سعيدة وعمايلها سودا للكاتبة هدو الحاج ..روايات ليبيه الحلقة الخامسة | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة الخامسة

روايات ليبيه سعيدة وعمايلها سودا 5 للكاتبة هدو الحاج ..روايات ليبيه الحلقة الخامسه

الحلقة 《5》

بقلمي الكاتبة #hadoo_al

أنا : تعرفي ياهدو فرحانة انه جدي ضاربه الزهايمر 😂
هدو : ليش 😂
أنا : كل مرة يحط 50 دينار تحت مخذة واني نخنب منه وهو يرجع يحط واني نأخذ 😂😂😂
هدو : زهفتيني ياريت حتى عندي جد ضاربه الزهايمر لكن الله اغلب كلهم القبر رفعهم 💔
أنا : لازم لازم دسكتك الحزينة في كل رواية 😂
هدو : واللهي ماتتحشمي ولا فيك ذرة حشم 😒
أنا : سبهااااان الله كيف عرفتي 😂😂
هدو : 😒😒

**************
روايات ليبيه للكاتبة هدو الحاج
#hadoo_al
**************

قعد جاد يلمس في راس الي بحداه وحس بمادة لازجة ، فتح فلاش تلفونه وشاف راس خروف 😂 ، ايه ايه راس خروف ماسموهاش مجنونة القرية على فاضي 😂😂

جاد : ياماااااااامااااااااااااا
أركان : تي خير أمك #####
جواد : جاد

جاد من مفاجأة نعقد اللسانه 😂😂😂

ناصيف ” فتح ضيء ” : جاد

واهنيء ذهول وصدمة سيطرت على كل 😂 ، لانه مكانيش فيه راس واحد فيه 4 على عددهم 😈😂😂😂 ، واحد على صالون معبي الدم وواحد على طاولة فاتح فمه ومافيشي اللسان 😂 وواحد على كنابية ملبس بكيسة 😂 واخر واحد كان وذانه مختفيات 😂😂😂😂

ناصيف : شششششني هذا 😨😨
جواد ” من كثرة خلعة تكركب على لوطه 😂
أركان ” فتح بالكونة وقعد يرجع 😂🤢

.
.
.
.
.
.
.
.

أنا وقت سمعت صوت عياط ، عرفت خطتي نجحت 😈😈 ، مااحله طعم الفوز 🤣

أنا : هههههههه مساكين يسحابو لعبي على ساهل 😂 ، مانتسماش سعيدة كان بنخليكوميش تنوضو الليل واتقولو #أوووه_سعيدة 🤣

.
.
.
.
.
.
.
.

جاد : شوفو القيت ملاحظة على خروف

أركان خش داخل وناصيف إهدي ام جواد اتقولي من سكه الضيء 😂😂

ناصيف : كل واحد يختار طريقة موته ها ها ها 😈
أركان : شني ضحكة هاذي 😒
ناصيف : أنسجمت مع الدور 😂😂😂
جاد ” شاف لخوه ” : جواد
جواد : باااااااااااااااااع

واهني الكل نفلق ضحك 🤣🤣🤣🤣

ناصيف : هههههههه اووووه اني حبيتها القرية 😂
أركان ” نزل على جواد وشاد ضحكته بسيف ” : جواد
جواد : بااااااااااع
أركان ” معش قدر ونفلق ضحك ” : 😂😂😂😂
جاد : توا نتفاهم معاه
أركان ” اشار فيه ايده يعني تفضل ” : لو سامحت 😂😂😂
جاد : باااااع
جواد : باااع
جاد : بعبعبع
جواد : بااااع
جاد : اهااا
ناصيف : شني وضعه يادكتور 😂😂😂
جاد : مانعرفيش
أركان : كيف
جاد : الي فهمته بااااع

واهني جواد ضرب جاد عفقه خلاه يبعبع بجد 😂😂😂

جواد : عليا ساعة انقول باع ياحمار 😡
ناصيف : وياترا شني معناها 🤔
جواد : معناها باااااااااااع ياحمار 😂😂😂

