سعيدة وعمايلها سودا للكاتبة هدو الحاج ..روايات ليبيه الحلقة التانية | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة التانية

روايات ليبيه سعيدة وعمايلها سودا 2 للكاتبة هدو الحاج ..روايات ليبيه الحلقة التانية

روايات ليبيه سعيدة وعمايلها سودا 2

الحلقة 《2》

بقلمي الكاتبة #hadoo_al

أنا : رجعتلكم 🤭 ، تعرفو كيف روحت من حوش حليمة القيتها مقهورة هدو أختارتني 😁 ، منورة يانصي
هدو : بجودك ياعشيري 😂 ، أرجعي للرواية ياسعيييييدة 😡
أنا : هي هي

.
.
.
.
.

في تلة

أنا : يا جدي يااااااااااجدي ، فريييييييييد
جدي ” مقعمز على صخرة ومحطي ايديه على خذه ”
أنا ” وقفت قدامه ” : جديدة
جدي ” قام رأسه ” : مني أنتي؟!!
أنا : إيه علينا 😑
جدي : باري من إهنيء أحسن ماتجي سعيدة وأتشوفك معاي هتقتلك وتقتلني معاك ، سعيدة حبيبتي تغار عليا هلبة ” ونزل راسه زعميته خجلان 😂
أنا : تي برا انت وسعيدة قبر يلمك معها ،😑
هيا سلم فوفو اني سعيدة
جدي : كذااابة سعيدة حبيبتي حلوة

كنت نعرف روحي مش حلوة لكن الحويج فقشها فقش 😑

أنا : راعي شعورنا شوية 😒
جدي ” دارلي وجه طفولي ” : تبي انروح معاك 🙄
أنا : يعني ، لو تكرمت
جدي : أشريلي حلوة دبوس الي لونها زي الوان قوس قزح 🤤🤤
أنا : حاضر ياعنوني ههههه

**************
#hadoo_al
**************
#hadoo_al
**************

أني مروحة بشيباني وهو يلحس في حلوة كأنه طفل القيت بوي مقعمز في قهوة وحط رقيلا في فمه

جدي : شوفتي ولدك ياسعيدة يشفط في رقيلا ومش متحشم من حد 😡
أنا : شوفت يافريد شوفت ياخسارة تربيتي فيه 😅
جدي : إخس إخس ، انتي خليتيه هيكي بدلعك
أنا : تعالى خلي يعرف من سعيدة جعفري

امشينا اتجاه قهوة ، الي شافني هرب والي دار حولة بسلامتي حتى إبليس يخاف مني 😁🤣

أنا : شني أوضاع مريقله ياحويج ، أو تبي نزيدك الكيف 😒
بوي ” من خوف حذف رقيله وفحمة طاحت على رجليه وماحسيش بيها 🤣 ” : سعيدة

شبحتله هذيكاي نظرة وقولتله

أنا : خلي بوك معاك ، ماشية انكمل شغلي ” تسحابو بنقول حاجة ثانية ، الله غالب بوي مانقدريش انقوله شيء 😅
بوي : ح حاضر
أنا : خيرك ترعش يابوي 😂😂

وأمشيت واني نضحك على بوي وخوفه مني 😂😂

**************
#hadoo_al
**************
#hadoo_al
**************

وصلت للحوش وكيف بنفتح الباب نسمع في توشويش واشخاص يتكلمو بشوية وراء الحوش ، امشيت بشوية لوراء ونلقى عمتكم ريهام وعمكم مرعي واخذين غراميات وكلام متمعشق 😑

مرعي : ياليتني السمش حتى كل صباح أسرق في وجهك ملائكي
ريهام : 😍😍
مرعي : ياريتني بطانيتك حتى اندفيك في حضني

أنا انقنص على رقبته الي رايحة زي عمود ضيء على رغم قصره 😂😂 ، وحددت موقع وهوب عطيته عنفقة خليته يدور على نفسه 🤣🤣

أنا : صار بطانيتها 😡
ريهام : سعيدة 😧
أنا : لا ولد عمها ، سكري روشن وحسابك معاي بعتالي
ريهام : لكن
أنا ” بصوت عالي ” : تعرفيني مانحبيش نكرر كلامي 😡😡
ريهام ” من خوف سكرت روشن ”

بعد ماوقف مرعي على دوران 😂 ، شديته من وذنه ، رغم انه حتى اني طشة لكن هو درية ان خلاص 😂🤭

أنا : قداش مرة كلمتك أني يامرعي
مرعي : يا
أنا : بدون يا ، اني قولتلك تبيها اتجي تطلبها رسمي جو عاشق ومعشوق مش لينا 😡
مرعي : عم عبد المنعم قال مس نعطيها ان تتزوج اختها الكبيرة ، وكان عليك بإذن الله أحفادنا يتزوجو بعض مس إحني
أنا : هو فيكم راجل واني قولت لا
مرعي : صراحة صراحة مافيس ارجل منك في قرية 😂
أنا : يافرحة أمك ، المهم توا أختفي من قدامي أحسن مانرتكب فيك جريمة

واني قاعدة ماكملتيش كلمتي ، مرعي أختفى 🤣

أنا ” فاتحة فمي ”
هدو : سكري فمك بيخشله ذبان
أنا : شوفتي الي شوفته
هدو : تخيلت بس 😅
أنا : أول مرة أنشوف في حياتي سنجاب بسرعة هاذي 😂😂

.
.
.
.
.
.
.

