سعيدة وعمايلها سودا للكاتبة هدو الحاج ..روايات ليبيه الحلقة السابعة | القلم الناجح
روايات ليبيه كاملة

سعيدة وعمايلها سودا للكاتبة هدو الحاج ..روايات ليبيه الحلقة السابعة

روايات ليبيه سعيدة وعمايلها سودا 7 للكاتبة هدو الحاج ..روايات ليبيه الحلقة السابعة

《《 7 》》

بقلم #هدو_الحاج

هدو : سعيدان ليك وحشة يابنت
أنا : سعيدان في عيونك 😒 ، وين مختفية متابعين شابو جريتك 😒
هدو : الله غالب صاحبتك تقرا طب 😅
أنا : وشني دخلك في مقبرة جماعية ، زي حمام تخشي معش تقدري تطلعي منه 😂😂
هدو : الله غالب القيت روحي متريحة نفسية قولت خلي نعذبها 😅😂
أنا : في اخير يمشو يعاينو في تونس 😂😂
هدو : هذا الي وجعني 😭😂

.
.
.
.
.
.
.
.
.

وقدمت خطوتين وكان دنيا ظلام فتحت الباب وهوب طاح عليا سطل دقيق الي حاطته اني لي فرساني الاربعة 😂 ، قلب سحر على ساحر 😂😭

أنا : 🥶🥶
أنا : ماناقصيني الا زيت ونولي كيكة 😂😭
ناصيف ” شاد وذنه وخاش من باب خلفي ” : قطعتلي وذني هالمجنونة

ويفتح الضي ويلقاني قدامه وكلي ابيض 😂😂

ناصيف : بسم الله 🥶
جواد ” يتكلم ومش منتبه ” : احني غذوا راجعين للمدينة مانبوش نموتو ناقصين عمر

جواد قام عينه وشافلي ، اشر صبعه عليا وقعد فتح فمه من صدمة 😂😂😂

جاد ” هو خاش ” : جواد

وحتى هو قام عينه شافلي وبعدها رجع تلفت وطلع من جديد 😂😂😂

اما اني داخلي قولت فرصة وجيتني وكيف نخدم راسي فيه بغل وراي صب عليا سطل ميه 😂😂 ، وابديت زي حورية البحر الي هاربة من البحر 😂😂 (( نعتذر من الحورية اني ظلمتها وشبهتها بي سعيدة 😂 ))

أنا ” تلفتت بدون مانشوفه ” : خيرك يابغل 😡😡
شاب : سامحيني نسحابك تبي مساعدة 😉

ويعطيني هذيكاي غمزة 😍 ، اني ذوبت 🤤

أنا ” بدون انتباه ” : شني يوكلو فيكم في المدينة 🤤
الشاب : نعم

حي عليكم حي ، تي شني ، تي كيف ، كيف هيكي ، تي هذا امه وبوه مطلوبين حيين او ميتين حتى نشكرهم على انتاج هذا 😂😂😂

قمحي اللون وحي على بشرة زي بيبي 😍 ، عيونه لا تفهميهم عسليات رصاصيات خضر اول مرة انشوف لون هذا 🤤 ، ولا شعره وحي عليكم رائحة الي بخها تذوب ثلج مش اني بس 🤣🤣 ، وحي على حاجب تي حاجب راجل مش حاجب ترليلي 😂😂 ، تعرفو الي وجعني خشمه خشم الي نحلم بيه طول عمري ليا 😂😭

أركان : اوووو سيف نورت

وسلم علي بعض بايدين وبالاكتاف

أنا ” في سري ” : زيادة اسمه فيس ، ياناعليا 😍🤤

سلم عليهم ، وصل للجواد القاها جامد وايديه زي ماهي وفمه مفتوح 😂 ، سكرله فمه

سيف : تي خيره هذا
جاد ” اعطاني هذيكاي نظرة ”

اني ديرتله بفمي أسس ، قصدي الأخ قاعد جديد عيب يتعرف عليا بصورتي الحقيقية 😂😂

أنا ” قدمت لفيس ومديت ايديا ” : اهلا وسهلا سيد فيس معاك سعيدان قصدي سعيدة جعفري😂
ناصيف : فيس وسعيدان 😂😂
أنا : مزال عندك وذن ثانية
ناصيف : 😒😒

سيد فيس نزلي راسه لوطه وحط ايديه على ذقني وقام راسي

سيف : معقولة واحدة بحلاوة هاذي يكون اسمها سعيدة جعفري
ناصيف ” بشوية لسيف ” : الي يكذب ربي يحطه في النار 😂😂
سيف : عادي انديرو شمل غاذي 😂😉

وين تلقوني اني ، امشيت في احلام اني وسيد فيس مقعمزين وبحدانا رونق بنتنا ، وقاعدين نتعاركو شني بنسمو ولدنا ، هو يقول معاذ وانقول رضا 😍😂 ، واني في عز حلم ولعابي طلع برا 😂😂😂 ، انشوف ابو شنابات يتمتع في صالة 😂

أنا : أوووو ابو شنابات 🥶 ” وتشعبطت في راجل 😂😂 ”

ايه ماتضحكوش ، سعيدة جعفري بطبتها والكل يخاف منها تخاف من زقرلو 😂😒

ناصيف : لالا اني مش مصدق عيني سعيدان تخاف ، لالا هذا حدث تاريخي لازم نصوروه 😂

وقعد يصور فيا بكل حالاتي

ناصيف : هنزلهم في انستا ونكتب عليهم غوريلا لابس ويشاح لاتخرج قبل تقول سبحان الله 😂😂

هو قال غوريلا واني تشعبطت فيه زي بكشاش وعضيته في وذنه ثانية 😂😂

أنا : هيكي ابديت غوريلا بالكامل 😡😂
ناصيف ” شاد وذنه ومن كثرة وجع قريب يبكي ” : واللهي ماك طبيعية

تلفيتت لسيد فيس ومديت ايديا

أنا : خلينا انشوفك 😍

وقعد ماتكمليش امشيت نجري خوفا من ابو شنابات 😂😂

أركان : ههههه هبلة
ناصيف : ورحمة جدي تبي مستشفى مجانين 😭😭
أركان : تستاهل
جاد : شني سبب زيارة حلوة يافيس 😂😂
سيف : سمعت في مراهنة وسيارة فجيت حتى نفوز فيهم وواضح هنفوز 😌😉
أركان : ههههه احلم
جاد : اني متنازل مش مستغني على روحي
ناصيف : اني بعد هذا كل تعذيب مصر نفوز
سيف : انشوفو مني بيفوز في اخير ، هي تصبحو على خير تاعب

ابديت كل يتسلسل على سريره الا جواد قاعد في مكانه وفي نفس وضعية 😂😂😂

**************
روايات ليبيه سعيدة وعمايلها سودا 7
**************
#hadoo_al✍
**************

في صبح بكري في براكة دجاج نأخذ في دحي ، نجري وراء دجاج او دجاج يجري وراي الله اعلم 😂😂

أنا : ياعن#####

وراي كان واقف ناصيف متكي على حيط محطي رجل على حيط ورجل لوطة

ناصيف : سعيداتي 😍😍

تلفتت واني اول ماتلفتت منلقاش الا غبرة ناصيف هرب من خوفه 😂😂😂
تعالو انقولكم من شني خاف ، خاف من شكلي قولتلكم هنبدا زي مدام نفيخة ابديت احرف 😂😂 ، وراس فريد لا عيوني ولا فمي يبانو ، خشمي بس زي نجاصة طلع من كثر وجهي مانفوخ 😂😂 ، هو من اول هالله هالله وتوا يعلم الله 😂😂

أنا : نعتذر من مشاهدين على قسوة مشاهدة 😂😂😂

اخذيت دحي وامشيت ديرت للعيلة فطور قعمزو على سفرة هذا قاعدين ماشفونيش ، المهم رفعت الفطور كل تفاجىء الا جدي ، ايه جدي هذا قهرني ، ديما ناسيني لكن بشكلي هذا عرفني طول مش معقولة لدرجة هي شينة في عيون جدي 😂😭

جدي : سعيدة
أنا : 😨
جدي : ياسعيدة
أنا : تبصر صح
جدي : علاش يابنتي
أنا ” شديته من سوريته ” : ديما ناسيني لكن بشكل ذكرتني كيف كيف 😡
جدي : قصدك شكلك هذا مش طبيعي

لا اني صارلي احباط وانهيار عصبي 😭😂

أنا : نحلب البقرة احسن مارتكب جريمة

.
.
.

وامشيت للزريبة ” حشاكم ” وصدمة الكبيرة حتى البقرة خافت 😂😭

البقرة : أوووووم 😨

قولت ماعندي الا البهايم لانه اول مايشوفوني يسحابوني من باقي عيلتهم 😂😂😂

وامشيت للبهايم وزي ماتوقعت يسحابوني واحدة من صغارهم وقعدو يحننو عليا 😂😂 ، باللهي حاجة ضحك وحاجة تبكي 😭😂

واني ساندة على بهايم جاني صوت

سيف : ياحلوة
أنا : لالالا باللهي لالالا
سيف : خيرك ياعنوني

وابديت يقرب واني مابيتيش يشوفني بشكل هذا ، قعد يقرب مالقيت الا روث بهايم ونحطه 😭😭

سيف : 😨😨😨

.
.
روايات ليبيه سعيدة وعمايلها سودا 7
.
.

هدو : مدام نفيخة 😂😂
أنا : ديريلي حل ياهدو باللهي ديريلي حل العريس بيطفش 😭
هدو : حسستيني مش مطفوش من قبل
أنا : ورحمة سعيدة ثانية كان ماديرليش حل انجي نتزوج خوك 😒
هدو : لالالا الا خوي توا اديرلك حل 😣
أنا : خوف كويس 😂😂

.
.
.
.
.
.
.
.
.
.
.
.
.
.

#تتبع

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

 

اترك رد

زر الذهاب إلى الأعلى