سعيدة وعمايلها سودا للكاتبة هدو الحاج ..روايات ليبيه الحلقة السادسة | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة السادسة

روايات ليبيه سعيدة وعمايلها سودا 6 للكاتبة هدو الحاج ..روايات ليبيه الحلقة السادسة

الحلقة 《6》

بقلم #هدو_الحاج

هدو : سمعت حليمة راجلها جابلها ضرة
أنا : هههههه ايه
هدو : ليش تضحكي 🤔
أنا : ماهو هاذي إحدى إنجازاتي 😂😂
هدو : كيف 🤔
أنا : ماهو ضرتها أتكون بنت جيرانه وحتى هي أفعة ياخيتي ، ووقت تتلاقى أفعى و أفعى شني بيصير يابيسممو راجل يا بيقتلو بعض واني اكون تريحت منهم زوز 😂😂
هدو : وعلاش قولتي انه إحدى انجازاتك 🤔
أنا : ماهو أني الشيطان اليوسوس بيناتهم وخلاهم يتزوجو 😈😂
هدو : صار انتي طلعتي خليفة شيطان مش جاد وجواد 😒😒
أنا : حاجة زي هيكي 😂😂 ، على اقل نضحكو يومين هاذم شوية 😂😂
هدو : واللهي ماتتحشمي
أنا : قولي حاجة جديدة 😌😂

.
.
.
.
.
.
.
.

وهما عايشين لحظة ، كانت فيه واحدة ختشة تراقب فيهم من بعيد وهتعيشهم اللحظة على أصولها 😂😂😂😂

أنا أنا  نراقب فيهم 😁😁

أمشيت إتجاه فرساني واني مطلة بالابيض على أغنية اهيا مجنونة جيت وهتجننكم من تأليفي وألحاني 😂 ، ملا وحق الله لابس قفطان أبيض واني مانندريش 😂😂 ، وصلت للكوشة قصدي للشاطئ حسيت روحي عيشت دور 😂😂 ، لميت دبشهم حتى نغسلهم ، قصدي عيب شباب وعايشين بروحهم مش لدرجة هيا معش فيه خير لبعضنا 🤥😂 سامحني ياربي كذبة بيضة 😂😂

أنا : ان شاء الله ميه دافيه
الكل ” شافلي ”
ناصيف : سعيدان 😂😂
أنا ” في سري ” : من يضحك في الاخير يضحك ديما 😏
أنا : ان شاء الله عجبكم طعم الرؤوس 😂😁
ناصيف : تعرفي مش عاديين لدرجة قعد واحد يبعبع من كثرة ماأثارو فيه 😂😂
جاد & جواد : هو أنتي
أنا : يامضروب في زوز خليك على جانب اندوخ امتى نتكلم معاكم 😂
ناصيف : اني حبيته هالسعيدان 😂😂
أركان : ليش ديري هيكي رغم حتى أسامينا مزال ماتعرفيهم

قعد انشوف وعيوني تحولو قلوب 😍 ، تي أول مرة نحس فيه حد ارجل مني 😂😂

أركان : ياأخت سعيدة
أنا ” أعطيته هذيكاي قريب قتلته ، في سري ” : أخت في عينك يا###### 😡
ناصيف : شورها الأخت وجعتها كلمة الأخت 😂😂
أنا : هي نتلاقو في جنة ” وديرتلهم باي بدبشهم 😂 ”
جواد : وين رافعة دبش يامجنونة
أنا : بنعيد بيهم 😂

وتلفتت مرة ثانية

أنا : رد بالكم تروحو سحتوتين لاسمح الله يطلع عليكم كلام هيكي ولا هيكي ، ليبين ونزبطو بعض 😂😂

واخذيتها جرية زي جرية مرعي يوم هذاكه 😂😂😂
جاد وجواد وناصيف طلعو يجرو وراي ام أركان استسلم ورقد على رملة 😂😂

**************
روايات ليبيه سعيدة وعمايلها سودا 6
#hadoo_al✍
**************

في قرية أني نجري وجاد وجواد يجرو وراي سحتوتين ومش حاسين اما ناصيف اخذيه غصن شجرة زعميته يتقي 😂😂

