رواية قصر الشياطين للكاتبة الاء التاج الحلقة الثالثة | القلم الناجح
روايات ليبيه كاملة

رواية قصر الشياطين للكاتبة الاء التاج الحلقة الثالثة

رواية:#قصر_الشياطين 🔥
للكاتبة:#الاء_التاج
الحلقة:#3

وصال:تمام💔

مشي كرم وجاب صندوق الادوية وجي___🔥

كرم:اسمعي المطهر يوجع شوية بعدين خلاص باهي

حط المطهر على الجرح وتوجعت وصال مسكت يد كرم بالقوية لعند نجرح___🔥

وصال:اسفة اسفة بس تألمت

كرم:لالا عادي ولا يهمك لازم منه باش ينظف جرحك

بدا ينظف في الجرح والصمت طويل بكل زاعج كرم وقرر يكسر الصمت ويتكلم____🔥

كرم:عارف احساسك توا خايفة ومتحشمة بس اعتبري نفسك منا احني

وصال:تعرف استغل الفترة مع اهلك💔استغل ضحكتهم ولمتهم لان مش معروف اي وقت الموت تاخدهم💔روحنا من العمل متأملين بمستقبلنا في ساعة تغيركل شئ اني توا بلا اهل واختي وينها وينها اختي

كرم:خلاص خلاص معاش تبكي

تبكي وصال بطريقة انهيار وعبرة البكاء يلي تحاول تسكت نفسك بس صوتك وعيونك تفضح فيك هذا بكاء لما تفقد اغلى شخص_____🔥

مسك كرم يد وصال___🔥

كرم:هكي تمرضي في نفسك وعد مني تلاقي اختك بس معاش تبكي وجهك احمر بكل ساااد

وصال:ماما بابا ااااااه💔💔💔💔

كرم في عقله:قطعتيلي قلبي مسكينة😔

تحشم كرم وحط يديه على كتوفها___🔥

كرم:خلاص اني وعدتك تو نجيبلك اختك متقعديش ضعيفة انتي كل شئ بالنسبة لأختك توا باهي لازم تسانديها وامك وبوك ادعيلهم وصدقي عليهم الموت كبنا بنمشولها مفيش مهرب

وصال:شكراً بارك الله فيك

كرم:تصبحي على خير ارقدي كويس باين عليك مرهقة

وصال:وانتي بخير، انشاء الله

___________💎القلم الماسي💎__________

__________👑الاء التاج👑_____________

مشت وصال للجناح متاعها وكرم مشي لجناحه___🔥

ادهم:هيا بنلعبوا ببجي

كرم:بنرقد

ادهم:غررريبة يا ناس كرم المنحرف يرقد بدري🙂

كرم:البنت شن رايك فيها زي الطفلة صح؟

ادهم:الصراحة انت عارف المواصفات البنت يلي نبيها❤

كرم:اي في الاحلام تلقاها قصيرة وهبلة وجوها سمح وزي الطفلة وووووو🙂

ادهم:مشعارفة نحس ان بنلقاها قريب نحس بالشئ قبل مايصير

كرم:النبي تمرقد هيااا

ادهم:ساد بنات تكلم فيهم عرم استقر يا ولد انت نهايتك ريناد🙂

كرم:عينك وانت نهايتك عواطف اختها🙂

ادهم:دراه كبد ارقد سحيقة😂

كرم:تسحقك خزي تفو زعلت🙂

ادهم:ههه انت تزعل نبصر عليك وليد خالتي خويا التافهه

كرم:خيتي سلمه التافهه

ادهم:معاش تتكلم زي البنات

كرم:ارقد

كرم قعد يشوف لجرح يده من وصال____🔥

كرم:تهبل البنت باين عليها كويسة؟!! الجرح يقعد ذكرى😆حي عليا وعدتها ربي يستر متاع مشاكل اني رسمي

___________💎القلم الماسي💎__________

__________👑الاء التاج👑_____________

ريناد:شن رايك في البنت حلوة صح

عواطف:اي جدي عاطيها قيمة اكبر منها

ريناد:اهم شئ متقربش من كرم

عواطف:حي عليها لو تقرب من ادهم بسس

ريناد:تو نتفاهموا مع ماما ارقدي

_________

الصبح🌧

دق دق🚪

وصال:تفضل

الجد اسماعيل:صباح الخير يا بنتي رقدتي كويس؟

وصال:صباح النور اي الحمدلله

اسماعيل:الفطور جاهز انزلي افطري معانا معاش تخافي احني زي عيلتك هيا انزلي

وصال:انشاء الله

_____

نزلت وصال وقعمزت تفطر معاهم بكامل الهدوء لكن الثلاتي مش ناويات على خير____🔥

حنين:غريبة نايضين بكري قبل تنوضوا متأخر ومتقعدوش في القصر بكل🤨

كرم:قلنا لما بنروحوا من السفر بينغيروا الروتين ولا ممنوع🙂

اسماعيل:اي احفادي بيكبروا وبيشتغلوا على نفسهم في شن مضايقك🙂

حنين:لا شئ🙄

اسماعيل:كملي وصال خيرك

وصال:لا الحمدلله شبعت صحة

ناضت وصال مشت للمطبخ_________🔥

فاطمة:واخدة راحتها وبزيادة🤨

اسماعيل:البنت مدارتش شئ خيرك انتي قاعدة على قلبك

شهرزاد:باهي امتى بتمشي تعرف احني اغنياء مرات هي ناوية على شئ متندريش من قال ان قصتها صح ولالا

كرم:لالا البنت عندها جروح ومن العياط رايحة ذابلة مش لهدرجة خالتي

اسماعيل:اي صح واني هنا مسؤول عن كل شئ الموضوع هذا معاش تفتحي بنت هذي كيف بنطلقها في الشارع

حنين:تعرف يا كرم تقرب منها معاش يصير خير

كرم:ليش يا امي ساعدتها بس امس

حنين:اني نبهتك مرات تضحك عليك

اسماعيل:خلاااص🤨

_____________

وصال في المطبخ__________🔥

زينة:اهلا انتي ضيفتنا❤

وصال:الله تهبلي كيوت🥺

مدت زينة ايبادها_____________🔥

زينة:خاطري فيها الكيكة هذي تقدري تديرها ليها❤

وصال:حاضر نديرهلك العشية

زينة:تلعبي معايا🥺

وصال:خلاص جيبي العابك وتعالي معاي

طبعاً زينة هذي اخت كرم الصغيرة_____🔥

___________________

في القادمة:

كرم:نساعدك🙂
_____

زينة:المفروض كرم يتزوج وصال عشان….

حنين:شنووو

__________________

يتبع…..🔥

اترك رد

زر الذهاب إلى الأعلى