذي واحد وثاني مجانا + توصيل الشحن 😂😊
أنا : فكرة يخرب واحد نستعمل ثاني ،، هو انتم مكنسة كهربائية واني مانندريش 😂😒
ناصيف : قصف ثلاثي الابعاد 😂😂
جاد & جواد : أسكت ياقرعة الفاسدة 😒😒
سيف ” نزل على ركبته ومد ايديه ” : اختاريني وسيارة معش نبيها فداك مليون سيارة 😍
الشباب : كذاااب
أنا : ماقلتهاش اني ،، قالوها صحابك 😂😂
سيف ” ناض وقف وقريب يقتل الشباب ”
أنا : عبسي خيرك ساكت
أركان : ولا شيء
أنا : أضربني
أركان : كيف !!

الكل استغرب 😂😂 ،، في بداياتي قولت حلمي راجل ارجل مني يضربني كف يلصقني على حيط زي

بكوشاش 😂😂 ،، نعرف روحي مش طبيعية لكن ذوقي الله غالب عليه 😂😂

أنا : شني هي كيف ،، أضربني كف
أركان : مستحيل
أنا : ليش
أركان : اني مانقيميش ايدي على المرأة
أنا : توا هيكي أنت هنتني ،، توا باللهي انك اتشوفي مرأة 😂😅
أركان : نعم !!!!!
أنا : هههه ولا شيء ،، المهم الي اختاره قلبي

الكل متشوق ،، الكلاب مش حب فيا على خاطر سيارة 😒 ،، لكن اني هنوريهم نجوم الليل في عز الظهر 😈😈😂

أنا : خلوها بعد العيد الأضحى بما انه عيد مزال عليه ثلاثة أيام ،، لكن بشرط قبل مانقول الاسم خلوني

بنجرب سيارة اولا تمام
الكل : تمام

**************
روايات ليبيه سعيدة وعمايلها سودا 10
#hadoo_al✍
**************

في الليل العيد

أنا : يابقرة قرضي المعدنوس
ريهام : باري باري قرضيها انتي ،، اني بابا باعتني بنجيب شباك من عمي محسن
بوي : ياسعيدة باري جيبي الفحم من عمك صالح
جدي : ياسعيدة سوريتي حدديهالي
أنا : أوووووووه ويقول عليا ليش مسترجلة ،، تي كل هم عليا حتى من خروف اني نجيب فيه من زريبة ،،

ياربي ياربي ارفعني وفكني منهم وفكهم مني ،، استنى ياربي نقصد ارفعني لحوش راجلي مش مكان ثاني 😅😂

واني انقول كلمة هي ونلقى فرساني الخمسة قدامي 😍😍 ،، مفروض الكلبة هدو دارت العنوان سندريلا وفرسانها الخمسة مش سعيدة وعمايلها سودا 😒😂😂

الشباب : سعيدة
أنا : ياعيون سعيدة ياقلب سعيدة ،، واللهي ربي يحبني لانه بعتكم ليا 😍
ناصيف : خيرك ياسعيدان مريضة
أنا : واحدة غاطسة في تسيق وضمان وتعالي ياسعيدة وديري ياسعيدة وماتبيهاش تمرض
سيف : هذا علاش احني جينا حتى نساعدوك لانه عم منعم يبينا انجيبو خرفان ونعييدو معاكم
أنا : أحسن مادار ،، هي كل واحد يشد حاجة
ناصيف : قوليلنا
أنا : المضروب في زوز يقرض المعدنوس والبصل والفلفل للعصبان
جاد & جواد : تمام
أنا : عبسي يمشي يجيب الفحم من عم صالح
أركان : تمام
أنا : فيس يحدد سواري لو مافيش مانع
سيف : من عيوني
ناصيف : وأني 🙋‍♂️
أنا : حيي انسيتك ياقرعة الفاسدة
ناصيف : تبصري 😒😒
أنا : هههه تعالى ساعدني في تسييق وضمان
ناصيف : أها قولي تبي تقعدي قريبة مني ” وقعد يحرك في حواجبه 😂😂 ”

في إيديا قومة ” سياقة ، المخرطه ” حذفته بيه 😂

أنا : برا ياعن #######
ناصيف : حي حي اني مانسمحيش مرتي اتقول الفاظ زي هي 😂😍

ولد الكلب لكن عسل 😍😂😂😂

ناصيف : قولي حق عجباتك صح 😏😂
أنا : شني رايك نعلقك في ثريا
ناصيف : تمام غذوا عيد

وابدي كل واحد بمهمته ،، أركان امشي يجيب في الفحم ،، فيس يحدد في سواري ووضح اول مرة يحدد في

حياته 😂 ،، وحي عليكم كان اتشوفو منظر جاد وجواد وهما يبكو بسبب البصلة 😂😂 ،،

اما القرعة فاسدة يسيق تسيقة وهوب يطيح وهكذا استمر 😂😂😂

لعند ساعة 3:00 الفجر وأني ماغمضتيش عين بعد ماكملو الشباب وروحو ،، عجنت عجينة وديرت

خبزة تنور ” الفتات ” وبعدها ديرت سلايط وحلو وهيكي

.
.
.
.
روايات ليبيه سعيدة وعمايلها سودا 10
.
.
.
.
.
.
.