جاد & جواد : اوقفي يامجنونة
أنا : 😂😂😂

يجرو واني نجري وعايشة دور الحبيب وقت يجري وراء حبيبته في جزر مالديف 😂😂 ، ووقت وصلنا في وسط القرية وقدام القهوة والعباد

بوي : سعيدة

واهني الكل وقف ، اني وقفت والي مضروب في زوز وقفو والي يشبه قرعة صفرا وقف 😂 وجماعة القهوة وقفو والعباد الي تمشي في طريق وقفو وبقر والبهايم وقفو وكل وقف 😂😂

أنا : لااااا يامنعم ماتفهميش صح ، بنتك أشرف من شرف 😂
بوي : هاذي أخر تربيتي فيك 😡
أنا ” بشوية لبوي ” : حسيتك أوفرت في دور ياحويج 😂
بوي : اسكتي خلي نطلع مواهبي ، من يومي نحلم باليوم الي بنمثل فيه 😌
أنا : ماهو كل يوم تمثل علينا ياحويج بلاش تبلعيط 😂😂
جاد & جواد : هاتي دبشنا خلي نمشو في طريقنا
أنا : وين دبشكم

قعدو يشوفو وفعلا كان دبش مش في ايديا ، اني مش غبية لدرجة نخلي دبش في ايديا وكان سمح الله شادوني يأخذوه مني 😂😂

ناصيف قعد يكحل في عيونه في بنات قرية ، رغم انه دبشنا واحني على أقدنا في قرية لكن بصراحة بناتنا جميلات دققو في كلام بناتنا يعني اني مش ضمنهم 😂😂

أنا : ياقرعة صفراء عجبوك بناتنا 😉

ناصيف مايسحابيش عليه 🤣🤣

أنا : اوووه قرعة صفراء شوره ناوي يأكل طريحة 🤣
أنا : مرعييي العصا

حسيت روحي رئيسة عصابة 🤣🤣🤣

بوي : مابلاش يابنتي
أنا : متخافيش ياحويج على خفيف 🤗
بوي : نصيحة مني خوذو صاحبكم
جاد & جواد : هههه مش لدرجة هاذي ياعمي
مرعي : نصيحة أخوية أشعفو صاحبكم بشرعة ، أشال مجرب ولا تشأل حكيم
جاد : تي معقولة بشنابتك تخاف من عقاب بنت 🤣🤣
أنا : كأني سمعت عقاب بنت 😡
جاد : اي عقاب بنت دير في روحها مسترجلة
أنا : هههههه بتوقف مع خوك ولا بتمنع
جواد ” ساكت ”
أنا : تمام ، مرعي مغرف البازين يامرعي

مرعي جاب مغرفة وهوب نقزت فوق لمضروب في زوز اعطيتهم طريحة تي مش عادية 🤣🤣

ناصيف شاف لجاد وجواد والقاهم ساندين بعضهم ومنظرهم يوجع الكافر

ناصيف : شني فيه ، مني دار فيكم هيكي
جاد : ماهو كنت لاهي مع بنات وناسي الناس الي تكافح من أجلك 😡
ناصيف : شني فيه
أنا ” كنت وراء ناصيف ومدسية عصا وراء ظهري ”
جواد : جاك موت ياتارك صلاة 😂
ناصيف : خيرك
جواد : شوف وراك
ناصيف ” شاف وراه ورجع تلفت لجواد ” : مافيش شيء وراي

كلب من كثرة ماهو طويل اني واصلة لركبته منبانيش 😂😭

أنا : يا#####
ناصيف ” زعميته نخلع ” : خلعتيني
ناصيف ” شاد خذوذي ” : وين كنت متخبي ياسنفوري الغضبان 😂😂
أنا ” في سري ” : سنفور وزيادة غضبان باه ياقرعة صفرا 😡
أنا : ممكن تنزل شوية انقولك حاجة
ناصيف ” نزل ” : أيوا ياعيوني 😍

ونعضه عضه في وذنه خليته يزربط في مكانه 😂😂😂

أنا : مرة ثانية تحترم نفسك 😂
ناصيف : يا#######
أنا : 😂😂😂😂😂
جاد & جواد ” هما خايفين ، هيبة بسلامتي 😂 ” : لو سامحتي أنسة سعيدان دبشنا
أنا : سعيدة ، ومرة ثانية كل واحد يتكلم بروحه دوختوني
جاد & جواد : حاضر
أنا : دبشكم واللهي الله اعلم وين لوحته 😅
جاد & جواد : نعععععععععم
أركان : اهما

كان في شعاع يخترق عيني وكأن شعاع جاي من شخص 😍 من الأخير واحد من فرسان كان جاي من بعيد ولابس دبشه وشاد دبش شباب جو فيلم رومانسي مايمشيش اني فيلم رعب بس يمشي معاي 😂😂😂 ، كان نمثل في فيلم ، اني بروحي نكفي فيلم رعب كل ماتشوفوني هتخاوفو بإذن الله 😂😂

**************
روايات ليبيه سعيدة وعمايلها سودا 6

#hadoo_al✍
**************

في الليل مقعمزين على سفرة العشي

بوي : تجيبلي رقمها
أنا : تحشم يابوي راني بنتك 😂
ريهام : شني فيه
أنا : خصوصيات عائلية 😂
ريهام : هيا تصبحو على خير ” وناضت ”
أنا : عليا بنرقد ، سلميلي على سنجاب 😂
بوي : هي باريلها وجيبي رقم
أنا : توا يابوي
بوي : ايه توا
أنا : الله

انسيت ماقلتيش علاش بوي وافق يدير تمثيل معاي بكري ، على خاطر عاشق الولهان يقدر يدير اي شيء 😂 ، ايه نحكي على بوي ، شيباني يخون في أمي ويبيني نشاركه في الخيانه 😂😂😂

.
.
.
.
.
.

وأني ماشية بنكلم عمتكم حورية المراة الي بوي يخون في امي معاها 😂 ، المهم ماشية في طريق جوي عال العال ومانشوفيش صواني يطيرو قدامي واللهي صواني😂😂😂 ، عمتكم حليمة وضرتها يتعاركو بالماعين 😂😂 ، طلعو للشارع شادين شعور بعض 😂😂 ، وراجل زي عمكم بدر في باب حارة يشوف فيهم وخايف 😂😂

حليمة : اطلعي من حوشي ياسراقة رجاله

وكيف تحذف عليها دحية الكلبة ضرتها خويتها وياترا من وراء ضرتها ، اجابة صحيحة أني قولتلكم مش واخذة الي طياح سعد 😂😂

منظري هو هالله هالله من يومه وتوا يعلم الله 😂😂 ، ومشكلة وجهي يتحسس من دحي وغذوا هنولي زي مدام نفيخة الي في سبونج بوب 😂😂

حليمة : سعيدة
أنا ” قلبت عيني وشرارة شر فيهم ” : اهااا سعيدة

راجل حليمة قعد يتل في مرته ثانية ويخشش فيها للحوش

راجل حليمة : خوشي خوشي بنات عم يتفاهمو

حليمة : يا

وماخليتهاش تكمل كلمتها وهوب ننقز عليها زي ثور الهايج 😂 ، كف من اهني وكف من اهني وبوني 😂 فشيت غليلي منها 😂😂

**************
#hadoo_al ✍
**************
#hadoo_al✍
**************

وبعد مافشيت غلي ، واني في طريق بنروح ، تذكرت العملة في حوش الشباب صار منها او لا وضربني فضول ، امشيت لفيلا ، قعدت نكاوس مافيش حد الغريب باب مفتوح

أنا : أكيد هاجو 😈😂😂

وقدمت خطوتين وهوب

أنا : 🥶🥶

.
.
.
.
.
.
.

هدو : رجع سحر على ساحر ياسعيدة 😂😂
أنا : باري من بحداي توا 😡😡
هدو : تعيش وتأكلي غيرها 😂😂
أنا : ديري تتبع وتعاليلي في اول شارع
هدو : ليش حتى اني بتوكليني طريحة 😂😂
أنا : يشلمها زكية 😒😒
هدو : 😂😂😂😂😂

.
.
.
.
.
.
.
.
.
.
.
.
.
.
#تتبع

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

 

اترك رد

زر الذهاب إلى الأعلى