سعيدة وعمايلها سودا للكاتبة هدو الحاج ..روايات ليبيه الحلقة الرابعة | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة الرابعة

روايات ليبيه سعيدة وعمايلها سودا  4 للكاتبة هدو الحاج

الحلقة 《4》

بقلمي الكاتبة #hadoo_al

أنا : بسرعة بسرعة عطلتي عليا وعلى متابعين هلبة
هدو : خيرك مستعجلة 🤔
أنا : متحمسة عندي أفكار تخليهم ينوضو الليل يقولو أووووه سعيدة 😈😂
هدو : 😂😂

.
.
.
.
.
.
.

ناصيف : وين هنلقوها هالسعيدة
أنا ” خشيت عليهم ” : اهيا ، سعيدة بشحمها ولحمها 😏
الكل : 😳😳😳
انا : ان شاء الله خير سمعت انكم ادورو عليا 😏
ناصيف : شنو يعرفنا انه انتي نفسها
أنا : هههههه براحتكم ، باي باي

وأمشيت وابتسامة شر مرسومة في وجهي 😈

أركان : هاذي هي
ناصيف : كيف عرفت
أركان : لانه ارجل من جاد وجواد 😂
جاد & جواد : اجابة صحيحة 😂😂😭
ناصيف : ماتقولهاش ، باللهي هاذي كيف بنغريها وهي اتقولي حسن صاحبي لابس وشاح 😂😂
جاد & جواد : احني مش متعبين ارواحنا 🤣

**************
روايات ليبيه سعيدة وعمايلها سودا 4
#hadoo_al
**************

روحت القيت جدي راكب فوق الحمار وشاد في ايده فلوبير (( سلاح صيد )) 😂

جدي ” يضرب في الحمار ” : هي الي أمام
أنا : وين ياجديدة
جدي : نمشي بنحرر سعيدة
أنا : سعيدة تحررت من امتى 😂😂
جدي : شني اتقولي انتي
أنا : قولت خوت سعيدة في طريق قريب يجونا
جدي ” قلب عيونه لنظرة ساحرة شريرة 🤣 ” : جاك الموت ياتارك صلاة 😈
أنا : ههههههه
جدي ” بعتالي اعطاني هذيكاي نظرة وقالي ” : مني أنتي
أنا : اني
جدي ” مخلاني نكمل كلمتي ” : أنتي جاسوسة المحتليين 😈

وأبدي يجري وراي بالفلوبير ، واني نجري وهو يجري ويطلق في رصاص بجد 😂😂😭

أنا : ياجدي اني سعيدة 😭
جدي : سعيدة مرتي حلوة
أنا ” مدت ايديا واني نجري ” : الله لا يسامحك على اسم ياحناي 😭😭
جدي : يا#####

ابدي يقول في كلام هيييييييييييييييييييييك كبره 😱😂

أنا : ياجدي اني سعيدة حفيدتك سعيدة جعفري
جدي : ماعنديش احفاد ذكور

اني هيكي خلاااااص ، معقولة شينة لدرجة هي حتى يشوف فيا جدي ذكر 😭😂😂 ، حاجة تبكي وحاجة ضحك 😂😂

أني دهشت ومعش قدرت ، وقفت وتلفت لجدي وحطيت ايديا وراء رقبتي ونزلت على ركبتي اتقولي هاربة من العسكرية 😂😂😂😂

أنا : أستسلم
جدي ” حط مسدس على راسي وضحك ضحكة شريرة 😈 ” : تشهدي
أنا ” غمضت عيني ” : سامحني ياربي امس خنبت من بوي عشرة دينار ، واسبوع الي فات خنبت من جدي 50 دينار لانه ينسى ، والي قبله
جدي ” قطعني ” : تشهدي
أنا : أستنى ياشيخ خلي نعترف بذنوبي ، ولا انقولك كان نعترف بكلهم نبي يومين حتى نكمل 🤣😂
جدي : تشهدي
أنا : حسستني كان تشهدت بنخش جنة ، هي اقتل ياشيخ اقتل على اقل نتلاقى مع حناي في جهنم ونتحاسب اني وياها على اسم 😡🤣
أنا ” غمضت عيني ” : تي هي تحمست 😂
جدي : سعيدة
أنا ” فتحت عيني ” : سبهااان الله كيف عرفت 😒😒
جدي : شني ديري يابنت
أنا : لا شيء عندي جد خرفان ملقاش على شني بيضحي ، جيت نية يضحي بيا 😒
جدي : سامحيني يابنتي
أنا ” وقفت واني مطبسة نمسح في تراب على ركبتي ” : منك لله ياشيخ
جدي ” فاجأة حط مسدس على راسي ” : من أنتي
أنا : ايييه علينا 😑😑

واني قيمت راسي ونلقا شباب مدينة واهني جيتني فكرة جهنمية 😈😂

أنا : يافريييد شوف خوت سعيدة جايين اهني وشورهم ناويين شر

تلفت جدي وشافهم وهوب وابدي يجري وراهم وهما مساكين مش فاهمين شيء 😂😂

.
.
.
.
.
.

أركان : خيره شيباني يجري
ناصيف : وكأن يجري جيهتنا
جاد & جواد : لالا اكيد حد ورانا ” وتلفتو وملقوش حد ”

ابدي جدي يضرب في رصاص عليهم

أركان : خيره هبل هذا
ناصيف ” شوف غاذي ”

وشافو جيهتي والقوني انديرلهم في باي من بعيد 🖐😂😂

ناصيف : أجروو ياجماعة كلب مسعور جاي جيهتنا

وابدو يجرو زي مهابيل وجدي وراهم بالرصاص 😂😂😂😂 وهما ينادو على اسمي 😂

أنا : شني رايك ياهدو 😂😂
هدو : بنت امك 😂😂
أنا : نسحاب بنت جيران 😒

المهم للمغرب وجدي وراهم وهما مساكين قريب يسيخو 😂😂😂

**************

روايات ليبيه سعيدة وعمايلها سودا 4

#hadoo_al✍
**************

في الليل جدي اهدي ورجعتله ذاكرة 😂😂 ، والكل روح لحوشه ، شباب وصلو من كثرة مهما سايخين وداهشين ورجليهم طايبين ، حتى ضيء مافتحوش والكل طرح في صالة

جاد : جواد نحي راسك
جواد : مابعدني عليك
جاد : ملا راس مني هذا ، ناصيف
ناصيف : اني راقد لوطة

قعد جاد يلمس في راس الي بحداه وحس بمادة لازجة ، فتح فلاش تلفونه وشاف

جاد : ياماااااااامااااااااااااا

.
.
.
.
.
.
.
.

أنا وقت سمعت صوت عياط ، عرفت خطتي نجحت 😈😈

أنا : ههههههههه قولتلكم هتوريكم سعيدة زنباع وين ينباع هههههههههه

.
.
.
.
.
.

هدو : شني درتيلهم يامنجوهة 😂😂
أنا : هنخليهم يصيرلهم تبول لا إرادي 😈😂😂
هدو : 😂😂😂😂😂

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

اترك رد

زر الذهاب إلى الأعلى