خشيت على ريهام القيته مقعمزة تبكي في الحاشية

أنا : ايه علينا رجعنا لنفس موشح
ريهام : كيف قلبك يطاوعك تفرقي بين زوز يحبو بعض 😭😭
أنا : توا شهادة من دينك ، شني هي الحاجة الي خلاتك تحبيه هيكي ، كان تقنعيني اني نقنع بوي
ريهام ، هو حق دريا وشكله زي سنجاب وخواف وحرف ش يقول س والعكس وماعنداشي شي يخليك تحبيه لكن نحبه القلب مايريد ياسعيدة 😍
أنا : راهو منظركم مع بعض زي بدر وفوزية في باب الحارة 😂
ريهام : ومن يوم يومي نتمنى نعيش زيهم ❤
أنا : هبلة 😂
روايات ليبيه سعيدة وعمايلها سودا 2
#hadoo_al✍
**************

يوم الثاني في صبح واحني مقعمزين على سفرة الفطور

أنا : بوي اليوم أهل مرعي بيجونا في الليل
بوي : شني سبب
أنا : معروف سبب
بوي : وأني كلمتي مش هنغيرها ، ماعنديش بنت صغيرة تتزوج قبل الكبيرة
أنا ” كيف بنتكلم تقطعني ريهام ”
ريهام : ومني بيرضى يتزوجها في القرية ، يعني انت قولها فقش اقعدي عانس طول عمرك وخلاص
أنا ” حسيتها وكأنها جمرة حرقتني 💔 ”
بوي ” اعطي كف لريهام ” : هيكي تجازي الي رباتك وسهرة عليك الليل 😡
ريهام : 😢😢
أنا ” جيت بين ريهام وبوي ” : عندها حق يابوي ، مني بيرضي بيا داخل او خارج القرية ، فلهذا خليهم يشوفو حياتهم ويتزوجو
بوي : كلمتي واضحة ” وامشي ”

شوفت لي ريهام

أنا : رد بالك على جدي ، بنمشي نرعي الغنم ” وامشيت ”
ريهام : سعيدة 😢
جدي : ايه ايه اكيدة سعيدة خوتها كلاب ماخلوهاش تطلع ، هذا علاش ماجيتيش أمس
ريهام : شني اتقول ياجدي

ناض جدي يجري طلع فلوبر ” مسدس الصيد ”

ريهام : وين ياجدي
جدي : نمشي نحرر سعيدة من ايدين الظالمين
ريهام : ههههههه ياعطيهالك ياجدي ، نسحابك بتقول بنحرر فلسطين
جدي : بعد سعيدة توا يجي دور فلسطين ، وين تسكن فلسطين 🤔
ريهام : 😂😂😂😂

روايات ليبيه سعيدة وعمايلها سودا 2

#hadoo_al✍
**************

مقعمزة على صخرة ونفكر بكلام ريهام ، وقدامي الغنم ومحطية في حجري خروفي صغير اسمه سعيدان 😂 ، ماتضحكوش انتي وياها 😑

أنا : باللهي قولي ياسعيدان اني صح ولا هما ، يبوني نتزوج اي واحد يجي قدامي ، ياأخي كلهم رجاله بالاسم ، مافيش واحد اتقول هذا راجل وبيصوني كلهم وقت جد يهربو

واني قولت يهربو حتى سعيدان كلب هرب 😂😢 ، هرب من حجري وبيقص طريق اتجي سيارة تضربه ، طاح سعيدان قدام سيارة واني جريت جيهته

أنا : سعيدان سعيدان

الحمد الله ماصارلاشي شيء الا كسرة في رجليه

أنا : أقعد اهني شوية

تلفتت لسيارة وكان سيارة راقية ، وقفت وحطية ايديا على خصري

أنا : ياأحول إنزل من سيارة

واني انقول كلمة هي ، ينزلو من سيارة 4 شباب واحد أحلا من ثاني

أنا ” قعدت نحك في عيوني ” : شني هذا 😳😳

.
.
.

هدو : صايعة 😂
أنا : أش ، باري بحداي توا ، وديري يتبع خلي نشبع من شوفتهم وغذوا مادابيك تأخري
هدو : 😂😂

.
.
.

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

اترك رد

زر الذهاب إلى الأعلى