الصبح يوم العيد كانت صوت المساجد يرتفع ،، وصوت يجيب في الاطمأنينة والراحة ،، الكل امشيء

للجامع واني وريهام قعدنا نجهزو

أنا : لبيك اللهم لبيك ،، لبيك لا شريك لك لبيك ان الحمد ونعمة لك والشكر ،، لا شريك لك لبيك ،،

ياااارب أفتح لنا أبواب رحمتك وأرحمنا يالله 🤲

كملنا كل شيء بعد فترة جئ بوي وجدي والشباب ،، حي عليكم حي تي شباب شنو تي واحد احلا من ثاني

وبدات بالعربي حي ياحي ياحي 🤤😂😂 ،، كان ناصيف لابس الزبون على لون ازرق عاكس على اللون عيونه ماتفهمو

شيء 😍😍 ،، وأركان لابس زبون على اللون أسود عاكس على سموريته 😳😊 ،، وفيس كان لابس الزبون

على زيتوني 😢 ،، أما مضروب في زوز لابسين بدل باكستانية تهبل تهبل ❤ ،، يعني من الاخيرة

ماتفهمو شيء ❤❤ ،، واحلا الواحد فيهم جدي لابس الجرذ خلى عيدنا في لمسة من تاريخنا الحلو 😍😍

،،،، بعد ماعيدنا على بعض كل واحد لبس بالطو متع ذبح

بوي : ياسعيدة باري جيبي خروفنا
الشباب ” شافولي ”
ناصيف : تبصر صح ياعم منعم
بوي : ليش انبصر ،، انت زي بغل واعطاتك طريحة نباش قبور 😂
ناصيف : 😅😅

وامشيت بنجيب الخروف لحقوني شباب حتى هما بيجبو خرفانهم ،، شديت خروفنا

سيف : خليني نساعدك
أنا : لالا اني ماعليك ،، برا لصحابك شوفهم كيف يتعاركو مع الخروف 😂😂

سيف شاف لصحابه ،، القي ناصيف طايح لوطه والخروف فوقه 😂 ،، وجاد يجري وراه الخروف وجواد يجري وراء الخروف

الي وراء جاد كان فهمتو تعالو فهموني 😂😂 ،، تعالو انقولكم كيف زي توم وجيري والكلب ، توم يجري وراء جيري والكلب

يجري وراء توم المهم هيكي كان فهمتو 😂😂😂 ،، الوحيد أركان من كثرة ماهو عابس حتى الخروف وجعه حاله 😂😂😂

**************
روايات ليبيه سعيدة وعمايلها سودا 10
#hadoo_al✍
**************

بعد ذبح شوينا وغيرنا جونا ،، علينا مدة ماغيرناش هيكي ،، جاد وجواد يشوو واني مكسدة ،، ف اكيد وقت سعيدة

مكسدة ماتهفتيش 😅 ،، اخذيت راس الخروف نحيت عيونه وحطيته قدام وجهي وجيت وراهم وزعميته نهدرز معاهم 😂

أنا : شنو لحم طاب
جاد : شبه ” وتلفت ومن كثرة خلعة نقز زي القرادة 😂😂 ”
جواد ” شاف لجاد ” : تي خيرك ” وتلفت وكالعادة ستاكه الولد 😂 ”
ناصيف ” وراي ” : شني فيه
أنا ” تلفت وحتى اني نقزت زي القرادة بحدا جاد 😂😂 ”

الكلب كان شاد راس خروف بدون جلد يعني مسلخ ولا عيون ،، الكلب طلع أشر مني 😂😂😂

ناصيف : أوووووووووو بطني 😂😂😂😂😂😂

وفات الوقت وكله العال العال لحد جدي جاته الحالة من جديد ،، خش داخل ومانسمعو الا تكبيره 😂😂

جدي : الله أكبر الله أكبر ” وطلع بالكلاشن وقعد يضرب في هواء ”
ناصيف : ماتقوليش أهربو
أنا : أستنى ،، ياجدي شني فيه
جدي : جاني عيل سميته منعم ،، الله اكبر الله أكبر ” وقعد يرقص 😂 ”
جدي ” شافلنا ” : هيا ارقصو معاي
أنا : ياجديدة
جدي : قولت أرقصو ” وقعد يضرب تحتنا في رصاص 😂😅 ”

وأبدينا نشطحو واحني على سبلة 😂😂😂

ريهام : قصدنا احني نرقصو توا لانه بابا جيء على دنيا ولا كيف 😂😂
أنا : أرقصي وخلاص ،، احسن مايكون اخر يوم في عمرنا
جدي ” ضرب رصاص تحتي ” : قولت أرقصو

أني ابديت النقز من الخوف مش نرقص بس 😂😂😂

وكمل يوم ضحك وبصارة ومقالب وكالعادة لا يخلى جو من حالات جدي 😅😂

.
.
.
.
.
.
.
.
.

يوم ثاني يوم القرار ووصول السيارة ،، امشيت واني شباب في مكان الي في سيارة وكان سيارة نوع فراري

نوع الأخيرة وكان فخمة لدرجة لا توصف 😍 ،، عندهم حق يديرو احرف حتى يتحصلو عليها 😂😂

ناصيف : هي قولي اسمي خلينا نتزوجو ونهيجو العالم بالسيارة 😍
سيف ” طبس كالعادة ” : زي ماقلت سيارة فداك المهم انتي 😍
جاد & جواد : واحني منا زوز تعويض 😅😂
أركان ” كان ساكت لكن نظراته كانو يتكلمو ❤ ”
أنا : اني زي ماقلت من اول ،، بنجرب سيارة وبعدها انقول الاسم 😏
الشباب : تمام

ركبت السيارة وكانت من داخل خيالية 🤤 ،، كنت بنمشطها ونهرب لكن قولت لا ياسعيدة هيلقوك هيلقوك

ف شني ديري حتى يتعلمو درسهم ومايسحابوش قلوب بنات لعبة ،، شوفت الوادي واهني جيتني الفكرة

،، جريت اتجاه الوادي باأعلى سرعة 🚘

جاد & جواد : شني ادير هالمجنونة 😳
سيف : السيارة هتودرها 😳
ناصيف : 😳😳
أركان : سعييييدة

كنت نستنى من هينادي بإسمي وخايف عليا اني مش على سيارة ،، وقت سمعت صوت أركان

هووب نقزت من سيارة وسيارة القيت هدفها وابديت رابش في أعماق الوادي 😏😂

أنا ” وقفت ومسحت ايديا من تراب ”
أركان ” جريء جيهتي ” : شني ديرتي يامجنونة كنت هتموتي ” وحضني وكان حضنه دافئ ”

أما الباقي كلهم كان همهم السيارة مش اني موتت او طفست ،، ولا واحد منهم قالي ياسعيدة صارلك

حاجة الا أركان ❤❤

#الرجولة_مواقف_مش_كلمات ❤

**************
#hadoo_al ✍
**************
#hadoo_al✍
**************

#بعد_سنة

أنا : عبسي
أركان : معش اتقولي عبسي ياسعيدان
أنا : أركان 🙃
أركان : عيونه
أنا : قول بااااي للمتابعين
أركان : قصدك مافيش جزء ثاني
أنا : قولت لي هدو ديري جزء ثاني لبنتنا وخليها بعنوان سعيدة وبنتها 😂 ،، لكن ماتبيش البخيلة 😒
هدو : ناكرة الجميل 😒
أركان : من وين جاي صوت هذا 😳
أنا : هاذي المتطفلة هدو ،، مش مخلية خصوصية بين راجل ومرته 😒
هدو : من القي أحبابه انسي صحابه ياناكرة الجميل
أنا : حتى هو عبسية 😂😂
هدو : هيا تشاووو ،، حقا قررتي شني بتسمي بنتك
أنا : مسعودة ومصايبها سودا 😈😂😂
هدو : 😂😂😂😂
أنا : نبي نعطي نصيحة للمتابعين
هدو : حيييي سعيدة ونصيحة مش معقولة 😳 ،، من الحمارة الي بيموت 😂
أركان : أني 🙋‍♂️😂
هدو : الحمد الله معترف 😂😂😂
أنا : تخليني انقول ولا نسكر الباب 😒
هدو : تفضلي يااخت سعيدان 😅

أنا : نبي انقول حاجة وخاصة البنات رد بالك تستعجلي على نصيبك ،، نصيبك جاي جاي وكان مجاش في دنيا

يكون في الجنة افضل ،، وخلي القطار يفوتك احسن ماتختاري القطار الغلط ،، اي اني ضحكتكم لكن قصتي

في نهاية ليها عبرة ،، الكل يجري وراء مصلحته ووقت يأخذها منك يحذفك ،، وزي ماقلت اختاري راجل لانه

مش كل ذكر راجل ،، ورجولة أفعال مش أقوال ،، وماتنسوش انه في واحدة اسمها سعيدان دخلت في

قلبك فرح حتى لو شوية وخليت وجوهكم تبتسم 😊😍

.
.
.
.
.
.
.
.
.
.
.
.
.
.
.
.
.

#النهاية

 

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

 

 

اترك رد

زر الذهاب إلى الأعلى