عزوزتي الحرفه للكاتبه فاطمه سالم 2020 | القلم الناجح
روايات ليبيه كاملة

عزوزتي الحرفه للكاتبه فاطمه سالم 2020

جميع حقوق الطبع والنشر محفوظة

#عزوزتي_الحرفةه
الحلقـةه:الاولى
بقلم فاطمه سالم
………
……
الحٌب أحلى حاجةٌ ع فكرةّ !
آحلى شعٌور ممكن يجربه آي شخص بنت أو ولد ♥️، الحٌب آحلى شعور تعيشّـه بالدِنيا لما يكٌون مع الشخصٌ الصح الليّ يحبك و شآريك ، مع الشخصٌ اللي يفهمك و يفهمٌ روحك ،♥️
مع الشخص الواعـيّ والليّ عارف يصٌون اللي حبّه قلبه،
فـَ مش على خآطر حٌب فاشل و تجربٌة فشلت منك بالماضّي تخليكَ إدمٌ في الحٌـب و كل علآقة حب تشوفها ح تنتهـي بالفشل!

” بـلآش تشويّه سمعة الحٌب بسببٌ شخصيّ يرجعلك ”
….
انـي..عشت في محـنةه وتعب وجتني طعنـةه من الاقرب الاقربون..تعالو نحكيلكم قصتي…

……
اني :عمتـي هوينا البوريك والبيتزا طابو والكسكسي طاب كيف طفيت عليـه والبصلـةه …. وكل شي جاهز حتى من السلاطات غر على الحطان بس

عزوزتي بتهكم :به باه….و على وين يا حنه مسرزه روحك وقاشطـةه هالقفطان!

اني كتمت غضبي وتعودت من الشيطان وقعدت نطربق في صوابعي بعصبـيةه :اححح مش مطـولةه هاني اهني ماشيـةه حوش هلـي نتوقهم ونجي ليا شهـر ما شفتهـم وهما خـطيوةه

عزوزتي قـارنـةه حواجبها :وخيرك تنتوري كوليني وخلاص

اني قصرت الشر وقعدت نواسي في وشـاحي على الانتـري وهي تشبحلي وتلقح…..لين طلعـت وهـي ترحـي…..واني ماشيـةه من الـزنقةه تالا البيستا لمحـت جـارتي “رجعـةه”..ومعاهـا عزوز وقالـت

رجعـةه :فـي تـقازة هنا ” شباحـةه “.. شن رايـك نمشـولها

العزوز :تعرفي الحـاجـةه نوريـةه”عزوزتـي”واصلتلها مـن كنتهـا لشيطـان الـرجيم

رجعـةه :ياودي نقولك الحق الحـاجةه نوريـةه ما تنخشـش مانـي عـارفـةه كيف ساكتـةه كنتـها

العزوز :هي عنـدها راس فرفوط ماحصـلاته الا بعد طلـوع الـروح وغـايرةه عليه اللا… وبيني وبينك عاد!

رجعـةه بي استغراب :كيف عاد ما يطـلعش مـن هالـزنقةه

العـزوز خدت ايد رجـعةه :هاتي عشـرتك… قالت يـاحنةه نوريـةه كنتها بوها يخـدم تـارزي وهـي خاشـةه على طمـع

رجعـةه بشهـقـةه :حييي وهي ياحنـه لابسـةه هدوكـا الحـدايد الذهب تقول ايش وتشحـط وتشقـلع حاسـبةه رويحـتها بنـت السي البي

العـزوز :ايح قالك مشية كلمتها على كبير قـبل صـغير

رجـعةه :لواه لواه قـادرةه شورها

العزوز:هادا المستدعـي ما يتوبش

رجـعةه :اي والله… قتلك هيا هيا نمشو قـبل ما يمغرب المـغرب

العزوز :هيا يا حنه هي

……..
واني قعدت واقفـةه في مكـاني… هدا كله تقـول فيـه عزوزتي عليا؟…. غر شن دايـرةه تحت ربي بس…. كملت طريقي للحوش هلي واني دمـوعي جـرارةه ….ووصلـت لحـوش هلي وقعدت نطقطق بالقوه… وفتحتلي امي وهي مصدومه من حـالتي

امي :خيرك العفو خيرررك

اني بشهقه:بنطللق يما خلاص معاش نقدر نتحمل العيشه مع هالعزوز

امي:ستر الله باقي…تي غر خشي الناس يسمعوا فيك خشي

خشيت و خلاص فديت من هالعيشه… وشوي وتلمدو عليا خواتي الستـةه

ميادةه :خيرك سمـيرةه

عيشه :اكيد من هالعزوز الشر كالعاده

فاديه:اففف منها قداش خاطري نقتلها

دلال :اسكني يابنت بروحك وفكك من هالعيشه الحرفه

فدوى :كل مره حاجه لين تجيبلك ضرة فوق راسك

تهاني :تي غر خلو البنت تحكي وانتم استلمتوها

امي حضنتني:صبي صبي انتي وياها جيبو مايه لي وخيتكم وانتم تزيدو فيها… “وشبحتلي وطبطب عليا “… خلاص خلاص لا تخافك بنيتي لا تخافك غر قوليلي شن في خلي نكلمها

اني فزيت من حضنها بخوف :لالا الله يربحك يما ما تكلميهاش تو تزيد هي على ما بيا فكيني منها ومن شرها

امي :تي باهي غر احكي شن في على اقل نكون على بينه

اني بديت مره نحكي ومره نبكي من كثر ما خاطري مليان والوقت فات بدون ما نحس لين شوي وسمعنا صوت تطقطيق..

امي :صبي مياده افتحي

مياده ناضت :اففف كل شي فوق راسي اوف منكم اففف

وشوي ونسمع في صوت راجلي

راجلي ” مصباح” خاش يكشخ:وينها كلبه لي طالعه لا حسيب لا رقيب

امي :يهديك الهادي يا وليدي يهديك الهادي… غر قعمز وصلي على النبي

مصباح :بنتك الموصونـةه طالعه بلا شيرة حد

اني بعصبيه :قلت لي امك ..خلاص عاد راك حمضتها

مصباح قارن حواجبه:زيدي وكثري يا سميره زيدي وكثري… ومخليه بناتك بروحهم وامي تعاني واطيب

اني :تي شن تقول انت شن تقول يعبو فيك كيف برميل وجايني غوله وفي ايدها غربال

مصباح :ريتي بنتك ياعمتي ريتي… باهي باه حسابك مش تو بعدين باااهي بااه

اني:من البغدد بغددتوني قهرتوني….الله لا يربحكم لا دنيا لا اخرة

مصباح :…. يتبع

حقوق النشر محفوظةه🍃🌸
….
زعما شن ح يصير؟… زعما مصباح يطلق سميرةه بعد لي صار 🤔.. توقعاتكم

اترك رد

زر الذهاب إلى الأعلى