شغف الحلقة الرابعة عشر والاخيرة للكاتبة أسماء أشرف | القلم الناجح
روايات ليبيه كاملة

شغف الحلقة الرابعة عشر والاخيرة للكاتبة أسماء أشرف

شغف الحلقة الرابعة عشر والاخيرة للكاتبة أسماء أشرف

#شغف 14 والاخيره(حقيقه ممزوجه بخيال)

ام وداد:سوسن امشي شوفي من ع الباب وقولي من قبل
سوسن:هي باه…وقربت من الباب..من
امير:انا امير
سوسن:خذات وشاح غطت راسها وفتحت الباب
امير:احسن حاجه انك انتي يلي فتحتي الباب
سوسن:خوفتني كنك شنو في
امير:نسالك الحوش هذا حوش من..وشيرلها ع الحوش
سوسن: هذا حوش وليه كبيره ادير في سحر والعياذ بالله
امير:😳😨….متاكده انتي
سوسن:اها ولله…بس انت ليش تسال!
امير:وهو يشوف لشارع…لا ولاشي…وشافلها…خلاص هي صكري الباب…وطلع
سوسن:صكرت الباب…وتحكي مع روحها..هذا كنه يسال ع الحوش هذا بذات…يستر الله وخلاص
ام وداد:من يلي كان ع الباب
سوسن:هذا امير
ام وداد:الطف يارب…كنه
سوسن:لابس كان يسال هل في حاجه ناقصه
ام وداد:ولله شاب هذا مافيش منه…بعدين شنو مزال يبي ينقاصنا وهو جايب الدنيا كله…ربي يعوضه يارب
سوسن:امين❤️
_________________________________
امير:ركب سيارته وطلع لقدام شوي وقاعد يراجى في اسراء تطلع عشان يفهم منها🔥…بعد ساعه كامله طلعت اسراء من الحوش وكانت خايفه ان حد يشوفها او حتى يتعرف عليها.
امير:اول ماشافها طلعت..نزال من سياره ومشالها طول🔥…يحكي بغل..انتي في ايش اديري هنا
اسراء:اول ماشفته جاي شورها خافت وعرفت ان قصتها حتنكشف…وانت ايش دخلك حول كذا
امير:خذاها معه لسياره…هي اركبي وفي الحوش نعرفو عليش كانتي هنا…و ركبو هم الاثنين مع بعضهم واتجهو للحوش..الغريب في الموضوع ان اسراء ماعندتش امير واجد وسمعت الكلام من اول مره!🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

طلال:قاعد في صاله وينظف في المسدس
سعاد:خايفه..ياولدي حرام فكك منه
شيماء:اها صح ايش خطرها عليك تنظف اليوم
طلال:يا جماعه كنكم..بعدين هذا لازام كل بعد فتره يتنظف
سعاد:انا حنخش جو لما تكمل كلموني…وخشت
طلال:ضحك…امي هذي خوافه😂
شيماء:معاها حق
طلال:خطرها اسراء وين🤨
جنات:اكيد في دارها😒
شيماء:بغيره…عليش تسال عليها
طلال:غرتي..وقبل مايكمل كلامه خش امير
امير:اهي معي اسراء
طلال:باستغراب…وين كانتو انتو الاثنين مع بعضكم
امير:اسال مراتك وين كانت..وفي ايش ادير
طلال:شاف الاسراء…احكي وين كانتي
جنات:لحظه بس..انتي مش كانتي جو كيف قدرتي تطلعي
امير:شاف الاسراء…ياتحكي يا نحكي انا🔥
اسراء:تحكي بهستري….اها طلعت من الحوش ومن دون ماحد يشوفني
طلال:ماسكها من مرفقها…وين مشيتي
اسراء:تحكي بدون خوف…مشيت لوليه اديرلي سحر لك..عشان تكون خاتم في يدي من جديد🔥
طلال: بعصبيه…شن تخرفي انتي
امير:يلي سمعته…كانت اليوم عند هل وداد وشافتها وانا طالع من الحوش…لقيتها خاشه لحوش مقابل حوش وداد…رديت سالت سوسن ع الحوش قالتلي ان وليه وادير في سحر
سعاد:طلعت…كنكم ليش صوتكم عاليه
طلال:بلع رايقه…توقعة منك كل شي الا انك تمشي وديريلي سحر
اسراء:ضحكت بشكل يخوف…تستاهل،تستاهل طلال في البدايه كانت معي تمام بعدين بديت تبعد عني وتقرب من شيماء…وانا دارت كل شي عشان نخليك اطلاق شيماء لكن ماصارش
طلال:بصدمه…لدرجه قلبك مليان حقد
اسراء:واكثر…وعارف ليش انا دارت هكي ها عارف
طلال:هزا راسه بمعنى لا💔
اسراء:دموعها ينزالو وتحكي بشكل مش طبيعي…عشان بابا اجوز ع ماما وتمه يفضل في الثانيه عليها💔كان يحبها ويدلع فيها وماكنش يحب حد يضايقها ولو حتى بكلمه…تحكي بصوت يخوف…عشان هكي انا في بديت جوازنا مشيت لوحده اديرلي سحر لك..بس هي رافضت وقالتلي ان انفك بس رغم اني قالتلها انك انت تضرب في وتعامل في مش تمام بس هي رافضت🔥بس لاحسن حظي لما عرفت ان بنتها تعبانه وتبي علاج ومصاريف واجد قررت نرشيها وفعلاً خذت مني الفلوس ودرتلك سحر…كل يوم جرعه..مره كانت نحطها لك في العصير مره في الوكال كل مره في حاجه…لعند ماتقبلنا في يوم انا وجنات عندها
جنات:صح مشيت انا وصحبتي ايه لعند الوليه هذي ع اساس تحصن طلال وتفك لسحر طلعت هي نفس الوليه يلي ديرتلك سحر بس غصبان عنها وفي نفس الوقت اسراء ضحكت عليها وشوهت صورتك قدام الوليه
طلال:ومن يومها وانا نحاول اني نلقى وليه ثانيه اديرلي سحر لك..بس كلهم يطلبو في مبالغ كبيره..ولما لقيت الوليه يلي تسكن في نفس الشارع يلي تلاقينا فيه انا وامير اليوم…لما جا دوري الوليه ران تلفونها وقالولها ولدك مات في حادث..وبي هكي ربي يكون عقابها..وماصارشي من السحر🔥
طلال:يحكي بغل…صار انتي يلي كانتي سحرتيني يا ساحره..يابنت ال🤬
اسراء:تضحك…اها انا انا…انا يلي خليتك تضرب شيماء وتهينها انا يلي خليتك..تمد يدك عليها وتجرحها..كله بسببي انا🔥
سعاد:تحكي بحرقه…الله لا يربحك…انتي السببب في كل شي صار لولدي…انشالله تموتي ونتريحو منك🔥
اسراء:تضحك بهستير…حتى لو متت حناخذ ولدك معي🔥
طلال:ضربها كف…وربي تشوفي ع كل مره خليتيني نمد يدي ع شيماء
اسراء:شافت للمسدس يلي قاعد ع صالون…مش حتلحق…وخذات المسدس و وجهته شور طلال…مش قتلك يا عمتي حناخذ ولدك معي😏
شيماء:بخوف….اسراء ماتهوريش واديري حاجه تندمي عليها…تبكي…انا مستعده نخلي طلال يطلقني ويقعد معك بس اهم شي سيبي يلي في يدك
طلال:في ايش تقولي انتي…انا مستحيل نقعد مع وحده مكلوبه زي هذي..
اسراء:تحكي بصوت عالي…اها مكلوبه انا مكلوبه..مكلوبه بحبي لك..نبيك تكون لي بروحي..ماحد يشركني فيك
امير:اسراء نزلي يلي في يدك وخلينا نحكو بهدوء
اسراء:مش قبل ماناخذ روح خوك
اميره:كانت قاعده عند الباب تسمع فيهم…خذات تلفونها ورانت ع خوها وقالتله تعال وجايب معك الشرطه…وهذا يمكن احسن قرار خذاته اميره
__________________________
اسراء:قربت من الصالون وخذات كم طلقه…وحطتها في المسدس…للأحطيت حطيتهم
شيماء:خلاص اسراء قتلك طلال حيطلاقني..انتي بس سيبي يلي في يدك
طلال:بصوت حاد…لا مستحيل..مستحيل انا نراضى نعيش مع وحده مكلوبه وساحره
اسراء:تشوفله وتبكي…ليش طلال…ليش انت ماتحبنيش كيف ما انا نحبك ها ليش😭
طلال:لانك كانتي تبي تخربي بيتي…وفوق من هذا كله سحرتني ويا علم ايش كانتي تبي اديري اخر
اسراء:بصوت حنون…يعني انت ماتحبنيش
طلال:ولا عمري حبيتك اسراء💔
اسراء:شافتله بحب…معناها انا ماعندي عليش عيشه
طلال:كيف
اسراء:انا كانت عيشه عشان كانت نحس بحبك لي ولو حتى بالسحر بس توه انت ماتحبنيش🔥..وانا مانقدرش نعيش بدون حبك…و وجهت المسدس شورها
طلال:ايش تبي اديري😳
اسراء:تبكي وتضحك في نفس الوقت…نبي نقتل روحي
امير:يحكي بهدوء…اسراء اهدي وسيبي المسدس..نوعدك ان طلال مش حيتخلى عنك
اسراء:ماتحولش تخدعني…اخر شي نبي نقوله لكم…اني مش اسفه ع اي حاجه انا دراتها لاي حد فيكم لاني كانت ندفع عن حبي لطلال🔥وفجأ تخش الشرطه..وبينما كلكم كانو مانتبهين لوجود الشرطه..سمعو صوت رصاص
اسراء:استغلت انشغلهم بشرطه…وقتلت روحها..اها قتلت روحها لمجرد انها حست ان طلال مش حيكون لها سو بسحر او لا💔
شيماء:دم كان في كل مكان ع وجي ودبشي كانت متوقعه منها كل حاجه الا الحاجه هذي الا انها تقتل روحها قدامي🔥
طلال:كان قاعد ع الارض ويشوف الكل شي بصدمه وبس…ماحسش لا بي وجود شرطه ولا بعياط امه ولا شي…كان يشوف الاسراء والدم ينزل منها💔
________________________
دقايق معدوده وكانت الاسعاف واخذ اسراء للمستشفى…والعايله كلها كانت في مركز الشرطه لتحقيق…خشو كلهم وجوابو عن الاسال…وطبعاً بما ان الشرطه شافت يلي صار..وان اسراء هي يلي قتلت روحها بدافع نفسي…وان مسدس طلال واخذ ترخيص من شرطه…ماكنش في اي داعي ان تكون القضيه مفتوحه…وصكروها في ساعتها🔥امير خذا العايله للحوش وطلال اتجه للمستشفى
دكتور:نبضات قلبها واقفو اول ماضربت روحها
طلال:نقدر نشوفها
دكتور:هي توه في تلاجه..بكرا تعال عشان تستلمها…عشان الدفن بالمره
طلال:تنهد بتعب…تمام…وطلع من المستشفى
______________________
سعاد:تبكي…كله بسببي انا..انا يلي خليتها تجوز طلال ..لو هي توه كانت قاعده في حوش بوها كانت حتكون عيشه💔
اميره:خلاص معش تبكي..هي توه ماتت وانتي هكي تعذبي فيها…ادعيلها خير
جنات:برغما يلي دراته فينا الا ماعندي مانقول غير ربي يرحمها
شيماء:حط يدها ع خدها…انا خايفه ع طلال…لعند توه ماجش
امير:ماتخفيش اكيد في طريق توه…بس انا لازام نكمل هل اسراء ونحكيلهم
سعاد:كلمهم وقوللهم عن كل حاجه
امير:تمام…خذا تلفونه وران ع اخ اسراء وقال له…الغريب ان اخ اسراء مانصدمش او مادرش اي ردة فعل🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

#ثاني_يوم_صباح🌤🌤

هل اسراء كلهم في الحوش وخيمة العزاء منصوبه برا…وناس تطلع وناس تخش

هديل:قاعده جانب شيماء وتبكي…الله يرحمها…ماكنش عندي حد غيرها بعد وفاة ماما الله يرحمها
شيماء:نحن كلنا مصدومين من يلي صار…ماحدش فينا كان متوقع انها تقتل روحها
هديل:شافتلها…هي دارت نفس مادارت ماما بضبط
شيماء:كيف😳
هديل:تنهدت…اسراء عندها حاله نفسيه من يلي صار مع ماما
شيماء:واضحي كلامك هديل
هديل:بابا زمان اجوز ع ماما ويعامل في ثانيه احسن منها
شيماء:اسراء امس قبل ماتموت قالت الكلام هذا
هديل:تمام…خلاص هي تمه عندها حاله نفسيه من الحاله هذي بذات ان ماما هي يلي قتلت
روحها…تمت خايفه يصير معها نفس ماصار مع ماما..عشان هكي الجأت لسحر والحاجات هذي
شيماء:قصدك امك قتلت روحها
هديل:بصوت واطي…اها
شيماء:اول مره نعرف الكلام هذا
هديل:اسراء ماتحبش تحكي في الموضوع هذا💔
شيماء:تنهدت…ربي يرحمهم
هديل:انشالله
_________________________
#تسريع_في_الاحداث

مر اسبوع ع وفاة اسراء والناس بدات تخف من عندهم..وكل حد يحكي في حاجه..يلي يقول طلال قتلها ويلي يقول هي انتحارت وكل مره حد يقول حاجه🔥بس مافيش حد كان عارف الحقيقه كامله غير هل طلال واسراء

العايله كلها جوها عادي جداً صح مزالو تحت تاثير الصدمه…بس يحاولو انهم يطلعو من الحاله هذي

جنات بدات في جماعتها اخر سنه لها تحول ع قد ماتقدر انها تجيب مجموعه عالي وتنسى يلي صار

اما باقي العايله كل حد مشغول في شغله❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

اليوم عدا شهر ع وفاة اسراء

جنات:حسيت الايام تجري..معقوله اليوم يعدي شهر ع وفاتها
شيماء:انا بروحي نتخيل في الحادث كان صار امس..فعلا الايام تجري بسرعه
اميره:ربي يرحمها..هي يلي دارت في روحها هكي
شيماء:تنهدت…نحس في طلال متغير علي
جنات:لا شيماء طلال مش متغير…طلال يبي ينسى ويطلع من الحاله يلي هو فيها…لان هو حس بذنب وان هو سبب موت اسراء
اميره:مسكت يد شيماء….ماتخفيش عليه فتره وتمشي ع خير..اهم شي خليك معه
شيماء:وحنكون معه طول عمري❤️
__________________________
امير:وانت امتى تجوز عدا
اسامه:ع اساس اسبوعين الجايات..لان خلاص كل شي جاهز
امير:ع بركه..وهي نبو عرس بسرعه..نبو نطلعو من الحاله يلي نحن فيها
اسامه:😂حسيتك تبي تهيج في فرحي ولا لا
امير:بصراحه خاطري نهيج وندير يلي خاطري فيه
اسامه:ايوه كده يا معلم…وبالمره حتى طلال يغير جو
امير:خدا نفس…طلال حس ان هو سبب موت مراتها
اسامه:بالعكس هي يلي قتلت روحها بإيردتها..بعدين ولو هي قتلت روحها بمسدس طلال ايش فيها يعني…ع اساس هو عارف ان هي حدير هكي
امير:انا خايف عليه..اول مره نشوفه بالحاله هذي
اسامه:وكل ربك وماتشيلش هم❤️
____________________________
ساعه10 في لليل

شيماء:تبكي…طلال ليش متغير علي…ايش ذنبي انا
طلال:ينفخ…مش ذنبك شي..كله ذنبي انا..كله بسببي انا
شيماء:لا مش سببك..هذا مكتوب ومن عند ربي…بعدين هي انتحارت بإردتها وبرغبتها
طلال:حط يدها ع راسه…خليك جانبي شيماء ماتسيبينيش
شيماء:مستحيل نسيبك..ديما جانبك انا❤️
طلال:راقد في حظنها كيف البيبي الصغير…كان يبي ينسى همومه باي طريقه..وشيماء هي الطريقه الوحيده❤️
……………………..…….

اميره:اها بعد اسبوعين كلمتني ماما امبدري وقالتها لي
امير:خلاص شوفي روحك امتي تبي تمشي لسوق وقوليلي عشان تشري حاجتك للفرح
اميره:تمام…وعشان يكون عندك علم…اسبوع الفرح حنقعده كله عند هلي
امير:قرب منها…مع ان صعب علي..بس مش مشكله
اميره:بتوتر…باه تمام…نبي نمشي ندير فشار للفلم
امير:باهي خليك نبي نقولك حاجه
اميره:شنو
امير:تنهد….انتي عارفه اني انا اجوزتك غصب عني صح
اميره:هزات راسها بمعنى اها
امير:وعارفه اني كانت عارف عن علاقتك مع وهبي وكل القصص هذي..وان انتي بروحك كانتي مجبوره انك تجوزيني
اميره:باهي💔
امير:ماقلتش الكلام هذا كله انا عشان تزعلي…انا قالته عشان نبيك تعرفي…برغم يلي صار هذا كله والمشاكل يلي بيني وبينك في البدايه…حبيتك اميره❤️من يوم ماتوفي بوي وانا يلي تقولي عليها امي انديرها حتى لو كانت غصبن عني…حتى لما خشيت صيدله..كان بإردت امي مش بإردتي انا..بس رغم هكي خشيت صيدله ونجحت فيها…المختصر المفيد ان انا يمكن كل حاجه في حياتي بإردت امي مش بإردتي…ورغم ان امي كانت غصبتني عليك وخذيتك غصب عني..الا انتي الحاجه الوحيده يلي خذيتها غصب عني ومش ندمان عليها 🔥
اميره:عيونها دموع…قرب من امير وحطت يدها ع خده…وانا زيك رغم اني خذيتك غصب عني بس حبيتك ومش ندمانه عليك❤️
امير:بهمسه…نحبك…وباسها💋
اميره:ضحكت بشوي..وانا نموت فيك
امير:واخيراً سمعتها..وصبا…تعالي تعالي معي
اميره:صبات…وين
امير:غمزلها…هي جو دار عندي معك كلام مهم
اميره:ضحكت…والفشار
امير:شالها…لا فشار لاشي…في حاجات اهم من الفشار توه🔥
اميره:تضحك باغراء…وايش هم
امير:توه تعرفيهم 😉
___________________________
جنات:مش عارفه ايش نلبس بس😫
شيماء:عندك الفستان البيج يطلع عليك خيال
جنات:تمه ضايق علي…باقيه سمينه انا
شيماء:اهدي بس..عدي لدولابك وفتشي توه تلقي
جنات:انشالله
شيماء:ايش دايره في جامعه
جنات:اهو مره كويسه ومره لا…الاهم عندي امتحانات اخر السنه..نبي نجيب مجموع عالي
شيماء:انشالله…انتي حطي هدف في راسك وتوه تنجحي
سعاد:خشت عليهم…مش عارفه ايش ندير لهل اميره عشان فرح اختها
جنات:ديريلهم نوع حلو للفرح ولا مالح
شيماء:انا نفضل المالح
سعاد:خلاص توه نديرو نوع مالح…بس زعما انو نوع
شيماء:في نوع طالع جديد ره..اسمه الطربوش..محشي مفروم..يهبل بكل هذا
سعاد:ولله يابنتي مانعرف فيهم انا…خلاص عدي انتي وطلال وجيبو الحاجه وانا توه نساعدكم فيهم
شيماء:تمام❤️
________________________
#بعد_مرور_5ايام

اميره:وووك راجلي عدو فيها من المشي
امير:قتلك من قبل اطلعي وجيبي حاجاتك براحه..اصريتي انك تطلعي في يوم وحد وتجيبي الحاجه كلها
اميره:يا حبيبي تميت حايسه مع ايناس وماما معش فضيت
امير:حصل الخير المهم نهيتي حاجتك اليوم…لان خلاص الفرح عليه اسبوع بس
اميره:لا تمام كله جابته
امير:خلاص خشي الاختك جو..وكلميني بعدين..انا ماشي
اميره:لا خليني هنا شوي..مش قادره نصبي
امير:صبا…تمام باه..وقرب منها باسها..انا طالع
اميره:بابتسامه..مع سلامه❤️
_______________________
اسامه:ايناس من جدك انتي
ايناس:اه وللهِ معش تكلمني ولا تسمع صوتي الا يوم الفرح
اسامه:لا هكي حرام ربي ماقلهش
ايناس:تضحك بشوي…يا حبيبي عشان ترايف علي ونرايف عليك
اسامه:صوته عالي…اذا كان انا توه نحكي معك ومريف عليك..يبالا معش نكلمك لمدة اسبوع
ايناس:اسامه يلي عندي قالته…لا تكلمني ولا نكلمك الا يوم الفرح
اسامه:يحكي بهدوء…ونهون عليك
ايناس:لاء بس نبيك ترايف علي
اسامه:تمام خلاص زي ماتبي😞
ايناس:نحبكَ
اسامه:نحبكِ❤️
________________________
يوم التطريفه

ايناس:راقده في صاله وفي كم وليه تحني فيها..والاذعه والعه والعويل الصغار في كل مكان

اميره:ليش بس تعبتو اروحكم
شيماء:تعبك راحه..بعدين يا حنه هذا مش لكي هذا الايناس
اميره:خزي عليك😂
شيماء:لا وللهِ اميره هذي حاجه بسيطه مني انا وعميمه وجنات..انتي تستحقي اكثر من هك وايناس كذلك
اميره:نجكلي..وحظنتها
جنات:احظان وضحك وهذا كله من ورنا😒
اميره:تعالي معنا خشي..وخشت معهم جنات
جنات:بعدت من عليهم..شنو هذا يا اميره باقيه سمينه حرام عليك..معش عرفت نحظنكم كويس
اميره:بصدمه..انا يلي سمينه😳
شيماء:تضحك بصوت واطي😂
جنات:اها سمينه بكل اخر
اميره:انا يلي سمينه ولا انتي
جنات:هو حتى انا سمينه بس انتي اسمن مني
اميره:بالعكس انا باقيه ناقصه من الفرح
شيماء:اهييييي علينا..خلاص انتي وياها…اميره جنات تبصر معك انتي لا سمينه لاشي
اميره:تنهدت براحه…ريحتيني
جنات:هبله صدقتني😂
اميره:تعالو نقعد جانب ايناس
جنات،شيماء:هي
___________________________
يوم الفرح

كانت الاجواء من اروع ما يكون خصوصاً ان الفرح في حديقه كبيره كلها ورد ..وطولات لونهم ابيض وبالاونات بنفسجيات..المسرح كان منظره رومانسي ومتزيان بطريقه حلوه❤️

اميره:كانت لبسه فستان لونه وردي قصير كان مطلعه كيف البيبي

بعد مرور نص ساعه الناس بدات تجي والحديقه بدات تمتله..والاجواء خياليه..حتى شيماء وجنات جو ومعهم سعاد❤️شوي وخشت ايناس بي فيلوه البسيط يلي كان كله ابيض في ابيض وبطرحه طويله وشعرها مفتوح..بدات اجواء الفرح والرقص والاغاني والناس فرحانه وتراقص وجوهم تمام وكذلك شيماء بس فجأ
شيماء:ايوه طلال مانسمعش فيك…اصبر خليني نطلع من الدوشه…ها الو نسمع فيك توه كنك
طلال:يحكي بتعب…انا برا في سياره تعالي بسرعه حس روحي مريض
شيماء:بخوف..تمام تمام نلبس بس
طلال:اه شيماء ماتقوليش الامي ولا لاي حد حاجه باهي
شيماء:باه تمام…وصكرت…خشت جوا تلبس في العبايه
سعاد:تحكي بصوت عالي عشان شيماء تسمعها..وين ماشيه
شيماء:فهمتها…ماشيه مع اميره انسعدهم في الكوجينه ولبست العبايه خايفه حد يخش فجأ
سعاد:باهي تمام
شيماء:خذات الخمار وطلعت بسرعه
طلال:اول ماشافها طلعت نزال راكبها لسياره
شيماء:رافعت الخمار…طلال كنك في ايش تحس خلينا نمشو للمستشفى
طلال:يضحك…اهدي اهدي..انا تمام..نبي ننفراد بيك بس..وماسك يدها وباسها
شيماء:كيف😳
طلال:والع السياره…توه تفهمي في الحوش😉
____________________
شيماء:اهو في الحوش نحن هي احكي
طلال:شوفي وراك قبل
شيماء:شافت وراها..وتفاجات بالتورته والورد والشموع ومكتوب ع تورته كل عيد وانتي معي❤️
شيماء:عيونها دموع…مذكر عيد ميلادي🥺
طلال:قرب منها..هو في حد ينسى عيد ميلاد حبيبته…كل سنه وانتي طيبه
شيماء:حظنته…كل سنه وانا معك
طلال:نبي نعوضك عن كل شي شافتيه معي من اول ماجوزنا لعند يوم الحادث
شيماء:حطت يدها ع فمه..اشششششش مانبيش منك شي غير انك تحبني..تحبني وبس
طلال:ابتسم…نحبك❤️
شيماء:بالمناسبه هذي عندي لك خبر حلو
طلال:ايش هو
شيماء:قربت من وذنه…انا حامل
طلال:تحكي جد😳
شيماء:هزات راسها بمعنى اها
طلال:يعني انا حنكون اب
شيماء:واحلى اب اخر🥺
طلال:حظنها بقوه…احلى خبر نسمعه في حياتي
شيماء:شافت مافاجاتي انا احلى كيف من مافاجاتك..انا مافجعتكش علي زي ما انت دارت
طلال:يضحك…ماكنش في خيار قدامي غير هك..توه سيبك مني خلينا فيك❤️طالعه حلوه اليوم
شيماء:حظنته..نبي نقعد في حظنك طول العمر
طلال:وانا كلي ع بعضي لك❤️
شيماء،طلال:في نفس الوقت…نحبكَ نحبكِ
شيماء:ضحكت…قالنها في نفس الوقت
طلال:نحبكِ
شيماء:نحبكَ❤️….النهايه

عمرها ماكانت الحاجه المغصوب عليها مش كويسه لك او ماتنفعكش..مرات تكون ماتبيهش في البدايه بس بعد فتره حتحبها واتعود عليها..زي مادارت سعاد مع عويلها الاثنين غصبتهم ع الجواز يعني تبي تعيش مع الشخص الثاني عمر بحاله..بس هي ك ام كانت متاكده ان خياره كان صح..بس بالنسبه لاسراء لعند اليوم وهي وندمان عليه..عشان هكي لما تجو تبو تجوزو..اجوزو يلي انتو تحبهُ وهو يحبكم غير هكي لا❤️

في ناس واجد تحب الطرف الثاني بعد الجواز مش شرط قبل الجواز..فالذلك انتي تعملي باسلوبك وع طبيعتك❤️ماتمشيش تسحري وديري اسحار لان وربي حيجي يوم السحر ينقلب ع الساحر زي ماصار مع اسراء🔥

يمكن يكون واخذك عشان انتي معش ليك حد في الدنيا ويعامل فيك بطريقه مش حلوه..وانتي ماعندك ماديري..لانك تحبيه وتشوفي فيه اب وام واخ وسند لك…بس برغم هذا كله لما كان يطيح ماكنش يلقى شخص ثاني واقف معه الا انتي..زي ماصار مع طلال..رغم معاملته الشيماء في البدايه الا ان كان لما يطيح مايلكش غيرها..ويمكن الشي هذا يلي خاله يحبها❤️ولو بعد تعاب لها

شيماء في البدايه تحملت وصبرت وبكت💔هذا كله بس عشان تحب طلال وماتبيش تبعد عنه..كانت لما تشوف معاملة طلال الاسراء تبكي وتحس بالنقص في روحها..ماكنتش تعرف ان هذا كله من السحر..وان يلي يدير فيه طلال من وراه قلبه…وعشان هكي ربي عوضها من جديد وطلال توه مايتحمل فيها حاجه بذات بعد جات بنت❤️وسموها لين

جنات البنت الواثقه من نفسها والجرئيه يلي صبات مع شيماء..وهي الوحيده يلي كانت اتصبر فيها عن كل شي..اليوم استلمت شهادتها..وبمجموع عالي..وخطوبتها الاسبوع الجاي من زميله يلي يقرا معها❤️محلاها لما تكون عندك بنت عم وتصبي معك في الضيق قبل الفرح

مافيش احسن من الاصحاب يلي يصبو معك بدون مقابل ولا غش..ولا حتى يكون متشمت فيك..زي اسامه مثلاً..كان واقف مع امير في اوقات حياته المره قبل الحلوه💙فعلاً هكي الصحابه يابلاش🔥

اميره رغم كل شي عشاته مع وهبي والحب يلي عطاته له الا هو عطاها خيانه وخداع..تعبت في الاول بسببه واجد..وحتى انها درات كم مره مشكله مع امير بسببه..بس قدرت انه تنسه وتبدا حياتها مع امير❤️رغم كل شي صار معها..وتوه حالياً حامل في شهر 8 بولد

امير رغم ان خذا اميره عصب عنه الا ان حبها..حبها برغم كان عارف بي ماضيها مع وهبي..بس كان عارف ان هي الضيحه وان هي المضحوك عليها💔حبها رغم ان وهبي حاول كم مره ان يخرب بينهم الا ان ماقدرش..لان امير ماسمحلش بهكي…وحب اميره وصانها رغم كل شي❤️

وفي النهايه حبيت انقوللكم ان مهم صار معك ومهم قومتي الحب مش حتقدري قدامه وحيغلبك ويفوز الحب❤️

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى