شغف الحلقة الثالثة عشر للكاتبة أسماء أشرف | القلم الناجح
روايات ليبيه كاملة

شغف الحلقة الثالثة عشر للكاتبة أسماء أشرف

شغف الحلقة الثالثة عشر للكاتبة أسماء أشرف

#شغف 13

اسامه:اخت اميره…ايناس
امير:تحكي جد
اسامه:ولله😂🤦🏻‍♂️
امير:يحكي بجديه…اسامه البنت كويسه..اصحي تكون تلعب عليها..ره انا يلي نصبيلك
اسامه:لا شكلي طاحت ومعش فيها
امير:كويس😂
اسامه:خطرها معرفتش شنو صار
امير:شنو
اسامه:وهبي طلاق مراته
امير:شاف لقدام…مش مشكله اهم شي خذاها وستر ع عملته الواسخه زيه
اسامه:الحق البنت كويسه..ويلي صار فيها حرام
امير:بكرا تلقى واحد احسن منه..انت كيف عرفت
اسامه:مافيش حاجه مانعرفهش انا😌
امير:ليش تشتغل في المخابرات انت من وراي ولا شنو🤨
اسامه:احممم..حاجه زي هك😌
امير:حتقعد طول عمرك متخلف..ربي يعين يلي تبي تاخذك
اسامه:قصدك ربي يحبها ويموت فيها اخر يلي تبي تاخذني😂
امير:صبي صبي عدي كمل شغلك
اسامه:سلام ياطير
امير:متخلف من طول عمره🤦🏻‍♂️
___________________________
عليا:اهم حاجه مترياحه انتي معه ولالا
اميره:اذكرت حنية امير معاها اليوم وكيف اول مره اليوم يكون معاها هادي❤️…اها ماما انا وياه كويسين مع بعضنا وامورنا تمام
عليا:عال العال..ربي حفظكم…خليني نطلع نديرلك المثروده يلي تحبيه اكيد لك زمان عليها
امير:فعلا لي زمان ماكليتها😂🤤
عليا:خلاص خليني نمشي نديرها ونوصي سراج(خوها)ع لبن…وطلعت
اميره:وانتي يا فرخه..ايش اخر اخبارك
ايناس:اصبري…وصبات صكرت باب الدار ….حاجات واجد صارن في غيابك
اميره:بتشويق…احكي احكي
ايناس:عارف اسامه صحب امير..وفي نفس الوقت هله جيران
اميره:اها مره مره نسمع فيه يحكي معك…بس كنك تسالي عليه
ايناس:خلاص يا حنه بعد فترة من فرحكم يمكن بعد اسبوع دزلي رقمها مع اختها وقالتلي كلميه وكان صار بينكم نصيب حنجو نطلبو رسمي
اميره:وانتي ايش وضعك معه..كويس يعني هو
ايناس:يجنن..جوه خطير وديما يضحك في😂
اميره:لا هو من ناحية ان يضحك فهو شاطر في الحاجه هذي
ايناس:وبس يا حنه هذا يلي صار
امير:فرحتلك نوسه…اهم شي تكون مترياحه معه🥺
ايناس:انشالله❤️
______________________________
هديل:قاعده مع اسراء في دارها…بس هكي مش عدل يا اسراء…كم مره قتلك شيلي الافكار هذي من راسك
اسراء:بحقد…ماتقعديش هبله هديل..وفكيني من دور الاخت الكبيره الخايفه ع اختها
هديل:اوعي النفسك..ره انتي تأذي في نفسك قبلهم هم
اسراء:كل يلي دارته كوم ويلي يبي يصير كوم🔥
هديل:مش معناها ان بابا اجوز ع ماما زمان وكان يفضل في ثانيه ع ماما معناها انتي اديري يلي دارته مرات بابا الثانيه في ماما انتي ترديه في شيماء
اسراء:صعبانه عليك
هديل:وربي مافي حد صعبان علي الا انتي…ربي يكفيك شر نفسك…انا نبي نمشي اكيد عادل يراجى في برا…بس قبل مانطلع بنقولك شي…انا اهو قاعده مع ضرتي والامور بينا تمام لان هي نيتها صفيه معي وانا كذلك…بس انتي لا…سلام…وطلعت
اسراء:قعدت ع السرير بغل…حتى اختي يا شيماء الحقيره..وربي تشوفي🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