وناض جاد واركان اعطو للجواد ضرب نباش قبور 😂😂 ، وناصيف يتكركب من كثرة ضحك 😂😂😂

**************
روايات ليبيه سعيدة وعمايلها سودا 5
#hadoo_al✍
**************

مقعمزة وتبتسم زي هبلة 😂

أنا : مش زي الهبلة ياحمارة ، اكتبي تبتسم زي ساحرة شريرة 😂 ، تي معقولة بنعلمك حتى في هي 😂
هدو : ماهو مانبيش المتابعين يأخذو عليك صورة مش حلوة 😒
أنا : حسستيني في صوري ثانية نطلع حلوة ماهو ديما نطلع زي جعفر ولد جيرانه الله لا يسامحه 😒😂
هدو : عيب ميت لا تجوز عليه الا رحمة
أنا : كان رحمني هو ، راني توا نترحم عليه
هدو : شني ذنبه المسكين
أنا : ذنبه انه ديما قدام امي لدرجة توحمت عليه ونجحت في انتاج سعيدة جعفري 😂😭
هدو : 😂😂😂

.
.
.
.
.
.

مرعي يحذف في رشاد على روشن

مرعي : ياعسفورتي ، وردتي ، رهومتي

غمض عينه زعميته بيستشعر 😂😂

مرعي : الكل يتمنى ان يلمش القمر فلا يعلمون أن القمر بين ايديا 😍

وفتح عينه واهني نصدم بي جعفر قصدي سعيدة 😂😂😂

مرعي : أوووووه سعيدة 🥶
أنا : هو انت ، واني عليا ساعة اندور على صوت من وين جاي 😂😂

من كثرة ماهو قصير مايبانيش تي اقصر من روشن 😂😂😂

أنا : شنو غراميات الليل
مرعي : ايه ، لا ، مانعرفيش
أنا : تي خيرك خايف اتقولي قدامك عزرائيل 😂😂
مرعي : انتي تخوفي اكثر منه ، على أقل عزرائيل يقبض في روح مرة 😣
أنا : لاني رايقت مش هنخليك اليوم ادور 😂😂😂
مرعي : اندور 🤔
أنا : ماعليك ، تبي ريهام
مرعي : ايه
أنا : خلاص اقنعني بيك
مرعي : كيف
أنا : غذوا …………
مرعي : مافهمتيس
أنا : مش لازم تفهم دير وخلاص
مرعي : حاضر
أنا ” في سري ” : بإذن الله غذوا اخر يوم ليهم في قرية 😈😂
مرعي : نمسي
أنا : برا
مرعي : تمام
أنا : ولا نقولك
مرعي ” تلفت ” : اها
أنا : ارجع زي ماكنت

اعطاني بظهره واني هوب نعطيه عفقه على رقبته وخليته يدور زي زربوط 😂😂😂 ، واللهي رقبته ودورانه مش عاديين 😂😂😂

**************
#hadoo_al ✍
**************
#hadoo_al✍
**************

في صبح يوم الثاني
الشباب كانو يتمشو في القرية ، والقرية كانت جاية على البحر

جاد & جواد : اووووو بحر 😍😍
أركان : تعرفو يجي منتج سياحي في قرية هاذي ابداع
ناصيف : مش وقت منتج توا ، هي نعومو
أركان : كيف بنعومو بدون شرطات البحر
ناصيف ” شاف يمين يسار مالقاش حد ، سلب يعني نحى دبشه ” : اني خاش

جاد وجواد شافو لبعض وحتى هما سلبو ” نحو ” ولحقو ناصيف

ناصيف : هيا أركان
أركان : لا
ناصيف : هي خش بلا جو ، تي ميه ماتفهم شيء
أركان : مستحيل
ناصيف : تي هي بلا جو ، مافيش حد
أركان : لا

ناصيف شاف لجواد وجاد وهما فهمو ، أجرو لي أركان ونحلوه دبشه وخشوه بالقوة 😂😂

أركان : ياعن #########
ناصيف : عيش لحظة 😂😂😂

وهما عايشين لحظة ، كان فيه واحدة ختشة تراقب فيهم من بعيد وهتعيشهم اللحظة على أصولها 😂😂😂😂

أنا أنا ✋✋ نراقب فيهم 😁😁

.
.
.
.
.

هدو : شني بديرلهم ياختشة 😂
أنا : ولا شيء ، بنغسلهم دبشهم صدقة لوجه الله 😊
هدو : سعيدة ووصدقة أشك 😂😂
أنا : انتي أكثر واحدة تفهمي عليا 😂😂😂

.


روايات ليبيه سعيدة وعمايلها سودا 5

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

اترك رد

زر الذهاب إلى الأعلى