رواية قصر الشياطين للكاتبة الاء التاج الحلقة الاخيرة | القلم الناجح
روايات ليبيه كاملة

رواية قصر الشياطين للكاتبة الاء التاج الحلقة الاخيرة

قصر الشياطين الحلقة الاخيرة

رواية:#قصر_الشياطين 🔥
للكاتبة:#الاء_التاج
الحلقة:#20 #الحلقة_الاخيرة

يوم الخميس___________🔥

لبست وصال عبايتها وطلعت شناطيها جتها دانيا تجري وتبكي________🔥

دانيا:لييش هكي مش متوقعة يصير الشئ هذا بكل

وصال:معاش تبكي اني معاك

دانيا:طلعتي لاحنة ولا عرس كيف تبيني مانبكيش

وصال:حصل خير كم يوم ندور شقة قريبة منا وتنتقلي فيها

دانيا:انشاء الله خير

وصال:تعيشي معاي

دانيا:لامستحيل نعيش مع مجرم وصال بالله اقعدي ديري اي شى💔

وصال:خلاص الفاتحة قروها

طلعت وصال من الجناح مشت لجناح ريناد وعواطف_________🔥

عواطف:شن تديري من بدري عيونك قي التلفون

ريناد:نهدرز في غيث

عواطف:شايفتك رايقة وجوو ربي يتمم على خير😉

ريناد:بلا برادة

دق دق_____________🔥

وصال:ممكن ندخل لوسمحتن

ريناد:تفضلي

وصال:جيت نسلم عليكم وبنمشي

عواطف:اهاا مبروك

ريناد:مبرووك

وصال:يبارك فيكن

ريناد:ملامحك يقولن انك ماتبيش تتزوجي😶

وصال:لالا عادي بس جيتكن لموضوع

عواطف:شن هوو؟!

وصال:شكرا لان تحملتوني اني واختي جدكم كويس بكل ياريت جدي حيي ماتضيعوش اي لحظة مع جدكم لان بعد وقت تندمن ريناد اني ماكلمتش كرم ساعدني وجابلي اختي اني مديونة ليه بشكر كبير لان جابلي اختي يلي بقت من اهلي انشاء الله نكون مش مدايرة شئ يزعجكن

ريناد:لاحبيبتي ولايهمك

وصال:ياريت الفترة يلي فاتت كنا صاحبات الصراحة مجربتش الشعور هذا انشاء الله تكونوا مش واخدين فكرة مش كويسة علينا

عواطف:ولايهمك حصل خير انشاء الله

وصال:طلب صغير ردن بالكن من اختي كم يوم وبتنتقل من هنا صح حركاتها زي الصغار وهبلة بس كويسة

ريناد:اختك في الحفظ والصون متخافيش عليها

وصال:بسلامة

طلعت وصال من الجناح وريناد تبي تتأسفلها بس مقدرتش وضميرها يأنب فيها نزلت وصال بخاطر مكسور لقت كرم في الحديقة مقعمز يبكي من دون صوت شافها وهي واقفة تتفرج عليه وعيونها يدمعوا بس وقف وتقرب منها__________🔥

كرم:انحرمت من اللحظة يلي بنعترفلك ع اساس بنطلع معاك وبنعترفلك بمشاعري بس انقلب كل شئ

وصال:باي كرم

كرم:انتي متأكدة من يلي تديري فيه ماتوافقيش؟!

وصال:خلاص اني تزوجت توا والفاتحة نقرت

كرم:معاش تقولي تزوجت قلبي يحرق فيا💔

وصال:اهتم بنفسك بسلامة

كرم:بس انتي متبيش واضح عليك تبكي

جي معاذ وقف سيارته وقرب من وصال خدي يدها وركبها في السيارة وكرم متأثر شخص تحبه يجي حد ياخده منك بكل ثقة___________🔥

___________💎القلم الماسي💎__________

__________👑الاء التاج👑_____________

ادهم:تشربي نسكافي معاي في الحديقة😄

دانيا:باهي

ادهم:ممكن نخليك تضحكي توا بخبر مني

دانيا:شن هو

ادهم:شوية بس نكمل يلي في يدي ونخبرك

قعمزوا دانيا وادهم في الحديقة وكان ادهم فرحان لان في خبر اما دانيا عكسه مضايقة وتفكر في قرار اختها________🔥

ادهم:عارف شعورك معاك حق!

دانيا:نبي نشوف اختي بالابيض نبي نفرح بيها قرار تهور هذا

ادهم:صح بس هي مضايقة على اهلكم وظروفكم مخاطرهاش تدير عرس بدونهم

دانيا:اه وخلاص🔥

ادهم:معاذ قريبكم صح

دانيا:ايي

ادهم:خلاص هي معاه وكويس ان قريبها متخافيش عليها

دانيا:اييي💔

قالت دانيا ايي بدون نية متقدرش تخبر على معاذ يمكن يقتل اختها ويهرب والكل يعرف ان محد يقدر عليه______🔥

ادهم:المهم اني فرحان

دانيا:شاركني فرحت نبي نفرح

ادهم:قلبي بدأ ينبض من جديد

دانيا:اي كان واقف هو راه متت بلا هبال

ادهم:هههه لا نقصد ان نبي بنت

دانيا:اهاا من هي😶🔥

ادهم:بوي موافق من اول ماتكلمت وامي حتى هي قالتلي اول مرة من بعد 3 سنوات نشوفك فرحان مع البنت هذي

دانيا:من هي باهي نبي نعرف

ادهم:وخيره الفضول قاتلك

دانيا:اهااا باه منبيش نعرف!!!!

ادهم:نبصر معاك اني منعرفش نعترف لبنت بكل بس ممكن نقولك

دانيا:من هي

ادهم:دانيا خليك واضحة معاي مشاعري اتجاهك واضحات من افعالي لان منضحكش الا معاك

دانيا:يعنيي!

ادهم:مشاعري واضحات منعرفش نعترفلك بمشاعري اني حبيتك تقدري تبادليني نفس المشاعر😶

دانيا:شنوووو

ادهم:قلت شئ غلط!؟

دانيا وجهها احمر: الصراحة اول مرة يعترفلي ولد قدامي قبل مراسلة وجوو

ادهم:ايي جاوبي على سؤالي

دانيا:خلينا ساكتين ونتفرجوا لاني متحشمة

ادهم:باهي جاوبي سؤالي

دانيا:ايييي الصراحة من اول يوم شفتك فيه وضحكت على طولي!!

وهكذا بدت قصة ادهم ودانيا صح متحشمين باعتراف مشاعرهم لبعض بس فهموا بعض من كلمة________🔥

______________

معاذ:هيا تعالي تعشي

وصال:منبيش!!

معاذ:باهي على الاقل قعمزي جنبي

وصال:ومعنديش نية نقعمز جنبك

معاذ:انتي خيرك تعصبي فياا!!!

وصال:هذا كله وماتبينيش نعصب يكفي انك تزوجتني معاش تطلب مني ان نقعمز جنبك ولا نهدرز معاك🔥

معاذ:لا تجاوزتي الحدود اني معااذ راه وانتي عارفة

وصال:لا نحسابة واحد ثاني خليك بعييد عني

تعصب معاذ والنار والعة في عيونه طيحها وبدأ يضرب فيها لعند عرف انها معاش تتحمل وشافها تبكي قرب جنبها مسك يدها__________🔥

معاذ:وصااال اني….

وصال بصوت عالي:اطلع برا اطلع اطلع منبيش نشوف وجهك💔

طلع معاذ رقد في الصالة اما وصال مسحت الدم من وجهها ويديها من الضرب ورقدت تبكي وحاضنة صورة اهلها________🔥

اليوم الثاني________🔥

معاذ:اليوم بنمشوا لأمي بتشوفك الساعة 12 تكوني جاهزة

وصال:العشية الناس تمشي مش توا؟!!

معاذ:انييي قلت الساعة 12 كلامي وااضح

__________

شهرزاد:قنعني انور مش سأل عليهم قال كويسات بكل واهلهم كويسين وكانوا بيجوا هنا بيكملن قرايتهن بس صار الحاذث قالوا حد معرفوشي قتل باتهم وامهم وقالوا ان البنات هربن بس مقالش انور عليهم ممكن يفهمونا غلط

حنين:اييي معاه حق وشن اقتنعتي

شهرزاد:الصراحة ادهم فرحان وانور فرحان لفرحته هذي ورد زي قبل فرحان باهي نحاول نقترب منها ونحاول نحبها

حنين:اي تعرفي لولا وصال راه ضغطي تفجر لانه عالي بكل لولاها راه متت تعرفي ضميري يأنب فيا انشاء البه غير تسامحني

شهرزاد:شن كرم وينها بسنألك خيره مضايق وراقد وخلاص

حنين:والله مشعارفة شكله على وصال ياناري قلبي يحرق فيا انشاء الله ربي
حنين:والله مشعارفة شكله على وصال ياناري قلبي يحرق فيا انشاء الله ربي يعوضة والله ماكنت نعلم ضني صفرر بالناس

فاطمة:يااااي الجانب الحنون منكن طلعتوا عليهن

حنين:البنات سألنا عليهن وكويسات

فاطمة:هههه تو نشوفوا

_____________

سعاد:اهليين بكنتي الجديدة كيف حالك

وصال:اهلين الحمدلله

سعاد:خيره وجهك هكي فيه جروح معليشي ولدي راجل وميحبش البنت البايرة😉

وصال:شن!!

سعاد:ولدي بتتغدى معانا

معاذ:بنمشي بنسلم على بوي وبنقعد مه الشباب هنا

سعاد:اهاا تمام وصال سلمي على سلفاتك وتعالي ديري غدي

خشت وصال سلمت على السلفات لابسات والحوش حايس ويتكلمن عليها ووصال مش قادرة ترد متعرفهمش ومستغربة وخايفة والاوامر جايات من سعاد ولو دارت غلط معاذ يضربها ضمت والحوش ودارت الغدي في العشية جي معاذ بيروح بيها وهما قدام الحوش_____________🔥

وصال:معاذ نطلب منك طلب

معاذ:اطلبي طلبين باهي يلي تكلمتي معاي

وصال:ترفعني نشوف دانيا بالله عليك خمس دقائق بس

معاذ:لالا مفيش للحوش طول

وصال:بالله عليك متعودة عليها كل يوم معاي بالله شوية بس نشوفها ونروح

معاذ:باه😤

لما وصلوا للقصر نزلت ومسك معاذ يدها بالقوة______🔥

معاذ:تعرفي نلقاك مع كرم ليلتك سودة وحق ربي نقتلك من الضرب نعلقك في باب الشقة🔥

شافتله وصال بنظرة حزن وانتقام ومشت تجري داخل بدت واقفة لعند جتها ريناد_______🔥

ريناد:اهلين وصال كيف حالك

وصال:تمام وانتي

ريناد:تمام بس باين عليك تكذبي تاعبة بكل شن فيك!

دانيا:وصااال اختي جيتي

حضنت وصال اختها:اي جيت كيف حالك دانيا

دانيا:تمام شن الجروح هذيم

وصال:لا نجرحت من المرايا

دانيا:كذابة ومش مصدقة

وصال:دانيا خلاص

فاطمة:مسرع ماجيتي خير ماقعدتي في شقتم امس بس تزوجتي راه

ريناد:ماما خلاص

فاطمة:المهم امتى اختك بتطلع من هنا

ريناد:تفضلي وصال قعمزي تعالي دانيا

اتصل بيها معاذ وقاللها اطلعي طلعت ودانيا تمشي بشوية وراها لقت كرم وهي طالعة مسك يدها______🔥

كرم:وجهك؟!!

وصال:مفيشي شئ نجرحك بسلامة

كرم:كذابة بلاش كذب اني نفهم مش عيل!

وصال:خليك بعيد عني هكي تخلي فيا في خطر

جي معاذ يجري مسك يد وصال وشاف لكرم بنظرة استحقار________🔥

معاذ:هذي مرتي اما انتي براني غرييب دور غيرها

مشوا معاذ ووصال اما كرم ودانيا واقفين من شكل وصال معاش قدروا يتجاهلوا الشئ يلي قاعد يصير_______🔥

كرم:يضرب فيها واضح

دانيا:عندك حل؟!

كرم:اني بنلحق السيارة باش نعرف مكان الشقة

دانيا:تمام بشوية ردي بالك من الطريق

كرم:ولايهمك

مشي كرم في السيارة وراهم وعرف مكان الشقة وفي الليل بيقتحم الشقة______🔥

في الليل____🔥

معاذ:قتلك اني متكلميشي صح؟!!

وصال:خلاص ارحمني جسمي جروح كله سادك قتلت اهلي شن مزال تبي؟!!

معاذ:معاش تردي عليااا

بدا يضرب فيها لعند دفها على المرايا نكسرت ونجرحت وصال داخت من قوة الضرب والجروح العميقة اما معاذ قعمز في الصالة وقعد يشرب زي المريض ميعلمش ان الجاي اقوى________🔥

___________💎القلم الماسي💎__________

__________👑الاء التاج👑_____________

دانيا:كررم بتمشي تواا

كرم:اي توا

دانيا:بنمشي معاك والنبي

كرم:لالا يصيرلك شئ وانتي هبلة منقدرش

مشي كرم ركب في السيارة بدت تجري لعند خبطت في ادهم________🔥

ادهم:شن فيه خيرك

دانيا:بنمشي معا كرم قالي لا بالله ارفعني

ادهم:ليش شن فيه

دانيا:نحكيلك لما نمشوا هيا موضوع خطير

ادهم:هيا تعالي نلحقوا كرم بسرعة

وصل كرم للشقة وكان خايف بكل تذكر وصال نسى كل الخوف دق الباب وفتحله معاذ وكرم ضربه على وجهه طاح وناض يضربوا في بعض وكرم بصوت عالي وين وصال وسمعت وصال صوت كرم حاولت تنوض بس مقدرتش من وجعها معاذ ضرب كرم وطاح ومعاذ مشي يجري سكر الباب بالمفتاح على وصال ________🔥

كرم:وين وصال

معاذ:مادخلكش بيها لوين تبي توصل جاي هنا

ادهم:سيب كرم ياعديم الاخلاق

معاذ:اهلا وانت من!!

ادهم:ولد خالته

بدا ادهم يضرب في معاذ ناض كرم بخطوات بطيئة لعند وقف ولقي في الصالة حبوب عرفه ان يشرب_______🔥

كرم:ادهم هذا يتعاطى ويشرب امسكه بالله لعند ناخد وصال

داينا:اه وين وصال قووولوا

دفع كرم الباب بالقوية لعند نفتح الباب لقي وصال دايخة رفعها وطلع بيها برا ودانيا تبكي بقوة خايفة على اختها خايفة يصيرلها شئ لانها الوحيدة يلي بقت من اهلها وصال بصوت خفيف______🔥

وصال:ههذا هوو

كرم:من هو مفهمتش

وصال:يلي قتل اهلي

كرم بعصبية:ككيف ليش مقلتيش من الاول

ادهم:امشي بيها للمستشفى وهذا التافهه بنقله للسجن ونحكي القضية

كرم:تقدره بروحك

ادهم:اي دايخ

دانيا:معاش عرف معا من نمشي

ادهم:امشي مع اختك

معاذ رفعوه للسجن ورفعوا عليه قضية قتل بشعة ووصاب في المستشفى ناضت من الدوخة يلي صارتلها ونظفوا الجروح يلي تعرضت ليها شوية وخش كرم وادهم وودانيا تجري حضنت اختها وتبكي________🔥

دانيا:كنت عارفة وحاسة بيك ان التافهه هذا يضرب فيك

كرم:ليش ماقلتيش من الاول ليش درتي في نفسك هكي وفيا اني ليش💔

وصال:خيريني لو رفصت بيقتلك انت ودانيا واني مقدرتش نرفض نشوفكم ميتين قدامي

دانيا:ياررروحي انتي💔

ادهم:وصاال كرم يبي يقولك شئ بس حركاتكم واضحة كرم تكلم

كرم:واااه وصال واضح كل شئ مش لازم نعترفلك انتي واضحة

دانيا:هههه تتحشم زي ادهم لما اعترفلي

وصال:لحظة بس انتم الاثنين😶

دانيا:اي اي

وصال:اسفة بس اهلهم مش قابلينا

ادهم:لا كلهم اقتنعوا بيكم في لحظة هم الغالطين

كرم:وصال فهمتي قصدي الصراحة اني حبيتك لانك ديما تنصحي فيا وغيرتيني للأفضل وبساطتك هي جبدتني ليك

وصال:من يلي ميقدرش يحبك؟!!

ادهم:مبرروك ولد خالتي😄

تسريع للاحداث_______🔥

وصال ودانيا روحوا للقصر وكلهم استقبلوهم من جديد كرم فرحان لرجوع وصال الجد فرحان لان بجد تغير كل شئ الخالات تغيرت وجهه نظرهم للناس وريناد ووصال تغيرن وقربن اكثر من جدهن اما فاطمة قاعدة نفسها ماتغيرتش ابداً ريناد بدت تتقرب من غيث ومحمد ديما مستغل يجي لعواطف باش يفهمها ويقرب منها اكثر بعد جهد من ولاد الجد اسماعيل ورجال بناته ردت الشركة زي قبل بعد جهد
بعد جهد كبير بعد فترة داروا عرس وصال ودانيا بس قبل مايدخلوا للحفلة مشوا للريف شافوها من بعيد ونزل كرم سألهم عن قبر ام واب وصاب ودانيا ومشوا ليه نزلن البنات مسكن يد بعض وقربن من القبر_________🔥

وصال:بابا ماما احني بنتزوجوا ياريتكم معانا توا

دانيا:تصدقوا فتنا بمصاعب كبيرة بس تأكدنا ان المصايب تتحول لفرح في لحظة

وصال:الحمدلله خدينا حقكم وحقنا وحنكملوا مسيرتنا في قرايتنا كيف ماتوصوا فينا عليها

دانيا:الله يرحمكم مش بالساهل ان نكتم دموعي

بدت وصال ودانيا يبكن ركبوا في السيارة عدلوا مكياجهم وتذكرن ان مكان الاهل في القلب لو خدتهم الموت استحالة تاخدهم من قلبهم_______🔥

النصحية من الرواية_____🔥

اي شخص ماتعرفوشي ماتحكمش عليه انه كويس ولا مش كويس اي عدد مجهول ليه قيمة تذكروها ديما

الشخص يلي تكره رد بالك تخليك قاسي معاه مرات الشخص هذا في يوم يحل ليك مشكلة يساعدك في وقت ماحد فيه معاك ينقدك من الموت معاش تكرهوا حد من دون سبب لو دارلك شئ مش كويس ليك الحق تكره اما من دون سبب لا !!

المصايب يلي تجيك وتقعد مضايق منهم صدقوني المصايب هذيم نقطة تحول لشئ جديد لما تمشي المصايب بتخليك ليك شئ جميل بعد صبرك في فترتها زي وصال ودانيا قالوا عليهم مصايب بس لولاهم راه قعد نظامهم الاول العركة بين الاحفاد والجد

عمرك ماتعترفي لولد بكل ولا تتقربي منه وتضايقيه بكل ولا تجري وراهم خليهم هما يلي يجروا وراك

وديما بعد ضيق وظلام لازم تخلي قلبك ينبض بحياة جديدة تتناغم فيها مع الحياة أكثر كل يوم تعيشه لنفسك ماتحرموش نفسكم من شئ تحبه او شئ تجربه واستغلوا الفرص دائماً🌷

النهاية______🔥

انحبكم❤

•الكاتبة الاء التاج صاحبة القلم الماسي👑💎

اترك رد

زر الذهاب إلى الأعلى