شيماء:رغم اني فرحانه بس في نفس الوقت خايفه
جنات:شافتلها…تصدقي انتي والنكد واحد😒
شيماء:مش هكي..لكن من طبيعي بعد كل يلي صار نقعد خايفه
جنات:شوفي انتي صح معك حق تخافي..لكن حاولي انك ماتوريش الشي هذا الطلال
شيماء:عارفه امس قالي نحبك❤️
جنات:تضحك…هابا منك طلعتي تحبيه وسماحتيه…امالا ليش لما كنا نحكو في الموضوع كانتي تقولي نبي نطلاق منه😂😒
شيماء:ببسطه عشان كانت مضايق منه وزعلانه كذلك
جنات:المهم توه انكم كويسين مع بعضكم
شيماء:قولي انشالله هو يقعد كويس معي
جنات:انشالله يقعد كويس معك😂
_________________________________
اسراء:قاعده في دار…وتذكر كل شي صار قدامها لما كانت صغيره…وكيف بوها كان يضرب في امها ويهتم بالثانيه ويحبها وامها لا…فلما اجوزت طلال قررت ان ادير هكي في شيماء قبل ماشيماء ادير فيها هكي…كان عندها خوف من الموضوع هذا كانت خايفه من ان طلال يضربها او يدير فيها هكي..لكن حبت ان تسبق الاحداث وهي يلي ادير هكي في شيماء قبل ماشيماء ادير فيها حاجه مش تمام..ماكنتش تعرف ان شيماء طيبه وعمرها ماقعدت خبيثه ولا تفكر كيف تفكير اسراء ولو حتى دقيقه🔥
___________________________
ساعه 9 في لليل
اميره:ماما تعاليلي لشقه من اول ماجوزت ماجتينيش
عليا:انشالله حاضر
ايناس:اميره لك ساعه مصبي وتحكي معنا…هي اطلعي امير له ساعه يراجى فيك
عليا:اها هي حبيبتي اطلعي…حرام راجلك اكيد تعبان
اميره:توه خايفين ع امير وانا😤
ايناس:😂غرتي
عليا:يابنتي هذا كلام العقل بعدين كلامي كله صح راجلك اكيد تعبان…هي سلام بنتي روحي لشقه حطيله من العشا
اميره:حاضر..مع ان كان خاطري نبات هنا اخر لكن خليها مره اخر
عليا:انشالله وانتي طيبه
اميره:يلا سلام…وطلعت
ايناس،عليا:مع سلامه❤️

اميره:راكبت لسياره..اهلين امير
امير:قرب منها وباسها ع خدها..اهلين اميرتي❤️
اميره:نزالت راسها بحشم
امير:ابتسم ع جانب…وكملو طريقهم للحوش
___________________________
طلال:مش خلاص حكايات عدا…من امبدري وانتو تحكو
سعاد:انت ايش يلي مضايقك
طلال:لا شي انا في المربوعه…وطلع
جنات:شافت الشيماء…الحب وناره😂🌚
شيماء:تفنص خايفه سعاد تفهم…بس جاب الله ان سعاد قاعده اتفرج ع التلفزيون ومش معهم
جنات:يلا يا ماما انا وشيماء ماشين نراقد…تبي شي
سعاد:ها لا صكري الباب وراك توه انا نصبي نطفي التلفزيون
جنات:باه…هي شيماء
شيماء:هي…تصبحي ع خير عميمه
سعاد:وانتي بخير..وطلعنا البنات

جنات:يابنتي هل انتي حماره!
شيماء:كنك ليش
جنات:طلال لما قال انا ماشي للمربوعه كان يشوفلك معناها كان يبك تلحقيه
شيماء:يمكن صح
جنات:لا مش يمكن هذي اكيد…امشي يلا عدي الراجلك اكيد يراجى فيك
شيماء:بخوف…باه😖
جنات:اصحي تكوني خايفه نقتلك ره
شيماء:لالا خلاص هي توه نمشي
جنات:عدي يلا
شيماء:باهي براحه😒وعدت
جنات:هبله بالرسمي هذي🤦🏻‍♀️😂

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

امير:مشالله من دار العشا
اميره:انا😌
امير:سلم ايديك
اميره:صحه..وقعدت تفرج ع تلفزيون وامير ياكل
امير:كمل..ومشا غسل يده وقعد جانب اميره
اميره:صبات…تبي شاهي
امير:ماسكها من يدها وخلها تقعد…كنك صبيتي لما قعمزت
اميره:بتوتر…لا مش هكي بس انت اكيد تبي حاجه تشربها
امير:لا شاهي لا سو..كنك انتي
اميره:كيف كنك انتي🤨
امير:بعصبيه…كنك تعملي في هكي…تحكي معي كلمه كلمتين وتقصي
اميره:تنهدت…مش هكي بس..نبي نتعود عليك قبل
امير:اميره اسمعيني كويس…يمكن في البدايه علاقتنا كانت مش كويسه..وكان في شوية مشاكل…بس انا قررت نعطي العلاقتنا فرصه…فالذلك قوليلي تبي تكملي معي ولا لا
اميره:اكيد مش حنقعد فرحانه لما نمشي لهلي حرجانه ونبي نطلاق..وانا رغبتي اني نكمل معك لاخر يوم في عمري❤️
امير:حظنها…نحبك
اميره:نموت فيك❤️
___________________________
طلال:خلاص مليت وانا قاعد هنا خلينا نخشو
شيماء:هي باه…صبو هم الاثنين وخشو لدار جو يلي فيها الجناح
طلال:قعد ع سرير هو وشيماء….عارفه توه لازام اندير حاجه واحده بس بيش الامر يصلح
شيماء:يلي هي!
طلال:اني نطلاق اسراء
شيماء:😳
طلال:ماتنصدميش شيماء…من البدايه كان المفروض يصير هكي اصلا…بس انعمى ع عيوني ساعتها
شيماء:اهم شي تلقى راحتك في يلي ادير فيه
طلال:راحتي معك❤️
شيماء:☺️
طلال:قرب وباسها في فمها💋
شيماء:رعشت وخافت في نفس الوقت
طلال:بهمسه…كنك
شيماء:هزات راسها يمين ويسار…لاشي
طلال:نسا روحه معها❤️الاوله مره يحس ان يحب شيماء من قلب قلبه❤️كملو ليلتهم كلها حب كانهم عرسان جدد🤭
_________________________
#ثاني_يوم_الصباح⛅️⛅️⛅️

سعاد:اليوم خاطري في دشيشه من شيماء
شيماء:من عيوني
اميره:خلاص انا حندير بيتزا عشان العصور
جنات:🤤الله دشيشه وبيتزا…اليوم يوم المنى
امير:خش…منى ولا عزيزه
كلهم:😂😂
سعاد:مالقيت غير اسم ام امك عشان يضحكو عليه..خزي عليك😒
امير:طبس عليها….مش هكي ياامي…بس هم يضحكو ع الفرخه جنات…بعدين انا اصلاً نسيت ان عندي حنه الله يرحمها اسمها عزيزه
سعاد:في حد ينسا ام امها…امالا بعد مانموت انا توه تنسني صح
امير:بعيد الشر ع قلبك يا امي..ولله نبصرو ره
سعاد:باهي باه خلاص…حاول من وجي ترا😒
امير:باه…وصبا و واصل لعند باب الكوجينه…ياامي
سعاد:هممم
امير:عزقلها بوسه😂💋
سعاد:تحشم عيب عليك
امير:طلع وهو يضحك
سعاد:طول عمره هك غلا عليه الضحك❤️
اسراء:خير
كلهم:خيرات
اسراء:نساعدكم
سعاد:لا سلمك..اهن البنات قاعدات
اسراء:تمام…وطلعت
سعاد:اخخخخ…امتى بس نفتك منها🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

ساعه 5 في العشيه

جنات قاعده في الكوجينه وتباخر وشيماء مع اميره في دار ويحكنا وسعاد راقده وامير هو و طلال في شغل…بينما الكل كان مش فاطن طلعت اسراء من الحوش بهدوء تام من غير ماحد يحس عليها🔥

طلعت راكبت في تاكسي واتجهت المكان مجهول ماحدش يعرفه غير…..!
____________________
ام وداد:ولله ماكان في داعي ياولدي لهذا كله
امير:باس يدها…ولو عمتي مش حاجه كبيره ره..شوية فواكهه وخضر وعصائر
ام وداد:ربي يهنيك يا ولدي…ويبعد عنك كل ولد حرام
امير:امي يارب..يلا تبي شي لازام نمشي توه
ام وداد:خليك شوي مزال بدري
امير:بدري من عمرك..لا ولله مره ثانيه انشالله
ام وداد:ع راحتك
امير:مع السلامه..وطلع

امير:مزال في سياره…ها اسامه..قتلك
اسامه:نعم
امير:كلملي صحب البضاعه بتعت المره يلي فاتت،..وقوله نبي بضاعه اخر
اسامه:تمام
امير:وقوله نبيها الاسبوع هذا
اسامه:يرا هي صكر البنت خشت انتظار😤
امير:وانا نقول ليش تكلم في بهدوء
اسامه:متزعلش مني لما نصكر في وجك..وصكر
امير:ضحك…متخلف ولما حب زاد تخلف…والع السياره وجا يبي يطلع طاحت عينه ع اسراء وهي تخش لحوش
امير:هذي ايش دايره هنا😳ونزل من سياره…احسن شي خليني نمشي نسال سوسن

طق طق طق

ام وداد:سوسن امشي شوفي من ع الباب وقولي من قبل
سوسن:هي باه…وقربت من الباب..من
امير:انا امير
سوسن:خذات وشاح غطت راسها وفتحت الباب
امير:احسن حاجه انك انتي يلي فتحتي الباب
سوسن:خوفتني كنك شنو في
امير:نسالك الحوش هذا حوش من..وشيرلها ع الحوش
سوسن: هذا حوش….
امير:😳😨….يتبع

اسفه بنات هذا يلي قدرت نكتبه اليوم بسبب تجهزات العيد❤️

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى